2020–2021 భారత పాకిస్తాన్ సరిహద్దు ఘర్షణలు

2020–2021 భారత పాకిస్తాన్ సరిహద్దు ఘర్షణలు కాశ్మీరు సమస్యలో భాగము జమ్మూ కాశ్మీరులో వివాదాస్పద ప్రాంతం తేదీ 2020 – 2021 ఫిబ్రవరి 25 (3 నెలలు, 1 వారం , 5 రోజులు) ప్రదేశం నియంత్రణ రేఖ, కాశ్మీరు ఫలితం Ceasefire ప్రత్యర్థులు India Pakistan పాల్గొన్న దళాలు Indian Army సరిహద్దు భద్రతా దళం పాకిస్తాన్ పాకిస్తాన్ రేంజర్స్ ప్రాణ నష్టం, నష్టాలు భారత వాదన: 10 మంది సైనికులు, 6 గురు పౌరులు పాకిస్తాన్ వాదన: అనేక మంది జననష్టం పాకిస్తాన్ వాదన: 7 గురు సైనికులు, 21 మంది పౌరులు భారత వాదన: 13 సైనికుల మృతి

కాశ్మీరు లోని వివాదాస్పద ప్రాంతంలో నియంత్రణ రేఖ వెంబడి భారత పాకిస్తాన్ ల మధ్య 2020-2021 కాలంలో జరిగిన సాయుధ ఘర్షణలే 2020-2021 భారతదేశం-పాకిస్తాన్ సరిహద్దు వాగ్వివాదాలు. నియంత్రణ రేఖ వెంబడి 2020 నవంబరులో భారత, పాకిస్తాన్ సైనికుల మధ్య పెద్ద ఎత్తున తుపాకి కాల్పులు, ఫిరంగి కాల్పులు చెలరేగడంతో ప్రతిష్టంభన తీవ్రమైంది. ఇందులో 11 మంది పౌరులతో సహా కనీసం 22 మంది మరణించారు.

జననష్టం

ఈ ఘర్షణల్లో 11 మంది పాక్ సైనికులు మరణించగా, 16 మంది సైనికులు గాయపడినట్లు భారత సైనిక వర్గాలు తెలిపాయి. భారత రక్షణ మంత్రిత్వ శాఖ ప్రకారం ఆరుగురు భారతీయ పౌరులు, నలుగురు సైనికులు, ఒక సరిహద్దు గార్డు మరణించారు. సరిహద్దు వెంబడి పాకిస్థాన్ బంకర్లను మోర్టార్లు కొట్టి ధ్వంసం చేస్తున్న వీడియోలను భారత సైన్యం విడుదల చేసింది.

పాక్ ఆక్రమిత కాశ్మీరులో ఘర్షణల మధ్య ఐదుగురు పౌరులు, ఒక సైనికుడు మరణించినట్లు పాక్ సైనిక వర్గాలు తెలిపాయి.

నవంబరు 21న రాజౌరిలో ఇద్దరు భారత సైనికులు మరణించారు. నవంబరు 26న, పూంచ్‌లో ఒక భారతీయ సైనికుడు మరణించగా, నవంబరు 27న రాజౌరీలో మరో ఇద్దరు భారతీయ సైనిక మరణాలు నమోదయ్యాయి. డిసెంబరు 15న పాక్ ఆక్రమిత కాశ్మీరులోని బాగ్సర్ ప్రాంతంలో ఇద్దరు పాకిస్తానీ సైనికులు మరణించారని పాక్ చెప్పింది.

2020లో భారత్ కనీసం 2,729 సార్లు కాల్పుల విరమణ ఒప్పందాన్ని ఉల్లంఘించిందని, దీని ఫలితంగా 21 మంది పాకిస్తానీ పౌరులు మరణించారని, 206 మంది తీవ్రంగా గాయపడ్డారనీ నవంబరులో, పాకిస్తాన్ విదేశాంగ మంత్రిత్వ శాఖ ప్రకటించింది.

శాంతి ఒప్పందం

భారత పాకిస్తాన్‌లు, హాట్‌లైన్‌లపై చర్చల తరువాత 2021 ఫిబ్రవరి 25 అర్ధరాత్రి నుండి అమలులోకి వచ్చేలా అన్ని కాల్పుల విరమణ ఒప్పందాలను "కఠినంగా పాటించడానికి" ఇరుపక్షాలు అంగీకరించాయని సంయుక్త ప్రకటనను విడుదల చేశాయి. భవిష్యత్తులో ఏవైనా అపార్థాలు ఏర్పడితే పరిష్కరించుకోడానికి ఇప్పటికే ఉన్న హాట్‌లైన్ సంప్రదింపులు, సరిహద్దు ఫ్లాగ్ సమావేశాలను ఉపయోగించుకునేందుకు ఇరుపక్షాలు అంగీకరించాయి.

ఇవి కూడా చూడండి

• భారత పాకిస్తాన్ యుద్ధాలు, ఘర్షణలు
• నియంత్రణ రేఖ
• కాశ్మీరు వివాదం