మండిపల్లి నారాయణరెడ్డి

మండిపల్లి నారాయణరెడ్డి
ఎమ్మెల్యే
అధికారంలో ఉన్న వ్యక్తి
అధికార ప్రారంభం 1993 - 2004
ముందు	మండిపల్లి నాగిరెడ్డి
తరువాత	సుగవాసి పాలకొండ్రాయుడు
నియోజకవర్గం	రాయచోటి నియోజకవర్గం
వ్యక్తిగత వివరాలు
జననం	1955 జులై 1 పడమటికోన గ్రామం చిన్నమండెం మండలం, అన్నమయ్య జిల్లా, ఆంధ్రప్రదేశ్ రాష్ట్రం, భారతదేశం
మరణం	2019 జనవరి 11 చెన్నై
రాజకీయ పార్టీ	కాంగ్రెస్ పార్టీ
తల్లిదండ్రులు	జయరామిరెడ్డి, మల్లమ్మ
సంతానం	రాహుల్‌రెడ్డి, సద్గుణ
వృత్తి	రాజకీయ నాయకుడు

మండిపల్లి నారాయణరెడ్డి ఆంధ్రప్రదేశ్ రాష్ట్రానికి చెందిన రాజకీయ నాయకుడు. ఆయన రాయచోటి శాసనసభ నియోజకవర్గం నుండి రెండుసార్లు ఎమ్మెల్యేగా గెలిచాడు.

జననం, విద్యాభాస్యం

మండిపల్లి నారాయణరెడ్డి ఆంధ్రప్రదేశ్ రాష్ట్రం, అన్నమయ్య జిల్లా, చిన్నమండెం మండలం, పడమటికోన గ్రామంలో జయరామిరెడ్డి, మల్లమ్మ దంపతులకు 1955 జులై 1న జన్మించాడు. ఆయన బీకాం వరకు చదువుకున్నాడు.

రాజకీయ జీవితం

మండిపల్లి నారాయణరెడ్డి తన పినతండ్ర మాజీ ఎమ్మెల్యే మండిపల్లి నాగిరెడ్డి 1993లో రోడ్డు ప్రమాదానికి గురై మరణించడంతో ఆయన రాజకీయ వారసుడిగా రాజకీయాల్లోకి వచ్చి 1993లో రాయచోటి నియోజకవర్గంకు జరిగిన ఉప ఎన్నికలో కాంగ్రెస్ అభ్యర్థిగా పోటీ చేసి గెలిచి తొలిసారి ఎమ్మెల్యేగా అసెంబ్లీకి ఎన్నికయ్యాడు. ఆయన 1994లో జరిగిన శాసనసభ ఎన్నికల్లోపోటీ చేసి గెలిచి రెండోసారి వరుసగా ఎమ్మెల్యేగా గెలిచాడు. నారాయణరెడ్డి 1999 జరిగిన ఎన్నికల్లో ఓడిపోయాడు. ఆయనకు 2004లో జరిగిన ఎన్నికల్లో టికెట్టు లభించకపోడంతో ప్రత్యక్ష రాజకీయాలకు దూరంగా ఉన్నాడు.

మరణం

మండిపల్లి నారాయణరెడ్డి శ్వాసకోస, గుండెనొప్పి సమస్యలతో చెన్నైలోని అపోలో ఆసుపత్రిలో చికిత్స అందుకుంటూ ఆరోగ్యం విషమించడంతో 2019 జనవరి 11న మరణించాడు.