నాసిర్ జంగ్ మీర్ అహ్మద్

నాసిర్ జంగ్
మాసిరుద్దౌలా
హైదరాబాదు నిజాం
పాలన	1748 జూన్ 1– 1750 డిసెంబరు 16
ముందున్నవారు	ఆసఫ్ జా I
తరువాతివారు	ముజఫ్ఫర్ జంగ్
జననం	1712 ఫిబ్రవరి 26
మరణం	1750 డిసెంబరు 16 (వయసు 38)
Noble family	ఆసఫ్ జాహి
Military career
రాజభక్తి	Mughal Empire
సేవలు/శాఖ	Nizam of Hyderabad
ర్యాంకు	Subedar, Nizam
పోరాటాలు / యుద్ధాలు	Carnatic Wars

నాసిర్ జంగ్, నిజాం-ఉల్-ముల్క్, సయీద్-ఉన్-నీసా బేగంల కుమారుడు. అతను 26 ఫిబ్రవరి 1712 న జన్మించాడు. అతడి అసలు పేరు మీర్ అహ్మద్ అలీ ఖాన్ సిద్దికి బయాఫాండి. 1748 లో తన తండ్రి తరువాత హైదరాబాద్ రాజ్య నిజాం గా అధికారం చేపట్టాడు. అతను హుమాయున్ జా, నిజాం ఉద్-దౌలా, నవాబ్ మీర్ అహ్మద్ అలీ ఖాన్ సిద్దికి బహదూర్, నాసిర్ జంగ్, దక్కన్ నవాబ్ సుబదార్ అనే చాలా ఆడంబరమైన బిరుదును తీసుకున్నాడు. అయినప్పటికీ, అతన్ని నాసిర్ జంగ్ అని పిలుస్తారు.

మొఘల్ చక్రవర్తి ముహమ్మద్ షా అతనికి నాసిర్ జంగ్ అనే బిరుదును ఇచ్చాడు, తరువాత తదుపరి మొఘల్ చక్రవర్తి అహ్మద్ షా బహదూర్ అతన్ని దక్కన్ యొక్క సుబేదార్గా నియమించి, అతనికి నాసిర్-ఉద్-దౌలా అనే బిరుదును ఇచ్చాడు.

అధికార ఆరోహణం

అతను 1748 జూన్ 1 నుండి 1750 వరకు హైదరాబాద్ రాజ్యాన్ని పరిపాలించాడు. 1737 నుండి 1741 వరకు అతడి తండ్రి ఢిల్లీలో ఉన్నప్పుడు అతను తన తండ్రికి డిప్యూటీగా నియమితుడయ్యాడు. 1739 లో నిజాం లేనప్పుడు బాజీరావ్, దక్కనుపై దాడి చేయడానికి ప్రయత్నించాడు. నాసిరకం శక్తి కారణంగా నాసిర్ జంగ్ బాజీరావును పిచ్ యుద్ధానికి బలవంతం చేశాడు. ఆ యుద్ధంలో మరాఠా పేష్వా నిర్ణయాత్మకంగా గెలిచాడు. 1741 లో అతను అధికారాన్ని స్వాధీనం చేసుకోవడానికి ప్రయత్నించాడు. కానీ ఔరంగాబాద్ లోఈద్ గా మైదానంలో 1741 జూలై 23 న తన తండ్రి చేతిలో ఓడిపోయాడు.

నిజాం-ఉల్-ముల్క్ మరణించాక హైదరాబాద్ రాజ్యాన్ని చేజిక్కించుకునేందుకు బ్రిటీష్ ఈస్టిండియా కంపెనీ సాయం తీసుకుని తన మేనల్లుడు ముజఫర్ జంగ్ తో సంఘర్షణ పడ్డారు. ఫ్రెంచి వారి మద్దతుతో సంఘర్షించిన ముజఫర్ జంగ్ ను నాసిర్ జంగ్ ఓడించి బందీని చేశారు. 1748 జూన్ 2 న బుర్హాన్పూర్ వద్ద సింహాసనం అధిష్ఠించాడు.

