బాపట్ల లోక్‌సభ నియోజకవర్గం

ఆంధ్ర ప్రదేశ్ లోని 25 లోక్‌సభ నియోజకవర్గాలలో ఇది ఒకటి. ఈ లోక్‌సభ నియోజక వర్గంలో 7 శాసనసభా నియోజకవర్గములు ఉన్నాయి. ఇది ఎస్సీలకు రిజర్వ్ చేయబడింది. పునర్విభజన ఫలితంగా పొన్నూరు అసెంబ్లీ నియోజకవర్గం గుంటూరు లోక్‌సభ నియోజకవర్గానికి వెళ్ళగా ఈ నియోజకవర్గానికి ఒంగోలు లోకసభ నియోజకవర్గం నుండి సంతనూతలపాడు అసెంబ్లీ నియోజకవర్గం కలుపబడింది.

దీని పరిధిలోని అసెంబ్లీ నియోజకవర్గాలు

1. వేమూరు అసెంబ్లీ నియోజకవర్గం (ఎస్సీ లకు రిజర్వ్ చేయబడినది)
2. రేపల్లె అసెంబ్లీ నియోజకవర్గం
3. బాపట్ల అసెంబ్లీ నియోజకవర్గం
4. పరుచూరు అసెంబ్లీ నియోజకవర్గం
5. అద్దంకి అసెంబ్లీ నియోజకవర్గం
6. చీరాల అసెంబ్లీ నియోజకవర్గం
7. సంతనూతల అసెంబ్లీ నియోజకవర్గం (ఎస్సీ లకు రిజర్వ్ చేయబడినది)

నియోజకవర్గపు గణాంకాలు

• 2001 లెక్కల ప్రకారము జనాభా: 17,64,955.
• ఓటర్ల సంఖ్య: 12,63,207.
• ఎస్సీ, ఎస్టీల శాతం: 22.19%, 4.16%

ఎన్నికైన పార్లమెంటు సభ్యులు

ఇంతవరకు ఈ నియోజకవర్గం నుంచి గెలుపొందిన లోక్‌సభ సభ్యులు

సంవత్సరం	గెలుపొందిన సభ్యుడు	పార్టీ
1977	పి.అంకినీడు ప్రసాదరావు	భారత జాతీయ కాంగ్రెసు
1980	పి.అంకినీడు ప్రసాదరావు	భారత జాతీయ కాంగ్రెసు
1984	చిమటా సాంబు	తెలుగుదేశం పార్టీ
1989	సలకల బెంజమిన్	భారత జాతీయ కాంగ్రెసు
1991	దగ్గుబాటి వెంకటేశ్వరరావు	తెలుగుదేశం పార్టీ
1996	ఉమ్మారెడ్డి వెంకటేశ్వర్లు	తెలుగుదేశం పార్టీ
1998	నేదురుమల్లి జనార్ధనరెడ్డి	భారత జాతీయ కాంగ్రెసు
1999	దగ్గుబాటి రామానాయుడు	తెలుగుదేశం పార్టీ
2004	దగ్గుబాటి పురంధరేశ్వరి	భారత జాతీయ కాంగ్రెసు
2009	పనబాక లక్ష్మి	భారత జాతీయ కాంగ్రెసు
2014	మాల్యాద్రి శ్రీరాం	తెలుగుదేశం పార్టీ
2019	నందిగం సురేష్‌బాబు	వైఎస్సార్ కాంగ్రెస్ పార్టీ

2004 ఎన్నికలు

2004 ఎన్నికల ఫలితాలను తెలిపే చిత్రం

  దగ్గుపాటి పురందరేశ్వరి (55.88%)

  డి.రామానాయుడు (43.10%)

  ఇతరులు (0.99%)

భారత సాధారణ ఎన్నికలు: బాపట్ల
పార్టీ		అభ్యర్థి	ఓట్లు	%	±%
	భారత జాతీయ కాంగ్రెస్	దగ్గుపాటి పురందరేశ్వరి	411,009	55.88	+12.96
	తెలుగుదేశం పార్టీ	డి.రామానాయుడు	317,017	43.10	-12.73
	తెలంగాణా రాష్ట్ర సమితి	చెల్లమల్ల వెంకటరెడ్డి	3,753	0.51
	Independent	ప్రతిపాటి శ్రీనివాసు	2,159	0.29
	Independent	ఇంగంటి అప్పారావు	1,434	0.19
మెజారిటీ			93,992	12.78	+25.69
మొత్తం పోలైన ఓట్లు			735,462	77.53	+10.06
	కాంగ్రెస్ గెలుపు		మార్పు	+12.96

2009 ఎన్నికలు

2009 ఎన్నికలలో భారతీయ జనతా పార్టీ తరఫున బత్తుల రోశయ్య పోటీచేసారు. కాంగ్రెస్ పార్టీ తరఫున పనబాక లక్ష్మి పోటీ చేసింది.

