గోవాడ (అద్దంకి)

గోవాడ (అద్దంకి)
గ్రామం
దేశం	భారతదేశం
రాష్ట్రం	ఆంధ్రప్రదేశ్
జిల్లా	బాపట్ల జిల్లా
మండలం	అద్దంకి మండలం
జనగణాంకాలు
• లింగ నిష్పత్తి	స్త్రీ, పురుష జనాభా వివరాలు లేవు
Area code	+91 ( )
పిన్‌కోడ్

గోవాడ బాపట్ల జిల్లా అద్దంకి మండలం లోని రెెవెన్యూయేతర గ్రామం.

సమీప గ్రామాలు

• ధర్మవరం 1.4 కి.మీ, చినకొత్తపల్లి 2.4 కి.మీ, కొప్పెరపాడు 3.3 కి.మీ, వలపర్ల 4.2 కి.మీ, వల్లపల్లి 5.5 కి.మీ

విద్యుత్తు సౌకర్యo

గోవాడ పంచాయతీ సాధునగర్ వద్ద, 1.3 కోట్ల రూపాయలతో నిర్మించిన 33/11 కె.వి. విద్యుత్తు ఉపకేంద్రాన్ని, 2015,మార్చి-19వ తేదీ నాడు వినియోగంలోనికి తెచ్చారు. ఈ కేంద్రం వలన గోవాడ, చినకొత్తపల్లి, సాధునగర్, శ్రీనివాసనగర్, చక్రాయపాలెం, గోపాలపురం, వెంపరాల, ఉప్పలపాడు, మైలవరం గ్రామాలతో సహా మొత్తం 15 గ్రామాలకు లబ్ధి చేకూరడమేగాక, ఆ గ్రామాలలో లో-వోల్టేజి సమస్య తీరిపోగలదు.

గ్రామ పంచాయతీ

• 2013 జూలైలో ఈ గ్రామ పంచాయతీకి జరిగిన ఎన్నికలలో, పుట్టా పద్మావతీదేవిసాంబశివరావు, సర్పంచిగా ఎన్నికైనారు. ఉపసర్పంచిగా గెల్లా సింగయ్య ఎన్నికైనారు.
• 10 లక్షల రూపాయల ఉపాధి హామీ పథకం నిధులతో, ఈ గ్రామ పంచాయతీకి నూతన భవన నిర్మాణానికై, 2015,నవంబరు-15వ తేదీనాడు శంకుస్థాపన నిర్వహించారు.

దర్శనీయ ప్రదేశాలు/దేవాలయాలు

శ్రీ కోదండరామస్వామివారి ఆలయం

గోవాడ గ్రామంలోని కోదండరామస్వామి వారి ఆలయంలో, శ్రీరామనవమి సందర్భంగా ప్రతి సంవత్సరం, శ్రీ సీతారాముల కళ్యాణం, కన్నులపండువగా నిర్వహించెదరు. భక్తులు అధికసంఖ్యలో పాల్గొంటారు.

శ్రీ పోలేరుమాత - ఆంకాళపరమేశ్వరి - శ్రీ పోతురాజుస్వామివారల ఆలయం

గ్రామస్థులంతా ఏకతాటిపై నిలబడి, 8 లక్షల విరాళాలు సేకరించి, ఈ పురాతన ఆలయాన్ని పునరుద్ధరించినారు. నూతన ఆలయంలో గోపుర శిఖర, కలశ, శిలా విగ్రహ స్థిర ప్రతిష్ఠా మహోత్సవం 2017,జూన్-18వతేదీ ఉదయం 8-01 కి శాస్త్రోక్తంగా, వైభవంగా నిర్వహించినారు. ఈ కార్యక్రమానికి గోవాడతోపాటు, బల్లికురవ, అద్దంకి, సంతమాగులూరు మండలాల నుండి, గ్రామస్థుల బంధువులు పెద్దసంఖ్యలో తరలి వచ్చినారు.

ప్రధాన పంటలు

2013 - గత ఏడాది పసుపు, జొన్న వ్యాపారంలో నష్టాలు చవిచూసి కూరగాయల పంట పండించడానికి పూనుకున్న గ్రామాలలో గోవాడ ఒకటి. గోవాడ రైతులు పండిస్తున్న కూరగాయాల సాగులో ప్రధానమైనవి. టమాటా, వంకాయలు,, బెండకాయలు, దోసకాయలు, కొత్తిమీర, మెంతికూర, ఆకు కూరలు మొదలైనవి.

ప్రధాన వృత్తులు

వ్యవసాయం, వ్యవసాయాధారిత వృత్తులు

గ్రామంలో జన్మించిన ప్రముఖులు

• మాకినేని వెంకయ్య (మాజీ సర్పంచి)
• మాకినేని యేడుకొండలు,- - టిడిపి లీడర్
• యడవల్లి శ్రీనివాసరావు - టిడీపి లీడర్
• పుట్టా బ్రహ్మయ్య - టిడీపి లీడర్