స్వరూపరాణి

వికీపీడియా నుండి
Jump to navigation Jump to search

స్వరూప రాణి గారు కర్ణాటక సంగీతం నేర్చుకున్న గాయని. ఆమె తెలుగులో గజల్స్ పాడటంలో ఎంతో ప్రత్యేకత ఉంది. ఈ మధ్య ఆమె నీది నాది ఒకే కథలో పాట పాడారు. ఆమె పాడిన పాట ఆ సినిమాలో చివరకు వస్తుంది. ఆ సమయానికి సామాన్యంగా ప్రేక్షకులు వెళ్ళిపోతూ ఉంటారు. కాని ఆవిడ గొంతు, పాడిన పద్ధతి, పాట సాహిత్యం ప్రేక్షకులను పాట పూర్తయ్యేవరకూ అలా కూచోబెట్టినాయట.

జీవిత విశేషాలు[మార్చు]

ఆమె మెదక్ జిల్లా జహీరాబాద్ లో వ్యససాయ కుటుంబంలో పెద్దారెడ్డి, వీరమణి దంపతులకు జన్మించింది. స్థానిక సరస్వతీ శిశుమందిర్ లో విద్యాభ్యాసం చేసింది. ఆమెకు చిన్నతనం నుండి పాటలన్నా, శ్లోకాలన్నా ఆసక్తి ఉండేది. సంగీతం పట్ల ఆసక్తి ఉన్నప్పటికీ జహీరాబాద్ లో తగిన బోధకులు లేనందువల్ల పదవ తరగతి చదివిన తరువాత సంగీతాన్ని అభ్యసించుటకు హైదరాబాదు వచ్చింది. హైదరాబాదు రెడ్డి కళాశాలలో ఇంటర్మీడియట్ లో చేరింది. తనకు ఇష్టమైన సంగీతం కోర్సులో 'రామ్‌కోటి' కాలేజీలో చేరింది. జె.డి.చక్రవర్తి తల్లి గారిన కోవెల శాంత గారి వద్ద సంగీత జ్ఞానాన్ని అభ్యసించుటకు చేరింది. ఇంటర్ తరువాత తెలుగు విశ్వవిద్యాలయంలో సంగీతంలో డిగ్రీ చేసింది. గజల్స్ పై ఆసక్తితో వాటిని కూడా నేర్చుకున్నది. ూర్తిస్థాయిలో సినారె గజల్స్‌ మీద ఓ కచేరి చేయాలనుకున్నదామె. వెంటనే ఆ సాహిత్యానికి సంగీతాన్ని సమకూర్చింది. 'మీ గజల్స్‌ పాడదామనుకుంటున్నా' అని అనుమతికోసం ఆయన దగ్గరకు వెళ్లింది. అప్పటికే అనారోగ్యంతో వీల్‌ చెయిర్‌లో ఉన్నారు. 'నేను రాలేను. కానీ నా ఆశీర్వాదం ఉంటుంది. వెళ్లి పాడు' అన్నారాయన. ఆమె మనసంగీకరించలేదు. అందుకే వేదిక మీద పాడాలనుకుంటున్న ఒక్కో గజల్‌ను ఆయనకు పాడి వినిపించింది. ఆ తరువాత మొదటి 2017 మార్చి 16న రవీంద్రభారతిలో గజల్‌ కచేరి నిర్వహించింది. [1][2]

పల్లెల్లో జానపదాలు ఆసువుగా పాడుతుంటారు. అందులో ఒక శృతి-లయ ఉంటుంది. రాగం ఉంటుంది. ఆ రాగానికి నొటేషన్‌ ఇస్తే భవిష్యత్‌ తరాలు వాటిని బతికించుకుంటాయి అని ఎంఫిల్‌కి అదే అంశాన్ని తీసుకుంది. అదే విషయంపై పీహెచ్‌డీ కూడా చేసింది. జానపదాలకు నొటేషన్స్‌ సృష్టించింది.

వ్యక్తిగత జీవితం[మార్చు]

ఆమె భర్త వెంకటరెడ్డి సర్కిల్‌ ఇన్‌స్పెక్టర్‌గా పనిచేస్తున్నారు. సాహిత్యం, సంగీతం అంటే ఆయనకూ చాలా ఇష్టం. అమెనెంతో ప్రోత్సహిస్తారు.. వీరికి పాప ఖ్యాతిప్రియ, బాబు సాయి ప్రహర్షిత్‌ రెడ్డి.[3]

మూలాలు[మార్చు]

  1. YOYO TV Channel (2017-07-02), Singer Dr. Swaroopa Rani Songs and Exclusive Interview | Aamani | YOYO TV Channel, retrieved 2018-04-25
  2. "హృద‌యాన్ని త‌ట్టి‌న గ‌జ‌ల్ స్వ‌రూపం".
  3. Stories, Prajasakti News. "హృద‌యాన్ని త‌ట్టి‌న గ‌జ‌ల్ స్వ‌రూపం". Prajasakti. Retrieved 2018-04-25.

బయటి లంకెలు[మార్చు]