చుంచు యెర్రగుడి

వికీపీడియా నుండి
Jump to navigation Jump to search
చుంచు యెర్రగుడి
—  రెవిన్యూ గ్రామం  —
చుంచు యెర్రగుడి is located in Andhra Pradesh
చుంచు యెర్రగుడి
చుంచు యెర్రగుడి
అక్షాంశ రేఖాంశాలు: Coordinates: 15°30′51″N 77°44′22″E / 15.514301°N 77.739486°E / 15.514301; 77.739486
రాష్ట్రం ఆంధ్ర ప్రదేశ్
జిల్లా కర్నూలు
మండలం క్రిష్ణగిరి
ప్రభుత్వము
 - సర్పంచి
జనాభా (2011)
 - మొత్తం 3,191
 - పురుషుల సంఖ్య 1,621
 - స్త్రీల సంఖ్య 1,570
 - గృహాల సంఖ్య 714
పిన్ కోడ్ 518225
ఎస్.టి.డి కోడ్

చుంచు యెర్రగుడి, కర్నూలు జిల్లా, క్రిష్ణగిరి మండలానికి చెందిన గ్రామము.[1]. చుంచు ఎర్రగుడి అనే ఈ గ్రామం కర్నూలు జిల్లా క్రిష్ణగిరి మండలంలో ఉంది. ఈ గ్రామం కర్నూలు జిల్లా లోనే చాలా పురాతనమైనది. ఈ గ్రామాన్ని మొదటగా చోళులు పరిపాలించారు. ఈ గ్రామంలో చోళులు ఒక గుడిని కట్టించారు. ఇది చాలా పురాతనమైనది. తర్వాతి కాలంలో దీనిని చాళుక్యులు పరిపాలించారు. చాళుక్యుల కాలంలో ఈ గుడి గోపురాన్ని నిర్మించారు. ఈ గుడిని మొత్తం ఒకే రాతితో నిర్మించారు. తర్వాత శ్రీ క్రిష్ణదేవరాయలు పాలించారు వీరి కాలంలో గుడి ముందరి బాగాన్ని నిర్మించారు. ఈ గుడి నిర్మాణంలో హంపి దేవాలయ నిర్మాణ నిపునులు పాల్గొనట్లు చరిత్ర చెపుతుంది. ఇక్కడ శ్రీ క్రిష్ణదేవరాయలు చెక్కించిన చాలా శాసనాలు ఉన్నాయి. ఈ గుడి పేరు రామలింగేశ్వర దేవాలయం.గుడి గోడలపై చాలా దేవతా విగ్రహనాట్యభంగిమలున్నాయి. ఈ నాట్య భంగిమలు రాత్రి వేలలో సంగీతం, నాట్యం చేస్తాయి.చరిత్ర ప్రకారం ఒక ముస్లిం త్రాగి వచ్చి ఈ శబ్దాన్ని భరించలేక సుత్తి తీసుకుని ఈ నాట్యం చేస్తున్న నాట్య భంగిమల ముక్కుల పైన కొట్టాడు. అప్పటి నుండి ఈ నాట్య భంగిమలు నాట్యం చెయుటలేదు. ఈ శబ్దాలు భరించలేక గ్రామ ప్రజలు ఇల్లు వదిలి కొంత దూరంలో కట్టుకున్నారు. రాష్ట్రంలో ఏ గుడికి లేని ప్రాముక్యత ఈ గుడికి ఉంది ఈ గుడికి ఒక చుంచు ఉంది ఇది చాలా మలుపు తిరిగి ఉంది. ఈ గుడి చాలా ఎర్రగా ఉంది అందుకే ఈ గ్రామానికి చుంచు ఎర్రగుడి అనే పేరు వచ్చింది. చరిత్ర ప్రకారం ద్రోణాచలంలో ఒక గుడి, ఈ గుడి మహబూబ్ నగర్ లో ఒక గుడిని కాలి నడకన దర్శిస్తే పునర్జన్మ ఉంటాదంటారు ఒక రాజు తన గుర్రం పైన ఈ మూడు గుడులను దర్శించాడు రాజు బదులు గుర్రానికి మోక్షం ప్రాప్తించింది ప్రస్తుతం ఈ గుడి శిథిలావస్థలో ఉంది. పురావస్తు శాఖ అధికారంలో ఉన్నా కూడా దీనిని పట్టించుకునే వారే లేరు. ఈ గుడిలోని సంపదను దొంగలు దోచుకుంటున్నారు 2006 సంవత్సరంలో ఈ గుడి దొంగలు పడి నందిని పగులగొట్టి విలువైన సంపదను దోచుకెల్లారు. ఈ గుడి దర్శించుకుని ఏ ప్రజా నాయకుడైనా ప్రచారం మొదలు పెడితే తప్పకుండా ఎన్నికలలో విజయం సాదిస్తాడు అనే ప్రతీతి. ఈ గ్రామంలోని ప్రజలు ఫ్యాక్ష్యనిష్టులు కాని ఇప్పుడు ఫ్యాక్ష్యన్ ని వదులుకుని ఈ గ్రామంలోని ప్రజలు శంతి మార్గాన్ని చేపట్టారు. జిల్లాలోనే ఈ విదంగా నిర్మించబడిన గ్రామం లేదు చాలా నైపున్యంతో నిర్మించారు ఇది మండల కేంద్రమైన క్రిష్ణగిరి నుండి 15 కి. మీ. దూరం లోను, సమీప పట్టణమైన డోన్ నుండి 25 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 714 ఇళ్లతో, 3191 జనాభాతో 2339 హెక్టార్లలో విస్తరించి ఉంది. గ్రామంలో మగవారి సంఖ్య 1621, ఆడవారి సంఖ్య 1570. షెడ్యూల్డ్ కులాల సంఖ్య 651 కాగా షెడ్యూల్డ్ తెగల సంఖ్య 28. గ్రామం యొక్క జనగణన లొకేషన్ కోడ్ 594212[2].పిన్ కోడ్: 518225.

