నీలి బెండపూడి
నీలి బెండపూడి | |
|---|---|
 | |
| పెన్సిల్వేనియా స్టేట్ యూనివర్సిటీ అధ్యక్షురాలు | |
| Assuming office 10 మే 2022 | |
| Succeeding | ఎరిక్ జె. బారన్ |
| 18th లూయిస్ విల్లే విశ్వవిద్యాలయం అధ్యక్షురాలు | |
| In office మే 15, 2018 – డిసెంబరు 13, 2021 | |
| అంతకు ముందు వారు | జేమ్స్ ఆర్. రామ్సే |
| తరువాత వారు | లోరీ స్టీవర్ట్ గోంజాలెస్ (మధ్యంతర) |
| ప్రొవోస్ట్, ఎగ్జిక్యూటివ్ వైస్ ఛాన్సలర్ ఆఫ్ ది యూనివర్సిటీ ఆఫ్ కాన్సాస్ | |
| In office జూలై 1, 2016 – ఏప్రిల్ 27, 2018 | |
| అంతకు ముందు వారు | జెఫ్రీ విట్టర్ |
| తరువాత వారు | కార్ల్ లెజుజ్ (మధ్యంతర) |
| వ్యక్తిగత వివరాలు | |
| జననం | 1962/1963 (age 61–62) విశాఖపట్నం,భారతదేశం |
| నివాసం | లూయిస్ విల్లే, కెంటుకీ |
| కళాశాల | ఆంధ్ర విశ్వవిద్యాలయం (బిఎ, ఎంబిఎ) యూనివర్సిటీ ఆఫ్ కాన్సాస్ (పిహెచ్డి) |
| నైపుణ్యం | అకడమిక్ అడ్మినిస్ట్రేటర్ |
భారతీయ సంతతికి చెందిన ప్రొఫెసర్ నీలి బెండపూడి అమెరికాలోని ప్రతిష్టాత్మక పెన్సిల్వేనియా స్టేట్ యూనివర్శిటీకి అధ్యక్షురాలిగా ఎంపికైన తొలి మహిళగా ప్రసిద్ధి చెందింది. విశాఖపట్నంలో జన్మించిన నీలి బెండపూడి ప్రస్తుతం కెంటకీలోని లూయిస్‌విల్లే విశ్వవిద్యాలయంలో మార్కెటింగ్ ప్రెసిడెంట్, ప్రొఫెసర్‌గా పనిచేస్తుంది.[1]
విద్యాభ్యాసం
[మార్చు]ఆంధ్రప్రదేశ్ రాష్ట్రం విశాఖపట్నానికి చెందినా నీలి బెండపూడి ఆంధ్రా యూనివర్శిటీ నుంచి ఇంగ్లీష్‌లో బ్యాచిలర్ డిగ్రీని, మాస్టర్ ఆఫ్ బిజినెస్ అడ్మినిస్ట్రేషన్ డిగ్రీని, యూనివర్సిటీ ఆఫ్ కాన్సాస్ నుండి మార్కెటింగ్‌లో డాక్టరేట్‌ను పొందింది.