ఎన్నికల ఫలితాలు

సంవత్సరం	అసెంబ్లీ నియోజకవర్గం సంఖ్య	పేరు	నియోజక వర్గం రకం	గెలుపొందిన అభ్యర్థి పేరు	లింగం	పార్టీ	ఓట్లు	ప్రత్యర్థి పేరు	లింగం	పార్టీ	ఓట్లు
2009	33	బాపట్ల	(SC)	పనబాక లక్ష్మి	స్త్రీ	భారత జాతీయ కాంగ్రెస్	460757	మల్యాద్రి శ్రీరాం	పు	తె.దే.పా	391419

2014 ఎన్నికలు

భారత సార్వత్రిక ఎన్నికలు, 2014: బాపట్ల
పార్టీ		అభ్యర్థి	ఓట్లు	%	±%
	తెలుగుదేశం పార్టీ	మాల్యాద్రి శ్రీరాం	578,145	48.80	+11.29
	యువజన శ్రామిక రైతు కాంగ్రెస్ పార్టీ	వరికుటి అమృతపాణి	545,391	46.04	N/A
	భారత జాతీయ కాంగ్రెస్	పనబాక లక్ష్మీ	23,072	1.95	-42.20
		యల్లమటి రమేష్	8,414	0.71	N/A
	BSP	ద్వారపల్లి ఫిలిపు	8,113	0.68	N/A
	AAP	ఏడా చెన్నయ్య	3,948	0.33	N/A
	JSP	ఆర్.డి విల్సన్	3,657	0.31	N/A
	NOTA	None of the Above	6,146	0.52	N/A
మెజారిటీ			32,754	2.76	-3.88
మొత్తం పోలైన ఓట్లు			1,184,634	85.04	+6.08
	INC పై TDP విజయం సాధించింది		ఓట్ల తేడా

నియోజకవర్గపు ప్రముఖులు

నేదురుమల్లి జనార్ధనరెడ్డి

ప్రధాన వ్యాసం: నేదురుమల్లి జనార్ధనరెడ్డి

డిసెంబర్ 17, 1990 నుండి అక్టోబర్ 9, 1992 వరకు ఆంధ్రప్రదేశ్ ముఖ్యమంత్రిగా వ్యవహరించిన నేదురుమల్లి జనార్థన్ రెడ్డి 1998లో ఒకసారి ఈ లోక్‌సభ నియోజకవర్గం నుంచి ఎన్నికయ్యాడు. 1935లో జన్మించిన ఇతడు 1990లలో కాంగ్రెస్ పార్టీకి చెందిన నాయకుడిగా పేరొందాడు. ఇతడి భార్య రాజ్యలక్ష్మి ప్రస్తుతం రాష్ట్ర మంత్రివర్గంలో కొనసాగుతోంది.

దగ్గుబాటి పురంధరేశ్వరి

ప్రధాన వ్యాసం: దగ్గుబాటి పురంధరేశ్వరి

ఎన్టీ రామారావు కుమారై అయిన ఈమె 14వ లోక్‌సభకు ఈ నియోజకవర్గం నుంచి విజయం సాధించింది. ఈమె ప్రస్తుతం కేంద్ర ప్రభుత్వంలో మానవవనరుల శాఖా సహాయమంత్రిణిగా కొనసాగుతోంది. 1991లో ఇదే నియోజకవర్గం నుంచి గెలుపొందిన దగ్గుబాటి వెంకటేశ్వరరావుకు ఈమె భార్య.

దగ్గుబాటి రామానాయుడు

ప్రధాన వ్యాసం: దగ్గుబాటి రామానాయుడు

సినీ నిర్మాత అయిన దగ్గుబాటి రామానాయుడు 1999లో బాపట్ల లోక్‌సభ నియోజకవర్గం నుంచి విజయం సాధించి లోక్‌సభలో అడుగుపెట్టాడు. శతాధిక చిత్రాలను నిర్మించి ప్రపంచ రికార్డు సృష్టించి గిన్నిస్‌బుక్‌లో స్థానం సంపాదించాడు.