కొమ్మాజోస్యుల ఇందిరాదేవి

కొమ్మాజోస్యుల ఇందిరాదేవి
జననం	కొమ్మాజోస్యుల ఇందిరాదే సెప్టెంబరు 14, 1951 గన్నవరం, కృష్ణా జిల్లా, ఆంధ్రప్రదేశ్
ప్రసిద్ధి	రంగస్థల నటి.
తండ్రి	కాశావర్ఘుల శంకరయ్య
తల్లి	లక్ష్మమ్మ

కొమ్మాజోస్యుల ఇందిరాదేవి రంగస్థల నటి.

అరంగేట్రం

ఇందిరాదేవి 1951, సెప్టెంబర్ 14న కాశావర్ఘుల శంకరయ్య, లక్ష్మమ్మ దంపతులకు కృష్ణా జిల్లా గన్నవరంలో జన్మించింది.

రంగస్థల ప్రస్థానం

1973లో కీర్తిశేషులు నాటకంలోని ‘జానకి’ పాత్ర ద్వారా నాటకరంగంలోకి అడుగుపెట్టింది. కీర్తిశేషులు, అన్నాచెల్లెలు, పల్లెపడుచు, కులంలేని పిల్ల, యధాప్రజా - తథారాజా, మనసున్న మనిషి, ఇదా ప్రపంచం, మండువాలోగిలి, మరో మొహెంజొదారో, పుణ్యస్థలి, పావలా, కొడుకుపుట్టాల, తీర్పు, యక్షగానం, జగన్నాథ రథచక్రాలు, క్షీరసాగర మథనం, బూచి, లేడి పంజా, ది గేమ్, తర్జని, డియర్ ఆడియన్స్ సిన్సియర్లీ యువర్స్, పూజకు వేళాయెరా, హళ్ళికి హళ్ళి, ఒంటెద్దుబండి, పుటుక్కు జరజర డుబుక్కుమేమే, సైలెన్స్ ప్లీజ్, దొంగలబండి, చిచ్చు, యవనఘోష, [[నటనాలయం (నాటకం)|నటనాలయం]], విషపుష్పాలు, తెరవెనుక, హరిజనాగ్రహారం, ఊరికో రుద్రమ్మ మొదలగు సాంఘిక నాటక/నాటికల్లో నటించింది.

శ్రీకృష్ణ తులాభారం, శ్రీవేంకటేశ్వర మహాత్యం, తారాశశాంకం, అశ్వత్థామ, నర్తనశాల, పాదుకా పట్టాభిషేకం, రామదాసు, చింతామణి, పుత్రాధిచ్చేత్ పరాజయం మొదలగు పద్య నాటకాల్లోనూ నటించింది. 1976 నుంచి రేడియో నాటికల్లో, 1987 నుంచి దూరదర్శన్ ప్రదర్శనల్లో నటిస్తోంది.

సత్కారాలు, అవార్డులు

పలు నాటక పరిషత్తులలో ఉత్తమ నటిగా శతాధిక బహుమతులందుకొన్నాది

• రాష్ట్రపతి డా. శంకర్ దయాళ్ శర్మ చేతుల మీదుగా మద్రాస్ లో ‘కళాసాగర్’ అవార్డు,
• ‘నర్తనశాల’ నాటకంలో ‘పైరంధ్రి’ పాత్రకు 2007 సంవత్సరం నంది అవార్డు
• యువకళావాహిని (హైదారాబాదు) వారిచే ‘సత్యభామ’ పాత్రపోషణకు స్థానం నరసింహారావు అవార్డు
• ‘మరో మొహెంజొదారో’ నాటకంలో ‘అఖిల భారత ఉత్తమ నటి’ బహుమతి

మూలాలు

కొమ్మాజోస్యుల ఇందిరాదేవి, కళాదీపికలు (సమకాలీన రంగస్థల నటీమణులు), ప్రథమ ముద్రణ, సంపాదకులు: వి.ఎస్. రాఘవాచారి., కళాదీపిక మాసపత్రిక, తిరుపతి, అక్టోబరు 2011, పుట. 26.