జనాభా గణన

వికీపీడియా నుండి
ఇక్కడికి గెంతు: మార్గసూచీ, వెతుకు
1925లో నెదర్లాండ్స్‌లోని కారావాన్‌లో ఒక కుటుంబ వివరాలు సేకరిస్తున్న జనాభా పరిగణకులు

ఒక జనాభాలో సభ్యుల గురించి సమాచారాన్ని క్రమపద్ధతిలో సేకరించే మరియు నమోదు చేసే ప్రక్రియను జనాభా గణన (ఆంగ్లం: Census) అంటారు. ఇది ఒక నిర్దిష్ట జనాభాకు సంబంధించి జరిగే నియతకాలిక మరియు అధికారిక గణన.[1][2] జాతీయ జనాభా మరియు గృహ గణనలకు సంబంధించి ఈ పదాన్ని ఎక్కువగా ఉపయోగిస్తున్నారు; వ్యవసాయ, వ్యాపార మరియు ట్రాఫిక్ గణనలను ఇతర సాధారణ గణనలుగా చెప్పవచ్చు. ఇటువంటి గణనల్లో "జనాభా"కు సంబంధించిన అంశాలు ప్రజలకు బదులుగా మొక్కలు, వ్యాపారాలను సూచిస్తాయి. జనాభా మరియు గృహ గణనలకు సంబంధించిన ముఖ్యమైన లక్షణాలను ఐక్యరాజ్యసమితి "ఒక గుర్తించిన భూభాగంలో వ్యక్తిగత గణనం, సాధారణత, సమకాలికత్వం మరియు నిర్ణీత నియతకాలికత"గా గుర్తించింది, మరియు కనీసం 10 ఏళ్లకు ఒకసారి జనాభా గణనలు సేకరించాలని సిఫార్సు చేసింది.[3] సెన్సస్ (జనాభా గణన) అనే పదాన్ని లాటిన్ నుంచి స్వీకరించారు: రోమన్ రిపబ్లిక్ సమయంలో జనాభా గణన అనేది సైనిక సేవలకు యోగ్యమైన యువకులను గుర్తించే ఒక జాబితాగా ఉండేది.

ప్రతిచయనానికి జనాభా గణన భిన్నంగా ఉంటుంది, ప్రతిచయనంలో సమాచారాన్ని ఒక జనాభా యొక్క ఉపసమితి నుంచి సేకరిస్తారు, కొన్నిసార్లు ఒక జనాభా అంతర అంచనాగా దీనిని సేకరించడం జరుగుతుంది. జనాభా గణన సమాచారాన్ని సాధారణంగా పరిశోధన, వ్యాపార మార్కెటింగ్ మరియు ప్రణాళికా రచనలతోపాటు ప్రతిచయన అధ్యయనాలకు ప్రాతిపదికగా ఉపయోగిస్తారు. కొన్ని దేశాల్లో, జనాభా గణన సమాచారాన్ని ఎన్నికల ప్రాతినిధ్యాన్ని విభజించేందుకు (ఉదాహరణ కు వివాదాస్పదమైన -ఉతా - ఎవాన్స్ కేసు ను చూడండి) ఉపయోగిస్తారు.

విషయ సూచిక

గోప్యత[మార్చు]

ఒక జనాభా గురించి గణాంక సమాచారాన్ని సేకరించేందుకు జనాభా గణన ఒక ఉపయోగకరమైన మార్గాన్ని అందించినప్పటికీ, కొన్నిసార్లు ఇటువంటి సమాచారం రాజకీయంగా లేదా మరోరకంగా వేధింపులకు దారితీయడంతోపాటు, అనామక జనాభా గణన సమాచారానికి వ్యక్తిగత గుర్తింపులు జోడించడాన్ని సాధ్యపరుస్తుంది.[4] సూక్ష్మసమాచార రూపంలో వ్యక్తిగత జనాభా గణనల స్పందనలను బహిర్గతం చేసినప్పుడు ఈ పరిగణన చాలా ముఖ్యమైన అంశంగా ఉంటుంది, అయితే చిన్న ప్రదేశాలు మరియు/లేదా ఉపజనాభాల విషయంలో మొత్తం-స్థాయీ సమాచారం కూడా గోప్యత ఉల్లంఘనలకు దారితీయవచ్చు.

ఉదాహరణకు, ఒక పెద్ద నగరం నుంచి సమాచారాన్ని నివేదిస్తున్నప్పుడు, 50 మరియు 60 ఏళ్ల మధ్య వయస్సున్న నల్లజాతి పురుషుల యొక్క సగటు ఆదాయం ఇవ్వడం సమంజసంగా ఉంటుంది. అయితే, ఇదే పద్ధతిని ఒక పట్టణంలో అమలు చేసినప్పుడు, పై వయస్సు నడుమ ఇద్దరు నల్లజాతి పౌరులే ఉన్నట్లయితే గోప్యత ఉల్లంఘనకు వీలు ఏర్పడుతుంది, ఎందుకంటే వారిలో ఎవరో ఒకరి వ్యక్తిగత ఆదాయం మరియు నివేదించిన సగటు తెలుసుకున్నట్లయితే, మరో వ్యక్తి ఆదాయాన్ని గుర్తించవచ్చు.

ఎక్కువగా ఇటువంటి వ్యక్తిగత సమాచారాన్ని రహస్యంగా ఉంచుతూ, జనాభా గణన సమాచారాన్ని సేకరిస్తారు. కొన్ని సంస్థలు ఉద్దేశపూర్వకంగా చిన్న గణాంక దోషాలను చేరుస్తాయి, తద్వారా తక్కువ సంఖ్యలో ఉన్న జనాభాల్లో వ్యక్తుల గుర్తింపును తెలుసుకునే వీలు లేకుండా చేస్తాయి;[5] ఇతర సంస్థలు ఒకేవిధమైన జవాబుదారుల మధ్య చరాంకాలను తారుమారు చేస్తాయి. జనాభా గణన సమాచారంలో గోప్యత ఉల్లంఘన భయాన్ని తగ్గించేందుకు ఎన్ని చర్యలు తీసుకున్నప్పటికీ, సున్నితమైన వ్యక్తిగత సమాచార భద్రతకు, మెరుగైన సమాచార ఎలక్ట్రానిక్ విశ్లేషణ యొక్క కొత్త సాంకేతిక పరిజ్ఞానం నుంచి సవాళ్లు పెరుగుతూనే ఉన్నాయి.

కేంద్ర ప్రభుత్వం నేరుగా సమిష్టి సమాచారాన్ని తెలియజేయడం మినహా, ఎటువంటి ఇతర సమాచారాన్ని బహిర్గతం చేయకుండా ఉండటం మరో పద్ధతి.

పురాతన మరియు మధ్యయుగ ఉదాహరణలు[మార్చు]

ఈజిప్టు[మార్చు]

ఈజిప్టులో జనాభా గణనలను ప్రారంభ ఫారాహ్‌ల (రాజులు) యుగంలో 3340 BC మరియు 3050 BC సంవత్సరాల్లో సేకరించినట్లు తెలుస్తోంది.

ఇజ్రాయెల్[మార్చు]

బైబిల్‌లో జనాభా గణనకు సంబంధించిన ప్రస్తావన ఉంది: ఈజిప్టు నుంచి భారీ సంఖ్యలో ప్రజల వలస సందర్భంగా ఇజ్రాయెల్ జనాభాను లెక్కించడానికి బుక్ ఆఫ్ నంబర్స్ అనే పేరు పెట్టారు. తరువాత, రాజు డేవిడ్ కూడా జనాభా గణనను నిర్వహించినట్లు తెలుస్తోంది.

చైనా[మార్చు]

ప్రపంచంలో అతి పురాతన జనాభా గణన సమాచారం చైనాలో లభించింది. కెనడియన్ ఎన్‌సైక్లోపీడియా ప్రకారం, ఇక్కడ 4,000 సంవత్సరాల క్రితమే జనాభా గణన నమోదు చేయబడింది, ఈ గణనలో 16 మిలియన్ల మంది పౌరులు ఉన్నట్లు గుర్తించారు.[6] మరో జనాభా గణనను హాన్ రాజవంశం హయాంలో గుర్తించారు, ఇది చైనా యొక్క అతి అత్యంత ప్రసిద్ధ పురాతన జనాభా గణనగా గుర్తించబడుతుంది.[7][8] దీనిని 2 ADలో సేకరించారు, అధ్యయనకారులు దీనిని అత్యంత కచ్చితమైన గణనగా పరిగణిస్తున్నారు.[9] ఈ సమయానికి, చైనాలో నమోదిత 12.36 మిలియన్ల గృహాల్లో 57.67 మిలియన్ల మంది ప్రజలు నివసిస్తున్నట్లు తెలుస్తోంది.[10][11][12] మూడో నమోదిత జనాభా గణన 144 ADలో జరిగింది, ఈ సమయంలో లెక్కించిన 9.94 మిలియన్ గృహాల్లో 49.73 మంది పౌరులే నివసిస్తున్నారు.

రోమ్[మార్చు]

'సెన్సస్' (జనాభా గణన) అనే పదాన్ని పురాతన రోమ్‌లో మొదటిసారి ఉపయోగించారు, ఈ పేరును లాటిన్ పదమైన 'సెన్సెర్' (దీనర్థం 'అంచనా') నుంచి స్వీకరించారు. రోమన్ సామ్రాజ్యం పరిపాలనలో జనాభా గణన కీలక పాత్ర పోషించింది, దీనిని పన్నులు నిర్ణయించేందుకు ఉపయోగించేవారు (సెన్సార్ (పురాతన రోమ్) వ్యాసాన్ని చూడండి). కొన్ని అంతరాయాలతో, సాధారణంగా జనాభా గణనను ప్రతి ఐదేళ్లకు ఒకసారి నిర్వహించేవారు.[13] ఇది ప్రజలు మరియు వారి ఆస్తిని నమోదు చేసిన పట్టినను అందించింది, దీని నుంచి వారి పన్నులు మరియు హక్కులను నమోదు చేస్తారు. ఈ జనాభా గణనను 6వ శతాబ్దం BCలో రోమన్ చక్రవర్తి సెర్వియస్ టుల్లియస్ ప్రవేశపెట్టినట్లు తెలుస్తోంది [14], ఈ సమయంలో సైనికులుగా 80 వేల మంది పౌరులు ఉన్నట్లు లెక్కించారు [15].

ఉమాయ్యద్ కాలిఫట్[మార్చు]

మధ్యయుగంలో, కాలిఫట్ సామ్రాజ్యం ప్రారంభమైనప్పటి నుంచి నియతకాలికంగా జనాభా గణనలు నిర్వహించింది, రెండో రషీదున్ కాలిఫ్ ఉమర్ మొదటి జనాభా గణనకు ఆదేశించారు.[16]

మధ్యయుగ ఐరోపా[మార్చు]

మధ్యయుగ ఐరోపాలో డోమ్స్‌డే బుక్ అత్యంత ప్రసిద్ధ జనాభా గణనగా గుర్తించబడుతుంది, ఈ జనాభా గణనను ఇంగ్లండ్‌కు చెందిన విలియమ్ I నిర్వహించారు, ఆయన కొత్తగా జయించిన భూభాగం నుంచి సరిగా పన్ను వసూలు చేసేందుకు ఈ గణనను నిర్వహించడం జరిగింది. 1183లో, జెరూసలేం సామ్రాజ్యంలో క్రూసేడ్‌ల సంఖ్య కోసం జనాభా గణన జరిగింది, ఈజిప్టు మరియు సిరియా సుల్తాన్ సలాడిన్‌పై తిరుగుబాటుకు ప్రయత్నించే పురుషులు మరియు అందుకు ఉపయోగపడే నగదు పరిమాణాన్ని అంచనా వేసేందుకు ఈ గణనను చేపట్టారు.

ఇంకా సామ్రాజ్యం[మార్చు]

15వ శతాబ్దంలో, ఇంకా సామ్రాజ్యం జనాభా గణన సమాచారాన్ని సేకరించేందుకు ఒక ప్రత్యేక పద్ధతిని కలిగివుంది. ఇంకా ప్రజలకు ఎటువంటి రాత భాష లేదు, అయితే వారు జనాభా గణనల సమాచారాన్ని నమోదు చేశారు, ఇతర సంఖ్యా సమాచారంతోపాటు, సంఖ్యాయేతర సమాచారాన్ని కూడా క్విపుస్, ఇలామా లేదా అల్పాకా జట్టు దారాలు లేదా పత్తి తాళ్లను సంఖ్యలతో నమోదు చేశారు, ఇతర విలువలను దశాంశ పద్ధతిలో ముడివేయడం ద్వారా గుర్తించేవారు.

ఆధునిక అమలు[మార్చు]

ఆఫ్ఘనిస్థాన్[మార్చు]

ఆఫ్ఘనిస్థాన్‌లో 1980లో ఒక పాక్షిక మరియు అసంపూర్ణ జనాభా గణనను సేకరించడం జరిగింది. 2007లో ఒక జనాభా గణన నిర్వహించాల్సి ఉంది.[17]

అల్బేనియా[మార్చు]

అల్బేనియాలో తాజా జనాభా గణనను ఏప్రిల్ 2001లో నిర్వహించారు.[18][19] దీనికి ముందు, 1989లో కమ్యూనిస్ట్ పాలన అంతిమ దశలో జనాభా గణనను నిర్వహించారు.

అల్జీరియా[మార్చు]

అల్జీరియాలో జనాభా మరియు గృహ గణనలను 1967, 1977, 1987, 1998, మరియు 2008 సంవత్సరాల్లో నిర్వహించారు. తరువాతి జనాభా గణన 2016లో జరగనుంది.

ఆంటిగ్వా మరియు బార్బుడా[మార్చు]

జనాభా మరియు గృహ గణనను 2001లో నిర్వహించారు. తరువాతి గణనను 2011లో నిర్వహించనున్నారు.

అర్జెంటీనా[మార్చు]

అర్జెంటీనాలో జాతీయ జనాభా గణనను సుమారుగా ప్రతి పదేళ్లకు ఒకసారి నిర్వహిస్తున్నారు, చివరి జనాభా గణన అక్టోబరు 27, 2010లో జరిగింది.

జనాభా గణనకు సంబంధించిన మరింత సమాచారం కోసం: నేషనల్ ఇన్‌స్టిట్యూట్ ఆఫ్ స్టాటిస్టిక్స్ అండ్ సెన్సస్ ఆఫ్ అర్జెంటీనా వ్యాసాన్ని చూడండి.

ఆస్ట్రేలియా[మార్చు]

ఆస్ట్రేలియా జనాభా గణనను ఆస్ట్రేలియన్ బ్యూరో ఆఫ్ స్టాటిస్టిక్స్ నిర్వహిస్తుంది. ప్రస్తుతం ఇది ప్రతి ఐదేళ్లకు ఒకసారి జనాభా గణనను నిర్వహిస్తుంది, చివరి జనాభా గణన ఆగస్టు 8, 2006న జరిగింది. గతంలో ఆస్ట్రేలియా జనాభా గణనలు 1911, 1921, 1933, 1947, 1954 సంవత్సరాల్లో జరిగాయి, తరువాత 1961 - 2006 మధ్య కాలంలో ప్రతి ఐదేళ్లకు ఒకసారి వీటిని నిర్వహించారు. 2006లో, మొదటిసారి, ఆస్ట్రేలియన్‌లు తమ జనాభా గణనను పూర్తిగా ఆన్‌లైన్‌లో పూర్తి చేయగలిగారు.

ఆస్ట్రియా[మార్చు]

ఆస్ట్రియా జనాభా గణనను స్టాటిస్టిక్ ఆస్ట్రియా నిర్వహిస్తుంది. ప్రతి పదేళ్లకు ఒకసారి ఆస్ట్రియాలో జనాభా గణనలు జరుగుతాయి, చివరి గణనను 2001లో నిర్వహించారు.

అజెర్‌బైజాన్[మార్చు]

అజెర్‌బైజాన్‌లో జనాభా గణన సమాచారాన్ని రష్యాన్/సోవియట్ పాలనలో 1897, 1926, 1937, 1939, 1959, 1970, 1979, మరియు 1989 సంవత్సరాల్లో సేకరించడం జరిగింది. అజెర్‌బైజాన్‌లో 1991 నుంచి, మరో రెండు జనాభా గణనలు జరిగాయి; మొదటి 1999లో, రెండోది 2009లో నిర్వహించారు.[20]

బంగ్లాదేశ్[మార్చు]

బంగ్లాదేశ్ బ్యూరో ఆఫ్ స్టాటిస్టిక్స్ (BBS) 1974, 1981, 1991 మరియు 2001 సంవత్సరాల్లో దేశంలో జనాభా గణనలను నిర్వహించింది.

