హైదరాబాద్ బుద్ధ విగ్రహం

హైదరాబాదు బుద్ధ విగ్రహం
హైదరాబాదు బుద్ధ విగ్రహం
	అభయ ముద్రలో నిలబడి ఉన్న బుద్ధుడు
ప్రదేశం	హుస్సేన్ సాగర్, హైదరాబాదు, తెలంగాణ
అక్షాంశ,రేఖాంశాలు	17°24′56″N 78°28′30″E / 17.41556°N 78.47500°E
ఎత్తు	58 అడుగులు (18 మీటర్లు)
Dedicated	1 డిసెంబరు 1992
శిల్పి	ఎస్.ఎం.గణపతి
పరిపాలన సంస్థ	బుద్ద పూర్ణిమ ప్రాజెక్టు అథారిటీ, HMDA
Material	తెల్లని గ్రానైట్ రాయి
	హుస్సేన్ సాగర్ లో బుద్ధ విగ్రహం ఉన్న ప్రదేశం లో హైదరాబాదు బుద్ధ విగ్రహం స్థానం

హైదరాబాద్ బుద్ధ విగ్రహం భారతదేశంలోని హైదరాబాద్లో ఉన్న ఒక ఏకశిలా విగ్రహం. ఇది గౌతమ బుద్ధుని యొక్క ఏకశిలా విగ్రహలలో ప్రపంచంలోనే ఎత్తైన ఏకశిలా విగ్రహం. టాంక్‌బండ్ ప్రక్కనున్న హుస్సేన్ సాగర్‌లో 'జిబ్రాల్టర్ రాక్' అనబడే రాతిపైన ఈ పెద్ద బుద్ధ విగ్రహాన్ని అమర్చారు. ఒకే రాతిలో మలచబడిన ఈ విగ్రహం 17.5 మీటర్ల (58 అడుగులు) ఎత్తు ఉండి 350 టన్నుల బరువుంటుంది. హైదరాబాదుకు 60 కి.మీ. దూరంలో ఉన్న రాయగిరి గుట్టల్లోని రాతితో గణపతి స్థపతి నేతృత్వంలో 40 మంది శిల్పులు రెండు సంవత్సరాలు శ్రమించి ఈ శిల్పాన్ని మలచారు. ఈ శిల్పం 192 చక్రాలు గల వాహనంపై ఇక్కడికి తీసుకురాబడింది. డిసెంబరు 1992లో దీనిని ప్రతిష్ఠించారు. హైదరాబాదు నగర చిహ్నంగా చార్మినార్‌తో పాటు ఈ విగ్రహాన్ని కూడా పలు సందర్భాలలో చూపుతారు.

చరిత్ర

1983, 1989 మధ్య నందమూరి తారక రామారావు అవిభక్త ఆంధ్రప్రదేశ్ ముఖ్యమంత్రిగా పనిచేశాడు. రామారావు తన పదవీకాలంలో ఈ ప్రాంతపు రాజకీయ, మత సంబంధ చరిత్రల నుంచి ప్రసిద్ధ వ్యక్తుల యొక్క విగ్రహాలు ప్రతిష్ఠించాడు.

ప్రమాదం

ఈ విగ్రహాన్ని మొదట 1990 మార్చి 10న ప్రతిష్టించే ప్రయత్నం చేయగా అది ఫలించలేదు. హుస్సేన్ సాగర్ లో 91 మీటర్లు తరలించిన తర్వాత విగ్రహం అదుపుతప్పి నీటిలో మునిగిపోయింది. ఈ దుర్ఘటనలో 10 మంది కూలీలు మరణించారు ^[1]^[2].