టి.ఆర్.ప్రసాద్

వికీపీడియా నుండి
Jump to navigation Jump to search

టి. ఆర్. ప్రసాద్ భారతదేశంలోని ఆంధ్రప్రదేశ్ కు చెందిన ప్రభుత్వాధికారి. అతను భారత జాతీయ ప్రభుత్వంలో క్యాబినెట్ కార్యదర్శిగా, రక్షణ కార్యదర్శిగా పనిచేశాడు. అతను భారతదేశ మంత్రివర్గ కార్యదర్శిగా సేవలందించిన ఏకైక ఆంధ్రుడు. అతను ఆంధ్రప్రదేశ్ కేడర్ నుండి 1963 బ్యాచ్ ఆఫ్ ఇండియన్ అడ్మినిస్ట్రేటివ్ సర్వీసులో ఉన్నాడు. ఆంధ్రప్రదేశ్ క్యాడర్ ఐ.ఎ.ఎస్. అధికారి అయిన టి.అర్.ప్రసాద్, 12వ ప్రణాళికా సంఘం సభుడిగా, దేశ రక్షణశాఖ కార్యదర్శిగా పనిచేశాడు. అతను స్కామ్-కళంకం కలిగిన సంత్యం కంప్యూటర్ సర్వీసెస్ లిమిటెడ్ తో సహా పలు కంపెనీలకు డైరక్టరుగా కూడా వ్యవహరించాడు. బైర్రాజు రామలింగరాజు అకౌంటింగ్ మోసాన్ని అంగీకరించినప్పుడు రాజీనామా చేశాడు. ప్రకాశం జిల్లా కలెక్టరుగా, కేంద్ర, రాష్ట్ర ప్రభుత్వాలలో అనేక పదవులు అలంకరించాడు. ఫైనాన్స్ కమిషన్ సభ్యులుగా కూడా పనిచేశాడు.

జీవిత విశేషాలు[మార్చు]

టాటా రామచంద్ర ప్రసాద్ (టి.ఆర్.ప్రసాద్) గా సుపరిచితుడు. అతను గుంటూరు జిల్లాలోని నిడుబ్రోలులో టి.వి.సుబ్బయ్య, దేవుడమ్మ దంపతులకు 1941, జూలై 15 న జన్మించాడు. విజయవాడ లోని ఆంధ్ర లయోలా కాలేజిలోచదివాడు. తరువాత బనారస్ విశ్వవిద్యాలయం నుండి ఎం.ఎస్సీ (ఎలక్ట్రానిక్స్) చేసాడు. అతను ఇనిస్టిట్యూట్ ఆఫ్ ఇంజనీర్స్ కు జీవిత కాల ఫెలోషిప్ గా ఉన్నాడు[1]. అతను 1963 ఆంధ్రప్రదేశ్ ఐ.ఎ.ఎస్ బ్యాచ్ లో ఉన్నాడు. అతను అటల్ బిహారీ వాజ్‌పేయి ప్రధానిగా ఉన్న సమయంలో 2000 నవంబరు 1న యూనియన్ కేబినెట్ సెక్రటరీ గా నియామకం పొందాడు[2]. అతను 60 సంవత్సరాల వయస్సులో తప్పనిసరి పదవీ విరమణకు చేరుకున్నప్పుడు, వాజ్‌పేయి ప్రభుత్వం కేబినెట్ కార్యదర్శి పదవీకాలాన్ని ఆ వయస్సుకు మించి పనిచేసేందుకు ప్రభుత్వం ప్రత్యేకంగా చట్టాన్ని సవరించింది.[3][4] అతను 2002 అక్టోబరు 31 న కేబినెట్ సెక్రటరీగా పదవీ విరమణ చేసాడు. [5]

12వ ఫైనాన్స్ కమిషన్[మార్చు]

పన్నెండవ ఫైనాన్స్ కమిషన్ సభ్యునిగా పనిచేసిన సమయంలో, విద్య, మౌలిక సదుపాయాలలో వెనుకబాటుతనం కారణంగా భారతదేశం చైనా యొక్క FDI కంటే దాదాపు 13 రెట్లు తక్కువగా ఉందని ప్రసాద్ ఎత్తిచూపాడు. కేల్కర్ టాస్క్ ఫోర్స్ ప్రతిపాదించిన విధంగా వృద్ధి, పాలనను స్థిరీకరించడానికి కొత్త ఆర్థిక సంస్కరణలకు పిలుపునిచ్చాడు[6]. వృద్ధి, పాలన, ఆర్థిక సంస్కరణల కొత్త త్రిభుజాకార నమూనా వైపు వెళ్ళడంలో భారతదేశం సాధించిన విజయానికి పార్టీ, సెక్టారియన్ ప్రయోజనాలకు మించి భారతదేశంలో రాజకీయ నాయకత్వం ఉండాలని ఆయన పిలుపునిచ్చాడు.[6] రాష్ట్ర మంత్రి పదవితో సమానమైన ర్యాంకు గల ఆర్థిక కమిషన్ సభ్యుడిగా డిసెంబర్ 31, 2004 వరకు ఉన్నాడు.

నిర్వహణా పదవులు[మార్చు]

అతను నిర్వహించిన వివిధ హోదాలు: :[1]

  • 1963 - ఇండియన్ అడ్మినిస్ట్రేటివ్ సర్వీసు లో సభ్యుడు.
  • 2000 నవంబరు 1 న భారతదేశపు మొట్టమొదటి సివిల్ సర్వెంట్ పదవిలో బాధ్యతలు స్వీకరించడానికి ముందు 20 అక్టోబర్ 2000 నుండి 2000 అక్టోబర్ 31 వరకు 10 రోజులు క్యాబినెట్ సెక్రటరీలో స్పెషల్ డ్యూటీ ఆఫీసర్[7]
  • భారత ప్రభుత్వం కేబినెట్ కార్యదర్శి గా 2000 నుండి 2002 వరకు.
  • రక్షణ కార్యదర్శి, భారత ప్రభుత్వం
  • కార్యదర్శి, పారిశ్రామిక విధానం, పరిశ్రమ మంత్రిత్వ శాఖ
  • చైర్మన్, విదేశీ పెట్టుబడుల ప్రోత్సాహక బోర్డు (ఎఫ్‌ఐపిబి)
  • కార్యదర్శి, భారీ పరిశ్రమ
  • చైర్మన్, మారుతి ఉద్యోగ్ లిమిటెడ్.

మూలాలు[మార్చు]

  1. 1.0 1.1 "Corporate Executives & Directors Search Directory". Archived from the original on 2009-04-16. Retrieved 2020-06-10.
  2. T.R. Prasad is new Cabinet Secy
  3. rediff.com: T R Prasad to continue as cabinet secretary till next October
  4. www.outlookindia.com | The Highest Bidda
  5. "Cabinet Secretariat - Cabinet Secretaries Since 1950". Archived from the original on 2010-05-13. Retrieved 2020-06-10.
  6. 6.0 6.1 The Hindu : Andhra Pradesh News : `States passing through financial crisis'
  7. The Tribune, Chandigarh, India - Main News

బాహ్య లంకెలు[మార్చు]