వికీపీడియా:AWB ఖాతా అనుమతి విధానం

తెలుగు వికీపీడియా లోని నిర్వాహకులకు ఆటోమాటిగ్గా AWB వాడే అనుమతి లభిస్తుంది. ఇతరులు దీన్ని ప్రత్యేకించి పొందాల్సి ఉంటుంది. ఆటోవికీబ్రౌజరును వాడేందుకు ఎనుమతి ఎలా పొందాలనే విధానాన్ని ఈ పేజీ ప్రతిపాదిస్తోంది. ఈ ప్రతిపాదనకు మూలం రచ్చబండలో జరిగిన ఈ చర్చ. ఆ చర్చలో వచ్చిన సూచనల ప్రకారం ఈ ప్రతిపాదనను తయారు చేసాను. కొన్ని కొత్త అంశాలను కూడా చేర్చాను. దీనిపై చర్చాపేజీలో చర్చించి ఒక నిర్ణయం తీసుకుందాం. ఆ తరువాత దీన్ని విధానంగా ప్రకటిద్దాం.

AWB వాడుకరి అనుమతి పొందేందుకు ఉండాల్సిన కనీస అర్హతలు

AWB వాడుకరిగా అనుమతి పొందాలంటే, వాడుకరులకు కింది కనీసార్హతలు ఉండాలి.

1. తెలుగు వికీపీడియాలో ఏ పేరుబరిలో నైనా కనీసం 500 దిద్దుబాట్లు చేసి ఉండాలి.
2. సదరు వాడుకరికి వికీవిధానాలపై తగు పరిజ్ఞానం ఉందని నిర్వాహకులు భావించాలి. లేదని ఎవరైనా భావిస్తే తగు ఉదాహరణలు చూపించాలి. వారికి ఉన్న పరిజ్ఞానాన్ని నిర్ధారించుకునేందుకు వాడుకరులు ఆ వాడుకరిని ప్రశ్నలు అడగవచ్చు. దానికి వచ్చిన సమాధానాలను బట్టి నిర్ణయం తీసుకోవచ్చు
3. నిర్వాహకులకు ఆటోమాటిగ్గా AWB అనుమతి ఉన్నప్పటికీ వారు ఆ అనుమతులను నిర్వాహక పనులకు తప్పించి ఇతర పనులకు వాడరాదు. మామూలు దిద్దుబాటు పనులు చెయ్యాలంటే నిర్వహకులు కూడా వేరే వాడుకరిని సృష్టించుకుని దానికి అనుమతి కోరాలి.

అనుమతి కోరడం

AWB అనుమతి కోరదలచిన వాడుకరి కింది పద్ధతిని పాటించాలి.

1. అనుమతి కోరే వాడుకరి ముందుగా అందుకోసం ఒక కొత్త వాడుకరిఖాతాను సృష్టించుకోవాలి. ఆ వాడుకరిపేరులో చివర AWB అని ఉంటే బాగుంటుంది.
2. వికీపీడియా చర్చ:AutoWikiBrowser/CheckPage అనే పేజీలో తన అభ్యర్ధనను కింది విధంగా నమోదు చెయ్యాలి.

   "వాడుకరి నమోదు అభ్యర్ధనలు" అనే విభాగం లోని "వాడుకరులు" అనే ఉప విభాగంలో *{{AWBUserTewiki|మీ ప్రస్తుత వాడుకరిపేరు|మీరు కావాలనుకుంటున్న AWB వాడుకరిపేరు}} అని రాసి సంతకం చెయ్యాలి. దాంతో మీ అభ్యర్ధన పూర్తైనట్లే.

అభ్యర్ధనను పరిశీలించడం

నిర్వాహకులు అభ్యర్ధనలను కింది విధంగా పరిశీలించవచ్చు.

