బూమరాంగ్

ప్రత్యేకమైన చెక్కతో చెయ్యబడిన తిరిగి వచ్చే బూమరాంగ్

ఆస్ట్రేలియా దేశపు ఒక రకపు ఆయుధం పేరు బూమరాంగ్. దీనిని ఇంగ్లీషులో బూమెరాంగ్ (Boomerang) అంటారు. ఆస్ట్రేలియాకు చెందిన అబోరిజినిస్ తెగవారు వేటాడేటప్పుడు బూమరాంగ్ ని ఉపయోగించేవారు. ప్రస్తుతం దీనిని ఒక ఆట వస్తువుగా వాడుతున్నారు. ఈ బూమరాంగ్ వంకర తిరిగి ఉంటుంది. దీనిని చెక్క తోను ఫైబర్ తోను తయారు చేస్తారు. బూమరాంగ్ ఒక చివరి నుంచి మరొక చివరి వరకు చిన్నవి 10 సెంటీమీటర్ల (4 అంగుళాలు) నుంచి పెద్దవి 180 సెంటీమీటర్ల (6 అడుగులు) పొడవు వరకు ఉంటాయి.

బూమరాంగ్ ను విసరడంలో నైపుణ్యం సాధించిన వ్యక్తి దీనిని విసరినపుడు తిరిగి అతని వద్దకే చేరుతుంది.