దివాన్ దేవిడి ప్యాలెస్

వికీపీడియా నుండి
Jump to navigation Jump to search
దివాన్ దేవిడి ప్యాలెస్
Dewan Devdi Palace.png
సాధారణ సమాచారం
రకంరాజభవనం
ప్రదేశంహైదరాబాదు, తెలంగాణ, భారతదేశం

దివాన్ దేవిడి ప్యాలెస్ తెలంగాణ రాష్ట్ర రాజధాని హైదరాబాదులో ఉన్న ప్యాలెస్. సాలార్ జంగ్ వంశస్థులకోసం నిర్మించిన ఈ భవనం చార్మినారు మరియు చౌమహల్లా పాలస్ కి సమీపంలో ఉంది. దివాన్ అనగా ప్రధానమంత్రి, దేవిడి అనగా రాజభవనం.

నిర్మాణం[మార్చు]

1889 నుంచి 1949 వరకు నిజాం నవాబు వద్ద ప్రధానిగా కీలక బాధ్యతలు నిర్వర్తించిన మీర్‌ యూసుఫ్‌ అలీఖాన్‌ (మూడో సాలార్‌ జంగ్‌) దేశ విదేశాల్లో పర్యటించి అద్భుతమైన కళాఖండాలను సేకరించి, ఈ దివాన్‌ దేవిడి(తన ఎస్టేట్‌)లో ఉంచేవాడు.[1] దీవాన్ దేవిడిలో 78 గదులు ఉన్నాయి. ఇది ఐనా ఖానా, లక్కాడ్ కొఠా, చిని ఖానా, నిజాం బాగ్ మరియు నూర్ మహల్ వంటి భవన నిర్మాణాలకు విభిన్నంగా నిర్మించబడింది. ఈ రాజభవనానికి గేట్వే ఇప్పటికీ ఉంది.[2][3]

మ్యాజియంగా[మార్చు]

1949లో నవాబ్ మరణించాడు. ప్యాలెస్ లో ఉన్న కళాఖండాలతో 1951, డిసెంబర్ 16న జవహర్ లాల్ నెహ్రూ చేతులమీదుగా సాలార్ జంగ్ మ్యూజియం అనే పేరుతో ఒక ప్రైవేట్ మ్యూజియం ప్రారంభించబడింది.

ఇతర వివరాలు[మార్చు]

మూడో సాలార్‌జంగ్ మీర్ యూసుఫ్ అలీఖాన్ దివాన్ ఆధ్వర్యంలో దేవిడి ప్యాలెస్ ప్రాంగణంలో 1920లో సెలెక్ట్ టాకీస్‌ పేర హైదరాబాదులో తొలి పర్మినెంట్ థియేటర్ నిర్మాణం జరిగింది. నిజాం కుటుంబ సభ్యుల కొరకు మాత్రమే నిర్మించిన ఈ థియేటర్ కోసం లండన్ నుండి 16 ఎం.ఎం. ప్రొజెక్టర్‌ను దిగుమతి చేసుకున్నారు.[4][5]

మూలాలు[మార్చు]

  1. ఆంధ్రజ్యోతి, తెలంగాణా- కధనాలు (15 January 2015). "సాలార్‌ జంగ్‌.. కళాఖండాల సేకరణే జీవితం". Archived from the original on 16 January 2019. Retrieved 16 January 2019.
  2. "Diwans gone, Deodhis die, squatters rule `Kamaan' - Times of India". The Times of India. Retrieved 16 January 2019.
  3. "The Hindu : From majestic to mundane". www.thehindu.com. Retrieved 16 January 2019.
  4. నమస్తే తెలంగాణ, బతుకమ్మ, ఆదివారం సంచిక (20 March 2018). "తెరమరుగైన మన టాకీసులు". Archived from the original on 21 September 2018. Retrieved 16 January 2019.
  5. నవ తెలంగాణ (2 July 2016). "తెలంగాణ సినిమా @ 120". Archived from the original on 21 September 2018. Retrieved 16 January 2019.