రెండవ కర్ణాటక యుద్ధం

నిజాం-ఉల్-ముల్క్ మరణం తరువాత, నాసిర్ జంగ్ (నిజాం-ఉల్-ముల్క్ కుమారుడు), ముజఫ్ఫర్ జంగ్ (నిజాం-ఉల్-ముల్క్ మనవడు - తన కుమార్తె ద్వారా) మధ్య వారసత్వం కోసం అంతర్యుద్ధం జరిగింది. కర్ణాటక నవాబు కావాలని కోరుకునే చందా సాహిబ్ (అసలు పేరు హుస్సేన్ దోస్త్ ఖాన్) ముజఫ్ఫర్ జంగ్ తరపున చేరాడు. ఆర్కాట్లో నవాబ్ అన్వర్-ఉద్-దిన్ ముహమ్మద్ ఖాన్కు వ్యతిరేకంగా కుట్ర ప్రారంభించాడు.

యూరోపియన్లు దక్కన్, కర్ణాటక వ్యవహారాలలో నేరుగా జోక్యం చేసుకున్నారు. ఇది రెండవ కర్నాటక యుద్ధానికి దారితీసింది. ఐరోపాలో రెండు శక్తుల మధ్య శాంతి నెలకొన్న సమయంలో బ్రిటిష్ ఈస్ట్ ఇండియా కంపెనీ, ఫ్రెంచ్ కంపాగ్ని డి ఇండెస్ మధ్య అనధికారిక యుద్ధం జరిగింది. భారతీయ పొత్తుల ద్వారా ఫ్రెంచ్ శక్తిని పెంచడానికి ఈ ప్రాంతం యొక్క గందరగోళ రాజకీయాలను డూప్లే (ఫ్రెంచ్ గవర్నర్) నైపుణ్యంగా వాడుకోవడం దీనికి మూలం.

ఆయా రాష్ట్రాల్లో అధికారంలోకి తీసుకురావడానికి ఫ్రెంచ్ వారు చందా సాహిబ్‌ను, ముజాఫర్ జంగ్‌నూ సమర్ధించారు. కానీ వెంటనే బ్రిటిష్ వారు జోక్యం చేసుకున్నారు. ఫ్రెంచ్ ప్రభావాన్ని తగ్గించడానికి వారు 1749 లో అంబూర్ యుద్ధంలో ఫ్రెంచ్ వారు చంపేసిన నవాబ్ అన్వర్-ఉద్-దిన్ ముహమ్మద్ ఖాన్ కుమారుడు మహ్మద్ అలీ ఖాన్ వాలాజాకూ, నాసిర్ జంగ్‌కూ మద్దతు ఇవ్వడం ప్రారంభించారు.

1750 నాటికి ప్రత్యర్థులను ఓడించడం, హత్య చేయడం, తమ మద్దతుదారులను సింహాసనంపై ఉంచడంలో డెక్కన్ లోను, కర్నాటక లోనూ ఫ్రెంచ్ వారు తొలి విజయాలు సాధించారు. అలాంటి సమయంలోనే, నాసిర్ జంగ్ 1750 డిసెంబరు 16 న కర్నూలు నవాబైన పఠాన్ హిమ్మత్ ఖాన్ చేతిలో జింగీకి సమీపంలో ఉన్న డూప్లే-ఫతాబాద్ (సరసంగుపెట్టై) వద్ద హతుడయ్యాడు. ఖుల్దాబాద్ లోని బుర్హాన్ ఉద్-దిన్ ఘారిబ్ సమాధి వద్ద ఆయన్ను సమాధి చేసారు. ఆ తరువాత, ముజఫ్ఫర్ జంగ్ హైదరాబాద్ సింహాసనం అధిష్ఠించాడు.