1. తెవికీలో కనీసం 500 మార్పుచేర్పులున్నాయా?
2. వేరే వాడుకరి ఖాతాను సృష్టించుకున్నారా?
3. ఇప్పటి వరకూ ఈ వాడుకరి చేసిన మార్పుచేర్పులను గమనిస్తే, వారు ఈ అనుమతికి అర్హులేనా? [అర్హులే/అంతటి నైపుణ్యం లేదు/తెలియదు]
   1. నైపుణ్యం ఉందని మీరు భావిస్తే ఆ సంగతి రాయండి. కారణాలను కూడా రాస్తే మంచిది.
   2. నైపుణ్యం లేదని మీరు భావిస్తే కారణాలను వివరిస్తూ రాయండి. మీ అభిప్రాయాన్ని నిరూపించే ప్రశ్నలు అడగండి. దానికి ఆ వాడుకరి ఇచ్చే సమాధానాలను బట్టి ఇతర నిర్వాహకులకు కూడా ఆ వాడుకరి నైపుణ్యం పట్ల అంచనా ఏర్పడుతుంది.
   3. తెలియక పోతే, తెలుసుకునేందుకు ఉపయోగపడే ప్రశ్నలు అడగండి.
4. ఒక వారం తరువాత నిర్ణయం వెలువరించాలి.
   1. అనుమతులు ఇవ్వకూడదని ఎవరైనా అభిప్రాయపడి ఉంటే, ఆ చర్చపై నిర్ణయం తటస్థ నిర్వాహకులు వెలువరించాలి.
   2. అభ్యర్ధనకు వ్యతిరేకంగా ఎవ్వరూ లేకపోతే, నిర్ణయం ఎవరైనా వెలువరించవచ్చు.
5. నిర్ణయం
   1. అభ్యర్ధనను తిరస్కరిస్తే ఆ విషయాన్ని వాడుకరికి తెలియజెయ్యాలి.
   2. అభ్యర్ధనను ఆమోదిస్తే కింది విభాగంలో చూపిన పనులు చెయ్యాలి

అనుమతులు ఇచ్చే పద్ధతి

అభ్యర్ధనను నిర్వాహకులు ఆమోదించినపుడు కింది చర్యలు తీసుకోవాలి.

1. వికీపీడియా:AutoWikiBrowser/CheckPage పేజీలో, Approved users అనే విభాగంలో (ఈ విభాగం పేరు ఇలాగే ఉండాలి, మార్చరాదు, అనువదించరాదు) అనుమతించిన వాడుకరిపేరును (AWB వాడుకరిపేరు) చేర్చండి. వాడుకరిపేరు ఏ తప్పూ లేకుండా, ఎలా ఉందో ఖచ్చితంగా అలాగే రాయాలి.
2. అనుమతి కోరిన వాడుకరికి ఈ సంగతి తెలియజేస్తూ ఆ వాడుకరి చర్చా పేజీలో రాయండి. అనుమతి కేవలం 50 మార్పులకే ఇచ్చామని, 50 మార్పుల తరువాత మళ్ళీ మరి దిద్దుబాట్లేమీ చెయ్యకుండా ఆ మార్పుల పరిశీలన కొరకు మిమ్మల్ని అభ్యర్ధించాలనీ రాయండి.
3. 50 మార్పులు తరువాత ఆ వాడుకరి తెలియజేసినపుడు ఆ మార్పులను పరిశీలించి తదుపరి నిర్ణయం తీసుకోవాలి
   1. ఆ మార్పులు సంతృప్తికరంగా ఉంటే, ఇక కొనసాగించమని ఆ వాడుకరికి చెప్పాలి
   2. మరింత అనుభవం అవసరమని భావిస్తే, కారణాలతో సహా ఆ సంగతి తెలియజేసి మరొ 50 మార్పులకు అవకాశం ఇవ్వాలి.
   3. అసలు AWB వాడేందుకు అనుమతించే అవకాశం ఆ వాడుకరికి ఇవ్వలేమని మీరు భావిస్తే ఆ విషయాన్నే తెలియజేసి, వికీపీడియా:AutoWikiBrowser/CheckPage పేజీలో, Approved users అనే విభాగంలో చేర్చిన ఆ వాడుకరిపేరును తీసెయ్యాలి.

అనుమతులు రద్దు చేసే విధానం

1. ఏ వాడుకరి యైనా AWB ఖాతాను దురుపయోగం చేస్తున్నారని గాని, వాడడం సరిగ్గా తెలియక తప్పులు చేస్తున్నారని గానీ వాడుకరులెవరైనా ససాక్ష్యంగా ఫిర్యాదు చెయ్యవచ్చు. ఫిర్యాదును వికీపీడియా:నిర్వాహకుల నోటీసుబోర్డు లో చెయ్యాలి. దానిపై నిర్వాహకులు దర్యాప్తు చేసి, చర్చించి తగు నిర్ణయం తీసుకుంటారు.
2. నిర్ణయం అనుమతి కొనసాగింపు అయితే చేసేది ఏమీ లేదు.
3. నిర్ణయం అనుమతి రద్దు అయితే: వికీపీడియా:AutoWikiBrowser/CheckPage పేజీలో, Approved users అనే విభాగంలో చేర్చిన ఆ వాడుకరిపేరును తీసెయ్యాలి.