సుగవాసి పాలకొండ్రాయుడు

సుగవాసి పాలకొండ్ రాయుడు/ సుగవాసి పాలకొండ్రాయుడు (జననం జూలై 3, 1946) ఒక భారత రాజకీయ నాయకుడు.

తొలి జీవితం

రాయుడు కడప జిల్లాలోని రాయచోటి గ్రామంలో జన్మించాడు. రాయచోటి జిల్లా పరిషత్ ఉన్నత పాఠశాలలో మెట్రిక్యులేషన్ ఉత్తీర్ణత సాధించారు.

రాయుడు 1968 సంవత్సరంలో డిసెంబర్ 3 న వివాహం చేసుకున్నాడు. అతనికి ఇద్దరు కుమారులు, ఒక కుమార్తె ఉన్నారు.

రాయుడు జనతా పార్టీ అభ్యర్థిగా 1978లో కడప జిల్లాలో రాయచోటి శాసనసభ నియోజకవర్గం నుండి ఎమ్మెల్యేగా గెలుపొందారు.^[1] 1983లో రెండవ సారి రాయచోటి శాసనసభ నియోజకవర్గం నుండి స్వతంత్ర అభ్యర్థిగా గెలిచారు.^[2] తెలుగు దేశం పార్టీ నుండి 1984 లో ఆంధ్రప్రదేశ్ లోని రాజంపేట లోక్‌సభ నియోజకవర్గం నుండి లోక్‌సభ సభ్యుడిగా విజయం సాధించారు.^[3] 1999, 2004 లలో రాయచోటి శాసనసభ నియోజకవర్గం నుండి తెలుగుదేశం పార్టీ అభ్యర్థిగా విజయం సాధించారు.^[4] ^[5]