తెల్లబూరుగ

తెల్లబూరుగ
	హొనలులూ, హవాయిలో నాటిన తెల్లబూరుగ చెట్టు
శాస్త్రీయ వర్గీకరణ
రాజ్యం:	ప్లాంటే
(unranked):	పుష్పించే మొక్కలు
(unranked):	యుడికాట్స్
(unranked):	రోసిడ్స్
క్రమం:	మాల్వేలిస్
కుటుంబం:	మాల్వేసి
జాతి:	సీబా
ప్రజాతి:	C. pentandra
ద్వినామీకరణం
	Ceiba pentandra; (L.) Gaertn.

తెల్లబూరుగ పత్తి ఉత్పత్తిచేసే ఒక పెద్ద వృక్షం. ఇది మాల్వేసి కుటుంబానికి చెందినది. దీని శాస్త్రీయ నామం సీబా పెంటాండ్రా (Ceiba pentandra) సీబా పెంటాండ్రా మాల్వేసీ కుటుంబానికి చెందిన ఉష్ణమండలపు చెట్టు. ఇదివరకు దీన్ని బాంబకేసీ కుటుంబంలో చేర్చేవారు. తెల్లబూరుగ చెట్టు మెక్సికో, మధ్య అమెరికా, కరిబ్బియన్ మరియు ఉత్తర దక్షిణ అమెరికా దేశాలకు స్థానికమైనది. సీబా పెంటాండ్రా రకం గ్వినెన్సిస్ అనే ఒక్క రకం ఆఫ్రికా ఖండపు పశ్చిమ భాగంలోని ఉష్ణమండలంలో కనిపిస్తుంది. ఆంగ్లంలో ఈ చెట్టునూ, మరియు కాయల నుండి వచ్చే దూదిని కూడా కాపోక్ (Kapok) అని విరివిగా వ్యవహరిస్తారు. ఈ చెట్టునే జావా కాటన్, జావా కాపోక్, సిల్క్ కాటన్ మరియు సీబా అని కూడా వ్యవహరిస్తారు.