తిరువిళ జయశంకర్

తిరువిళ జయశంకర్
తిరువిళ జయశంకర్
వ్యక్తిగత సమాచారం
జననం	(1940-02-01) 1940 ఫిబ్రవరి 1 తిరువిళ, అలెప్పి, కేరళ, భారతదేశం
సంగీత శైలి	కర్ణాటక సంగీతం
వృత్తి	నాదస్వర విద్వాంసుడు
వాయిద్యాలు	నాదస్వరం
క్రియాశీల కాలం	1955–ప్రస్తుతం

తిరువిళ జయశంకర్ కేరళ కు చెందిన కర్ణాటక సంగీత విద్వాంసుడు, నాదస్వర విద్వాంసుడు/

ఆరంభ జీవితం, విద్య

ఇతడు కేరళ రాష్ట్రం, అలప్పుళ జిల్లా, తిరువిళ అనే కుగ్రామంలో సంగీతకారుల కుటుంబంలొ 1940, ఫిబ్రవరి 1వ తేదీన జన్మించాడు. ఇతనికి చిన్నతనం నుండి సంగీతం అన్నా, చిత్రలేఖనం అన్నా ఆసక్తి ఉండేది. ఇతని తాత తిరువిళ శంకు పణికర్, తండ్రి తిరువిళ రాఘవ పణికర్ ఇద్దరూ నాదస్వర విద్వాంసులే. ఇతడు మొదట తన తాత వద్ద ప్రాథమికంగా సంగీతం నేర్చుకుని, తరువాత తండ్రి వద్ద మెరుగైన శిక్షణ తీసుకున్నాడు. ఇతడు తన తండ్రితో కలిసి తిరువాంకూర్ దేవాలయాలలో క్రమం తప్పకుండా కచేరీలు చేయడం మొదలు పెట్టాడు. ఇతని తొలి కచేరీ తన 16వ యేట 1955లో కాయంకుళంలోని పతియూర్ దేవి ఆలయంలో జరిగింది.

1957లో ఇతడు కేరళ విశ్వవిద్యాలయానికి చెందిన ఆర్.ఎల్.వి. సంగీత & లలిత కళల కళాశాలలో సంగీతంలో "గానభూషణం" (డిప్లొమా)ను పూర్తి చేశాడు. అక్కడ నేపథ్య గాయకుడు కె. జె. ఏసుదాసు ఇతని సహాధ్యాయి. డిప్లొమా తరువాత ఇతడు కొచ్చిన్ విశ్వవిద్యాలయం, పాలక్కాడు సమీపంలోని చిత్తూరు ప్రభుత్వ సంగీత కళాశాలలో బి.ఎ. (సంగీతం) చదివాడు. తరువాత త్రివేండ్రంలోని స్వాతి తిరునాళ్ సంగీత కళాశాలలో "గాన ప్రవీణ" (పి.జి.డిప్లొమా) చదివాడు.

వృత్తి

ఇతడు 1965లో ఆకాశవాణి తిరువనంతపురం కేంద్రంలో ఉద్యోగంలో చేరి పదవీ విరమణ వరకూ అక్కడే పనిచేశాడు. ఇతడు చిదంబరంలోని అన్నామలై విశ్వవిద్యాలయానికి విజిటింగ్ ప్రొఫెసర్‌గా పనిచేశాడు.

ఇతడు డోలు కళాకారుడు వాయల్పట్టి సుబ్రహ్మణ్యంతో కలిసి అనేక నాదస్వర కచేరీలు చేశాడు. ఇతని అనేక మంది శిష్యులలో హరిపాద మురగదాస్, వెట్టిక్కవల శశికుమార్ మొదలైన వారు చెప్పుకోదగిన వారు.

అవార్డులు, గుర్తింపులు

• కేరళ సంగీత నాటక అకాడమీ అవార్డు, ఫెలోషిప్
• "తమిళనాడు ఐయల్ ఇసై నాటక మన్రమ్"‌చే కళైమామణి పురస్కారం.Kalaimamani from the Government of Tamil Nadu
• 2013లో కేంద్ర సంగీత నాటక అకాడమీ అవార్డు