బార్బడోస్[మార్చు]

బార్బడోస్‌లో జనాభా గణనను బార్బడోస్ స్టాటిస్టికల్ సర్వీస్ (BSS) నిర్వహిస్తుంది, చివరి ప్రధాన గణన 2000లో జరిగింది, 2010లో మరోదానిని నిర్వహించనున్నారు.

బెనిన్[మార్చు]

బెనిన్‌లో జనాభా గణనలు 1978, 1992 మరియు 2002 సంవత్సరాల్లో జరిగాయి.

బొలీవియా[మార్చు]

బొలీవియాలో జనాభా మరియు గృహ గణనలు 1992 మరియు 2001 సంవత్సరాల్లో జరిగాయి.

బ్రెజిల్[మార్చు]

బ్రెజిల్ జనాభా గణనను బ్రెజిలీయన్ ఇన్‌స్టిట్యూట్ ఆఫ్ జియోగ్రఫీ అండ్ స్టాటిస్టిక్స్ ప్రతి పది సంవత్సరాలకు ఒకసారి నిర్వహిస్తుంది. చివరి జనాభా గణన 2000లో జరిగింది. గతంలో జనాభా గణనలు 1872 (మొదటిసారి), 1900, 1920, 1941, 1950, 1960, 1970, 1980 మరియు 1991 సంవత్సరాల్లో జరిగాయి.

ప్రపంచంలోనే అత్యధిక స్థాయిలో సోపాన క్రమ సేకరణ ఉన్న గణనల్లో బ్రెజిల్ యొక్క జనాభా గణన ఒకటి. దీని యొక్క సోపానక్రమంలో: బ్రెజిల్ (దేశం), ప్రధాన ప్రాంతాలు, రాష్ట్రాలు, స్థూల-ప్రాంతాలు, సూక్ష్మ-ప్రాంతాలు, మున్సిపాలిటీలు, జిల్లాలు, ఉప-జిల్లాలు, పొరుగు ప్రదేశాలు మరియు గణన ప్రదేశాలు భాగంగా ఉన్నాయి.

పరిపాలక సోపాన క్రమం ఆధారంగా, కొన్నిరకాల సమాచారాన్ని బహిర్గతం చేయకుండా గోప్యంగా ఉంచుతారు.

ఉదాహరణకు:

1. సమాచార సేకరణలో అట్టడుగు స్థాయిలో గణన ప్రాంతాలు ఉంటాయి, 300 గృహాలు ఉన్న ప్రదేశాన్ని గణన ప్రాంతంగా పరిగణిస్తారు, వయస్సు, గృహ పరిస్థితి, లింగం, ఆదాయం మరియు ఇతరాల ప్రాతిపాదికన సమాచారాన్ని సేకరిస్తారు.

2. జిల్లాలు: జాతి, వర్ణం, మతం, అంగవైకల్యం, ఇతరాల ప్రాతిపదికన సమాచారాన్ని సేకరించడం జరుగుతుంది.

3. మున్సిపాలిటీలు (నగరాలు): ఇప్పటికే తెలియజేసిన సమాచారంతోపాటు, అదనంగా GDP, పారిశ్రామిక ఉత్పత్తి, వ్యవసాయ ఉత్పత్తి, చదువు లేదా పనికోసం నగరాల మధ్య వలసలు, జీవనం కోసం జరిగే వలసలు, ద్రవ్యోల్బణం, ఉద్యోగ రోట్లు, పరిశ్రమల సంఖ్య, వ్యాపార నాణ్యత, తదితరాలకు సంబంధించిన సమాచారాన్ని కూడా సేకరిస్తారు. GPS గ్రాహకిలు మరియు డిజిటల్ మ్యాప్‌లు ఉన్న చేతితో తీసుకెళ్లగల కంప్యూటర్‌లతో సమాచారాన్ని సేకరించడం జరుగుతుంది.

మరింత సమాచారం కోసం, బ్రెజిలీయన్ ఇన్‌స్టిట్యూట్ ఆఫ్ జియోగ్రఫీ అండ్ స్టాటిస్టిక్స్ (IBGE) వ్యాసాన్ని చూడండి.

బల్గేరియా[మార్చు]

బల్గేరియా గవర్నర్‌లు బల్గేరియా భూభాగాలకు విముక్తి లభించిన వెంటనే ఒక జాతీయ గణనను నిర్వహించారు. 1881లో రాజ్యంలో జనాభా గణనను నిర్వహించారు, ఇదిలా ఉంటే 1884లో తూర్పు రుమెలియాలో జనాభా గణనను నిర్వహించడం జరిగింది. ఏకీకృత దేశంలో మొట్టమొదటి జనాభా గణన 1888లో జరిగింది.

మొదటి గణన తరువాత, బల్గేరియా అధికారిక యంత్రాంగాలు పలుమార్లు జనాభా గణనలు నిర్వహించాయి: 1892, 1900, 1905, 1910, 1920, 1926, 1934, 1946, 1956, 1965, 1975, 1985, 1992 మరియు 2001 సంవత్సరాల్లో జనాభా గణనలు జరిగాయి.

1888 నుంచి రెండో ప్రపంచ యుద్ధం వరకు బల్గేరియా జనాభా గణనలు అందించిన సమాచారం ఆనాటి ప్రమాణాల ప్రకారం అత్యంత కచ్చితమైనదిగా గుర్తింపు పొందింది. ఈ సమయానికి చెందిన బల్గేరియా గణాంక నిపుణులు పశ్చిమదేశాల విశ్వవిద్యాలయాల్లో విద్యావంతులయ్యారు, వీరు అంతర్జాతీయ సహకారంలో విరివిగా పాలుపంచుకున్నారు, తద్వారా ఉత్తమ పద్ధతులను పరిచయం చేయడంలో విజయవంతమయ్యారు. తరువాతి జనాభా గణనల్లో సేకరించిన సమాచార నాణ్యత చర్చనీయాంశంగా మారింది. ఉదాహరణకు, 2001 జనాభా గణనలో మతపరమైన పరిగణన ద్వారా మతేతర బల్గేరియన్‌లు గణన పరిధిలోకి రాలేదు.

కెనడా[మార్చు]

కెనడా జనాభా గణనను స్టాటిస్టిక్స్ కెనడా నిర్వహిస్తుంది. 1666 న్యూ ఫ్రాన్స్ జనాభా గణనను ఫ్రెంచ్ ప్రభుత్వాధికారి జీన్ టాలోన్ నిర్వహించారు, న్యూ ఫ్రాన్స్‌లో నివసిస్తున్న ప్రజల సంఖ్యను అంచనా వేసేందుకు ఈ జనాభా గణనను చేపట్టం జరిగింది. తరువాత 280 సంవత్సరాలకు ఏర్పడిన కెనడా ఆనాటి పద్ధతి మరియు సమాచారాన్ని ఉపయోగించడం గమనార్హం. ప్రావీన్స్‌లు (కొన్నిసార్లు ఇతర ప్రావీన్స్‌లతో కలిసివున్న ప్రావీన్స్‌లు) 19వ శతాబ్దం మరియు దీనికి ముందు జనాభా గణనలు నిర్వహించాయి. 1871లో, కెనడా మొదటి అధికారిక జనాభా గణన నిర్వహించబడింది, దీనిలో నోవా స్కోటియా, ఆంటారియో, న్యూ బ్రున్స్‌విక్ మరియు క్యూబెక్ ప్రాంతాల్లో జనాభాను లెక్కించారు.

కెనడాలో జనాభా గణనలను ప్రతి ఐదేళ్లకు ఒకసారి నిర్వహిస్తారు. చివరి రెండు జనాభా గణనలు 2001 మరియు 2006 సంవత్సరాల్లో జరిగాయి. మధ్య-దశాబ్దం (1976, 1986, 1996, తదితరాలు)లో సేకరించిన జనాభా గణనలను పంచవర్ష జనాభా గణనలుగా సూచిస్తారు. ఇతర జనాభా గణనలను దశ వార్షిక జనాభా గణనగా సూచిస్తారు. మొట్టమొదటి పంచవర్ష జనాభా గణనను 1956లో సేకరించారు.

2006 కెనడా జనాభా గణనకు, ప్రజలు మొట్టమొదటిసారి ఆన్‌లైన్‌లో తమ జనాభా గణన ప్రశ్నాపత్రాన్ని ఎంచుకునే వీలు కల్పించారు. పోస్టల్ మెయిల్ (ఒక ప్రీపెయిడ్ ఎన్వలప్ ఉపయోగించడం ద్వారా) మరియు టెలిఫోన్ (800 నెంబర్‌ను ఉపయోగించడం ద్వారా) వంటి మార్గాల్లో కూడా ప్రశ్నాపత్రానికి సమాధానమిచ్చేందుకు ఇతర ప్రత్యామ్నాయాలు కల్పించారు.

అల్బెర్టా[మార్చు]

అల్బెర్టా ప్రావీన్స్‌లో మున్సిపల్ గవర్నమెంట్ యాక్ట్ (MGA)[21]లోని 57వ సెక్షన్ దాని యొక్క మున్సిపాలిటీలకు (పురపాలక సంఘాలు) ఒక నిర్ణీత సంవత్సరంలో సొంత జనాభా గణనలు నిర్వహించే వీలు కల్పిస్తుంది. MGA యొక్క జనాభా నిర్ణయ నిబంధన ప్రకారం నిర్ణీత ఏడాదిలో ఏప్రిల్ 1కు ముందు మరియు జూన్ 30 తరువాత కాకుండా, ఈ మధ్య కాలంలో అధికారిక పురపాలక జనాభా గణనను నిర్వహించాల్సి ఉంటుంది.[22] పురపాలక సంఘాలు తమ జనాభా గణనను అధికారికంగా నిర్వహించాలనుకుంటే, కొత్త జనాభా వివరాలను జనాభా గణన నిర్వహించిన ఏడాది సెప్టెంబరు 1వ తేదీకి ముందు పురపాలక సంఘ వ్యవహారాల మంత్రిత్వ శాఖకు సమర్పించాల్సి ఉంటుంది[23]. అల్బెర్టా యొక్క పురపాలక సంఘాల తాజా జనాభా గణన వివరాలను మంత్రిత్వ శాఖ యొక్క వార్షిక అధికారిక జనాభా జాబితా[24] ప్రచురణ సంస్థ విడుదల చేస్తుంది.

అల్బెర్టా జనాభా వెబ్‌సైట్‌ను ప్రావీన్స్ మరియు స్టాటిస్టిక్స్ కెనడా అందించిన సమాచారం ఆధారంగా రూపొందించారు. ఇది పురపాలక మరియు సమాఖ్య జనాభా గణన ఫలితాలను పురపాలక సంఘాలతో పోలుస్తుంది, పురపాలక సంఘాలవారీగా చారిత్రక జనాభా ధోరణులను విశ్లేషిస్తుంది, తద్వారా సమగ్ర వార్షిక జనాభా వివరాలను వెల్లడిస్తుంది.[25]

చిలీ[మార్చు]

చిలీలో జాతీయ జనాభా గణనలను ప్రతి పదేళ్లకు ఒకసారి INE (Instituto Nacional de Estadísticas, లేదా నేషనల్ స్టాటిస్టిక్స్ ఇన్‌స్టిట్యూట్) నిర్వహిస్తుంది, చివరిసారి జనాభా గణన 2002లో జరిగింది.

చైనా[మార్చు]

రిపబ్లిక్ ఆఫ్ చైనా మరియు పీపుల్స్ రిపబ్లిక్ ఆఫ్ చైనాలలో జనాభా గణనలను 1913, 1944, 1953, 1964, 1982, 1990, 2000, మరియు 2010 సంవత్సరాల్లో నిర్వహించారు.[26] ప్రపంచంలో అత్యధిక జనాభాగల దేశంలో పురుషులు, మహిళలు మరియు బాలలందరి సంఖ్యను గుర్తించడం ద్వారా ఈ గణనలు ప్రపంచంలోనే అతిపెద్ద జనాభా గణనలుగా గుర్తింపు పొందాయి. 2000 జనాభా గణనలో 6 మిలియన్ల మంది పరిగణకులు పాల్గొన్నారు. తరువాతి జాతీయ జనాభా గణన నవంబరు 1, 2010లో ప్రారంభం కానుంది,[27] ఇదిలా ఉంటే ఒక సన్నాహక గృహ నమోదు అధ్యయనం బీజింగ్‌లో ఆగస్టు 15, 2010న ప్రారంభమైంది.[28]

జాతీయ జనాభా గణనల నడుమ, 1% జాతీయ జనాభా నమూనా అధ్యయనాలు 1987, 1995, 2005 సంవత్సరాల్లో జరిగాయి, 2000 నుంచి ప్రతి ఏడాది 0.1% జాతీయ జనాభా నమూనా అధ్యయనాలు జరుగుతున్నాయి.[29]

జాతీయ వ్యవసాయ, ఆర్థిక మరియు పారిశ్రామిక గణనలను కూడా నియతకాలికంగా సేకరించడం జరుగుతుంది. మొట్టమొదటి ఆర్థిక గణన 2004లో జరిగింది, రెండోదానిని 2008లో నిర్వహించారు.[30]

కోస్టారికా[మార్చు]

కోస్టారికా 9వ జనాభా గణనను 2000లో నిర్వహించింది. INEC, నేషనల్ ఇన్‌స్టిట్యూట్ ఆఫ్ స్టాటిస్టిక్స్ అండ్ సెన్సస్ నేతృత్వంలో ఇక్కడ జనాభా గణనలు జరుగుతాయి. గతంలో కోస్టారికా జనాభా గణనలు 1864, 1883, 1892, 1927, 1950, 1963, 1973 మరియు 1984 సంవత్సరాల్లో జరిగాయి.

చెక్ రిపబ్లిక్[మార్చు]

చెక్ రిపబ్లిక్‌లో జనాభా గణనను ప్రతి పదేళ్లకు ఒకసారి చెక్ స్టాటిస్టికల్ ఆఫీస్ నిర్వహిస్తుంది. చివరి జనాభా గణన 2001లో జరిగింది. దీనికి ముందు జనాభా గణనలు 1869, 1880, 1890, 1900, 1910, 1921, 1930, 1950, 1961, 1970, 1980 మరియు 1991 సంవత్సరాల్లో జరిగాయి.

డెన్మార్క్[మార్చు]

మొట్టమొదటి డెన్మార్క్ జనాభా గణన 1700-1701లో జరిగింది, దీనిలో యువ పురుషుల జనాభా గణాంకాలు ఉన్నాయి. దీనిలో సగం సమాచారం ఇప్పటికీ భద్రంగా ఉంది. పాఠశాల విద్యార్థుల జనాభా గణాంకాలను 1730వ దశకంలో సేకరించారు.

ఈ ప్రారంభ సేకరణలు తరువాత, 1769లో మొట్టమొదటిసారి పూర్తిస్థాయిలో ప్రజలందరితో కూడిన (మహిళలు మరియు పిల్లలతోసహా, వీరిని గతంలో కేవలం సంఖ్యల్లో మాత్రమే నమోదు చేసేవారు) జనాభా గణనను డెన్మార్క్-నార్వే యంత్రాంగం నిర్వహించింది.[31] ఈ సమయంలో రాజ్యంలో 797 584 మంది ప్రజలు నివసిస్తున్నట్లు లెక్కించారు. జార్జి క్రిస్టియన్ ఓయెడెర్ 1771లో గణాంక జనాభా లెక్కలు నిర్వహించారు, కోపెన్‌హాగన్, సజెల్‌ల్యాండ్, మోన్ మరియు బోర్న్‌హోల్మ్‌లలో దీనిని చేపట్టారు.

తరువాత, జనాభా గణన కొంతవరకు నియతకాలికంగా జరిగింది, 1787, 1801 మరియు 1834 సంవత్సరాలతోపాటు, 1840 మరియు 1860 మధ్యకాలంలో ప్రతి ఐదేళ్లకు ఒకసారి, 1890 వరకు ప్రతి పదేళ్లకు ఒకసారి జనాభా గణనలు నిర్వహించారు. కోపెన్‌హాగన్ నగరంలో 1885 మరియు 1895 సంవత్సరాల్లో ప్రత్యేక జనాభా గణనలు నిర్వహించారు.

20వ శతాబ్దంలో, జనాభా గణనలను 1901 నుంచి 1921 వరకు ప్రతి ఐదేళ్లకు ఒకసారి, 1930 నుంచి ప్రతి పదేళ్లకు ఒకసారి నిర్వహిస్తున్నారు. చివరి సాంప్రదాయిక జనాభా గణన 1970లో జరిగింది.

