కోటగిరి వెంకటేశ్వరరావు

కోటగిరి వెంకటేశ్వరరావు
జననం
వృత్తి	ఎడిటర్
మతం	హిందూమతం
భార్య/భర్త	సుజాత
సంతానం	2 అమ్మాయిలు

కోటగిరి వెంకటేశ్వరరావు ప్రముఖ తెలుగు సినిమా ఎడిటర్. వీరి సోదరుడు కోటగిరి గోపాలరావు కూడా ఎడిటర్ గా పనిచేశారు.

జీవిత సంగ్రహం

కోటగిరి వెంకటేశ్వరరావు గారి పూర్వీకులు జమీందారు దగ్గర దివాన్లుగా పనిచేశారు. వీరికి ముగ్గురు అన్నయ్యలు మరియు ఇద్దరు అక్కయ్యలు. అందరికన్నాకోటగిరి గోపాలరావు పెద్దవాడు. చిన్నతనంలోనే వీరి తండ్రిగారు మరణించడంతో అన్నగాగే ఇంటి బాధ్యతలను చూశారు. బ్రతుకు తెరువు కోసం మద్రాసు చేరి, జమిందారు గారి స్టుడియోలో ఆదుర్తి సుబ్బారావు లాంటి వారి సినిమాలకు ఎడిటింగ్ చేస్తుండేవారు.

చదువు మీద శ్రద్ధ తగ్గి పదవ తరగతి పాసైన తర్వాత వెంకటేశ్వరరావు కూడా మద్రాసు చేరి మొదట ఒక నిశ్చల పొటోగ్రాఫర్ దగ్గర సహాయకునిగా చేరాడు. తర్వాత ఎడిటింగ్ లో చేరి అన్నయ్య దగ్గర పనిలోని మెళుకువలు నేర్చుకున్నాడు. గోపాలరావు గారు అప్పుడు కె.రాఘవేంద్రరావు గారి అడవి రాముడు (1977) సినిమా కోసం పనిచేస్తుండగా తను కూడా రెండు పాటల్ని ఎడిట్ చేసి సహాయం చేశారు. ఇదే తన మొదటి సినిమాగా టైటిల్స్ లో చూపించారు.

తర్వాత రాఘవేంద్రరావు గారి సినిమాలతో పాటు, బి.గోపాల్, భారతీరాజా, ఎన్టీరామారావు మొదలైన ఎందరో సినీ దర్శకుల మరియు నిర్మాతల చిత్రాలకు పనిచేశారు.

ఎస్.ఎస్.రాజమౌళి దర్శకుడిగా స్థిరపడక ముందు ఇతని దగ్గర ఒక సంవత్సర కాలం ఎడిటింగ్ నేర్చుకున్నారు.

వీరు ఆంధ్రప్రదేశ్ ఫిలిం ఫెడరేషన్ ప్రెసిడెంట్ గా ఏకగ్రీవంగా ఎన్నికై ఆరు సంవత్సరాలుగా ఎన్నో సమస్యలను సమర్ధవంతంగా పరిష్కరించారు. ఈ సంస్థ కోసం విరాళాలు పోగుచేసి స్వంత ఆఫీసును నిర్మించారు.

వీరు సుజాత ను పెళ్ళిచేసుకున్నారు. వీరికి ఇద్దరు అమ్మాయిలు.

పురస్కారాలు

నంది అవార్డులు

• 2004 : సై సినిమా కోసం నంది ఉత్తమ ఎడిటర్ గా ఎంపికయ్యారు.
• 2005 : సుభాష్ చంద్రబోస్ సినిమా కోసం పనిచేసి నంది ఉత్తమ ఎడిటర్ గా ఎంపికయ్యారు.
• 2007 : యమదొంగ సినిమాకి నంది ఉత్తమ ఎడిటర్ గా ఎంపికయ్యారు.
• 2009 : మగధీర సినిమా కోసం పనిచేసి నంది ఉత్తమ ఎడిటర్ గా ఎంపికయ్యారు.
• 2010 : డార్లింగ్ సినిమాకి నంది ఉత్తమ ఎడిటర్ గా ఎంపికయ్యారు.

చిత్ర సమాహారం

• 1977 : అడవి రాముడు (మొదటి సినిమా అన్నయ్య కోటగిరి గోపాలరావుతో)
• 1979 : యుగంధర్
• 1980 : మోసగాడు
• 1981 : కొండవీటి సింహం, సత్యభామ
• 1983 : అభిలాష
• 1986 : కొండవీటి రాజా
• 1987 : అగ్ని పుత్రుడు
• 1988 : ఆఖరి పోరాటం
• 1990 : అగ్గి రాముడు
• 1995 : అల్లుడా మజాకా, ఘరానా బుల్లోడు, సూపర్ మొగుడు
• 1998 : గిల్లి కజ్జాలు
• 1999 : ఇద్దరు మిత్రులు, రాజకుమారుడు, సమరసింహా రెడ్డి, సుల్తాన్
• 2000 : పెళ్ళి సంబంధం, వంశీ
• 2001 : స్టూడెంట్ నంబర్ 1
• 2002 : ఇంద్ర
• 2003 : గంగోత్రి, రాఘవేంద్ర, సింహాద్రి
• 2004 : అడవి రాముడు, శీను వాసంతి లక్ష్మి, సై
• 2005 : నరసింహుడు, నా అల్లుడు, బాలు, ఛత్రపతి, జై చిరంజీవ, సుబాష్ చంద్రబోస్
• 2006 : ఖతర్నాక్, చిన్నోడు, దేవదాసు, మా ఇద్దరి మధ్య, విక్రమార్కుడు
• 2007 : యమదొంగ
• 2008 : ఒక్క మగాడు, సిద్దు ఫ్రం శ్రీకాకుళం
• 2009 : మగధీర, మస్కా, రాజు మహరాజు, రెచ్చిపో, సలీం
• 2010 : డార్లింగ్, మర్యాద రామన్న, సింహా, సీతారాముల కళ్యాణం లంకలో
• 2011 : కందిరీగ, సీమ టపాకాయ్

బయటి లింకులు

• ఐ.ఎమ్.డి.బి.లో కోటగిరి వెంకటేశ్వరరావు పేజీ.