మాలమహానాడు
మాల మహానాడు అనునది మాలల హక్కుల కోసం, అదే విధంగా షెద్యుల్ కులాల ఐక్యత, హక్కుల కొరకు పోరడుతున్న ఒక సంస్థ. దీనిని పోతుల విఘ్నేశ్వరరావు స్థాపించాడు. దీనికి ప్రస్తుత అధ్యక్షులు జూపూడి ప్రభాకరరావు. అంతకు ముందు కొన్నాళ్ళ పాటు కారెం శివాజీ దీనికి నాయకత్వం వహించాడు.
మాల మహానాడు ఉద్యమం[మార్చు]
1947 లో భారత స్వాతంత్ర్యం వచ్చినప్పటి నుండి ఆంధ్రప్రదేశ్‌లోని 20 శాతం దళిత జనాభా భారత జాతీయ కాంగ్రెస్ పార్టీకి సాంప్రదాయ ఓటు బ్యాంకు. 1998 లో, తెలుగు దేశం పార్టీకి చెందిన చంద్రబాబు నాయుడు ఈ మద్దతును విభజించాల్సిన అవసరం ఉందని అభిప్రాయపడ్డాడు. తన పార్టీని రాష్ట్రంలో బలంగా స్థాపించడానికి ప్రత్యేక రిజర్వేషన్ ప్రయోజనాల ద్వారా నాయుడు మాదిగలను సంక్షేమం, విద్యా సంస్థలలో సీట్లు, రిజర్వేషన్లతో వేరుచేసాడు. షెడ్యూల్డ్ కులాలను A, B, C, D గ్రూపులుగా వర్గీకరించడానికి మాదిగ రిజర్వేషన్ పోరాట సమితి (MRPS) ఉద్యమాన్ని నాయకత్వం వహించడానికి మాజీ నక్సలైట్ మందకృష్ణ మాదిగను తీసుకువచ్చాడు. అప్పటి చంద్రబాబు నాయుడు ప్రభుత్వం 59 ఉప కులాలను వారి జనాభా ప్రకారం నాలుగు గ్రూపులుగా వర్గీకరించి వారి వాటాను కేటాయించింది. ఆ విధంగా గ్రూప్ ఎ లోని 12 కులాలకు 1 శాతం, మాదిగలతో పాటు గ్రూపు బి లోని 17 కులాలకు 7 శాతం, మాలలతో పాటు గ్రూపు సి లోని 24 కులాలకు 6 శాతం, గ్రూపు డిలో నాలుగు కులాలకు 1 శాతం రిజర్వేషన్లు కల్పించారు. దీని ప్రకారం మాలలు ఇప్పుడు తమ వాటాను 15%లో 6%కి మాత్రమే పరిమితం చేయబడింది. ఇది మాలలకు తీవ్ర ఆగ్రహానికి దారి తీసింది. ఆంధ్రప్రదేశ్ మాజీ ముఖ్యమంత్రి చంద్రబాబు నాయుడు రాష్ట్రంలో షెడ్యూల్డ్ కులాలను ఉప సమూహాలుగా విభజించడాన్ని మాలమహానాడు స్థాపకుడు పి.వి.రావు వ్యతిరేకించాడు. నాయుడు ప్రభుత్వ విభజన రాజకీయాలను వ్యతిరేకించినందుకు ఆయనను సేవల నుండి తొలగించారు. రావు తరువాత మాల మహానాడును ఏర్పాటు చేసి, సంఖ్యాపరంగా ముఖ్యమైన, విద్యావంతులైన సమాజమైన మాలల యొక్క కుల ఏకీకరణకు నాయకత్వం వహించాడు. [ఆధారం చూపాలి]
చంద్రబాబు నాయుడు ప్రభుత్వం జారీ చేసిన ఎస్సీల వర్గీకరణకు జీ.వోకు వ్యతిరేకంగా మాల మహానాడు పోరాటం 1997 లో ప్రారంభమైంది, [1] హైకోర్టు ఆ జీ.వోను కొట్టివేసింది. అపుడు ప్రభుత్వం ఒక ఆర్డినెన్సును చేసింది. దీనిని అసెంబ్లీ అమలు చేసింది. హైకోర్టు ఐదుగురు సభ్యుల ధర్మాసనం ఈ చట్టాన్ని సమర్థించింది. 2001 లో, మాల మహానాడు సుప్రీంకోర్టుకు వెళ్ళింది. "ఇ.వి.చిన్నయ్య vs ఆంధ్రప్రదేశ్ రాష్ట్ర ప్రభుత్వం" అనే ఈ కేసుపై ఐదుగురు న్యాయమూర్తుల సుప్రీం కోర్టు రాజ్యాంగ ధర్మాసనం 2004 నవంబరు 7 న తీర్పు ప్రకటించింది. దీని ప్రకారం షెడ్యూల్డ్ కులాలను ఉప సమూహాలుగా వర్గీకరించడం రాజ్యాంగ విరుద్ధం అని, అంటరానితనం ఏకైక ప్రమాణం అనీ, షెడ్యూల్డ్ కులాల వర్గీకరణ రాజ్యాంగంలోని ఆర్టికల్స్ 14, 15, 16 లను ఉల్లంఘించిందనీ కోర్టు తెలిపింది.[2][3][4]
మూలాలు[మార్చు]
- ↑ "P.V. Rao vs Director, Dept. Of Information ..on 25 August, 1999". Archived from the original on 2016-03-04. Retrieved 2020-04-15.
- ↑ "Apex court quashes AP`s legislation on reservation".
- ↑ "SC quashes Andhra reservation law as unconstitutional". The Times Of India. 5 November 2004. Archived from the original on 2012-09-24. Retrieved 2020-04-15.
- ↑ "S.C. rules against quota within quota". The Hindu. Chennai, India. 6 November 2004. Archived from the original on 12 ఫిబ్రవరి 2005. Retrieved 15 ఏప్రిల్ 2020.