1976లో పరిమిత జనాభా గణనను రిజిస్టర్‌ల ఆధారంగా నిర్వహించారు. 1981 నుంచి ప్రతి ఏడాది జనాభా మరియు గృహాల గణనకు సంబంధించిన సమాచారాన్ని రిజిస్టర్‌ల నుంచి సేకరిస్తున్నారు. ప్రపంచంలో పరిపాలక రిజిస్టర్‌ల నుంచి జనాభా గణనలను నిర్వహిస్తున్న మొట్టమొదటి దేశంగా డెన్మార్క్ గుర్తింపు పొందింది. జనాభా పట్టిక (Det Centrale Personregister) మరియు భవన మరియు నివాస పట్టిక మరియు వ్యాపార సంస్థల పట్టికలు ముఖ్యమైన రిజిస్టర్‌లుగా ఉన్నాయి. కేంద్ర గణాంక కార్యాలయం స్టాటిస్టిక్స్ డెన్మార్క్ ఈ సమాచారాన్ని సమీకరంచే బాధ్యత కలిగివుంది. స్టేట్‌బ్యాంక్ డెన్మార్క్‌లో ఈ సమాచారం ఆన్‌లైన్‌లో అందుబాటులో ఉంటుంది.[32]

డెన్‌స్క్ డెమోగ్రాఫిస్క్ డేటాబేస్‌లో డెన్మార్క్ జనాభా గణనల్లో కొంత భాగాన్ని ఆన్‌లైన్‌లో శోధించే వీలుంది,[33] అంతేకాకుండా ఆర్కివాలియర్ ఆన్‌లైన్‌లో స్కాన్ చేసిన వెర్షన్‌లను చూడవచ్చు.[34]

ఈజిప్టు[మార్చు]

ఆర్థిక మంత్రిత్వ శాఖ గణాంకాల విభాగం మొట్టమొదటి జనాభా గణనను 1882లో నిర్వహించింది, దీనిని సన్నాహక చర్యగా పరిగణించారు; మొదటి నిజమైన జనాభా గణన 1897లో జరిగింది. ఈ తరువాత నుంచి, ప్రతి పదేళ్లకు ఒకసారి 1907, 1917, 1927 మరియు వరుసగా ఇతర సంవత్సరాల్లో జనాభా గణనలు నిర్వహించారు.

ఈస్టోనియా[మార్చు]

ఈస్టోనియాలో జనాభా గణనలను 1881, 1897, 1922, 1934, 1959, 1970, 1979, 1989 మరియు 2000 సంవత్సరాల్లో సేకరించారు.[35] ఈ దేశంలో జనాభా గణనలను స్టాటిస్టిక్స్ ఈస్టోనియా అనే సంస్థ నిర్వహిస్తుంది.[36]

ఇథియోపియా[మార్చు]

ఇథియోపియాలో మూడు జనాభా గణనలు నిర్వహించారు: 1984, 1994 మరియు 2007 సంవత్సరాల్లో జనాభా గణాంకాలు సేకరించడం జరిగింది. సెంట్రల్ స్టాటిస్టికల్ ఏజెన్సీ ఇక్కడ జనాభా గణనలను నిర్వహిస్తుంది.

ఆగస్టు 2007 దేశంలోని దాదాపుగా అన్ని ప్రాంతాల్లో జనాభా గణన నిర్వహించారు, అయితే సోమాలీ ప్రాంతం మరియు అఫార్ ప్రాంతం దీనిని నిర్వహించలేదు. ఉత్తర అఫార్ ప్రాంతం మారుమూలన ఉండటంతోపాటు, తీవ్రమైన వేడితో కూడిన మరియు శుష్క ప్రదేశంగా ఉంది. తూర్పు సోమాలీ ప్రాంతం (ఓగాడెన్)లో ఒక పెద్ద నోమాడిక్ సోమాలీ జనాభా నివసిస్తుంది, అయితే ఇది యుద్ధ భూమిగా ఉంది, ఇక్కడ ఇథియోపియన్ సైనిక దళాలు ఓగాడెన్ నేషనల్ లిబరేషన్ ఫ్రంట్ (ONLF)పై పోరాడుతున్నాయి.

ఫిన్లాండ్[మార్చు]

స్వీడన్‌లో భాగంగా ఉన్నప్పుడు ఫిన్లాండ్‌లో 1749లో మొట్టమొదటిసారి జనాభా గణనను నిర్వహించారు. ఫిన్లాండ్‌లో ఇటీవల కాలంలో జనాభా గణన డిసెంబరు 31, 2000న జరిగింది.

ఫ్రాన్స్[మార్చు]

ఫ్రాన్స్‌లో జనాభా గణనను INSEE నిర్వహిస్తుంది. 2004 నుంచి, పాక్షిక జనాభా గణనను ప్రతి ఏడాది నిర్వహిస్తున్నారు, ఐదేళ్ల కాలంలో సగటులతో ఫలితాలను వెల్లడిస్తున్నారు.

జర్మనీ[మార్చు]

ఐరోపా ఖండంలో మొట్టమొదటి క్రమబద్ధమైన జనాభా గణనను ప్రూసియాలో 1719లో నిర్వహించారు (ఈ ప్రాంతంలో ప్రస్తుతం ఉత్తర జర్మనీ మరియు పశ్చిమ పోలెండ్ భూభాగాలు ఉన్నాయి).

జర్మన్ సామ్రాజ్యంలో మొట్టమొదట భారీ-స్థాయి జనాభా గణన 1895లో జరిగింది. అనేక వ్యక్తిగత ప్రశ్నలు అడుగుతున్న కారణంగా, పశ్చిమ జర్మనీలో జనాభా గణనను ప్రవేశపెట్టేందుకు 1980వ దశకంలో చేసిన ప్రయత్నాలకు తీవ్రస్థాయిలో వ్యతిరేకత వ్యక్తమైంది. కొందరు దీనిని బహిష్కరించాలని ప్రచారం చేశారు. చివరకు రాజ్యాంగ న్యాయస్థానం 1980 మరియు 1983 సంవత్సరాల్లో జనాభా గణనను నిలిపివేయాలని ఆదేశించింది. చివరి జనాభా గణనను 1987లో నిర్వహించారు. జర్మనీ అప్పటి నుంచి పూర్తిస్థాయి జనాభా గణనకు బదులుగా, గణాంక పద్ధతుల మేళనంతో జనాభా నమూనాలను ఉపయోగిస్తుంది.

గ్రీస్[మార్చు]

నేషనల్ స్టాటిస్టికల్ సర్వీస్ ఆఫ్ గ్రీస్ ప్రతి పదేళ్లకు ఒకసారి జనాభా గణనను నిర్వహిస్తుంది.[37] చివరి జనాభా గణన 2001లో జరిగింది.

గ్వాటెమాల[మార్చు]

గ్వాటెమాలలో ఆధునిక జనాభా గణనలు 1930, 1950, 1964, 1973, 1981, 1994 మరియు 2002 సంవత్సరాల్లో జరిగాయి. 1950 మరియు 1964 సంవత్సరాల్లో (మాయా జనాభా తప్పుడు వర్గీకరణ) మరియు 1994లో (కచ్చితత్వంపై అనుమానాలు) జనాభా గణనలు వివాదాస్పదమయ్యాయి. జులై 2009నాటికి గ్వాటెమాలలో సుమారుగా 14,000,000 మంది ప్రజలు నివసిస్తున్నారు.

మెక్సికో మరియు గ్వాటెమాల సంయుక్త భూభాగాలు, 1577-1585 .

మే 25, 1677లో, స్పెయిన్ రాజు ఫిలిప్ II ఇండీస్ ప్రాంతంలో స్పెయిన్ భూభాగాల సాధారణ చిత్రాన్ని సిద్ధం చేయాలని ఆదేశాలు జారీ చేశారు. దీనికి సంబంధించిన సమాచార సేకరణ కోసం క్రోనిస్టా మేయర్-కాస్మోగ్రాఫో యొక్క కార్యాలయం 1577లో జారీ చేసిన ఆదేశాలు మరియు ప్రశ్నావళిని న్యూ స్పెయిన్ మరియు పెరూ దేశాల్లోని వైస్రాయ్‌లకు పంపింది. భూభాగ లక్షణాలు మరియు ప్రజల జీవన పరిస్థితుల గురించి ప్రాథమిక సమాచారం సేకరించేందుకు ఈ ప్రశ్నావళిలో యాభై ప్రశ్నలు ఉన్నాయి. "రిలాసియోనెస్ జియోగ్రఫికాస్"గా గుర్తించే సమాధానాలను ఇండీస్‌లోని మండలి 1579 మరియు 1585 మధ్యకాలంలో స్పెయిన్‌లోని క్రోనిస్టా మేయర్-కాస్మోగ్రాఫోకు పంపింది.

హాంకాంగ్[మార్చు]

హాంకాంగ్ యొక్క సెన్సస్ అండ్ స్టాటిస్టిక్స్ డిపార్ట్‌మెంట్ ప్రతి పదేళ్లకు ఒకసారి జనాభా గణనలను మరియు ప్రతి రెండు జనాభా గణనలు మధ్య ఒక ఉప-జనాభా గణనను నిర్వహిస్తుంది. చివరి జనాభా గణనను 2001లో నిర్వహించారు, చివరి ఉప-జనాభా గణన 2006లో జరిగింది.

హంగేరి[మార్చు]

1870 నుంచి హంగేరిలో అధికారిక దశ వార్షిక జనాభా గణనలు సేకరించబడుతున్నాయి: ఐక్యరాజ్యసమితి మరియు యూరోపియన్ యూనియన్ యొక్క గణాంక కార్యాలయం సిఫార్సులపై ఇటీవలి జనాభా గణనను 2001లో నిర్వహించారు. 1880 నుంచి హంగేరి జనాభా గణన వ్యవస్థ స్థానిక భాష (ఒక వ్యక్తి బాల్యంలో ఇంటి వద్ద మాట్లాడే మరియు అధ్యయనం సమయంలో మాట్లాడే భాష), వ్యవహారిక భాష (కుటుంబంలో బాగా తరచుగా మాట్లాడే భాష) మరియు ఇతర మాట్లాడే భాషలు ఆధారంగా పనిచేస్తుంది.

ఐస్‌ల్యాండ్[మార్చు]

మొట్టమొదటి ఐస్‌ల్యాండ్ జనాభా గణన 1703లో జరిగింది, 1700–1701లో జరిగిన మొదటి డెన్మార్క్ జనాభా గణన తరువాత దీనిని నిర్వహించారు. తరువాతి జనాభా గణనలు 1801, 1845 మరియు 1865 సంవత్సరాల్లో నిర్వహించారు. 1703లో నిర్వహించిన జనాభా గణనలో మొట్టమొదటిసారిగా దేశవ్యాప్తంగా పౌరులందరి గణాంకాలు సేకరించడం జరిగింది, ఈ సమాచారంలో వ్యక్తుల పేరు, వయస్సు మరియు సామాజిక హోదాలను నమోదు చేశారు. దీనికి సంబంధించిన సమాచారం అంతా ఇప్పటికీ భద్రంగా ఉంది, అయితే కొన్ని అసలు పత్రాలు మాత్రం కనుమరుగయ్యాయి.

1952లో నేషనల్ రిజిస్ట్రీ (Þjóðskrá ) ఏర్పాటు కావడంతో జనాభా గణన అవసరం లేకుండా పోయింది. ఐస్‌ల్యాండ్‌లో జన్మించిన పౌరులందరూ మరియు కొత్త నివాసులు ఎప్పటికప్పుడు ఈ రిజిస్ట్రీలో నమోదవుతుంటారు. ఒక జాతీయ గుర్తింపు సంఖ్య (కెన్నిటాలా గా పిలుస్తారు)తో వ్యక్తులను రిజిస్ట్రీలో గుర్తిస్తారు, ఈ సంఖ్య వ్యక్తి పుట్టినరోజు రోజునెలఏడాది క్రమంలో ఉంటుంది, దీనికి మరో నాలుగు అదనపు అంకెలు ఉంటాయి, దీనిలో మూడోది నియంత్రణ అంకె, చివరి అంకె వ్యక్తి జన్మించిన శతాబ్దాన్ని సూచిస్తుంది (1900వ శతాబ్దాన్ని సూచించేందుకు 9, 20వ శతాబ్దానికి 0ను ఉపయోగిస్తారు).

ఎన్నికల రిజిస్టర్‌కు జాతీయ రిజిస్ట్రీ రెట్టింపు పరిమాణంలో ఉంటుంది. అంతేకాకుండా, అన్ని బ్యాంకు ఖాతాలు యజమాని యొక్క జాతీయ గుర్తింపు సంఖ్యకు అనుసంధానం చేయబడతాయి (కంపెనీలు మరియు సంస్థలకు ప్రత్యేక గుర్తింపు సంఖ్యలు ఉంటాయి.

భారతదేశం[మార్చు]

భారతదేశ జనాభాకు సంబంధించిన సమాచారాన్ని తెలుసుకునేందుకు భారతదేశపు దశవార్షిక జనాభా గణన ప్రాథమిక మూలంగా ఉంది. 2011 జనాభా గణన మానవాళి చరిత్రలో అతిపెద్ద జనాభా గణన కానుంది.[38]

భారతదేశంలో ఆధునిక కాలంలో మొట్టమొదటి జనాభా గణనను 1872లో నిర్వహించారు. మొదటి నియతకాలిక జనాభా గణనను 1881లో లార్డ్ రిప్పాన్ ప్రారంభించారు.అప్పటి నుంచి, జనాభా గణనను ప్రతి 10 ఏళ్లకు ఒకసారి నిర్వహిస్తున్నారు. తాజా జనాభా గణన మే 1, 2010న ప్రారంభమైంది. ఈ జనాభా గణనలో దేశంలో ప్రతి పౌరుడి ఛాయాచిత్రం మరియు వేలిముద్రలతో ఒక జాతీయ జనాభా రిజిస్టర్‌ను తయారు చేస్తారు. భారతీయ పౌరులందరికీ ఒక్కో విశేష గుర్తింపు (యునీక్ ID) సంఖ్యలు మరియు జాతీయ గుర్తింపు కార్డులు అందిస్తారు. జనాభా గణనను ఢిల్లీలోని రిజిస్ట్రార్ జనరల్ అండ్ సెన్సస్ కమిషనర్ ఆఫ్ ఇండియా కార్యాలయం నిర్వహిస్తుంది, ఇది భారత ప్రభుత్వ హోం మంత్రిత్వ శాఖ పరిధిలో పనిచేస్తుంది, ఈ కార్యాలయాన్ని 1948 భారతదేశ జనాభా గణన చట్టం కింద ఏర్పాటు చేశారు. ఈ చట్టం కేంద్ర ప్రభుత్వానికి జనాభా గణనకు తేదీని నిర్ణయించే, జనాభా గణన పనికి ఏ పౌరుడి సేవలనైనా కోరే అధికారాలను కల్పించింది. అంతేకాకుండా ఈ చట్టం జనాభా గణనకు సంబంధించి ప్రశ్నలకు ప్రతి పౌరుడు నిజాయితీగా సమాధానం ఇవ్వడాన్ని తప్పనిసరి చేసింది. జనాభా గణన ప్రశ్నాపత్రంలోని ప్రశ్నలకు తప్పుడు సమాధానాలు ఇచ్చినవారికి లేదా సమాధానాలు ఇవ్వనివారికి జరిమానాలు విధించే అధికారాన్ని ఈ చట్టం కల్పించింది. ఈ చట్టం యొక్క అత్యంత ముఖ్యమైన నిబంధనల్లో జనాభా గణన ద్వారా సేకరించిన ప్రతి వ్యక్తి సమాచారాన్ని గోప్యంగా ఉంచడం ఒకటి. జనాభా గణన పత్రాల్లో సమాచారాన్ని తనిఖీ చేయడం మరియు ఈ సమాచారాన్ని సాక్ష్యంగా స్వీకరించడం నిషేధించబడింది.

