పంజాబీ తండూర్

పంజాబీ తండూర్

మూలము
మూలస్థానం	Punjab region

పంజాబీ తండూర్ (Gurmukhī:ਤੰਦੂਰ; Shahmukhi:تندور) అనేది పంజాబ్లో వంట తయారు చేయడానికి ఉపయెగించే ఒక మట్టితో తయారు చేయబడ్డ పాత్ర.

తయారీ

దీనిని ప్రత్యేకమైన మట్టితో తయారు చేస్తారు. గోళాకారంగానూ నిలువుగానూ ఉండే వీటిని పంజాబ్ లోని గ్రామాలలో సాంప్రదాయ వంటకాలకు వాడుతారు. ఈ తండూర్లను నేలలో అతికించేస్తారు. కర్రలు, చెక్కలు, బొగ్గులతో అందులో మంట వేస్తారు. దాదాపు 480 డిగ్రీలు కూడా మండగలవు వీటిలో. కొన్ని రకాల పంజాబీ తండూర్లు నేలకు ఎత్తులో కూడా ఉంటాయి. కొన్ని గ్రామాలలో గ్రామ మొత్తానికి ఉమ్మడి తండూర్లు కూడా కలిగి ఉంటారు.

సింధు లోయ నాగరికత ప్రదేశాల్లో ఈ పంజాబీ తండూర్ల అవశేషాలు కూడా దొరికాయి. అవిభాజ్య పంజాబ్‌లో కూడా ఈ పంజాబీ తందూర్లను వాడేవారు.

ఉపయోగాలు

• పంజాబ్ లోని ప్రతి ఇంట్లో, పెరట్లో రోటీలు, నాన్లు తయారుచేయడంకోసం వీటిని ఉపయోగిస్తారు
• ఈ తండూర్లను తందూరీ కోడిమాంసం తయారీలో ఉపయోగిస్తారు.

పంజాబీ సంస్కృతిలో కూడా ఈ తండూర్లు భాగమైపోయాయి. ఈ సామూహిక తండూర్ల వద్ద కూర్చొని ఎన్నో జానపద పాటలకు ప్రాణం పోశారు పంజాబీ పడుచులు.

భారత విభజన తరువాత ఇతర ప్రదేశాల్లో స్థిరపడిన పంజాబీల ద్వారా ఈ తండూర్లు భారతదేశంలోని ఇతర రాష్ట్రాలకు పరిచయమయ్యాయి.

తండూర్ కీ, భథికి తేడా

తండూర్ మట్టి, ఇటుకలతో తయారు చేస్తారు. ఒక వైపు ఓపెన్ గా ఉండి, దాంట్లో పదార్ధాలను వండుతారు. కాని భథి పైన ఎదైనా లోహంతో తయారు చేసిన మూత ఉంచి వండుతారు. భథి నుంచి పొగ వేరే సిలిండర్ వంటి దాని నుండి బైటకు వస్తుంది.

కొన్ని భథిలపై మట్టితో శాశ్వతంగా కప్పేస్తారు. వాటిని భట్టీలు అంటారు. వీటిని ఎక్కువగా రాజస్థాన్ లో వాడతారు. ఎక్కువ మోతాదులో వండాలంటే ఈ భథిలపై అసలు మూతే ఉంచరు.