సుబోధ్ రాయ్
సుబోధ్ రాయ్ | |
|---|---|
 | |
| వ్యక్తిగత వివరాలు | |
| జననం | 1915 చిట్టగాంగ్ జిల్లా, బెంగాల్ ప్రావిన్స్, బ్రిటిష్ ఇండియా (ఇప్పుడు బంగ్లాదేశ్) |
| మరణం | 26 ఆగస్టు 2006 కలకత్తా, భారతదేశం |
| జాతీయత | భారతీయుడు |
| రాజకీయ పార్టీ | కమ్యూనిస్ట్ పార్టీ ఆఫ్ ఇండియా (మార్క్సిస్ట్) |
| నైపుణ్యం | భారత స్వాతంత్ర ఉద్యమ కార్యకర్త, విప్లవవాది |
సుబోధ్ రాయ్ (1915 - 2006 ఆగస్టు 26)[1] - ఝుంకు రాయ్ గా సుపరిచితుడు. భారత స్వాతంత్ర్య ఉద్యమంలో ప్రభావం చూపిన భారతీయ విప్లవ సోషలిస్ట్, రాజకీయ నాయకుడు.
జీవిత చరిత్ర
[మార్చు]సుబోధ్ రాయ్ 1915లో అవిభక్త బెంగాల్‌లోని చిట్టగాంగ్‌లో ధనిక కుటుంబంలో జన్మించాడు. అతను 1930 ఏప్రిల్ 18న తన 14 సంవత్సరాల వయస్సులో విప్లవ నాయకుడు సూర్య సేన్ ఆధ్వర్యంలో జరిగిన చిట్టగాంగ్ బ్రిటీష్ ఆయుధగారం పై దాడిలో పాల్గొన్న అతి పిన్న వయస్కుడు. ఈ దాడితో అక్కడి కమ్యూనికేషన్ వ్యవస్థని పూర్తిగా ధ్వంసం చేసి ఆ ఆయుధ శాలపై జాతీయ పతాకాన్ని ఎగురవేసి బ్రిటీష్ సేనలకి సవాలు విసరటంలో విజయం సాధించి ఎందరికొ స్ఫూర్తిగా నిలిచాడు. కానీ శిక్ష పడిన మొదటి బ్యాచ్‌లో సుబోధ్ రాయ్ ఒకడు.[1] విచారణ తర్వాత, సుబోధ్ రాయ్ 1934లో పోర్ట్ బ్లెయిర్‌లోని సెల్యులార్ జైలుకు తరలించారు.[1]
1940లో జైలు నుంచి విడుదలైన తర్వాత అతను కమ్యూనిస్టు రాజకీయాల్లో చేరి భారత కమ్యూనిస్టు పార్టీ సభ్యుడిగా మారాడు. భారత స్వాతంత్ర్యం అనంతరం, అతను కలకత్తాకు చేరి ఆ పార్టీ ప్రావిన్షియల్ సెంటర్‌లో హోల్‌టైమర్‌గా చేరాడు. 1964లో కమ్యూనిస్ట్ పార్టీ ఆఫ్ ఇండియాలో చీలిక తర్వాత, సుబోధ్ రాయ్ కమ్యూనిస్ట్ పార్టీ ఆఫ్ ఇండియా (మార్క్సిస్ట్) (సీపీఐ (ఎం)) పక్షాన నిలిచాడు. అతను సి.పిఎం పశ్చిమ బెంగాల్ రాష్ట్ర కమిటీలో దీర్ఘకాల సభ్యుడుగా కొనసాగాడు.[2]
1946-47 సంవత్సరాలలో అప్పటి ఉమ్మడి బెంగాల్ లో కిసాన్ సభ ఆధ్వర్యంలో జరిగిన తెభాగా కార్మిక ఉద్యమంలో ప్రముఖ ఉద్యమ నాయకుడు. సుబోధ్ రాయ్ కమ్యూనిస్టు ఉద్యమ చరిత్రలో ప్రముఖ పాండిత్యం అందించాడు. నేషనల్ ఆర్కైవ్స్‌లో పరిశోధన తర్వాత, అతను "కమ్యూనిజం ఇన్ ఇండియా: అన్‌పబ్లిష్డ్ డాక్యుమెంట్స్" అనే పుస్తకాన్ని సవరించాడు.[2]
ప్రచురణలు
[మార్చు]చిట్టగాంగ్ ఆర్మరీ రైడ్: ఎ మెమోయిర్ - భారతదేశ స్వాతంత్ర్య పోరాటంలో అత్యంత సాహసోపేతమైన, నాటకీయ సంఘటనలలో ఒకటైన చిట్టగాంగ్ ఆర్మరీ రైడ్ ని అతి పిన్న వయస్కుని కళ్ల నుండి చూసినట్లుగా కథనం. ఇది రెండు ప్రధాన చలన చిత్రాలకు ప్రేరణనిచ్చింది.
చిట్టగాంగ్ - చలనచిత్రం
[మార్చు]2012 అక్టోబరు 12న విడుదల అయిన చిట్టగాంగ్ - ఒక చారిత్రక యుద్ధ డ్రామా చిత్రం. బెడబ్రత పెయిన్ ఈ చిత్ర నిర్మాత. డెల్జాద్ హిల్వాడే యువకుడు సుబోధ్ రాయ్ (ఝుంకు) పాత్రను పోషించగా, విజయ్ వర్మ వృద్ధుడిగా నటించాడు.[3][4]
మూలాలు
[మార్చు]- ↑ 1.0 1.1 1.2 "Model revolutionary". The Hindu. 1930-04-18.
- ↑ 2.0 2.1 "Comrade Subodh Roy Passes Away". Pd.cpim.org. 2006-09-03. Archived from the original on 2011-06-15. Retrieved 2010-11-01.
- ↑ "చిట్టగాంగ్ (సినిమా)".
{{cite web}}: CS1 maint: url-status (link) - ↑ "Bedabrata Pain sacrificed a lot for 'Chittagong': Anurag Kashyap". 8 October 2012.