జనాభా గణనను రెండు దశల్లో నిర్వహిస్తారు: మొదటి దశలో, గృహాల నమోదు మరియు గృహాల సంఖ్యను గుర్తిస్తారు, రెండో దశలో అసలు జనాభా గణన జరుగుతుంది. జనాభా గణనను ప్రచార పద్ధతిలో నిర్వహిస్తారు. ఈ పద్ధతిలో, దేశంలోని ప్రతి ఇంటిని సంబంధిత సిబ్బంది సందర్శిస్తారు, ప్రత్యేకంగా శిక్షణ పొందిన పరిగణకులు సమాచారాన్ని సేకరిస్తారు. వారు గృహాలకు సంబంధించిన సమాచారాన్ని సేకరిస్తారు, ఉదాహరణకు సభ్యుల సంఖ్య, నీరు మరియు విద్యుత్ సరఫరా, భూమి, వాహనాలు, కంప్యూటర్‌లు మరియు ఇతర ఆస్తులు మరియు సేవల వినియోగానికి సంబంధించిన సమాచారాన్ని దీనిలో సేకరించడం జరుగుతుంది. రెండో దశలో, మొత్తం జనాభాను లెక్కిస్తారు మరియు వ్యక్తులకు సంబంధించిన గణాంకాలను సేకరిస్తారు.[38]

  • జనగణనలో వ్యక్తుల సొంత ప్రకటనను బట్టే వారి కులం నమోదు చేస్తారు.జనగణన సిబ్బందికి కుల ధ్రువీకరణ పత్రాన్ని చూపించాల్సిన అవసరం లేదు.

ఇండోనేషియా[మార్చు]

ఇండోనేషియాలో మొట్టమొదటి జనాభా గణన సమాచారాన్ని 1930లో వలసరాజ్య పాలనా కాలంలో సేకరించారు. దీనికి ముందు, అసంపూర్ణమైన జనాభా గణనను 1920లో నిర్వహించడం జరిగింది. తరువాత నుంచి జనాభా గణనను అనియతకాలికంగా నిర్వహించారు. స్వాతంత్ర్యం తరువాత మొట్టమొదటి జనాభా గణనను 1961లో నిర్వహించారు, దీని తరువాత 1971లో జనాభా గణన జరిగింది. 1980 నుంచి దేశంలో జనాభా గణనను ప్రతి 10 ఏళ్లకు ఒకసారి నిర్వహిస్తున్నారు. వీటి మధ్యలో, ఆర్థిక గణన (ప్రతి పదేళ్లకు, జనాభా గణన తరువాత ఐదేళ్లకు) మరియు వ్యవసాయ గణన (జనాభా గణన తరువాత మూడేళ్లకు)లు కూడా జరుగుతున్నాయి.చివరి జనాభా గణనను మే 2010లో నిర్వహించారు.

ఇరాన్[మార్చు]

ప్రధాన వ్యాసం: ఇరాన్ జనాభా

స్టాటిస్టికల్ సెంటర్ ఆఫ్ ఇరాన్ దేశవ్యాప్తంగా జనాభా మరియు గృహ గణనలు ప్రతి పదేళ్లకు ఒకసారి నిర్వహిస్తుంది, చివరి జనాభా గణనను 2006లో (1385 AP) నిర్వహించారు. ఇస్లామిక్ రిపబ్లిక్ ఆఫ్ ఇరాన్‌లో స్టాటిస్టికల్ సెంటర్ ఆఫ్ ఇరాన్ (SCI) చట్టం యొక్క 4వ అధికరణ ఆధారంగా, జనాభా గణనను అధ్యక్ష ఆదేశంపై ప్రతి పదేళ్లకు ఒకసారి నిర్వహించాలి. ఇరాన్‌లో ఇప్పటివరకు ఆరుసార్లు జనాభా గణనలు నిర్వహించారు, అవి 1956, 1966, 1976, 1986, 1996, మరియు 2006 సంవత్సరాల్లో జరిగాయి; అన్ని గణనలను శాస్త్రీయ పద్ధతుల్లో నిర్వహించడం జరిగింది.

ఐర్లాండ్[మార్చు]

ఐర్లాండ్‌లో జనాభా గణనను సెంట్రల్ స్టాటిస్టిక్స్ ఆఫీస్ నిర్వహిస్తుంది.[39] జనాభా గణనను ప్రతి ఐదేళ్లకు ఒకసారి నిర్వహిస్తున్నారు, ఒకటితో మరియు ఆరుతో ముగిసే సంవత్సరాల్లో తాజా సమగ్ర సమాచారాన్ని సేకరించడం జరుగుతుంది. 1976 జనాభా గణనను వ్యయ-నియంత్రణ చర్యల్లో భాగంగా రద్దు చేశారు, అయితే 1970వ దశకంలో జనాభాలో ప్రధాన మార్పులు సంభవించినట్లు స్పష్టమవడంతో 1979లో ఒక ప్రత్యామ్నాయ జనాభా గణనను నిర్వహించడం జరిగింది.[40] ఫూట్-అండ్-మౌత్ వ్యాధి ప్రబలడంతో 2001లో జరగాల్సిన జనాభా గణనను 2002 వరకు వాయిదా వేశారు.[41]

ఏప్రిల్ 23, 2006న ఇటీవలి జనాభా గణన జరిగింది.[42] 2006 జనాభా గణన నుంచి, సమాచారం ఇవ్వని లేదా ఇవ్వడానికి అంగీకరించని లేదా ఉద్దేశపూర్వకంగా తప్పుడు సమాచారం ఇచ్చిన పౌరుడికి €25,000 వరకు జరిమానా విధించేందుకు సెంట్రల్ స్టాటిస్టిక్ యాక్ట్ 1993 కింద అధికారం కల్పించబడింది. CSO వెబ్‌సైట్‌లో, ఆంగ్ల యేతర భాషలు మాట్లాడే ఐర్లాండ్ వాసులకు నిబంధనలను అందుబాటులో ఉన్నాయి. ఇక్కడ అన్ని శీర్షికలు/ప్రశ్నలు తదితరాలతో జనాభా గణన పత్రాలు అవసరమైన ఇతర భాషలోకి అనువదించి ఉన్నాయి. అయితే వీటిలో సమాధానాలు పూరించకూడదు, ఇంగ్లీష్ లేదా ఐరిష్ పత్రాన్ని ఏ విధంగా పూరించాలో ఇవి తెలియజేస్తాయి. ఈ జనాభా గణనలో PCలు మరియు ఇంటర్నెట్ కనెక్షన్‌లకు సంబంధించిన రెండు కొత్త ప్రశ్నలను కూడా చేర్చారు.

1911 ఐర్లాండ్ ద్వీప జనాభా గణన నుంచి సేకరించిన సమాచారాన్ని 1961లో బహిర్గతం చేశారు,[43] ఈ జనాభా గణన సమాచారాన్ని ఆన్‌లైన్‌లో ఉంచారు.[44] తరువాతి జనాభా గణనల సమాచారాన్ని సేకరించిన 100 సంవత్సరాల తరువాత బహిర్గతం చేయనున్నారు.[43]

ఐరిష్ భాష మాట్లాడే సామర్థ్యానికి సంబంధించిన ప్రశ్నలను కూడా జనాభా గణనలో ఉన్నాయి. సేకరించిన గణాంకాలను జవాబు వివక్ష లేదా ఆపేక్షపూరిత ఆలోచన వంటి అభిజ్ఞా పక్షపాతాలు ద్వారా పెంచి చూపిస్తున్నట్లు విమర్శలు వ్యక్తమయ్యాయి. 2006 జనాభా గణనలో ఐరిష్ భాషను ఎంత విరివిగా ఉపయోగిస్తున్నారనే అదనపు ప్రశ్నను కూడా చేర్చారు.

జూన్ 2010లో, 1901 ఐర్లాండ్ జనాభా గణన సమాచారాన్ని ఇంటర్నెట‌్‌లో అందుబాటులో ఉంచారు.[45]

ఇజ్రాయెల్[మార్చు]

ఇజ్రాయెల్ దేశంలో మొట్టమొదటి జనాభా గణన నవంబరు 1948లో నిర్వహించారు, ఇజ్రాయెల్ ఏర్పడిన ఆరు నెలల తరువాత జనాభా రిజిస్ట్రీ ఏర్పాటు చేసేందుకు ఈ జనాభా గణన జరిగింది.[46] తరువాతి జనాభా గణనలను ఇజ్రాయెల్ సెంట్రల్ బ్యూరో ఆఫ్ స్టాటిస్టిక్స్ (ICBS) 1961, 1972, 1983 మరియు 1995 సంవత్సరాల్లో నిర్వహించింది.[46] వీటిలో, 20% గృహాల్లో సమగ్ర అధ్యయనాన్ని మరియు మిగిలినవాటిలో పాక్షిక అధ్యయనాన్ని నిర్వహించారు.[46] ఒక నిర్దిష్ట కాలవ్యవధిలో తప్పనిసరిగా జనాభా గణనను నిర్వహించాలనే చట్టపరమైన నిబంధన ఏదీ ఇక్కడ లేదు: ఆచరణలో, ICBS చేసిన విజ్ఞప్తులపై ప్రభుత్వం నిర్ణయాలు తీసుకుంటుంది.[46] తాజా జనాభా గణనను 2006 నుంచి 2008 చివరి కాలం/2009 ప్రారంభ కాలానికి వాయిదా వేశారు.[46] వ్యయ-నియంత్రణ చర్యల్లో భాగంగా, కేవలం 20% సమగ్ర అధ్యయనాన్ని మాత్రమే నిర్వహించారు.[46]

ఇటలీ[మార్చు]

ఇటలీలో జనాభా గణనను ISTAT ప్రతి 10 సంవత్సరాలకు ఒకసారి నిర్వహిస్తుంది. చివరి నాలుగు జనాభా గణనలు 1971, 1981, 1991, 2001 సంవత్సరాల్లో జరిగాయి.

జపాన్[మార్చు]

జపాన్ ప్రభుత్వం ప్రతి ఐదేళ్లకు ఒకసారి జనాభా గణన సమాచారాన్ని సేకరిస్తుంది. జనాభా గణనను అంతర్గత వ్యవహారాలు మరియు సమాచార మంత్రిత్వ శాఖ స్టాటిస్టిక్స్ బ్యూరో నిర్వహిస్తుంది. అక్టోబరు 1, 2010న జనాభా గణన నిర్వహించనున్నారు.[47]

జనాభా గణన-పత్రంలో పేరు, లింగం, ఇంటిపెద్దతో సంబంధం, పుట్టిన సంవత్సరం మరియు నెల, వివాహ స్థితి, జాతీయత, ఇంటిలోని సభ్యుల సంఖ్య, ఇంటి రకం మరియు లక్షణం, ఇంటిలో గచ్చు, అక్టోబరు 1కి ముందు వారానికి పనిచేసిన గంటల సంఖ్య, ఉద్యోగ స్థితి, నియోగి పేరు, వ్యాపారం పేరు, చేస్తున్న పని వంటి వివరాలకు సంబంధించిన సమాచారాన్ని సేకరిస్తారు.

జాతీయతతో సంబంధం లేకుండా, జపాన్‌లోని అందరు పౌరులు జనాభా గణన పత్రాన్ని పూర్తి చేయాల్సి ఉంటుంది. జనాభా గణన పత్రం కేవలం జపనీస్ భాషలోనే రాయబడి ఉంటుంది, అయితే 27 భాషల్లో వీటికి అనువాదాలను విజ్ఞప్తిపై పొందవచ్చు.[48] జపనీస్‌లో కూడా ఆన్‌లైన్ జనాభా గణన అందుబాటులో ఉంటుంది.

జనాభా గణన ద్వారా సేకరించే సమాచారం అంతా గోప్యంగా ఉంచుతారు, ఈ సమాచారానికి గణాంకాల చట్టం ద్వారా రక్షణ లభిస్తుంది. జనాభా గణన కోసం అందించిన సమాచారాన్ని ఎన్నడూ ఎటువంటి దర్యాప్తు కోసం ఉపయోగించరాదు, వలస నియంత్రణ, పోలీసు దర్యాప్తు, పన్ను సేకరణలు మరియు ఇతరాల వంటి ఎటువంటి విచారణలకు ఈ సమాచారాన్ని ఉపయోగించడం నిషేధించబడింది.[48] జనాభా గణన తరువాత, అన్ని పత్రాలను నాశనం చేసి రీసైకిల్ చేస్తున్నారు.

టోక్యోలో ప్రజలు ఒక జనాభా గణన పత్రాన్ని పూరించి దాఖలు చేయడం లేదా ఆన్‌లైన్‌లో జనాభా గణన ప్రశ్నలకు సమాధానమివ్వడం రెండో మార్గాల్లో ఏదో ఒకదానిని ఎంచుకోవచ్చు. యునీక్ ID మరియు పాస్‌వర్డ్‌లను జనాభా గణన పత్రంతోపాటు అందిస్తారు. ఆన్‌లైన్ జనాభా గణన పత్రం కేవలం టోక్యో పౌరులకు మాత్రమే అందుబాటులో ఉంది. టోక్యోలో ఎక్కువ మంది పౌరులు బహుళ అంతస్తు భవనాలు లేదా జనాభా పరిగణకులకు అనుమతి లేని రక్షిత ప్రదేశాల్లో నివసిస్తున్న కారణంగా ఆన్‌లైన్‌లో జనాభా గణన పత్రాలను అందుబాటులో ఉంచారు.

జోర్డాన్[మార్చు]

1946లో స్వాతంత్ర్యం తరువాత మొట్టమొదటి జనాభా గణన సమాచారాన్ని 1952లో సేకరించారు. దీనిలో గృహాల్లో ఎంత మంది పౌరులు నివసిస్తున్నారో లెక్కించడం వలన, దీనిని ఒక గృహాల గణనగా పరిగణిస్తున్నారు. మొదటి వాస్తవ సంపూర్ణ జనాభా గణనను 1961లో నిర్వహించారు. తరువాతి జనాభా గణనలు 1979, 1994 మరియు 2004 సంవత్సరాల్లో జరిగాయి. జనాభాలో పాలస్తీనియన్‌లు మరియు జోర్డానియన్‌ల వ్యాప్తి 1967లో ఆరు-రోజుల యుద్ధం తరువాత నుంచి రాజకీయంగా సున్నితమైన అంశంగా ఉంది.

కెన్యా[మార్చు]

కెన్యాలో జనాభా గణన మొదటిసారి 1948లో జరిగింది, ఈ సమయంలో కెన్యా బ్రిటీష్ వలసరాజ్యంగానే ఉంది. 1969 నుంచి జనాభా గణనను ప్రతి పదేళ్లకు ఒకసారి నిర్వహిస్తున్నారు. ఇటీవలి జనాభా గణనను 2009లో నిర్వహించారు. జనాభా గణనను పూర్తి చేసిన ఏడాది తరువాత ఒక పూర్తిస్థాయి జనాభా వివరాలను వెల్లడించే ఏకైక ఆఫ్రికా దేశంగా కెన్యా గుర్తింపు కలిగివుంది.[49]

కొసావో[మార్చు]

1999 నుంచి UN పాలనలో కొసావో 2008లో స్వాతంత్ర్యం పొందింది. కొసావో ప్రభుత్వం 2011లో సార్వత్రిక జనాభా గణనను నిర్వహించేందుకు సన్నాహాలు చేస్తుంది.[50] మొట్టమొదటి జనాభా గణనను 1921లో సెర్బ్స్, క్రొయేట్స్ మరియు స్లోవెనెస్ సామ్రాజ్యం హాయంలో నిర్వహించారు.

లాట్వియా[మార్చు]

లాట్వియాలో ఇటీవలి జనాభా గణనను 2000లో నిర్వహించారు. దీనికి ముందు, ఆరు జనాభా గణనలు జరిగాయి, గతంలో జరిగిన ఎక్కువ భాగం జనాభా గణనలు సోవియట్ (USSR) నియంత్రణలో జరిగాయి. లాట్వియాలో జనాభా గణనలను Centrālā Statistikas Pārvalde (సెంట్రల్ స్టాటిస్టికల్ బ్యూరో) నిర్వహిస్తుంది.

లెబనాన్[మార్చు]

1932 నుంచి లెబనాన్‌లో ఎటువంటి జనాభా గణనను నిర్వహించలేదు.[51] ఆ సమయంలో లెబనాన్ జనాభా సంఖ్య 861,399 వద్ద ఉన్నట్లు ఫలితాలు సూచించాయి.[52] అప్పటి నుంచి జనాభాకు సంబంధించిన వివిధ అంచనాలను సేకరించారు: 1956లో జరిగిన ఒక జనాభా అంచనాలో దేశంలో 1,411,416 మంది పౌరులు నివసిస్తున్నట్లు, వారిలో 54% మంది క్రైస్తవులు మరియు 44% మంది ముస్లింలు ఉన్నట్లు వెల్లడైంది. 1970 మరియు 1980వ దశకాల్లో వివిధ యుద్ధాలు కారణంగా ఆ తరువాత జనాభా గణన నిర్వహించడం సాధ్యపడేలేదు.[53]

మలేషియా[మార్చు]

అనేక దేశాలు మాదిరిగానే, మలేషియాలో కూడా జనాభా గణనను ప్రతి పదేళ్లకు ఒకసారి నిర్వహిస్తున్నారు, 1960 నుంచి ఇక్కడ జనాభా గణన జరుగుతుంది (నాలుగో జనాభా గణనను మాత్రం 1991లో నిర్వహించారు). తాజా జనాభా గణనను జులై 6 నుంచి ఆగస్టు 22, 2010 వరకు నిర్వహించనున్నారు, 2000లో దీనికి ముందు జనాభా గణనను నిర్వహించారు.

