లలితా సహస్ర నామములు- 601-700
Jump to navigation
Jump to search
లలితా సహస్ర నామ స్తోత్రములోని ఏడవ నూరు నామములకు సంక్షిప్త వివరణ ఇక్కడ ఇవ్వబడింది.[1][2]
శ్లోకం 121
[మార్చు]- దరాందోళిత దీర్ఘాక్షీ - కొంచెముగా చలించు ఆకర్ణాంత విశాలమైన కన్నులు గలది.
- దరహాసోజ్జ్వలన్ముఖీ - మందహాసము చేత ప్రకాశించు ముఖము కలది.
- గురుమూర్తిః - గురువు యొక్క రూపముగా నున్నది.
- గుణనిధిః - గుణములకు గని వంటిది.
- గోమాతా - గోవులకు తల్లి వంటిది.
- గుహజన్మభూః - కుమారస్వామి పుట్టుటకు తల్లి అయినది.
శ్లోకం 122
[మార్చు]- దేవేశీ - దేవతలకు పాలకురాలు.
- దండనీతిస్థా - దండనీతి శాస్త్రము లోని విషయములుగా ఉండునది.
- దహరాకాశ రూపిణి - హృదయములో ఉండు చోటు రూపముగ ఉండునది.
- ప్రతిపన్ముఖ్యరాకాంత తిథిమండల పూజితా - పాడ్యమి నుండి ముఖ్యమైన పౌర్ణమి వరకు ఉండు తిథివర్గముచే పూజింపబడునది.
శ్లోకం 123
[మార్చు]- కళాత్మికా - కళల యొక్క రూపమైనది.
- కళానాథా - కళలకు అధినాథురాలు.
- కావ్యాలాప వినోదినీ - కావ్యముల ఆలాపములో వినోదించునది.
- సచామర రమావాణీ సవ్యదక్షిణ సేవితా - వింజామరలను కలిగియున్న ఎడమవైపున, కుడివైపున (వరుసగా) లక్ష్మీదేవి చేత, సరస్వతీదేవి చేత సేవింపబడునది.
శ్లోకం 124
[మార్చు]- ఆదిశక్తిః - ప్రథమముగా నున్న శక్తి స్వరూపిణి.
- అమేయా - కొలుచుటకు, గణించుటకు గాని, నిర్వహించుటకు గాని అలవికానిది.
- ఆత్మా - ఆత్మ స్వరూపిణి.
- పరమా - సర్వీత్కృష్టమైనది.
- పావనాకృతిః - పవిత్రమైన స్వరూపము గలది.
- అనేకకోటి బ్రహ్మాండజననీ - అనంతమైన సమూహములుగా నుండు బ్రహ్మాండములకు తల్లి.
- దివ్యవిగ్రహా - వెలుగుచుండు రూపము గలది.
శ్లోకం 125
[మార్చు]- క్లీంకారీ - ' క్లీం ' అను బీజాక్షరమునకు కారణభూతురాలు.
- కేవలా - ఒకే ఒక తత్వమును సూచించునది.
- గుహ్యా - రహస్యాతి రహస్యమైనది.
- కైవల్య పదదాయినీ - మోక్షస్థితిని ఇచ్చునది.
- త్రిపురా - మూడు పురములను కలిగి ఉంది.
- త్రిజగద్వంద్యా - మూడు లోకములచే పూజింపబడునది.
- త్రిమూర్తిః - త్రిమూర్తులైన బ్రహ్మ, విష్ణు, రుద్రుల రూపములో ఉండునది.
- త్రిదశేశ్వరీ - దేవతలకు ఈశ్వరి.
శ్లోకం 126
[మార్చు]- త్ర్యక్షరీ - మూడు అక్షరముల స్వరూపిణి.
- దివ్యగంధాడ్యా - దివ్యమైన పరిమళ ద్రవ్య గంధములచే ఒప్పునది.
- సిందూర తిలకాంచితా - పాపటయందు సిందూర తిలకముచే ప్రకాశించునది.
- ఉమా - ఉమా నామాన్వితురాలు.మూడు లోకములచే పూజింపబడునది.
- శైలేంద్ర తనయా - హిమవత్పర్వతము యొక్క కుమార్తె.
- గౌరీ - గౌర వర్ణములో ఉండునది.
- గంధర్వ సేవితా - గంధర్వులచేత పూజింపబడునది.
శ్లోకం 127
[మార్చు]- విశ్వగర్భా - విశ్వమును గర్భమునందు ధరించునది.
- స్వర్ణగర్భా - బంగారు గర్భము గలది.
- అవరదా - తనకు మించిన వరదాతలు లేనిది.
- వాగధీశ్వరీ - వాక్కునకు అధిదేవత.
- ధ్యానగమ్యా - ధ్యానము చేత పొందబడునది.
- అపరిచ్ఛేద్యా - విభజింప వీలులేనిది.
- జ్ఞానదా - జ్ఞానమును ఇచ్చునది.
- జ్ఞానవిగ్రహా - జ్ఞానమును మూర్తిగా దాల్చింది.
శ్లోకం 128
[మార్చు]- సర్వవేదాంత సంవేద్యా - అన్ని ఉపనిషత్తులచే చక్కగా తెలియబడునది.
- సత్యానంద స్వరూపిణీ - నిత్యసత్యమైన ఆనందమును స్వరూపముగా గలది.
- లోపాముద్రార్చితా - లోపాముద్రచే అర్చింపబడింది.
- లీలాక్లుప్త బ్రహ్మాండ మండలా - క్రీడా వినోదానికై కల్పింపబడి క్లుప్తీకరింపబడే బ్రహ్మాండముల సమూహము గలది.
