పినపళ్ల (ఆలమూరు)
పినపళ్ల (ఆలమూరు) | |
|---|---|
 | |
.svg)  పినపళ్ల (ఆలమూరు) | |
| అక్షాంశ రేఖాంశాలు: 16°48′0″N 81°54′36″E / 16.80000°N 81.91000°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | కోనసీమ |
| మండలం | ఆలమూరు |
| విస్తీర్ణం | 3.08 కి.మీ2 (1.19 చ. మై) |
| జనాభా (2011) | 3,227 |
| • జనసాంద్రత | 1,000/కి.మీ2 (2,700/చ. మై.) |
| అదనపు జనాభాగణాంకాలు | |
| • పురుషులు | 1,637 |
| • స్త్రీలు | 1,590 |
| • లింగ నిష్పత్తి | 971 |
| • నివాసాలు | 908 |
| ప్రాంతపు కోడ్ | +91 ( ) |
| పిన్‌కోడ్ | 533232 |
| 2011 జనగణన కోడ్ | 587659 |
పినపళ్ళ, కోనసీమ జిల్లా, ఆలమూరు మండలానికి చెందిన గ్రామం. ఇది మండల కేంద్రమైన ఆలమూరు నుండి 2 కి. మీ. దూరం లోను, సమీప పట్టణమైన మండపేట నుండి 9 కి. మీ. దూరంలోనూ ఉంది.
గణాంకాలు
[మార్చు]2011 భారత జనగణన గణాంకాల ప్రకారం ఈ గ్రామం 908 ఇళ్లతో, 3227 జనాభాతో 308 హెక్టార్లలో విస్తరించి ఉంది. గ్రామంలో మగవారి సంఖ్య 1637, ఆడవారి సంఖ్య 1590. షెడ్యూల్డ్ కులాల సంఖ్య 352 కాగా షెడ్యూల్డ్ తెగల సంఖ్య 11. గ్రామ జనగణన లొకేషన్ కోడ్ 587659[2].
2001 వ.సంవత్సరం జనాభా లెక్కల ప్రకారం గ్రామ జనాభా 2,944. ఇందులో పురుషుల సంఖ్య 1,507, మహిళల సంఖ్య 1,437, గ్రామంలో నివాస గృహాలు 743 ఉన్నాయి.
విద్యా సౌకర్యాలు
[మార్చు]
గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాల ఒకటి, ప్రైవేటు ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాల ఒకటి ఉన్నాయి.సమీప మాధ్యమిక పాఠశాల పెనికేరులో ఉంది.సమీప జూనియర్ కళాశాల ఆలమూరులోను, ప్రభుత్వ ఆర్ట్స్ / సైన్స్ డిగ్రీ కళాశాల మండపేటలోనూ ఉన్నాయి. సమీప వైద్య కళాశాల కాకినాడలోను, పాలీటెక్నిక్‌ రావులపాలెంలోను, మేనేజిమెంటు కళాశాల రామచంద్రపురంలోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం మండపేటలోను, దివ్యాంగుల ప్రత్యేక పాఠశాల కాకినాడ లోనూ ఉన్నాయి.
వైద్య సౌకర్యం
[మార్చు]ప్రభుత్వ వైద్య సౌకర్యం
[మార్చు]పినపల్లిలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఇద్దరు పారామెడికల్ సిబ్బందీ ఉన్నారు. ఒక సంచార వైద్య శాలలో డాక్టర్లు లేరు. నలుగురు పారామెడికల్ సిబ్బంది ఉన్నారు. సమీప సామాజిక ఆరోగ్య కేంద్రం గ్రామం నుండి 5 కి.మీ. లోపు దూరంలో ఉంది. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
[మార్చు]తాగు నీరు
[మార్చు]గ్రామంలో కుళాయిల ద్వారా రక్షిత మంచినీటి సరఫరా జరుగుతోంది.గ్రామంలో ఏడాది పొడుగునా చేతిపంపుల ద్వారా నీరు అందుతుంది.
కాలువ/వాగు/నది ద్వారా, చెరువు ద్వారా కూడా గ్రామానికి తాగునీరు లభిస్తుంది.
పారిశుధ్యం
[మార్చు]మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు.
చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
[మార్చు]పినపల్లిలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 కి.మీ. లోపు దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 కి.మీ. లోపు దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామానికి 5 నుండి 10 కి.మీ. దూరంలో ఉంది. ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి, రాష్ట్ర రహదారి గ్రామం నుండి 5 నుండి 10 కి.మీ. దూరంలో ఉన్నాయి.
గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
మార్కెటింగు, బ్యాంకింగు
[మార్చు]గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉన్నాయి. వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 కి.మీ. లోపు దూరంలో ఉన్నాయి.
ఆరోగ్యం, పోషణ, వినోద సౌకర్యాలు
[మార్చు]గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. 2011లొ మహాత్మా గ్రంథాలయాన్ని ఏర్పాటు చేసారు.పబ్లిక్ రీడింగ్ రూమ్ ఉంది. గ్రామములో వార్తాపత్రిక పంపిణీ జరుగుతుంది.
2018 నవంబరు 1న స్వర్గీయ వంగవీటి మొహాన రంగా విగ్రహన్ని ఆవిష్కరించారు. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. సినిమా హాలు గ్రామం నుండి 5 నుండి 10 కి.మీ. దూరంలో ఉంది. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది.