మాసిడోనియా[మార్చు]

మాసిడోనియా రిపబ్లిక్ స్థాపన తరువాత 1991లో మాజీ యుగోస్లోవ్ రిపబ్లిక్ విడిపోయింది. మొదటి జనాభా మరియు గృహ గణనను 1994 వేసవిలో నిర్వహించారు. రెండో జనాభా గణనను 2002 శరదృతువులో నిర్వహించారు. జాతుల వ్యాప్తి (మాసిడోనియన్-అల్బేనియన్ జనాభా)కి సంబంధించి సున్నితమైన పరిస్థితి నెలకొని ఉండటంతో రెండు జనాభా గణనలు అంతర్జాతీయ నిపుణుల పర్యవేక్షణలో జరిగాయి.

మారిషష్[మార్చు]

మారిషష్‌లో జనాభా మరియు గృహ గణనలు 1972, 1983, మరియు 2000 సంవత్సరాల్లో సేకరించారు; ఇదిలా ఉంటే 1972 జనాభా గణనలో ప్రజలను వారి జాతి/వర్గ మూలాలు తెలియజేయాలని కోరారు, ప్రభుత్వం దీనిని విభజన ప్రశ్నగా భావించింది, తరువాతి జనాభా గణనల్లో ఈ జాతి గుర్తింపు ప్రశ్నను తొలగించారు.[54] 2000 గణాంకాల చట్టం అన్ని అధికారిక జనాభా గణనలు మారిషష్ కేంద్ర గణాంకాల కార్యాలయం నిర్వహించాలని ఆదేశించింది, అంతేకాకుండా ఈ సమాచారానికి ఒక కేంద్ర భద్రతా కేంద్రంగా ఇది పనిచేయాలని సూచించింది.[55]

మెక్సికో[మార్చు]

మెక్సికోలో ప్రతి పదేళ్లకు ఒకసారి జనాభా గణనలు నిర్వహిస్తారు. 1960, 1970, 1980, 1990 మరియు 2000 (12వ జనాభా గణన) సంవత్సరాల్లో ఈ సమాచారాన్ని సేకరించారు. 1990 తరువాత మెక్సికో జనాభా గణనలను ప్రతి ఐదేళ్లకు ఒకసారి సేకరిస్తున్నారు.

మొజాంబిక్[మార్చు]

మొట్టమొదటి జనాభా గణనను 1980లో నిర్వహించారు. రెండో దానిని 1997లో నిర్వహించడం జరిగింది. ఈ జనాభా గణన సమాచారాన్ని ఆగస్టు 1-14, 2001లో సేకరించారు.

నెదర్లాండ్స్[మార్చు]

నెదర్లాండ్స్‌లో మొట్టమొదటి జనాభా గణనను 1795లో నిర్వహించారు, చివరి జనాభా గణనను 1971లో నిర్వహించడం జరిగింది. ఏప్రిల్ 22, 1879లో అమల్లోకి తెచ్చిన ఒక చట్టం ప్రతి పదేళ్లకు ఒకసారి జనాభా గణన చేపట్టాలని సూచిస్తుంది.

1981లో నిర్వహించ తలపెట్టిన జనాభా గణనను వాయిదా వేశారు, తరువాత దీనిని రద్దు చేశారు. 1991 నుంచి తదుపరి జనాభా గణనలను రద్దు చేయడానికి గోప్యతా సమస్యలు ప్రధాన కారణమని ప్రభుత్వం తెలిపింది. 1899 నుంచి Centraal Bureau voor de Statistiek ఆధ్వర్యంలో జనాభా గణనలు జరిగాయి. ప్రస్తుత గణనలు (జనాభా, ఆర్థిక) ఎక్కువగా రిజిస్టర్ ఆధారంగా, అధ్యయనంతో నిర్వహిస్తున్నారు.

న్యూజీలాండ్[మార్చు]

న్యూజీలాండ్‌లో జనాభా గణనను స్టాటిస్టిక్స్ న్యూజీలాండ్ (Tatauranga Aotearoa) నిర్వహిస్తుంది, 6 మరియు 1తో ముగిసే ప్రతి ఏడాదిలో (ప్రతి ఐదేళ్లకు) జనాభా గణనలను నిర్వహిస్తున్నారు. చివరి జనాభా గణనను మార్చి 7, 2006లో నిర్వహించారు. 2006 న్యూజీలాండ్ జనాభా గణన కోసం, ప్రజలకు తమ జనాభా గణన ప్రశ్నాపత్రాన్ని ఆన్‌లైన్‌లో పూరించేందుకు వీలు కల్పించారు. న్యూజీలాండ్ జనాభా మరియు గృహ గణన వ్యాసాన్ని చూడండి.

నేపాల్[మార్చు]

నేపాల్‌లో జనాభా గణనలను ప్రతి పదేళ్లకు ఒకసారి నిర్వహిస్తున్నారు.మొట్టమొదటి జనాభా గణనను 1911లో నిర్వహించారు. ఇటీవల 1981, 1991 మరియు 2001 (10వ జనాభా గణన) సంవత్సరాల్లో జనాభా గణనలు జరిగాయి.

నైజీరియా[మార్చు]

నైజీరియాలో జనాభా గణనలను వలసరాజ్య కాలంలో 1866, 1871, 1896, 1901, 1911, 1921 మరియు 1952 సంవత్సరాల్లో నిర్వహించారు. దేశంలోని దక్షిణ భాగంలో మాత్రమే జనాభా గణనలను నిర్వహించడం జరిగింది, 1952 జనాభా గణనను మాత్రం దేశవ్యాప్తంగా నిర్వహించారు, 1921కి ముందు జనాభా గణనలు ఎక్కువగా వాస్తవ లెక్కింపు ద్వారా కాకుండా పరిపాలక అంచనాలు ఆధారంగా జరిగాయి.

స్వాతంత్ర్యం తరువాత జనాభా గణనలు 1963, 1973, 1991 మరియు 2006 సంవత్సరాల్లో నిర్వహించారు. 1973 మరియు 2006 జనాభా గణనలు తీవ్ర వివాదాస్పదమయ్యాయి. 2006 జనాభా గణన ప్రాథమిక ఫలితాలు జన సంఖ్య 140,000,000 వద్ద ఉన్నట్లు సూచించాయి. 700,000 మంది పరిగణకులు ఈ గణనలో పాల్గొన్నారు. అయితే ఈ రోజుకు కూడా ఈ ఫలితంపై వివాదం నెలకొనివుంది.

నార్వే[మార్చు]

మొదటి పురుష జనాభా గణనలను 1660వ దశకంలో మరియు 1701లో నిర్వహించారు.[56] ఆ తరువాత గణనలు 1769, 1815, 1835, 1845, మరియు 1855 సంవత్సరాల్లో జరిగాయి. నార్వే యొక్క మొట్టమొదటి సంపూర్ణ జనాభా గణన 1801లో జరిగింది, ఈ సమయంలో కూడా దేశం డెన్మార్క్-నార్వేలను సంయుక్తంగా పాలించిన ఓల్డెన్‌బర్గ్ రాజవంశం ఆధీనంలోనే ఉంది. ఈ జనాభా గణన చట్టరీత్యా జరిగింది, అందువలన సైనిక సిబ్బందితోపాటు, స్థిరపడిన విదేశీయులను కూడా దీనిలో చేర్చారు. 1865, 1875 మరియు 1900 జనాభా గణనలను డిజిటల్ చేశారు, ఇంటర్నెట్‌లో వీటిని శోధించేందుకు అందుబాటులో ఉంచారు.[57] జనాభా గణన వివరాలను అవి సేకరించిన 100 సంవత్సరాలకు బహిర్గతం చేస్తారు. 1900 నుంచి, జనాభా గణనను ప్రతి పదేళ్లకు ఒకసారి నిర్వహిస్తున్నారు. (ఇదిలా ఉంటే, 1940లో జరగాల్సిన జనాభా గణనను 1946కు వాయిదా వేశారు.) 2001 నుంచి జనాభా గణనను గృహ గణాంకాలతో కలిపి సేకరిస్తున్నారు.[58]

ఒమన్[మార్చు]

ఒమన్ సుల్తానేట్‌లో 1993 మరియు 2002 సంవత్సరాల్లో జనాభా గణనలు నిర్వహించారు.

పాకిస్థాన్[మార్చు]

పాకిస్థాన్ స్వాతంత్ర్యం పొందిన తరువాత 1951లో మొట్టమొదటి పాకిస్థాన్ జనాభా గణన నిర్వహించారు. ప్రతి పదేళ్లకు ఒకసారి జనాభా గణనను నిర్వహించాలని చట్టం చేశారు. రెండో జనాభా గణనను 1961లో నిర్వహించారు. అయితే భారతదేశంతో యుద్ధం కారణంగా మూడో జనాభా గణన 1972లో జరిగింది. 1981లో నాలుగో జనాభా గణన జరిగింది.నాలుగో జనాభా గణనలో జాప్యం జరిగింది, దీనిని 1998లో నిర్వహించారు. ఆరో పాకిస్థాన్ జనాభా గణనను అక్టోబరు 2008లో నిర్వహించారు.[59]

పెరూ[మార్చు]

పెరూలో మొట్టమొదటి జనాభా గణనను 1836లో నిర్వహించారు. పదకొండో మరియు తాజాగా 2007లో జనాభా గణన జరిగింది, దీనిని ఆగస్టు 2007లో Instituto Nacional de Estadística e Informática నిర్వహించింది.

ఫిలిప్పీన్స్[మార్చు]

ఫిలిప్పీన్స్ జనాభా గణనను ప్రతి ఐదేళ్లకు ఒకసారి నిర్వహిస్తారు (1960 నుంచి ప్రతి ఐదేళ్లకు జనాభా గణనలు నిర్వహించారు, 2005లో మాత్రం బడ్జెట్ పరిమితుల కారణంగా 2007లో జనాభా గణనను నిర్వహించారు), ఇక్కడ జనాభా గణన సమాచారాన్ని కాంగ్రెస్ సీట్లు (కాంగ్రెస్ నియామకాలకు) మరియు ప్రభుత్వ కార్యక్రమ నిధుల కేటాయింపులకు ఉపయోగిస్తారు.

జనాభా గణనలను జాతీయ గణాంకాల కార్యాలయం నిర్వహిస్తుంది. ఫిలిప్పీన్స్‌లో మొట్టమొదటి అధికారిక జనాభా గణనను స్పానిష్ ప్రభుత్వం నిర్వహించింది, రాజ ఆదేశాలపై డిసెంబరు 31, 1877 అర్థరాత్రి వరకు దేశంలో జీవించివున్న వ్యక్తుల సంఖ్యను లెక్కించారు. ఇంటింటికి వెళ్లి చేసిన మొట్టమొదటి జనాభా గణనను 1903లో నిర్వహించారు, జులై 1902లో US కాంగ్రెస్ ఆమోదించిన పబ్లిక్ యాక్ట్ 467 ప్రకారం దీనిని నిర్వహించారు. ఇటీవలి జాతీయ జనాభా గణన 2007లో జరిగింది, తరువాతి గణనను 2010లో నిర్వహించనున్నారు. జనాభా గణనలకు మధ్య సంవత్సరాల్లో, NSO అధ్యయనాలు మరియు గణాంగ నమూనాలను ఉపయోగించి తయారు చేసిన అంచనాలను విడుదల చేస్తుంది.

పోలాండ్[మార్చు]

పోలాండ్‌లో సుమారుగా ప్రతి 10 ఏళ్లకు ఒకసారి GUS జనాభా గణనను నిర్వహిస్తుంది. ఇటీవలి జనాభా గణన 2002లో మార్చి 21 మరియు జూన్ 8 మధ్యకాలంలో జరిగింది. 2002లో జాతీయ జనాభా గణన సందర్భంగా, ఈ కింది గణనలను కూడా ఏకకాలంలో నిర్వహించడం జరిగింది: అవి జాతీయ జనాభా మరియు గృహ గణన మరియు జాతీయ వ్యవసాయ గణన.

పోర్చుగల్[మార్చు]

పోర్చుగల్‌లో మొట్టమొదటి జనాభా గణనను 1864లో నిర్మించారు. పోర్చుగల్‌లో జనాభా గణనను Instituto Nacional de Estatística (INE) ప్రతి 10 ఏళ్లకు ఒకసారి నిర్వహిస్తుంది. ఇటీవలి జనాభా గణన 2001లో జరిగింది.

రొమేనియా[మార్చు]

రొమేనియాలో మొట్టమొదటి జనాభా గణన 1859లో నిర్వహించారు. ప్రస్తుతం ప్రతి పదేళ్లకు ఒకసారి Institutul Naţional de Statistică (INSSE) జనాభా గణనలు నిర్వహిస్తుంది. ఇటీవలి జనాభా గణనను 2002లో నిర్వహించారు: తరువాతి జనాభా గణనను 2011లో నిర్వహించనున్నారు.[60]

రష్యా మరియు USSR[మార్చు]

రష్యాలో మొట్టమొదట పన్ను చెల్లింపుదారుల గణన 1722-23లో జరిగింది, పీటర్ ది గ్రేట్ ఆదేశాలపై ఈ గణనను నిర్వహించారు (కేవలం పురుషులను మాత్రమే లెక్కించారు), ఈ గణనను ప్రతి 20 ఏళ్లకు ఒకసారి నిర్వహించాలని ఆదేశాలు జారీ చేశారు. సంపూర్ణ రష్యా సామ్రాజ్యపు జనాభా గణన 1897లో జరిగింది. మొత్తం-సమాఖ్యలవ్యాప్తంగా సంపూర్ణ జనాభా గణనలు USSR (RSFSR మరియు ఇతర రిపబ్లిక్‌లు కలిసివున్న భూభాగం) హయాంలో 1920 (పట్టణ ప్రాంతాల్లో మాత్రమే), 1926, 1937, 1939, 1959, 1970, 1979, మరియు 1989 సంవత్సరాల్లో నిర్వహించడం జరిగింది. మొదటి సోవియట్ అనంతర రష్యా జనాభా గణన 2002లో నిర్వహించారు. తాజా జనాభా గణన అక్టోబరు 14 నుంచి అక్టోబరు 25, 2010 మధ్యకాలంలో జరిగింది. ప్రస్తుతం, జనాభా గణన బాధ్యత ఫెడరల్ స్టేట్ స్టాటిస్టిక్స్ సర్వీస్‌పై ఉంది.

సౌదీ అరేబియా[మార్చు]

సౌదీ అరేబియాలో జనాభా గణనలను 1962/63 (అసంపూర్ణ), 1974 (సంపూర్ణ గణన అయినప్పటికీ, విశ్వసనీయంగా లేదు), 1992 మరియు 2004 సంవత్సరాల్లో నిర్వహించారు. 1999లో వ్యవసాయ గణనను నిర్వహించారు.

సెర్బియా[మార్చు]

సెర్బియాలో జనాభా గణనను ప్రతి పదేళ్లకు ఒకసారి నిర్వహిస్తున్నారు. ఇటీవలి జనాభా గణన 2002లో జరిగింది (అయితే వాస్తవానికి దీనిని 2001లో నిర్వహించాల్సి ఉంది), దీనికి ముందు జనాభా గణన 1991లో జరగ్గా, తరువాతి జనాభా గణనను 2011లో నిర్వహించేందుకు సన్నాహాలు చేస్తున్నారు.

స్లొవేనియా[మార్చు]

స్వాతంత్ర్యం పొందిన తరువాత, ఆధునిక స్లొవేనియాలో మొదటి జనాభా గణనను 1991లో నిర్వహించారు. స్టాటిస్టికల్ ఆఫీస్ ఆఫ్ ది రిపబ్లిక్ ఆఫ్ స్లొవేనియా ((Statistični urad Republike Slovenije ) రెండో జనాభా గణనను 2002లో నిర్వహించింది. తరువాతి జనాభా గణనలను ప్రతి పదేళ్లకు ఒకసారి నిర్వహించనున్నారు

దక్షిణాఫ్రికా[మార్చు]

దక్షిణాఫ్రికాలో మొట్టమొదటి జనాభా గణనను 1911లో నిర్వహించారు. తరువాత పలుమార్లు జనాభా గణనలు జరిగాయి,[61] ఇటీవలి రెండు జనాభా గణనలను స్టాటిస్టిక్స్ సౌత్ ఆఫ్రికా 1996 మరియు 2001 సంవత్సరాల్లో నిర్వహించింది. దక్షిణాఫ్రికాలో తరువాతి జనాభా గణనను 2011లో నిర్వహించనున్నారు.

