పాములపాటి అంకినీడు ప్రసాదరావు
పాములపాటి అంకినీడు ప్రసాదరావు | |
|---|---|
 | |
| మాజీ పార్లమెంట్ సభ్యుడు, లోకసభ | |
| In office 1977-1984 | |
| తరువాత వారు | చిమటా సాంబు |
| నియోజకవర్గం | బాపట్ల లోకసభ నియోజకవర్గం |
| In office 1971-1977 | |
| అంతకు ముందు వారు | కొంగర జగ్గయ్య |
| తరువాత వారు | పులి వెంకట రెడ్డి |
| నియోజకవర్గం | ఒంగోలు లోకసభ నియోజకవర్గం |
| వాణిజ్యం, ఎగుమతుల శాఖామంత్రి 1969-71 | |
| నియోజకవర్గం | పొన్నూరు శాసన సభ్యుడు 1967- 71 |
| వ్యక్తిగత వివరాలు | |
| జననం | 1929 ఫిబ్రవరి 23 నిడుబ్రోలు, గుంటూరు జిల్లా, ఆంధ్రప్రదేశ్, భారతదేశం |
| మరణం | 1997, ఆగస్టు 27 |
| రాజకీయ పార్టీ | భారత జాతీయ కాంగ్రెస్ |
| జీవిత భాగస్వామి | శ్రీమతి శివప్రభాదేవి |
| తల్లిదండ్రులు | వీరయ్య, అనసూయమ్మ |
పాములపాటి అంకినీడు ప్రసాదరావు ఆంధ్రప్రదేశ్ కు చెందిన రాజకీయ నాయకుడు. కాంగ్రెసు పార్టీ తరపున శాసనసభ్యునిగా, పార్లమెంట్ సభ్యునిగా. కేంద్రమంత్రిగా పనిచేసాడు.[1]
జననం, విద్య[మార్చు]
ప్రసాదరావు 1929, ఫిబ్రవరి 23 న వీరయ్య, అనసూయమ్మ దంపతులకు నిడుబ్రోలు పట్టణంలో జన్మించాడు. నిడుబ్రోలులో హైస్కూల్ విద్య, గుంటూరు ఏసీ కళాశాలలో డిగ్రీ వరకు చదువుకున్నాడు. 1948లో శివప్రభాదేవితో ప్రసాదరావు వివాహం జరిగింది. వారికి ఇద్దరు కుమారులు, ఇద్దరు కుమార్తెలు.[2]
రాజకీయ ప్రస్థానం[మార్చు]
ప్రసాదరావు చిన్నతనం నుండే రాజకీయాలపై ఆసక్తి ఉన్న అంకినీడు ఎన్నో ప్రజా ఉద్యమాలలో పాల్గొని గుర్తింపు పొందాడు. 1942లో క్విట్ ఇండియా ఉద్యమంలో పాల్గొని, మూడు నెలలు జైలు శిక్ష అనుభవించాడు. 1963లో పొన్నూరు పంచాయితీ సమితి ప్రసెడెంట్ గా పనిచేసాడు.
ప్రసాదరావు 1967లో పొన్నూరు శాసనసభ నియోజకవర్గం నుంచి కాంగ్రెసు పార్టీ శాసన సభ్యునిగా గెలుపొందాడు.
1969 -71 మధ్యలో కాసు బ్రహ్మానందరెడ్డి మంత్రివర్గంలో వాణిజ్యం, ఎగుమతుల శాఖామంత్రిగా పనిచేశాడు. 1968లో గుంటూరు జిల్లా మార్కెటింగ్ సొసైటీ చైర్మన్ గా ఎన్నికయ్యాడు.[3]
1971లో ఒంగోలు లోకసభ నియోజకవర్గం నుంచి, 1977, 1980లో బాపట్ల లోకసభ నియోజకవర్గం నుంచి ఎన్నికయ్యాడు. 1979లో చరణ్ సింగ్ మంత్రివర్గంలో పర్యాటకం, పౌరవిమానశాఖ మంత్రిగా పనిచేశాడు. 1974లో జపాన్లో జరిగిన అంతర్జాతీయ పార్లమెంట్ సభ్యుల సదస్సులో భారతదేశ ప్రతినిధిగా పాల్గొన్నాడు.[4]
మరణం[మార్చు]
వివాదరహితుడిగా, ఇందిరా గాంధీ వీరాభిమానిగా గుర్తింపు పొందిన అంకినీడు ప్రసాదరావు 1997, ఆగష్టు 27 న మరణించాడు.
మూలాలు[మార్చు]
- ↑ India. Parliament. Joint Committee on the Indian Penal Code Amendment Bill, 1972 (1974). Joint Committee on the Indian Penal Code Amendment Bill, 1972: Evidence. Rajya Sabha Secretariat. p. 30. Retrieved 21 August 2021.
- ↑ "Official biographical sketch in Parliament of India website". Retrieved 21 August 2021.
{{cite web}}: CS1 maint: url-status (link) - ↑ Sir Stanley Reed (1983). The Times of India Directory and Year Book Including Who's who. Times of India Press. p. 860. Retrieved 21 August 2021.
- ↑ The Times of India Directory and Year Book Including Who's who. 1982. p. 819. Retrieved 21 August 2021.
- సుదీర్ఘ రాజకీయవేత్త పాములపాటి, ఆంధ్రజ్యోతి, 2016 అక్టోబరు 13.
- CS1 maint: url-status
- గుంటూరు జిల్లా రాజకీయ నాయకులు
- గుంటూరు జిల్లా నుండి ఎన్నికైన లోక్సభ సభ్యులు
- గుంటూరు జిల్లా నుండి ఎన్నికైన శాసన సభ్యులు
- గుంటూరు జిల్లాకు చెందిన కేంద్ర మంత్రులు
- గుంటూరు జిల్లాకు చెందిన రాష్ట్ర మంత్రులు
- ప్రకాశం జిల్లా నుండి ఎన్నికైన లోక్సభ సభ్యులు
- 1929 జననాలు
- 1997 మరణాలు
- భారత ప్రభుత్వ మంత్రులు