శిల్పా మోహన్ రెడ్డి

శిల్పా మోహన్ రెడ్డి
ఎమ్మెల్యే
అధికారంలో ఉన్న వ్యక్తి
అధికార ప్రారంభం 2004 - 2014
ముందు	భూమా బ్రహ్మనంద రెడ్డి
నంద్యాల నియోజకవర్గం
వ్యక్తిగత వివరాలు
జననం	10 జనవరి 1960 నంద్యాల , కర్నూలు జిల్లా , ఆంధ్రప్రదేశ్ రాష్ట్రం, భారతదేశం
రాజకీయ పార్టీ	వైఎస్సార్ కాంగ్రెస్ పార్టీ
ఇతర రాజకీయ పార్టీలు	కాంగ్రెస్ పార్టీ తెలుగుదేశం పార్టీ
జీవిత భాగస్వామి	రమాదేవి
బంధువులు	శిల్పా చక్రపాణిరెడ్డి (తమ్ముడు)
సంతానం	సింగారెడ్డి గారి శిల్పా రవిచంద్ర కిశోర్ రెడ్డి సింగారెడ్డి గారి శిల్పా రెడ్డి
నివాసం	నంద్యాల

శిల్పా మోహన్ రెడ్డి ఆంధ్రప్రదేశ్ రాష్ట్రానికి చెందిన రాజకీయ నాయకుడు. ఆయన రెండుసార్లు నంద్యాల నియోజకవర్గం నుండి ఎమ్మెల్యేగా గెలిచాడు.

జననం, విద్యాభాస్యం

శిల్పా మోహన్ రెడ్డి 10 జనవరి 1960లో ఆంధ్రప్రదేశ్ రాష్ట్రం , వైఎస్‌ఆర్ జిల్లా , కొండ సుంకేసుల గ్రామంలో చెన్నారెడ్డి , వెంకట లక్ష్మమ్మ దంపతులకు జన్మించాడు. ఆయన ఐ.టి.ఐ పూర్తి చేశాడు.

రాజకీయ జీవితం

శిల్పా మోహన్ రెడ్డి కాంగ్రెస్ పార్టీ ద్వారా రాజకీయాల్లోకి వచ్చి 2004లో తొలిసారి నంద్యాల నియోజకవర్గం నుండి కాంగ్రెస్ తరపున పోటీ చేసి గెలిచి తొలిసారి ఎమ్మెల్యేగా అసెంబ్లీకి ఎన్నికయ్యాడు. ఆయన తిరిగి 2009లో రెండోసారి ఎమ్మెల్యేగా గెలిచి వై.యస్. రాజశేఖరరెడ్డి మంత్రివర్గంలో గృహ నిర్మాణ శాఖ మంత్రిగా పని చేశాడు. ఆయన ఆంధ్రప్రదేశ్ రాష్ట్ర విభజన అనంతరం కాంగ్రెస్ పార్టీని వీడి తెలుగుదేశం పార్టీలో చేరాడు.

శిల్పా మోహన్ రెడ్డి 2014లో నంద్యాల నియోజకవర్గం నుండి టీడీపీ తరపున పోటీ చేసి ఓడిపోయాడు. ఆయన భూమా నాగిరెడ్డి టీడీపీలో చేరడంతో 14 జూన్ 2017 2017లో తెలుగుదేశం పార్టీని వీడి హైదరాబాద్‌ లోటస్‌ పాండ్‌లో వైఎస్సార్ కాంగ్రెస్ పార్టీ అధ్యక్షుడు వై.ఎస్. జగన్మోహన్ రెడ్డి సమక్షంలో వైఎస్సార్‌ సీపీలో చేరాడు. శిల్పా మోహన్ రెడ్డి 2019 ఎన్నికల్లో తాను పోటీ చేయకుండా తన కుమారుడు సింగారెడ్డి గారి శిల్పా రవిచంద్ర కిశోర్ రెడ్డి కి టికెట్ ఇప్పించి ఆయన గెలుపులో కీలకంగా పని చేశాడు.