స్పెయిన్[మార్చు]

స్పెయిన్‌లో జనాభా గణనను INE ప్రతి పదేళ్లకు ఒకసారి నిర్వహించనుంది. స్పెయిన్‌లో జనాభా గణనకు ఒక పాత సాంప్రదాయం ఉంది, స్పెయిన్ పురాతన జనాభా గణనలు 12వ శతాబ్దంలో జరిగాయి (కాస్టిల్ సామ్రాజ్యం యొక్క రాజు ఆల్ఫోన్సో VII ఆదేశాలపై ఈ గణనలు నిర్వహించారు), మొదటి ఆధునిక జనాభా గణనను కార్లోస్ III పాలనా కాలంలో 1768లో కాండే డి అరాండా నిర్వహించింది. చివరి నాలుగు జనాభా గణనలు 1971, 1981, 1991, మరియు 2001 సంవత్సరాల్లో జరిగాయి.

శ్రీలంక[మార్చు]

శ్రీలంకలో జనాభా గణన మరియు గణాంకాల విభాగం ప్రతి పదేళ్లకు ఒకసారి జనాభా గణనను నిర్వహిస్తుంది, తరువాతి జనాభా గణనను 2011లో నిర్వహించనున్నారు.[62] గత మూడు దశాబ్దాల్లో యుద్ధం తరువాత జరుగుతున్న మొదటి జనాభా గణనగా ఇది గుర్తించబడుతుంది. ఈ జనాభా గణనలో దేశంలోని గ్రామ నీలాంధరి (GN) విభాగాలను కూడా కలపనున్నారు.శ్రీలంకలో మొట్టమొదటి శాస్త్రీయ జనాభా గణనను మార్చి 27, 1871లో నిర్వహించారు. చివరి నాలుగు జనాభా గణనలు 1963, 1971, 1981 మరియు 2001 సంవత్సరాల్లో నిర్వహించారు, 1989లో ఒక జనాభా గణన అంచనాను తయారు చేశారు. శ్రీలంక పౌర యుద్ధం కారణంగా 2001 జనాభా గణనను కేవలం 18 జిల్లాల్లోనే నిర్వహించడం జరిగింది.

సూడాన్[మార్చు]

సూడాన్‌లో 1955/56, 1973 (జాతీయ), 1983 (జాతీయ) మరియు 1993 (ఉత్తర భాగంలో మాత్రమే) సంవత్సరాల్లో జనాభా గణనలు జరిగాయి. ఏప్రిల్ 2008లో ఒక జనాభా గణనను నిర్వహించారు. కొన్ని ప్రదేశాల్లో జనాభా లెక్కలు నిర్వహించడం కష్టంగా ఉంది (ఉదా. డార్ఫూర్, జుబా మరియు మలకాల్)

స్వీడన్[మార్చు]

స్వీడన్‌లో మొట్టమొదటి జనాభా గణనను 1749లో నిర్వహించారు. ఇటీవలి జనాభా మరియు గృహ గణన 1990లో జరిగింది. భవిష్యత్‌లో రిజిస్టర్‌లు ఆధారంగా జనాభా మరియు గృహ గణనలు నిర్వహించేందుకు సన్నాహాలు చేస్తున్నారు.

స్విట్జర్లాండ్[మార్చు]

స్విట్జర్లాండ్‌లో ఫెడరల్ పాపులేషన్ సెన్సస్ (German: Eidgenössische Volkszählung, మూస:Lang-fr, మూస:Lang-it, మూస:Lang-rm) 1850 నుంచి ప్రతి 10 ఏళ్లకు ఒకసారి జనాభా గణనలను నిర్వహిస్తుంది. ఈ జనాభా గణనను ఫెడరల్ కౌన్సిలర్ స్టెఫానో ఫ్రాన్సినీ ప్రారంభించారు, పార్లమెంట్ అవసరమైన నిధులు సమకూర్చకపోవడంతో, ఆయనే స్వయంగా మొదటి జనాభా గణనను నిర్వహించారు.[63] ప్రస్తుతం జనాభా గణనలను స్విస్ ఫెడరల్ స్టాటిస్టికల్ ఆఫీస్ నిర్వహిస్తుంది.

జనాభా సమాచారంతోపాటు (పౌరసత్వం, నివాస ప్రదేశం, పుట్టిన ప్రదేశం, ఇంటిలో స్థానం, పిల్లల సంఖ్య, మతం, భాష, విద్య, వృత్తి, పనిచేసే ప్రదేశం, తదితరాలు), గృహ సమాచారం (ఇంటిలో నివసిస్తున్న సభ్యుల సంఖ్య, తదితరాలు), వసతి సమాచారం (భూభాగ వైశాల్యం, చెల్లిస్తున్న అద్దె, తదితరాలు), భవన సమాచారం (భూమి సంఖ్యలు, నిర్మించిన కాలం, అంతస్తుల సంఖ్య, తదితరాలు) వంటివి కూడా సేకరిస్తున్న సమాచారంలో భాగంగా ఉన్నాయి. జనాభా గణనలో పాలుపంచుకోవడం తప్పనిసరి చేయబడింది, 2000నాటికి 99.87% జనాభా దీనిలో పాల్గొంటుంది.[64]

2010 నుంచి, జనాభా గణనను దేశవ్యాప్తంగా పంచిపెట్టే రాతపూర్వ ప్రశ్నాపత్రాల ద్వారా నిర్వహించే పద్ధతిని నిలిపివేయనున్నారు. దీనికి బదులుగా, ఇప్పటికే ఉన్న జనాభా రిజిస్టర్‌లలోని సమాచారాన్ని ఉపయోగించనున్నారు. ఈ సమాచారాన్ని నియతకాలిక సూక్ష్మగణనలతోపాటు 200,000 మంది యొక్క ద్వివార్షిక ప్రశ్నావళి నమూనాతో సవరిస్తారు.

సిరియా[మార్చు]

సిరియాలో మొదటి జనాభా గణనను ఫ్రెంచ్ ఆదేశక పాలనా కాలంలో 1921-22లో నిర్వహించడం జరిగింది. అయితే ఇది విశ్వనీయమైనది పరిగణించబడలేదు. స్వాతంత్ర్యం తరువాత జనాభా గణనలను 1947, 1960 (మొదటి సమగ్ర జనాభా అధ్యయనం), 1970, 1976 (ఒక నమూనా జనాభా గణన), 1981, 1994 మరియు 2004 సంవత్సరాల్లో నిర్వహించారు.

తైవాన్[మార్చు]

తైవాన్‌లో మొదటి జనాభా గణనను 1905లో నిర్వహించారు, ఈ సమయంలో తైవాన్‌లో జపనీయుల పాలన కొనసాగుతుంది.[65]

టర్కీ[మార్చు]

టర్కీ జనాభా గణనను టర్కిష్ స్టాటిస్టికల్ ఇన్‌స్టిట్యూట్ నిర్వహిస్తుంది. టర్కీలో మొదటి జనాభా గణనను 1927లో నిర్వహించారు. 1935 తరువాత కాలం నుంచి 1990 వరకు, జనాభా గణనలను ప్రతి ఐదేళ్లకు ఒకసారి నిర్వహించారు. ప్రస్తుతం జనాభా గణనను ప్రతి పదేళ్లకు ఒకసారి నిర్వహిస్తున్నారు. ఇటీవలి జనాభా గణన 2000లో జరిగింది. టర్కీలో జనాభా గణనను ఒకే రోజులో నిర్వహిస్తుండటం గమనార్హం (ఇతర దేశాల్లో ఈ గణన 1-2 వారాలపాటు సాగుతుంది). 2000లో ఒకే రోజులో దీనిని పూర్తి చేయడానికి 900,000 మంది పరిగణకులు అవసరమయ్యారు. మెరుగుపడిన భౌగోళిక సమాచార వ్యవస్థల ఆధారంగా 15వ జనాభా గణనను 2010లో నిర్వహించేందుకు సన్నాహాలు జరుగుతున్నాయి.

ఒట్టోమన్ సామ్రాజ్యంలో సుల్తాన్ మహ్ముద్ II (1808–1839) తాంజీమాత్ అనే సంస్కరణ ఉద్యమంలో భాగంగా 1831-38 మధ్యకాలంలో జనాభా గణనను నిర్వహించారు. క్రైస్తవ మరియు యూదు పురుషులను మాత్రమే దీనిలో లెక్కించారు, మహిళలను లెక్కించలేదు.

ఉగాండా[మార్చు]

ఉగాండాలో మొట్టమొదటి జనాభా గణనలు 1911, 1921 మరియు 1931 సంవత్సరాల్లో జరిగాయి. వీటిని ఒక పురాతన పద్ధతిలో నిర్వహించడం జరిగింది. గణన ప్రమాణంగా ప్రజలను కాకుండా, "గుడిసెలను" తీసుకున్నారు. మరింత శాస్త్రీయ జనాభా గణనలు 1948 మరియు 1959 సంవత్సరాల్లో జరిగాయి, వీటిలో వ్యక్తులను గణన ప్రమాణంగా స్వీకరించడం జరిగింది. అయితే జనాభా గణనను రెండు వేర్వేరు గణనలుగా విభజించారు, ఒక గణన ఆఫ్రికన్‌ల కోసం మరియు మరొకటి ఆఫ్రికాయేతర జనాభా కోసం జరిగింది. స్వాతంత్ర్యం తరువాత 1969, 1980, 1991 సంవత్సరాల్లో అన్ని జాతులవారిని కలిపి జనాభా గణనలు నిర్వహించారు. 1980 మరియు 1991 జనాభా గణనల్లో గృహ సమాచారాన్ని కూడా చేర్చారు, అంతేకాకుండా ఒక జనాభా నమూనా కోసం పెద్ద ప్రశ్నాపత్రాన్ని చేర్చారు. అయితే 1980 జనాభా గణనకు ప్రశ్నాపత్రాలు ఇప్పుడు అందుబాటులో లేవు, ఈ జనాభా గణనకు సంబంధించిన గణాంకాలు మాత్రమే అందుబాటులో ఉన్నాయి.

2002లో జనాభా గణనకు సుమారుగా 50,000 పరిగణకులు మరియు పర్యవేక్షకులను ఉపయోగించారు. ఈ గణనలో అనేక అంశాలను చేర్చారు: అవి జనాభా మరియు గృహాలు: వ్యవసాయం: మరియు వ్యక్తిగత/గృహ స్థాయిలో నిర్వహించబడే సూక్ష్మ- చిన్న వ్యాపారాలు దీనిలో భాగంగా ఉన్నాయి. గణన తరువాత రెండు వారాలకు ప్రాథమిక ఫలితాలను వెల్లడించారు. తుది ఫలితాలు మార్చి 2005లో విడుదలయ్యాయి. , ఇదిలా ఉంటే విశ్లేషణాత్మక అంశాలు మరియు జిల్లా స్థాయి ఫలితాలను 2006 ద్వితీయ త్రైమాసికంలో విడుదల చేశారు.[66]

ఉక్రేయిన్[మార్చు]

సోవియట్-పాలన తరువాత మొదటి ఉక్రేయిన్ జనాభా గణనను స్టేట్ స్టాటిస్టిక్స్ కమిటీ ఆఫ్ ఉక్రేయిన్ 2001లో నిర్వహించింది, 1989లో మొత్తం సమాఖ్యల జనాభా గణన జరిగిన 11 సంవత్సరాలకు ఇది జరిగింది.[67]

యునైటెడ్ కింగ్‌డమ్[మార్చు]

చరిత్ర[మార్చు]

7వ శతాబ్దంలో, దాల్ రియాటా (ప్రస్తుతం పశ్చిమ స్కాట్లాండ్) మరియు ఉత్తర ఐర్లాండ్‌లోని ఉత్తర కౌంటీ ఆంట్రిమ్) ప్రాంతంలో UKలో మొట్టమొదట ఒక జనాభా గణన జరిగింది, దీనిని "ట్రెడిషన్ ఆఫ్ ది మెన్ ఆఫ్ ఆల్బా" (Senchus fer n-Alban) గా పిలుస్తారు. ఇంగ్లండ్‌లో 1086నాటి డోమ్స్‌డే బుక్‌లో గృహాల నమోదు వివరాలు ఉన్నాయి, అయితే ఇది పూర్తిగా లేదు, అంతేకాకుండా ఆధునిక గణనల ఉద్దేశాలతో ఈ నమోదు జరగలేదు.

మాల్తుస్ ప్రభావం, ఆయన జనాభా సిద్ధాంతంపై రాసిన వ్యాసం లో వ్యక్తమయిన ఆందోళనలతో, ప్రస్తుతం మనకు తెలిసిన UK జనాభా గణన 1801లో ప్రారంభమైంది. 1831 వరకు మొదటి నాలుగు జనాభా గణనలను నిర్వహించిన జాన్ రిక్‌మ్యాన్ దీనికి ప్రచారం చేశారు, పాక్షికంగా నెపోలియన్ యుద్ధాల్లో పోరాడేందుకు సమర్థులైన పురుషుల సంఖ్యను గుర్తించే ఉద్దేశంతో కూడా ఈ గణనలు జరిగాయి. 1789లో వెల్లడించిన రిక్‌మ్యాన్ యొక్క 12 కారణాలను పార్లమెంట్ చర్చల్లో ప్రస్తావించారు, UK జనాభా గణనను నిర్వహించేందుకు ఈ కింది సమర్థనలు చేర్చారు:

  • "ఏదైనా దేశం గురించి పరిజ్ఞానం చట్టం మరియు దౌత్యానికి హేతుబద్ధమైన ఆధారాన్ని ఏర్పాటు చేయాలి"
  • "ఒక పారిశ్రామిక జనాభా ఏదైనా దేశానికి ప్రాథమిక శక్తి మరియు వనరుగా ఉంటుంది, అందువలన ఈ జనాభా పరిమాణాన్ని తెలుసుకోవాల్సిన అవసరం ఉంది"
  • "వివిధ ప్రాంతాల్లో సైన్యం యొక్క నిర్బంధ సైనిక శిక్షణ కోసం అవసరమైన పురుషుల సంఖ్యను ఆ ప్రదేశాల జనాభా ప్రతిబింబించాలి'
  • "నావికుల సంఖ్యను తెలుసుకునేందుకు రక్షణపరమైన కారణాలు ఉన్నాయి"
  • "మొక్కజొన్న ఉత్పత్తికి ప్రణాళికా రచన చేయాల్సిన అవసరం ఉంది, అందువలన ఆహారాన్ని అందించాల్సిన ప్రజల సంఖ్యను తెలుసుకోవాలి"
  • "ప్రజా శ్రేయస్సును ప్రోత్సహించేందుకు ప్రభుత్వ ఉద్దేశాన్ని జనాభా గణన సూచిస్తుంది" మరియు
  • "జీవిత బీమా పరిశ్రమ ఫలితాలు ద్వారా ఉద్దీపన పొందుతుంది."

1801 నుంచి ప్రతి పదేళ్లకు ఒకసారి జనాభా గణనను నిర్వహించారు, ఇటీవల 2001లో జనాభా గణన జరిగింది. మొదటి నాలుగు జనాభా గణనలు (1801-1831) కేవలం జనాభా సంఖ్యను మాత్రమే సూచిస్తున్నాయి, వీటిలో అతికొద్ది వ్యక్తిగత సమాచారం ఉంది.

ఇంగ్లండ్ మరియు వేల్స్ యొక్క జనాభా గణనను తరచుగా "UK జనాభా గణన"గా సూచించడం జరుగుతుంది, అయితే దీనిలో ఉత్తర ఐర్లాండ్ మరియు స్కాట్లాండ్ ప్రాంతాలను మినహాయించబడతాయి.[68] ఐరిష్ స్వేచ్ఛా రాజ్యం ఏర్పడకముందు ఐర్లాండ్ మొత్తం UKలో భాగంగా ఉండేది, స్కాట్లాండ్ మరియు ఇంగ్లండ్ & వేల్స్ ప్రాంతాల్లో జనాభా గణన జరిగే సమయంలోనే ఈ ప్రాంతంలో కూడా గణన జరిగేది.