శ్లోకం 129
[మార్చు]- అదృశ్యా - చూడబడనిది.
- దృశ్యరహితా - చూడబడుటకు వేరే ఏమీలేని స్థితిలో ఉండునది.
- విజ్ఞాత్రీ - విజ్ఞానమును కలిగించునది.
- వేద్యవర్జితా - తెలుసుకొనబడవలసినది ఏమీ లేనిది.
- యోగినీ - యోగముతో కూడి ఉంది.
- యోగదా - యోగమును ఇచ్చునది.
- యోగ్యా - యోగ్యమైనది.
- యోగానందా - యోగముల వలన పొందు ఆనంద స్వరూపిణి.
- యుగంధరా - జంటను ధరించునది.
శ్లోకం 130
[మార్చు]- ఇచ్ఛాశక్తి జ్ఞానశక్తి క్రియాశక్తి స్వరూపిణీ - స్వేచ్ఛాసంకల్పశక్తి, జ్ఞానకారకమైన శక్తి, కార్యాచరణ శక్తుల స్వరూపిణిగా ఉంది.
- సర్వాధారా - సమస్తమునకు ఆధారమైనది.
- సుప్రతిష్ఠా - చక్కగా స్థాపించుకొనినది.
- సదసద్రూప ధారిణీ - వ్యక్తమైనదిగాను, వ్యక్తముకాని దానిగాను రూపమును ధరించునది.
శ్లోకం 131
[మార్చు]- అష్టమూర్తి: 8 రూపములు కలిగినది (పంచేంద్రియాలు, చిత్తము, బుద్ధి,అహంకారము)
- అజా : పుట్టుకలేనిది
- జైత్రీ : సర్వమును జయించినది
- లోకయాత్రా విధాయినీ :లోకములను నియమించునది
- ఏకాకినీ : ఏకస్వరూపిణీ
- భూమరూపా : భూదేవిరూపము ధరించునది
- నిర్ద్వైతా : అద్వైతము కలిగినది (రెందవది అనునది లేకుండుట)
- ద్వైత వర్జితా : ద్వైతభావము లేనిది
శ్లోకం 132
[మార్చు]- అన్నదా : సర్వజీవులకు ఆహారము ఇచ్చునది
- వసుదా : సంపదలిచ్చునది
- వృద్ధా : ప్రాచీనమైనది
- బ్రహ్మత్మైక్య స్వరుపినీ : ఆత్మ, పరమాత్మల ఐక్యస్వరూపిణి
- బృహతీ : అన్నిటికన్న పెద్దది
- బ్రాహ్మణీ : బ్రహ్మఙ్ఞాన స్వరూపిణీ
- బ్రాహ్మీ : సరస్వతీ
- బ్రహ్మానందా :బ్రహ్మానందస్వరూపిణీ
- బలిప్రియా : బలి(త్యాగము) యందు ప్రీతి కలిగినది
శ్లోకం 133
[మార్చు]- భాషారూపా : సమస్తభాషలు తన రూపముగా కలిగినది
- బృహత్సేనా : గొప్ప సైన్యము కలిగినది
- భావాభావ వివర్జితా : భావము, అభావము రెండింటినీ లేనిది
- సుఖారాధ్యా :సుఖులైనవారిచే (నిత్యతృప్తులు) ఆరాధింపబడునది
- శుభంకరీ : శుభములను కలిగినది
- శోభనా : వైభవములను కలిగినది
- సులభాగతి: : తేలికగా చేరతగినది
శ్లోకం 134
[మార్చు]- రాజరాజేశ్వరీ : ఈశ్వరుని హృదయేశ్వరీ
- రాజ్యదాయినీ : రాజ్యములను ఇచ్చునది
- రాజ్యవల్లభా : రాజ్యమునకు అధికారిణీ
- రాజత్కృపా : అధికమైన కరుణ కలది
- రాజపీఠనిశేవిత నిజాశ్రితా :తనను ఆశ్రయించినవారిని సింహాసనము పైన కూర్చొండపెట్టునది
శ్లోకం 135
[మార్చు]- రాజ్యలక్ష్మి: రాజ్యలక్ష్మీ రూపిణీ
- కోశనాధా : కోశాగారముకు అధికారిణీ
- చతురంగ బలేశ్వరీ : చతురంగ బలాలకు (రధ, గజ, తురగ, పదాదులు) అధిపతి
- సామ్రాజ్యదాయినీ : సామ్రాజ్యమును ఇచ్చునది
- సత్యసంధా : సత్యస్వరూపిణి
- సాగరమేఘలా : సముద్రములే వడ్డాణముగా కలిగినది
శ్లోకం 136
[మార్చు]- దీక్షితా : భక్తులను రకించుట యెందు దీక్ష వహించినది
- దైత్యశమనీ : రాక్షసులను సం హరించునది
- సర్వలోక వశంకరీ :సమస్తలోకములను వశము చేసుకొనునది
- సర్వార్ధదాత్రీ : కోరిన కోర్కెలన్నిటినీ తీర్చునది
- సావిత్రీ : గాయత్రీ మాత
- సచ్చిదానంద రూపిణీ : సత్,చిత్, ఆనందములే రూపముగా కలిగినది.
మూలాలు
[మార్చు]- ↑ "Untitled | PDF". Scribd (in ఇంగ్లీష్). Retrieved 2023-07-08.
- ↑ Incarnation 14 (2020-08-31). "శ్రీ లలితా సహస్ర నామములు – 79 / Sri Lalita Sahasranamavali – Meaning – 79". Prasad Bharadwaj Incarnation 14 Blog (in ఇంగ్లీష్). Retrieved 2023-07-08.
{{cite web}}: CS1 maint: numeric names: authors list (link)