విద్యుత్తు
[మార్చు]గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 14 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
[మార్చు]పినపల్లిలో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 36 హెక్టార్లు
- వ్యవసాయం చేయదగ్గ బంజరు భూమి: 4 హెక్టార్లు
- బంజరు భూమి: 15 హెక్టార్లు
- నికరంగా విత్తిన భూమి: 253 హెక్టార్లు
- నీటి సౌకర్యం లేని భూమి: 6 హెక్టార్లు
- వివిధ వనరుల నుండి సాగునీరు లభిస్తున్న భూమి: 262 హెక్టార్లు
నీటిపారుదల సౌకర్యాలు
[మార్చు]పినపల్లిలో వ్యవసాయానికి నీటి సరఫరా కింది వనరుల ద్వారా జరుగుతోంది.
- కాలువలు: 262 హెక్టార్లు
ఉత్పత్తి
[మార్చు]పినపల్లిలో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
[మార్చు]గ్రామ విశేషాలు
[మార్చు]అల్లాడ వేమ భూపల వరం అను పినపళ్ల గ్రామ చరిత్ర
[మార్చు]1975 సంవత్సరం, మే నెలలో పినపల్లి గ్రామంలో జీర్ణ రామాలయం పునరుద్ధరించుటకై స్థలం పరిశోధన చేయుచుండగా నిలువు లోతున మట్టిలో ఓ తామ్ర శాసనం దొరికింది. ఇందులో ఉన్న లిపి 14వ శతాబ్దంలో ప్రాచీన తెలుగు (హళ -కన్నడ) లిపి అయి ఉంది. అల్లాడ వేమ భూపాలుడు తన మంత్రి శ్రీగిరి గుణగణాలను మెచ్చి శాలివాహన శకం 1346 క్రోధి కార్తీక బహుళ 30 సోమవారం పినపనల గ్రామాన్ని అల్లాడ వేమ భూపాల వరం అను పేరున దానం చేయడం జరిగింది. ముసునూరి సాంబశివ మూర్తి 1967 ఫిబ్రవరి భారతి మాస పత్రికలో దీనిని గురించి వ్యాసం రాయడం జరిగింది.
పినపళ్ళ గొల్లాలమ్మ గ్రామ దేవత
[మార్చు]ప్రధాన వ్యాసం:గ్రామ దేవత
ఈ గ్రామంలోని పినపళ్ళ గ్రామదేవతగా కొలువున్న గొల్లాలమ్మ దేవత ఇంటింటికి ఊరేగుతూ పూజలందుకుంటుంది. ప్రతి ఏట జాతర సంబరాలు, తీర్థం, జరిపి నైవేద్యాలు కానుకలు మొక్కులు తీర్చుకోవడం గ్రామస్తుల ఆచారం. పూర్వం నుండి చుట్టుపక్కల గ్రామాలు చింతలూరు నూకాలమ్మవారి, పెదపళ్ల, సంధిపూడి గ్రామాల్లో కొలువైన అమ్మవారి జాతరలు తీర్థాలు పినపళ్ళలో కొలువున్నగొల్లాలమ్మ దేవత జాతర సంబరాలలో భాగంగా చిన్న జాగారం, పెద్దజాగరం, తీర్థం, ఇలా నెల రోజులనుండి ఇంటింటికి ఊరేగుతూ పూజలందుకుంటుంది.
ప్రముఖులు
[మార్చు]- సంగీత వెంకట రెడ్డి - మాజీ సర్పంచ్ నుంచి రాష్ట్ర కేబినెట్ మంత్రిగా, ఇతర పదవులు నిర్వహించారు, జాతీయ స్థాయిలో ప్రముఖ రాజకీయ నాయకుడిగా పేరుతెచ్చుకున్నాడు.
- సంగీత సుభాష్ - ప్రస్తుత సర్పంచి ఎన్నో గ్రామాభివృధ్ధి కార్యక్రమాలతో రాజకీయ రంగంలో రాణిస్తున్నారు,
- పెద్దిరెడ్డి మహేష్ - ఆంధ్రప్రదేశ్ రాష్ట్ర ఇడబ్యుఎస్ కన్వీనర్ గా, ఆంధ్రప్రదేశ్ రాష్ట్ర కాపు కార్యదర్శిగా, ప్రపంచ మానవ హక్కుల వర్కింగ్ చైర్మన్
- బూసి శుభామణి - కస్టమ్స్ కలక్టర్
- విస్సా వీరభద్ర ప్రసాద రావు - మొట్ట మొదటి బడి ఏర్పరచి అందరికీ చదువు చెప్పాడు.
- విస్సా వెంకటరావు - కవి,రచయిత; శ్రీ వెంకటేశ్వర శతకం, మల్లమ్మ శతకం మొదలగు పుస్తకాలు రచించారు, వారి కవిత్వాలు ఆకాశవాణి సమస్యాపూరణాలలో తరచుగా ఆ ఊరుపేరు వినడం ఆ గ్రామస్థులకు ఓ ఆనందకర అనుభవం.
- విస్సా సత్యనారాయణ మూర్తి - కరిణీకం చేసాడు.
- విస్సా ప్రసాదరావు - విశ్రాంత ప్రధానోపాద్యాయుడు, సంగీత కారుడు, బుర్రకథ కళాకారుడు.
- విస్సా వెంకట సూర్య సత్యసాయి - ఎం.ఏ. తెలుగు; కవి, రచయిత; అంతర్జాతీయ సాంస్కృతిక సంస్థ "విస్సా నిలయం" (విస్సా ఫౌండేషన్‌) వ్యవస్థాపకుడు, తెలుగు భాషా, సంస్కృతీ, సాంప్రదాయ పరిరక్షణ ధ్యేయంగా పనిచేస్తున్నాడు.
- వక్కపట్ల సత్యనారాయణ - ( సత్యదేవా) సినీ దర్శకుడిగా రాణిస్తున్నారు.
మూలాలు
[మార్చు]- ↑ 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ "Office of the Registrar General & Census Commissioner, India - Village amenities of 2011".