1841 జనాభా గణనను జనరల్ రిజిస్టార్ ఆఫీస్ నిర్వహించింది, ఒక ఇంటిలో లేదా సంస్థలో ప్రతి ఒక్కరి పేర్లను నమోదు చేసిన మొట్టమొదటి జనాభా గణనగా ఇది గుర్తించబడుతుంది. అయితే, దీనిలో ఇంటిపెద్దగా సభ్యుల బంధుత్వాన్ని దీనిలో నమోదు చేయలేదు, కొన్ని సందర్భాల్లో ఇది వారి వృత్తి ఆధారంగా (ఉదా. సేవకుడు) గ్రహించబడుతుంది. 15 ఏళ్ల కంటే తక్కువ వయస్సు ఉన్నవారి విషయంలో సరైన వయస్సులు నమోదు చేయబడ్డాయి, అయితే ఇంతకంటే పెద్దవారి వయస్సును ఐదేళ్లు అటుఇటుగా నమోదు చేయడం జరిగింది, అయితే ఈ నిబంధనను కూడా సరిగా పాటించలేదు. కచ్చితమైన పుట్టిన ప్రదేశాలు కూడా ఇవ్వలేదు - వ్యక్తి నివసిస్తున్న దేశం ఆధారంగా పుట్టిన ప్రదేశాన్ని గుర్తించడం జరిగింది.

1851 నుంచి జనాభా గణనల్లో కచ్చితమైన వయస్సు మరియు ఇంటిపెద్దతో ఒక వ్యక్తి యొక్క సంబంధం నమోదు చేశారు; పుట్టిన ప్రదేశాన్ని కూడా నమోదు చేయడం జరిగింది, అయితే ఈ విషయంలో పూర్తిస్థాయిలో కచ్చితత్వం పాటించలేదు. కొన్ని సందర్భాల్లో విదేశాల్లో పుట్టినవారికి B.S లేదా బ్రిటీష్ సబ్జెట్ వ్యాఖ్యానం జోడించారు.

జనాభా గణనల్లో దాదాపుగా కచ్చితత్వం కనిపిస్తుంది. అయితే, వయస్సుల విషయంలో మాత్రం తరచుగా వ్యత్యాసం ఉన్నప్పటికీ, ఎక్కువగా ఇది ఒక ఏడాది అటుఇటుగా ఉంటుంది; సాధారణంగా యువకులు, పిల్లల వయస్సుల్లో బాగా కచ్చితత్వం ఉండేది. పుట్టిన ప్రదేశాల విషయంలో తరచుగా ఒక జనాభా గణన నుంచి మరో గణనకు మార్పులు కనిపించాయి: జనాభా గణనను సేకరించిన ప్రదేశాన్ని పుట్టిన ప్రదేశంగా చూపించడం సాధారణ దోషంగా ఉంది, అయితే ఎక్కువగా పుట్టిన ప్రదేశాల్లో వ్యత్యాసాలు భౌగోళిక ప్రమాణంలో మార్పుల కారణంగా ఏర్పడ్డాయి (ఉదాహరణకు, స్పష్టమైన గ్రామానికి బదులుగా సమీప పట్టణాన్ని చూపించడం లేదా సంబంధిత శివారుకు బదులుగా నగరమని సూచించడం వంటివి).

జనాభా గణనలు దాదాపుగా పూర్తి స్థాయిలో జరిగాయి - అయితే అనివార్యంగా కొద్ది సంఖ్యలో జనాభాను ఏదో ఒక కారణంతో జనాభా గణనల్లో చేర్చలేదు, కొన్ని సందర్భాల్లో నమోదు చేసిన పత్రాలు కనిపించకుండా పోవడం లేదా నాశనం కావడం జరిగింది (ముఖ్యంగా 1861లో). అంతేకాకుండా, 1901కి ముందు ఐర్లాండ్ యొక్క అన్ని జనాభా గణనల వివరాలు కోల్పోవడం లేదా నాశనం కావడం జరిగింది.

రెండో ప్రపంచ యుద్ధం కారణంగా, 1941లో జనాభా గణనను నిర్వహించలేదు. అయితే, (సెప్టెంబరు 5, 1939న) నేషనల్ రిజిస్ట్రేషన్ యాక్ట్ చట్టాన్ని ఆమోదించిన తరువాత, సెప్టెంబరు 29, 1939లో ఒక జనాభా గణనను నిర్వహించారు, ఇది వాస్తవానికి ఒక జనాభా గణన.

ప్రస్తుత ఉపయోగం[మార్చు]

ఇంగ్లండ్ & వేల్స్ జనాభా గణనను ప్రభుత్వం యొక్క ఆఫీస్ ఫర్ నేషనల్ స్టాటిస్టిక్స్ (ONS) నిర్వహిస్తుంది, విధాన మరియు ప్రణాళికా ప్రయోజనాలకు జనాభా గణనలను నిర్వహించడం జరుగుతుంది, గణాంక సమాచారాన్ని ONS యొక్క వెబ్‌సైట్‌లో అందుబాటులో ఉంచుతారు. జనరల్ రిజిస్టర్ ఆఫీస్ ఫర్ స్కాట్లాండ్ (GROS) సొంత జనాభా గణనను నిర్వహిస్తుంది, ఉత్తర ఐర్లాండ్‌లో జనాభా గణన నార్తరన్ ఐర్లాండ్ స్టాటిస్టిక్స్ అండ్ రీసెర్చ్ ఏజెన్సీ (NISRA) ఆధ్వర్యంలో జరుగుతుంది. జనాభా గణన ఫలితాలకు ప్రజా ప్రాప్తిని 100-సంవత్సరాల చట్టం నిబంధనల పరిధిలో నిషేధించారు; ఇటీవల ప్రజలకు అందుబాటులోకి తెచ్చిన జనాభా గణన 1911నాటికి కావడం గమనార్హం, 1911నాటి ఇంగ్లండ్ మరియు వేల్స్ జనాభా గణనను పరిశోధకుల కోసం బహిర్గతం చేశారు. స్కాట్లాండ్ 1911 జనాభా గణనను 2011లో విడుదల చేయనున్నారు.

2001 జనాభా గణనలో ప్రభుత్వం మొట్టమొదటిసారి ప్రజలను మతపరమైన సమాచారాన్ని కూడా కోరింది. న్యూజీలాండ్‌లో ప్రారంభమై వ్యాపించిన జెడి మతం కారణంగా ఈ సమాచారాన్ని సేకరించినట్లు భావిస్తున్నారు, (జెడి జనాభా లక్షణం చూడండి) 390,000 మంది UK పౌరులు ఈ జనాభా గణనలో తమనుతాము జెడి మతానికి చెందినవారిగా పేర్కొన్నారు.

1841-1911 మధ్యకాలంలో జరిగిన అన్ని బ్రిటీష్ జనాభా గణనలను ప్రతిలేఖనం చేసి, ఆన్‌లైన్‌లో అందుబాటులో ఉంచారు, అయితే GROS మాత్రం స్కాట్లాండ్ 1911 జనాభా గణనను 2011లో విడుదల చేయనుంది. నేషనల్ ఆర్కైవ్స్ ఆఫ్ ఐర్లాండ్ మరియు లైబ్రరీ అండ్ ఆర్కైవ్స్ కెనడాలు సంయుక్తంగా 1901 మరియు 1911 ఐర్లాండ్ జనాభా గణనలను పూర్తిగా డిజిటలైజ్ చేసి ఉచితంగా ఆన్‌లైన్‌లో అందుబాటులో ఉంచాయి.[69] UKలో తరువాతి జనాభా గణనను 2011లో నిర్వహించనున్నారు.[70]

అమెరికా సంయుక్త రాష్ట్రాలు[మార్చు]

అమెరికా సంయుక్త రాష్ట్రాల రాజ్యాంగం దేశంలో ప్రతి పది సంవత్సరాలకు ఒకసారి జనాభా గణనను నిర్వహించడాన్ని తప్పనిసరి చేసింది, అమెరికా సంయుక్త రాష్ట్రాల ప్రతినిధుల సభలో సభ్యుల సంఖ్యను రాష్ట్రాల మధ్య విభజించేందుకు జనాభా గణనను ప్రాతిపదికగా తీసుకుంటున్నారు. జనాభా గణాంకాలను అనేక సామాజిక మరియు ఆర్థిక కార్యక్రమాలకు ఉద్దేశించిన సమాఖ్య నిధుల విభజనలో కూడా ఉపయోగిస్తున్నారు.

మొదటి US జనాభా గణనను ఫెడరల్ మార్షల్స్ 1790లో నిర్వహించారు. జనాభా పరిగణకులు ఇంటింటికి వెళ్లి ఇంటి పెద్ద, ప్రతి ఇంటిలో సభ్యులో సంఖ్యను నమోదు చేశారు. బానిసలను కూడా ప్రత్యేకంగా నమోదు చేశారు, అయితే వారిలో ప్రతి ఐదుగురిలో ముగ్గురిని మాత్రమే కేటాయింపులకు లెక్కించారు. అమెరికన్ ఇండియన్‌లకు పన్నులు విధించడం లేదా కేటాయింపులకు పరిగణలోకి తీసుకోలేదు, అందువలన వీరిని జనాభా గణనలో లెక్కించలేదు. మొదటి జనాభా గణనలో 3.9 మిలియన్ల మంది ప్రజలు ఉన్నట్లు లెక్కించారు, ఈ సంఖ్య 2000లో న్యూయార్క్ నగరం జనాభాలో సగం కంటే తక్కువ కావడం గమనార్హం.

19వ శతాబ్దంలో, 1940 జనాభా గణన సందర్భంగా, గణనను రాజకీయ జిల్లాలు ద్వారా నిర్వహించారు. ప్రతి వార్డుకు జనాభా గణనను నిర్వహించాల్సిన బాధ్యత కల్పించారు. పట్టణ ప్రాంతాల్లో స్థానిక నేతలకు ఈ బాధ్యతను అప్పగించడం సాధారణ పద్ధతిగా ఉంది, వీరు జనాభా పరిగణకులను నియమించుకొని ఈ విధులు నిర్వహిస్తారు, జనాభా పరిగణకులకు పెన్సిళ్లు, పత్రాలు అందించడం మరియు ఇంటింటికి వెళ్లి సమాచారాన్ని సేకరించేందుకు ప్రదేశాల కేటాయింపు చేస్తారు. ఈ జనాభా పరిగణకులు వారు పూరించిన పత్రాలను స్థానిక కార్యాలయానికి అందిస్తారు, ఈ కార్యాలయం వాటిని వార్డు కార్యాలయానికి పంపుతుంది, ఇక్కడ పెన్సిళ్లతో నమోదు చేసిన సమాచారాన్ని ఇంకుతో ప్రతిలేఖనం చేస్తారు. ఈ ప్రతిలేఖన ప్రక్రియ వలన అనేక మంది పేర్లు తప్పుగా రాయడం వంటి సమస్యలు ఏర్పడ్డాయి, పరిగణకుని చేతి రాత చదివేందుకు సరిగా అర్థం కాకపోయినట్లయితే, పేర్లు తప్పుగా రాయడం మరియు గణన రోజు ఇంటివద్ద లేనివారి మినహాయించడం జరిగింది. గ్రామీణ ప్రాంతాల్లో, పరిగణకులు చిన్న పట్టణాలు మరియు మారుమూల వ్యవసాయ క్షేత్రాలను చేరుకునేందుకు తరచుగా కొన్ని మైళ్ల దూరం ప్రయాణించాల్సి రావడం, ఒక రోజు వేతనం కోసం ఎక్కువ దూరం ప్రయాణించేందుకు సిబ్బంది అంగీకరించడం వంటి సమస్యలు కారణంగా అనేక మంది ఈ గణన పరిధిలోకి రాలేదు. దేశవ్యాప్తంగా అనేక మంది ప్రజలు ఉద్దేశపూర్వకంగా ఒంటరిగా నివసిస్తుండటం వలన పర్యవేక్షకులకు ఎక్కువగా సమాచార మినహాయింపులు తెలియలేదు.

1950 నుంచి, జనాభా గణన పత్రాలను అమెరికా సంయుక్త రాష్ట్రాల తపాలా కార్యాలయంలో నమోదైవున్న ప్రతి చిరునామాకు పోస్టులో పంపేవారు, సాయుధ దళాల పోస్టల్ వ్యవస్థను కూడా దీనిలో చేర్చారు, సేకరిస్తున్న సమాచారానికి సమగ్రతను తీసుకొచ్చేందుకు ఈ చర్యలు చేపట్టారు. 1970 నుంచి, జనాభా గణన పత్రాన్ని పూరించిన తిరిగి పంపకపోవడాన్ని చట్టవిరుద్ధ చర్య చేశారు, దీనికి ముందు రెండు దశాబ్దాల్లో అనేక మంది ఈ పత్రాలను పంపకపోవడంతో ఈ నిర్ణయం తీసుకున్నారు. పరిగణకులను కేవలం పూరించిన జనాభా పత్రాల్లో కొన్నింటిని తీసుకొని వాటిలో సమాచార విశ్వసనీయతను పరిశీలించేందుకు ఉపయోగించారు, ఈ పత్రాలను పూరించి పంపని ప్రజల చేత వీటిని పూరింపజేసేందుకు కూడా వీరిని ఉపయోగించారు. 1970లో దీనితోపాటు, వ్యక్తులు పూరించిన జనాభా గణన పత్రాలను పదిలపరిచేందుకు కంప్యూటర్ సాంకేతిక పరిజ్ఞానాన్ని పరిచయం చేశారు, పరిగణకులు సమర్పించిన జనాభా గణన పత్రాలను ఇంకుతో ప్రతిలేఖనం చేసే అవసరం దీనితో తప్పిపోయింది.

2000 జనాభా గణనలో 281 మిలియన్ల మంది పౌరులను లెక్కించారు. 1891లో, 1890నాటి జనాభా గణన పత్రాలు కలిగివున్న భవనంలో అగ్నిప్రమాదం సంభవించడంతో, కొన్ని పత్రాలు మినహా మిగిలినవన్నీ నాశనమయ్యాయి; అధికారిక లెక్కల పుస్తకాలు పంపిన తరువాత పరిగణకులు సేకరించిన సమాచార పత్రాలను సాధారణంగా నాశనం చేసేవారు. దీంతో ఈ దశాబ్దపు జనాభా గణన వివరాలు పూర్తిగా నాశనమయ్యాయి. 1902లో, కాంగ్రెస్ ఒక సమాఖ్య సంస్థగా సెన్సస్ బ్యూరోను ఏర్పాటు చేసింది.

ఇటీవలి సంవత్సరాల్లో, రెండు రకాల ప్రశ్నాపత్రాలు ఉంటున్నాయి, వాటిలో ఒకటి పెద్దది, మరొకటి చిన్న ప్రశ్నాపత్రం. రోజూ ప్రయాణించే సమయాలు, ఇంటి అంశాలు, తదితరాలకు సంబంధించి అదనపు ప్రశ్నలతో కూడిన పెద్ద ప్రశ్నాపత్రం స్థానంలో అమెరికన్ కమ్యూనిటీ సర్వే (ACS)ను ప్రవేశపెట్టారు. కంప్యూటర్ క్రమసూత్ర పట్టికలతో (సంక్లిష్టమైన నమూనా నియమాలు) ప్రతి ఇంటికి ఏ పత్రాన్ని పంపారో గుర్తిస్తున్నారు, ఆరుగురిలో ఒకరికి పెద్ద ప్రశ్నాపత్రం పొందారు. పత్రాలను తిరిగి పంపనివారి ఇళ్లకు వెళ్లి, సంబంధిత వ్యక్తులతో మాట్లాడి దీనిని జనాభా పరిగణకులు ఇంటింటికి వెళ్లి అందిస్తారు. పౌరుల సాధారణ గణనతోపాటు, సెన్సస్ బ్యూరో వివిధ రకాల గణాంకాలను సేకరిస్తుంది, జాతి నుంచి ఇంటిలోపల ప్లంబింగ్ వరకు వివిధ రకాల సమాచారం దీనిలో భాగంగా సేకరించడం జరుగుతుంది. కొందరు విమర్శకులు జనాభా గణన ప్రశ్నలు గోప్యతను ఉల్లంఘిస్తున్నాయని పేర్కొంటున్నారు,[71] ప్రతి ప్రశ్న ద్వారా సేకరించే సమాచారం కొన్ని సమాఖ్య చట్టాలను అమల్లో పెట్టేందుకు (ఉదాహరణకు ఓటు హక్కుల చట్టం) లేదా కొన్ని సమాఖ్య కార్యక్రమాలను అమలు చేసేందుకు అవసరమవుతుంది. అమెరికా సంయుక్త రాష్ట్రాల కాంగ్రెస్ జనాభా గణనకు సంబంధించి అడిగే ప్రతి ప్రశ్నకు ఆమోదం తెలిపింది.

