దోర్నాల హరిబాబు
దోర్నాల హరిబాబు | |
|---|---|
 | |
| జననం | 1968 మార్చి 22 |
| జాతీయత | భారతీయుడు |
| వృత్తి | రంగస్థల, సినిమా నటుడు |
| తల్లిదండ్రులు | నరసింహరావు |
దోర్నాల హరిబాబు (జ. 1968 మార్చి 22) ఆంధ్రప్రదేశ్ రాష్ట్రంకి చెందిన రంగస్థల, సినిమా నటుడు. నాటకాల్లో, టీవీ రియాలిటీ కార్యక్రమాల్లో హాస్యనటుడిగా నటించాడు.
జననం[మార్చు]
హరిబాబు 1968, మార్చి 22న నెల్లూరులో జన్మించాడు. తండ్రిపేరు నరసింహరావు.తల్లి పేరు సీతామహాలక్ష్మి, బికాం వరకు చదువుకున్నాడు.
నాటకరంగం[మార్చు]
1980లో రంగస్థల నటుడు పొన్నాల రామసుబ్బారెడ్డి దగ్గర నాటకరంగంలో శిక్షణ పొందిన హరిబాబు, పన్నెండేళ్లపాటు పౌరాణిక నాటకాల్లో నటించాడు. ఆంధ్రప్రదేశ్, తెలంగాణ రాష్ట్రంలోని అన్ని జిల్లాలతోపాటు తమిళనాడు, కర్నాటక, గుజరాత్ రాష్ట్రాల్లో హాస్యనాటకాలు ప్రదర్శించి 19సార్లు ఉత్తమ హస్యనటుడిగా బహుమతులు అందుకున్నాడు.[1]
నటించినవి
- కర్కోటకుడు, జీవలుడు (చిత్రనళీయం)
- లోహితుడు, కేశవుడు (సత్యహరిశ్చంద్ర)
- భరతుడు (శకుంతల)
- చిన్న చంద్రుడు (తారాశశాంకం)
- సుకులుడు (సారంగధర)
- శ్రీరాముడు (భక్తరామదాసు)
టీవీరంగం[మార్చు]
టెలివిజన్ ఛానళ్ళలో ప్రసారమయ్యే కామెడీ ప్రోగ్రామ్‌లలో నటించి ప్రేక్షకులను నవ్వించాడు. జీ స్మైల్ శ్రీ, మత్తుగా గమ్మత్తుగా, నవ్వుల్- నవ్వుల్‌కి వ్యాఖ్యాతగా వ్యవహరించాడు.
పురస్కారాలు - బహుమతులు[మార్చు]
- నెల్లూరు జిల్లాస్థాయి కందుకూరి పురస్కారం - 2018 - నాటకరంగంలో కృషి, ఆంధ్రప్రదేశ్ ప్రభుత్వం, 2018.[2][3]
- స్వర్ణ పతకం - ఆంధ్రసోషల్ అండ్ కల్చరల్ అసోసియేషన్ నాటక పోటీలు, చెన్నై
- ‘స్మైల్ రాజా’ అవార్డుతోపాటు లక్షరూపాయల బహుమతి
- అమెరికన్ ఎక్సలెన్సీ అవార్డు- తెలుగు అసోసియేషన్ ఆఫ్ నార్త్ టెక్సాస్, అమెరికా
ఇతర వివరాలు[మార్చు]
- హరివిల్లు క్రియేషన్స్ పేరుతో సాంస్కృతిక సంస్థను స్థాపించి, హాస్యవల్లరి పేరుతో రాష్ట్రవ్యాప్తంగా వెయ్యికి పైగా ప్రదర్శనలు ఇచ్చాడు.
- సారా వ్యతిరేకోద్యమం, పారిశుద్ధ్యం- ప్రజారోగ్యం, దోమల నిర్మూలన వంటి ప్రభుత్వ పథకాల ప్రచార కార్యక్రమాలలో నటించాడు.
- అమెరికా, దుబాయ్, మలేసియా, మారిషస్ దేశాల్లో సంక్రాంతి సంబరాలు, తెలుగు సంఘం వేడుకల్లో హాస్య ప్రదర్శనలు చేశాడు.
నిర్వహించిన పదవులు[మార్చు]
- ఆంధ్రప్రదేశ్ నాటక అకాడమీ మాజీ సభ్యుడు.
మూలాలు[మార్చు]
- ↑ సాక్షి, ఫ్యామిలీ (5 November 2013). "కళాత్మకం : నవ్వుల హరివిల్లు". Archived from the original on 22 మార్చి 2020. Retrieved 22 March 2020.
- ↑ వెబ్ ఆర్కైవ్, ఈనాడు, తాజా వార్తలు (16 April 2018). "కందుకూరి రంగస్థల అవార్డులు ప్రకటన". Archived from the original on 16 ఏప్రిల్ 2018. Retrieved 22 March 2020.
{{cite news}}: CS1 maint: bot: original URL status unknown (link) CS1 maint: multiple names: authors list (link) - ↑ వెబ్ ఆర్కైవ్, ఆంధ్రప్రదేశ్ రాష్ట్ర చలనచిత్ర, టీవీ, నాటకరంగ అభివృద్ధి సంస్థ జాలగూడు. "కందుకూరి పురస్కారాలు - 2018" (PDF). web.archive.org. Archived from the original on 7 మే 2018. Retrieved 22 March 2020.
{{cite web}}: CS1 maint: bot: original URL status unknown (link) CS1 maint: multiple names: authors list (link)