తెలంగాణ రాష్ట్ర బీసీ కమిషన్
| తెలంగాణ రాష్ట్ర బీసీ కమిషన్ | |
|---|---|
| కమిషన్ అవలోకనం | |
| స్థాపనం | 10 అక్టోబరు 2016 |
| అధికార పరిధి | తెలంగాణ |
| ప్రధాన కార్యాలయం | హైదరాబాద్ |
| Minister responsible | గంగుల కమలాకర్, బీసీ సంక్షేమ శాఖ |
| కమిషన్ కార్యనిర్వాహకుడు/లు | వకుళాభరణం కృష్ణమోహన్ రావు, (చైర్మన్) శుభప్రద్ పటేల్ నూలి కె. కిశోర్ గౌడ్ సీహెచ్ ఉపేంద్ర, (సభ్యులు) |
తెలంగాణ రాష్ట్ర బీసీ కమిషన్ బీసీల స్థితిగ‌తుల అధ్య‌య‌నం కోసం తెలంగాణ ప్రభుత్వం ఏర్పాటు చేసిన కమిషన్.[1] వెనుకబడిన కులాల సాధికారత, సంక్షేమంకోసం జిఓ నెం. 25 ప్రకారం 2016, అక్టోబర్ 10న ఈ కమిషన్ ఏర్పాటుచేయబడింది.
కమిషన్ సభ్యులు[మార్చు]
బీసీ కమిషన్ చైర్మన్, సభ్యులను నియమిస్తూ ప్రభుత్వం ఉత్తర్వులు జారీ చేసింది. కమిషన్ చైర్మన్, సభ్యుల పదవీ కాలం మూడేళ్లు ఉంటుంది.[2] వీరికి తెలంగాణ రాష్ట్ర పబ్లిక్ సర్వీస్ కమీషన్ చైర్మన్, సభ్యుల హోదాలతో సమానంగా సదుపాయాలు కల్పించబడుతాయి. [3][4]
మొదటి కమిషన్[మార్చు]
- చైర్మన్: బి.ఎస్.రాములు (సామాజికవేత్త, రచయిత)
- సభ్యులు: వకుళాభరణం కృష్ణమోహన్ (రచయిత, వక్త), డాక్టర్ ఈడిగ ఆంజనేయ గౌడ్, జూలూరు గౌరీశంకర్ (ప్రముఖ రచయిత, కవి)
రెండవ కమిషన్[మార్చు]
- చైర్మన్: వకుళాభరణం కృష్ణమోహన్ రావు (రచయిత, వక్త)[5]
- సభ్యులు: సీహెచ్ ఉపేంద్ర, శుభప్రద్ పటేల్ నూలి[6], కె. కిశోర్ గౌడ్[7]
కమిషన్ సభ్యులు 2021 సెప్టెంబరు 1న పదవీ బాధ్య‌త‌లు చేపట్టారు.[8]
విధులు[మార్చు]
వెనుకబడిన తరగతుల జాబితాలో తమ కులాన్ని చేర్చాలని వచ్చే అభ్యర్థనలను, బిసి జాబితా నుండి ఏ కులాన్నైనా తొలగించాలని వచ్చే ఫిర్యాదులను ఈ కమిషన్ పరిశీలించి విచారణకు స్వీకరిస్తుంది. 2017-18లో ఈ కమిషన్ కు రూ. 3.58 కోట్లు కేటాయించబడ్డాయి.
నివేదిక[మార్చు]
ముస్లింలలో వెనుకబడిన వర్గాల వాస్తవ పరిస్థితులు తెలుసుకోవడానికి రాష్ట్రమంతటా పర్యటించిన బీసీ కమిషన్ 21,435 ప్రాంతాల్లో పలువురిని కలిసి, వారి సామాజిక స్థితిగతులను పరిశీలించింది. సామాజికంగా, విద్యాపరంగా, ఆర్థికంగా బీసీ-ఈకి చెందిన ముస్లింలు బాగా వెనుకబడి ఉన్నారని బీసీ కమిషన్ స్పష్టం చేస్తూ, మతం మారినా వెనుకబాటుతనం పోలేదని తెలియజేస్తూ ప్రభుత్వానికి 135 పేజీల నివేదికను సమర్పించింది.[9]
మూలాలు[మార్చు]
- ↑ నమస్తే తెలంగాణ (16 September 2017). "బీసీల స్థితిగ‌తుల అధ్య‌య‌నం కోసం క్షేత్ర స్థాయి ప‌ర్య‌ట‌న". Retrieved 9 June 2018.[permanent dead link]
- ↑ Eenadu (9 October 2021). "బీసీ కమిషన్ కాలపరిమితి మూడేళ్లు". Archived from the original on 5 March 2022. Retrieved 5 March 2022.
- ↑ నమస్తే తెలంగాణ (22 October 2016). "బీసీ కమిషన్ చైర్మన్‌గా బీఎస్ రాములు". Retrieved 9 June 2018.[permanent dead link]
- ↑ ది హిందూ, తెలంగాణ (23 October 2016). "B.S. Ramulu is Chairman of TS BC Commission". SPECIAL CORRESPONDENT. Retrieved 9 June 2018.
- ↑ Namasthe Telangana (23 August 2021). "బీసీ కమిషన్ చైర్మన్ గా వకుళాభరణం కృష్ణమోహన్ రావు". Archived from the original on 23 August 2021. Retrieved 23 August 2021.
- ↑ Andrajyothy (23 August 2021). "బీసీ కమిషన్ సభ్యుడిగా శుభప్రద్ పటేల్". Archived from the original on 24 August 2021. Retrieved 24 August 2021.
- ↑ Andrajyothy (24 August 2021). "బీసీ కమిషన్ చైర్మన్‌గా వకుళాభరణం". Archived from the original on 24 August 2021. Retrieved 24 August 2021.
- ↑ Namasthe Telangana (1 September 2021). "తెలంగాణ రాష్ట్ర బీసీ కమిషన్ పదవీ బాధ్యతల స్వీకరణ". Archived from the original on 1 September 2021. Retrieved 1 September 2021.
- ↑ నమస్తే తెలంగాణ, తెలంగాణ వార్తలు (17 April 2017). "బీసీ-ఈలకు". Retrieved 9 June 2018.[permanent dead link]