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు మూడు, ప్రభుత్వ ప్రాథమికోన్నత పాఠశాల ఒకటి ఉన్నాయి. బాలబడి క్రిష్ణగిరిలోను, మాధ్యమిక పాఠశాల కంబాలపాడులోనూ ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, సమీప వృత్తి విద్యా శిక్షణ పాఠశాల డోన్ లోను, ఇంజనీరింగ్ కళాశాల చిన్న టేకూరు లోనూ ఉన్నాయి. సమీప వైద్య కళాశాల, మేనేజిమెంటు కళాశాల, పాలీటెక్నిక్, అనియత విద్యా కేంద్రం, దివ్యాంగుల ప్రత్యేక పాఠశాల‌లు కర్నూలు లోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

ప్రాథమిక ఆరోగ్య ఉప కేంద్రం గ్రామం నుండి 5 నుండి 10 కి.మీ. దూరంలో ఉంది. పశు వైద్యశాల, సంచార వైద్య శాల గ్రామం నుండి 5 నుండి 10 కి.మీ. దూరంలో ఉన్నాయి. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలోఒక ప్రైవేటు వైద్య సౌకర్యం ఉంది. డిగ్రీ లేని డాక్టరు ఒకరు ఉన్నారు.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది. చెరువు ద్వారా గ్రామానికి తాగునీరు లభిస్తుంది.

పారిశుధ్యం[మార్చు]

మురుగు నీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా ప్రవహిస్తుంది. మురుగు నీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

చుంచు యెర్రగుడిలో పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. సబ్ పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి. జిల్లా రహదారి గ్రామం గుండా పోతోంది. జాతీయ రహదారి, రాష్ట్ర రహదారి, ప్రధాన జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం గ్రామం నుండి 10 కి.మీ.కి పైబడిన దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. పబ్లిక్ రీడింగ్ రూం గ్రామం నుండి 5 నుండి 10 కి.మీ. దూరంలో ఉంది. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది. సినిమా హాలు, గ్రంథాలయం గ్రామం నుండి 10 కి.మీ.కి పైబడిన దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 7 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

చుంచు యెర్రగుడిలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 12 హెక్టార్లు
  • వ్యవసాయం సాగని, బంజరు భూమి: 86 హెక్టార్లు
  • వ్యవసాయం చేయదగ్గ బంజరు భూమి: 599 హెక్టార్లు
  • సాగులో లేని భూముల్లో బీడు భూములు కానివి: 32 హెక్టార్లు
  • బంజరు భూమి: 53 హెక్టార్లు
  • నికరంగా విత్తిన భూమి: 1557 హెక్టార్లు
  • నీటి సౌకర్యం లేని భూమి: 1537 హెక్టార్లు
  • వివిధ వనరుల నుండి సాగునీరు లభిస్తున్న భూమి: 105 హెక్టార్లు

నీటిపారుదల సౌకర్యాలు[మార్చు]

చుంచు యెర్రగుడిలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • బావులు/బోరు బావులు: 105 హెక్టార్లు

ఉత్పత్తి[మార్చు]

చుంచు యెర్రగుడిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వేరుశనగ, ఆముదం గింజలు, పొద్దుతిరుగుడు

గణాంకాలు[మార్చు]

జనాభా (2011) - మొత్తం 3,191 - పురుషుల సంఖ్య 1,621 - స్త్రీల సంఖ్య 1,570 - గృహాల సంఖ్య 714

2001 వ.సంవత్సరం జనాభా లెక్కల ప్రకారం గ్రామ జనాభా 2,714.[3] ఇందులో పురుషుల సంఖ్య 1,380, మహిళల సంఖ్య 1,334, గ్రామంలో నివాస గృహాలు 553 ఉన్నాయి.

మూలాలు[మార్చు]

  1. భారత ప్రభుత్వం నిర్వహించిన 2011 గణాంకాల జాలగూడు
  2. "Office of the Registrar General & Census Commissioner, India - Village amenities of 2011".
  3. http://censusindia.gov.in/PopulationFinder/Sub_Districts_Master.aspx?state_code=28&district_code=21