వ్యక్తిగత జీవితం
[మార్చు]నీలి బెండపూడి, ప్రస్తుతం లూయిస్‌విల్లే విశ్వవిద్యాలయానికి 18వ ప్రెసిడెంట్‌గా ఉంది. మార్కెటింగ్, వినియోగదారుల ప్రవర్తనలో నైపుణ్యం కలిగిన ఉన్నత విద్యలో గుర్తింపు పొందిన నాయకురాలు. అకాడెమియాలో దాదాపు 30-సంవత్సరాల కెరీర్‌తో, ఆమె మార్కెటింగ్‌ను బోధించింది. కాన్సాస్ విశ్వవిద్యాలయంలో ప్రోవోస్ట్, ఎగ్జిక్యూటివ్ వైస్ ఛాన్సలర్‌గా, కాన్సాస్ విశ్వవిద్యాలయంలో స్కూల్ ఆఫ్ బిజినెస్ డీన్‌తో సహా అనేక రకాల అడ్మినిస్ట్రేటివ్ పాత్రలలో సేవలందించింది. ఓహియో స్టేట్ యూనివర్శిటీలో ఇనిషియేటివ్ ఫర్ మేనేజింగ్ సర్వీసెస్ వ్యవస్థాపక డైరెక్టర్ గా విధులు నిర్వర్తించింది. 30 సంవత్సరాలకు పైగా పెన్ స్టేట్‌కు సేవలందించి పదవీ విరమణ చేసిన ప్రెసిడెంట్ ఎరిక్ జె బారన్ తర్వాత బెండపూడి బాధ్యతలుస్వీకరించింది.[2]
నీలి బెండపూడి గతంలో ఉన్నత విద్యలో అనేక ముఖ్యమైన పదవులను నిర్వహించారు, 2016 నుండి 2018 వరకు రాష్ట్రంలోని ప్రముఖ విశ్వవిద్యాలయం లారెన్స్‌లోని కాన్సాస్ విశ్వవిద్యాలయంలో ప్రొవోస్ట్ ఎగ్జిక్యూటివ్ వైస్ ఛాన్సలర్‌గానూ, అదేవిధంగా 2011 – 2016 మధ్యకాలంలో కేయూ స్కూల్ ఆఫ్ బిజినెస్‌కు డీన్‌గా పనిచేసింది.[3] ఆమె గతంలో హంటింగ్‌టన్ నేషనల్ బ్యాంక్‌కి ఎగ్జిక్యూటివ్ వైస్ ప్రెసిడెంట్ చీఫ్ కస్టమర్ ఆఫీసర్‌గా కూడా పనిచేసింది. అధ్యాపకురాలిగా ఆమె 27 సంవత్సరాల కెరీర్‌లో, బెండపూడి అండర్ గ్రాడ్యుయేట్, గ్రాడ్యుయేట్, డాక్టోరల్ స్థాయిలలో మార్కెటింగ్ బోధించింది. అకాడమీ ఆఫ్ మార్కెటింగ్ సైన్స్ అత్యుత్తమ మార్కెటింగ్ టీచర్ అవార్డుతో సహా అనేక కళాశాల, జాతీయ ఉపాధ్యాయ అవార్డులను అందుకుంది.
ఏపీ సిఎం అభినందన
పెన్సిల్వేనియా స్టేట్ యూనివర్శిటీకి అధ్యక్షురాలిగా నీలి బెండపూడి ఎంపిక కావడంపై ఆంధ్రప్రదేశ్ ముఖ్యమంత్రి వై ఎస్ జగన్మోహన్ రెడ్డి అభినందనలు తెలిపారు. ట్విట్టర్ వేదికగా ఆమెకు అభినందనలు తెలిపిన ఆయన విశాఖపట్నం నుంచి ఆంధ్రాయూనివర్సిటీ పూర్వ విద్యార్థిగా పెన్సిల్వేనియా యూనివర్సిటీలో ఉన్నత స్థాయికి ఎదగడం గర్వకారణం అన్నారు. పెన్సిల్వేనియా స్టేట్ యూనివర్శిటీకి అధ్యక్షురాలిగా ఎంపికైన మొట్టమొదటి మహిళగా రికార్డు సృష్టించారంటూ అభినందించారు[4].
ఇవి కూడా చూడండి
[మార్చు]మూలాలు
[మార్చు]- ↑ "Biography - Neeli — Office of the President". louisville.edu. Retrieved 2022-02-21.
- ↑ "Penn State President | Penn State University". www.psu.edu. Retrieved 2023-07-20.
- ↑ Torrejón, Rodrigo. "Five things to know about Penn State's new president Neeli Bendapudi". Retrieved 2022-02-21.
- ↑ Telugu, TV9 (2021-12-10). "Neeli Bendapudi: పెన్సిల్వేనియా స్టేట్ యూనివర్శిటీకి అధ్యక్షురాలిగా నీలి బెండపూడి.. చరిత్ర సృష్టించారంటూ అభినందించిన ఏపీ సీఎం జగన్.. ఎందుకంటే." TV9 Telugu. Retrieved 2022-02-21.
{{cite web}}: CS1 maint: numeric names: authors list (link)