తణుకు బ్లాకు-1 (తణుకు మండలం)

తణుకుబ్లాకు-1, ఆంధ్రప్రదేశ్ రాష్ట్రం, పశ్చిమ గోదావరి జిల్లా, తణుకు మండలానికి చెందిన రెవెన్యూయోతర గ్రామం.దీనిని పూర్వం తారకాపురం అంటారు.అదే తరువాత తళుకుగా, ఆ తరువాత తణుకుగా రూపాంతరం చెందింది. తణుకుబ్లాకు-1, అనేది తణుకు పురపాలక సంఘంలో ఒక భాగం. దీనికి ప్రతి 5 సంవత్సరాలకు ఎన్నికలు జరుగుతాయి.ఇది కొవ్వూరు రెవెన్యూ విభాగంలో పరిధిలో ఉంది. తణుకు మండలానికి ఇది ప్రధాన కేంద్రం.పశ్చిమ గోదావరి జిల్లాలో ఏలూరు, భీమవరం, తాడేపల్లిగూడెం, పాలకొల్లు తరువాత తణుకు ఐదవ అతిపెద్ద పట్టణం. తణుకు, నర్సాపురం లోక్‌సభ నియోజకవర్గంలోని, తణుకు శాసనసభ నియోజకవర్గం పరిధికి చెందిన పట్టణం.ఇది తణుకు పట్టణంలో విలీనమైన రెవెన్యూ గ్రామం.

గణాంకాలు

2011 భారత  జనగణన గణాంకాల ప్రకారం తణుకు పట్టణ జనాభా మొత్తం 77,962, అందులో 38,325 మంది పురుషులు, 39,637 మంది మహిళలు. తణుకు పురపాలక సంఘం పరిధిలో 2011 భారత  జనగణన గణాంకాల ప్రకారం మొత్తం 20,909 కుటుంబాలు నివసిస్తున్నాయి.

రవాణా వ్యవస్థ

రైలు రవాణా

తణుకులో రైల్వే స్టేషను విజయవాడ జంక్షన్, నిడదవోలు మధ్య ఉంది. ఇది సింగల్ లైన్, విద్యుదీకరణ లేదు. దాదాపు 20 పాసింజర్ & 10 ఎక్స్‌ప్రెస్ రైళ్లు తణుకు ద్వారా వెళ్ళి హైదరాబాదు, చెన్నై, బెంగుళూర్, విశాఖపట్నం, ముంబై స్టేషనులకు కనెక్ట్ అవుతాయి.

రోడ్డు రవాణా

తణుకులో ఉన్న జాతీయ రహదారి-16 చెన్నై నుండి కలకత్తాకు కనెక్ట్ చేసి ఉంది. ఈ జాతీయ రహదారి ద్వారా ప్రధానంగా స్టీల్, బొగ్గు, చమురు, మేజర్ నిర్మాణ సామగ్రి వాహనాలు రోజువారీ వెళ్తున్నాయి. విశాఖపట్నం స్టీల్ ప్లాంట్ యెుక్క ప్రధానమైన ఉత్పత్తి స్టీల్.

దేవాలయాలు

సిరిసంపదలతో,వ్యవసాయ,పారిశ్రామిక రంగాలలో పరిపుష్టిగా ఉన్న తణుకు పట్టణం, ఆధ్యాత్మిక రంగంలో కూడా ప్రత్యేకస్దానం పొందింది.

• కపర్దీశ్వరస్వామి ఆలయం
• శ్రీ కేశవస్వామి వారి దేవస్థానం
• సిద్దేశ్వరస్వామి ఆలయం
• వేంకటేశ్వరస్వామి దేవాలయం
• శ్రీ సీతారామాంజనేయస్వామి ఆలయం
• సూర్య దేవాలయం
• సాయిబాబా గుడి
• వినాయకుని గుడి
• కన్యకాపరమేశ్వరి ఆలయం

ఆంధ్రా సుగర్స్

ఆంధ్రా సుగర్స్ అధినేత ముళ్లపూడి హరిశ్చంద్ర ప్రసాద్ ఈ పట్టణంలో ఫోర్త్‌ ఫోరం వరకూ చదివాడు.దేశానికి స్వాతంత్ర్యం రావడానికి నాలుగు రోజుల ముందు (1947 ఆగస్టు 11) తణుకులో ఆంధ్రా సుగర్స్ స్థాపించాడు.

ఇవి కూడా చూడండి

• తణుకు మండలం
• తణుకు పట్టణం
• తణుకు పురపాలక సంఘం
• తణుకు శాసనసభ నియోజకవర్గం