రూపాబాయి ఫర్దూంజీ

వికీపీడియా నుండి
Jump to navigation Jump to search

రూపాబాయి ఫర్దూంజీ హైదరాబాదుకు చెందిన వైద్యురాలు, తొలి తరం అనస్థీసియాలజిస్టు. ప్రపంచంలోనే శిక్షణ పొందిన తొలి మహిళా అనస్థీసియాలజిస్టుగా గుర్తింపబడింది.[1]

1910లో ఎడిన్‌బరో విశ్వవిద్యాలయంలో భౌతికశాస్త్రం మరియు రసాయనశాస్త్రం చదువుకుంది. ఆనాడు అనస్థీషియా మీద ప్రత్యేకంగా కోర్సులు లేకపోవడంతో, అనస్థీషియా వైద్యులకు అవసరమైన శాస్త్రాలైన ఈ రంగాల్లో ఆమె విద్యాభ్యాసం చేసింది. హైదరాబాదులో ఎడ్వర్డ్ లారీ దగ్గర పాథాలజీలో శిక్షణ పొందింది. ఇంగ్లాండుకు అనిబీసెంట్తో కలిసి ఒకే ఓడలో ప్రయాణం చేసింది. దీంతో ఆమెతో సాన్నిహిత్యం ఏర్పడింది. అంతేగాదు అనిబీసెంట్ ఇంగ్లండ్‌లోని మిత్రులకు ఆమెను సిఫారసు చేస్తూ యోగ్యతాపత్రాన్ని కూడా ఇచ్చింది.

1909లో ఇంగ్లాండు నుండి తిరిగి వస్తూ, ఓడ ఈడెన్ పోర్టులో ఆగినప్పుడు, అక్కడి బ్రిటీషు రెసిడెంట్, రూపాబాయి సేవలు అక్కడ అవసరమని, కొంతకాలం ఈడెన్‌లో వైద్యసేవలు అందించాలని కోరుతూ, హైదరాబాదులోని బ్రిటీషు రెసిడెంటుకు లేఖ పంపాడు. ఈ విధంగా బ్రిటిష్ రెసిడెంట్ కోరిక మేరకు అక్కడ కొంతకాలం వైద్య సేవలు అందించింది.

ఫర్దూంజీ 1890 నుంచి 1920 ప్రాంతంలో రిటైరయ్యే వరకూ అంటే దాదాపు 30 యేళ్ళు నగరంలోని బ్రిటీషు రెసిడెన్సీ, జనానా ఆస్పత్రుల్లో పనిచేసింది. ఆఖరికి చాదర్‌ఘాట్ (సుల్తాన్‌బజార్) ఆసుపత్రి సూపరింటెండెంట్‌గా రిటైరయ్యింది. నిజాం కుటుంబంలో ఎంతోమందికి ఈవిడే పురుడుపోసింది. జీవితాంతం అవివాహితగా ఉన్న రూపాబాయి జననమరణాలు కచ్చితంగా తెలియడం లేదు. 1920లో పదవీ విరమణ పొందిన ఈమె, బహుశా 1860 ప్రాంతంలో జన్మించి ఉండవచ్చని అంచనా.

మూలాలు[మార్చు]

  1. Ala, Narayana; K, Bharathi (2010). "Dr. (Miss) Rupa Bai Furdoonji: World's first qualified lady anaesthetist". Indian Journal of Anaesthesia. 54 (3): 259–261. doi:10.4103/0019-5049.65371. PMID 2933491. Retrieved 22 November 2017.