తీవ్రస్థాయిలో ప్రయత్నించినప్పటికీ, సెన్సస్ బ్యూరో ఇప్పటికీ పూర్తిస్థాయిలో ప్రతి వ్యక్తి గణనను పూర్తి చేయలేకపోయింది, అందువలన కొన్ని ప్రయోజనాల కోసం సంఖ్యలు అందించేందుకు గణాంక పద్ధతులు ఉపయోగించడం వివాదానికి దారితీసింది, అంతేకాకుండా వాస్తవ ప్రజా సంఖ్యను ఏ విధంగా మెరుగుపరచాలనేదానిపై వాదనలు జరుగుతున్నాయి. ఒక వాస్తవ జనాభా సంఖ్యను మాత్రమే కాంగ్రెస్ సీట్‌ల కేటాయింపుకు ఉపయోగించాలని సుప్రీంకోర్టు ఆదేశించింది; అయితే, నగరాలు మరియు మైనారిటీ ప్రతినిధులు పట్టణ పౌరులు మరియు మైనారిటీలు గణనల్లో తక్కువ సంఖ్యలో ఉంటున్నారని ఫిర్యాదు చేశారు. అనేక సందర్భాల్లో, సెన్సస్ బ్యూరో వివాదాస్పద గణాంకాలు వచ్చిన ప్రదేశంలో తిరిగి గణన చేపట్టింది, ఇందుకోసం స్థానిక ప్రభుత్వ సమయం మరియు చర్యలకు చెల్లింపులు చేసింది. ఉతా రాష్ట్రం 2000 దశవార్షిక జనాభా గణనపై నిరసన వ్యక్తం చేసింది, తమకు ప్రతినిధుల సభలో తమకు రావాల్సిన ఒక స్థానాన్ని, ఉత్తర కారోలినా పొందిందని ఈ రాష్ట్రం వాదించింది. అనేక మార్మోన్ మిషినరీలులతోపాటు, విదేశాల్లో నివసిస్తున్న ఉతా రాష్ట్ర పౌరులను సెన్సస్ బ్యూరో లెక్కించినట్లయితే, ఉతాకు ప్రతినిధుల సభ సీటు వచ్చివుండేదని నిరసన వ్యక్తం చేసింది.[72]

వ్యక్తులపై భారాన్ని తగ్గించేందుకు మరియు మెరుగైన సమాచారాన్ని అందించడం కోసం ఆర్థిక, జనాభా మరియు సామాజిక సమాచారాన్ని సేకరించేందుకు అనేక ప్రత్యామ్నాయ పద్ధతులను బ్యూరో సిద్ధం చేసింది, ఈ చర్యల్లో అమెరికన్ కమ్యూనిటీ సర్వే, వ్యక్తులేతర అధికారిక రికార్డులను ఇతర అధికారిక రికార్డులు మరియు సెన్సస్ బ్యూరో సర్వేలతో రికార్డు అనుసంధానం భాగంగా ఉన్నాయి.

(92 స్టేట్ 915, పబ్లిక్ లా 95-416, అమల్లోకి వచ్చిన తేదీ: అక్టోబరు 5, 1978) చట్టం ప్రకారం వ్యక్తుల జనాభా గణన వివరాలను 72 సంవత్సరాలపాటు రహస్యంగా ఉంచాలి.[73] ఈ సంఖ్య అప్పటి నుంచి మారకుండా ఉంది, 1978 చట్టానికి ముందు శకంలో జీవన కాలపు అంచనా 60 సంవత్సరాలు ఉంది, అందువలన వ్యక్తుల గోప్యతకు రక్షణ కల్పించేందుకు ఆ వ్యక్తుల జీవిత కాలంలో వారి వ్యక్తిగత సమాచారాన్ని బహిర్గతం చేయడం నిషేధించబడింది. 1930 జనాభా గణన సమాచారం ఇటీవల బహిర్గతమైన వ్యక్తిగత జనాభా గణనగా ఉంది, దీనిని 2002లో విడుదల చేశారు. సమిష్టి జనాభా గణన సమాచారాన్ని సేకరించిన వెంటనే విడుదల చేస్తారు.

స్థానిక జనాభా గణనలు[మార్చు]

దశవార్షిక సమాఖ్య జనాభా గణనతోపాటు, స్థానిక జనాభా గణనలను కూడా నిర్వహిస్తున్నారు, ఉదాహరణకు, మాసాచ్యూసెట్స్‌లో 1985 వరకు ప్రతి ఐదేళ్లకు ఒకసారి రాష్ట్రవ్యాప్త జనాభా గణనను నిర్వహించేవారు. అంతేకాకుండా, మాసాచ్యూసెట్స్‌లో ప్రతి ఏడాది ఒక పురపాలక జనాభా గణనను నిర్వహిస్తారు. కొన్ని రాష్ట్రాలు వివిధ ప్రయోజనాల కోసం పరిమిత జనాభా గణనలను నిర్వహించాయి, ఇవి ఎక్కువగా రాష్ట్ర సమాచార భాండాగారాల్లో ఉన్నాయి.

వీటిని కూడా చూడండి[మార్చు]

  • జనాభా గణన దినం
  • జనాభా
  • ప్రారంభ ఐరోపా జనాభా గణాంకాలు మరియు జనాభా గణనలు
  • ఇంటర్‌సెన్సల్ ఎస్టిమేట్
  • లిబెర్ సెన్స్యూమ్
  • సామాజిక పరిశోధన

గమనికలు[మార్చు]

  1. Shepard, Jon; Robert W. Greene (2003). Sociology and You. Ohio: Glencoe McGraw-Hill. pp. A–22. ISBN 0078285763. 
  2. Sullivan, Arthur; Steven M. Sheffrin (2003). Economics: Principles in action. Upper Saddle River, New Jersey 07458: Pearson Prentice Hall. p. 334. ISBN 0-13-063085-3. 
  3. ఐక్యరాజ్యసమితి (2008). ప్రిన్సిపుల్స్ అండ్ రికమెండేషన్స్ ఫర్ పాపులేషన్ అండ్ హౌసింగ్ సెన్ససెస్. స్టాటిస్టికల్ పేపర్స్: సిరీస్ M No. 67/Rev.2. p8. ISBN 978-92-1-161505-0.
  4. ది సెన్సస్ అండ్ ప్రైవసీ.
  5. మేనేజింగ్ కాన్ఫిడెన్షియాలిటీ అండ్ లెర్నింగ్ ఎబౌట్ SEIFA
  6. "Census - The Canadian Encyclopedia". Statistics Canada. "The first recorded census took place over 4000 years ago in China." 
  7. Jeffrey Hays. "China - Facts and Details: Han Dynasty (206 B.C. - A.D. 220)". 
  8. ట్విట్చెట్, డి., లోవి, ఎం., మరియు ఫెయిర్‌బ్యాంక్, జే.కే. కేంబ్రిడ్జ్ హిస్టరీ ఆఫ్ చైనా: ది చిన్ అండ్ హాన్ ఎంపైర్స్ 221 B.C.-A.D. 220. కేంబ్రిడ్జ్ యూనివర్శిటీ ప్రెస్ (1986), పేజి. 240.
  9. ఐబిడ్ .
  10. నిషిజిమా (1986), 595–596.
  11. "History of China. (Japanese Wikipedia)". 
  12. హెచ్. యోన్ (1985). "ఎన్ ఎర్లీ చైనీస్ ఐడియా ఆఫ్ ఎ డైనమిక్ ఎన్విరాన్‌మెంటల్ సైకిల్", జియోజర్నల్ 10 (2), పేజీలు 211-212.
  13. షీడెల్, వాల్టెర్. రోమ్ అండ్ చైనా: కంపారిటివ్ పెర్‌స్పెక్టివ్స్ ఆన్ ఏన్షియంట్ వరల్డ్ ఎంపైర్స్. ఆక్స్‌ఫోర్డ్ యూనివర్శిటీ ప్రెస్ (2009), పేజి 28.
  14. లివై అబ్ ఉర్బే కోండిటా 1.42
  15. లివై అబ్ ఉర్బే కోండిటా 1.42, సైటింగ్ ఫ్యాబియస్ పిక్టోర్
  16. al-Qādī1, Wadād (July 2008). "Population Census and Land Surveys under the Umayyads (41–132/661–750)". Der Islam 83 (2): 341–416. doi:10.1515/ISLAM.2006.015. 
  17. UNFPA ప్రాజెక్ట్స్ ఇన్ ఆఫ్ఘనిస్థాన్.
  18. అల్బేనియా: 2001 సెన్సస్, అఫీషియల్ వెబ్ సైట్. సేకరణ తేదీ జూన్ 19, 2009
  19. అల్బేనియా: 2001 సెన్సస్, ఇండివిడ్యువల్ క్వచనైర్ యూజ్డ్ బై ఎన్యూమరేటర్స్ సేకరణ తేదీ జూన్ 19, 2009
  20. పాపులేషన్ సెన్సస్ గెట్స్ అండర్ వే ఇన్ అజెర్‌బైజాన్. రేడియో ఫ్రీ యూరప్ . ఏప్రిల్ 14, 2009. సేకరణ తేదీ ఏప్రిల్ 29, 2010.
  21. మున్సిపల్ గవర్నమెంట్ యాక్ట్ (MGA)
  22. డిటర్మినేషన్ ఆఫ్ పాపులేషన్ రెగ్యులేషన్
  23. మినిస్ట్రీ ఆఫ్ మున్సిపల్ ఎఫైర్స్
  24. అఫీషియల్ పాపులేషన్ లిస్ట్
  25. ఆల్బెర్టా పాపులేషన్
  26. http://www.stats.gov.cn/tjgb/rkpcgb/index.htm
  27. http://news.xinhuanet.com/english2010/china/2010-05/28/c_13321827.htm
  28. http://news.xinhuanet.com/english2010/china/2010-08/16/c_13446282.htm
  29. http://www.stats.gov.cn/tjdt/gjtjjdt/t20091221_402608717.htm
  30. http://www.stats.gov.cn/was40/gjtjj_en_detail.jsp?channelid=4920&record=1
  31. సెన్సస్ 1769.
  32. స్టేట్‌బ్యాంక్ డెన్మార్క్
  33. Dansk Demografisk Database
  34. ఆర్కివాలియర్ ఆన్‌లైన్
  35. సెన్ససెస్ ఇన్ ఈస్టోనియా.
  36. స్టాటిస్టిక్స్ ఈస్టోనియా
  37. Γενικη Γραμματεια Εσυε.
  38. 38.0 38.1 [1]
  39. "CSO Census Home Page". Retrieved 2008-10-09. 
  40. "Census: Historical perspective". CSO. Retrieved 2008-10-09. [dead link]
  41. "Census 2002 Results". CSO. 2002. Retrieved 2008-10-09. "The census originally planned for 29 April 2001 was postponed because of the Foot and Mouth disease situation pertaining at the time." 
  42. "Census 2006: Preliminary Report" (PDF). CSO. July 2006. Retrieved 2008-10-09. 
  43. 43.0 43.1 "Access to old records". CSO. Retrieved 2008-10-09. 
  44. "Census of Ireland, Dublin 1911". National Archives of Ireland. Retrieved 2008-10-09. 
  45. 1901 సెన్సస్ ఆఫ్ ఐర్లాండ్ గోస్ ఆన్‌లైన్
  46. 46.0 46.1 46.2 46.3 46.4 46.5 Kamen, Charles S. (February, 2005). "The 2008 Israel Integrated Census of Population and Housing: Basic conception and procedure" (PDF). Israel Central Bureau of Statistics. p. 1. Retrieved 2008-10-12. 
  47. "Population Census 2010". Ministry of Internal Affairs and Communications. 2010. 
  48. 48.0 48.1 http://www.city.setagaya.tokyo.jp/toukei/gaikokugo/English.pdf
  49. సెన్సస్ కిక్స్ ఆఫ్. కెన్యా బ్రాడ్‌కాస్టింగ్ కార్పొరేషన్. ఆగస్ట్ 24, 2009
  50. రిపబ్లిక్ ఆఫ్ కొసావో సెట్స్ ది డేట్ ఫర్ ఇట్స్ ఫస్ట్ సెన్సస్
  51. అల్-ఐసావీ, ఒమర్ (జూన్ 4, 2009). [2]లెబనాన్స్ పాలిస్తీనియన్ రెఫ్యూజీస్. అల్ జజీరా.
  52. రోల్యాండ్, జాన్ సి. (2003). లెబనాన్: కరెంట్ ఇష్యూష్ అండ్ బ్యాక్‌గ్రౌండ్." నోవా పబ్లిషర్స్. పేజి 65.
  53. లెబనాన్ కంట్రీ స్టడీస్.
  54. "2010 రౌండ్ ఆఫ్ సెన్ససెస్: లెర్నింగ్ ఫ్రమ్ ది 2000 రౌండ్ కంట్రీ పొజిషన్: మారిషష్ ఫిబ్రవరి 2006" (సేకరణ తేదీ ఏప్రిల్ 3, 2009).
  55. "సెంట్రల్ స్టాటిస్టిక్స్ ఆఫీస్: ది స్టాటిస్టిక్స్ యాక్ట్ 2000".
  56. డాక్యుమెంటింగ్ ది నార్వేజియన్ సెన్ససెస్: ది మేల్ సెన్ససెస్ ఆఫ్ ది 1660s అండ్ 1701
  57. సెర్చింగ్ ది 1865, 1875 అండ్ 1900 సెన్ససెస్ ఫర్ నార్వే
  58. పాపులేషన్ అండ్ హౌసింగ్ సెన్సస్ 2001
  59. పాకిస్థఆన్ సెన్సస్ ప్రాసెస్ టు బిగిన్ ఇన్ అక్టోబర్, 2008.
  60. ది నెక్స్ట్ సెన్సస్ విల్ టేక్ ప్లేస్ ఇన్ 2011.
  61. సౌత్ ఆఫ్రికా - పాపులేషన్.
  62. http://www.sundayobserver.lk/2010/05/16/new30.asp
  63. హిస్టరీ ఆఫ్ ది ఫెడరల్ పాపులేషన్ సెన్సస్, స్విస్ ఫెడరల్ స్టాటిస్టికల్ ఆఫీస్, అక్టోబరు 2007లో సేకరణ.
  64. ఓవర్‌వ్యూ ఆఫ్ ది ఫెడరల్ పాపులేషన్ సెన్సస్, స్విస్ ఫెడరల్ స్టాటిస్టికల్ ఆఫీస్, సేకరణ అక్టోబరు 2007.
  65. ది మోడరనైజేషన్ ఆఫ్ తైవాన్.
  66. "కంట్రీ సబ్‌మిషన్ ఫర్ ఉగాండా: ది 2010 వరల్డ్ ప్రోగ్రామ్ ఆన్ పాపులేషన్ అండ్ హౌసింగ్ సెన్ససెస్", ఆఫ్రికా సింఫోసియం ఆన్ ది 2010 రౌండ్ ఆఫ్ పాపులేషన్ అండ్ హౌసింగ్ సెన్ససెస్ (కేప్ టౌన్, సౌతాఫ్రికా, 30 జనవరి - 2 ఫిబ్రవరి 2006, సేకరణ తేదీ ఏప్రిల్ 3, 2009).
  67. ఆల్-ఉక్రేనియన్ పాపులేషన్ సెన్సస్
  68. ఫర్ ఎగ్జాంపుల్, దిస్ వెబ్‌సైట్ రిఫెర్స్ టు ది సెన్సస్ ఆఫ్ ఇంగ్లండ్ అండ్ వేల్స్ యాజ్ "ది UK 1901 సెన్సస్"[3]
  69. నేషనల్ ఐర్కైవ్స్ ఆఫ్ ఐర్లాండ్ వెబ్‌సైట్.
  70. నేషనల్ స్టాటిస్టిక్స్ వెబ్‌సైట్.
  71. Sunderland, Nate (2010-03-25). "What is the government going to do with your census data?". Rexburg Standard Journal (Rexburg, Idaho, United States). Retrieved 2010-04-04. 
  72. జస్టిసెస్ డీలీ ఉతా ఎ సెట్‌బ్యాక్ ఇన్ ఇట్స్ బిడ్ టు గెయిన్ ఎ హౌస్ సీట్.
  73. U.S. సెన్సస్ బ్యూరో | హిస్టరీ | లెజిస్లేషన్ 1974 - 1983.

సూచనలు[మార్చు]

బాహ్య లింకులు[మార్చు]

"http://te.wikipedia.org/w/index.php?title=జనాభా_గణన&oldid=814371" నుండి వెలికితీశారు