జోగ్ జలపాతం

జోగ్ జలపాతం

జోగ జలపాతం (ఋతుపవనాల కాలంలో)
ప్రదేశం	షిమోగ జిల్లా, కర్ణాటక, భారతదేశం
అక్షాంశము	16.37 ఉ
రేఖాంశము	76.51 తూ
సమద్రతలం నుండి ఎత్తు	2600 అడుగులు
రకం	Cataract, Segmented
మొత్తం ఎత్తు	829 అడుగులు/253 మీటర్లు
Height of Longest Drop	829 అడుగులు/253 మీటర్లు
సగటు వెడల్పు	1550 అడుగులు/472 మీటర్లు
బిందువుల సంఖ్య	1
సగటు ప్రవాహరేటు	5,387 అ³/సె or 153 మీ³/సె
Watercourse	శారవతి నది
ప్రపంచములో ఎత్తువారిగా ర్యాంక్	313

జోగ్ జలపాతం (ఆంగ్లం: Jog Falls, కన్నడ: ಜೋಗ ಜಲಪಾತ ) భారత దేశంలోని ఎత్తైన జలపాతలలో ప్రథమ స్థానాన్ని ఆక్రమిస్తున్న ఈ జలపాతం కర్ణాటక రాష్ట్రం షిమోగ జిల్లా సాగర తాలూకాలో ఉన్నది. ఈ జలపాతం శరవతినది, 253 మీటర్ల (829 అడుగులు)ఎత్తు నుండి పడడం వల్ల ఏర్పడుతోంది. ఈ జలపాతం వివిధ రాష్ట్రాలనుండి పర్యాటకులను ఆకర్షిస్తున్నది. ఈ జలపాతాలకు గేరుసొప్ప లేదా జోగోడా గుండి అనే పేర్లు కూడా కలవు. షిమొగ ను0చి జొగ్ జలపాత0 కు బస్సు ఇతర రవాణా సౌకర్యాలు కలవు.

జలపాత వివరణ

శరవతినది 829 అడుగుల నుండి పడుతూ నాలుగు పాయలుగా విడిపోయి నాలుగు వేర్వేరు గతిపథాలలో క్రింద పడుతుంది. ఈ విధంగా 4 గతిపథాలకు నాలుగు పేర్లు కలవు. ఎడమ నుండి కుడికి ఆ గతిపథాల ఆధారంగా జలపాతల పేర్లు వాటి పేర్ల వెనుక కారణాలు (ప్రక్కన ఉన్న బొమ్మలో చూడవచ్చు)

• రాజ: జలపాతం చాలా నిర్మలంగా సౌమ్యంగా ఉన్న రాజు మాదిరిగా ఉండడం వల్ల జోగ్ జలపాతంలో ఈ గతిపథికి రాజు అని పేరు పెట్టారు.
• రోరర్: ఈ జలపాతం పెద్ద పెద్ద రాళ్ల మధ్య నుండి పెద్ద పెద్ద శబ్ధం చేస్తూ క్రింద పడుతుండడం వల్ల జోగ్ జలపాతంలో ఈ గతిపథికి రోరర్‌ అని పేరు పెట్టారు.
• రాకెట్: అత్యంత వేగంతో సన్నటి ధారగా రాకెట్టు మాదిరిగా ఉండడం వల్ల జోగ్ జలపాతంలో ఈ గతిపథికి రాకెట్టు అని పేరు పెట్టారు.
• రాణి: వయ్యారాలు , వంపులు పోతూ పడే జోగ్ జలపాతంలో ఈ గతిపథికి రాణి అని పేరు పెట్టారు.

మహత్మా గాంధీ జలవిద్యుత్తు ప్రాజెక్టు

భారత దేశంలోని అతి పెద్ద జలవిద్యుత్తు ప్రాజెక్టులలో అతి పెద్ద ప్రాజెక్టు, హిరెబాస్కర డ్యాం శరవతి నది మీద నిర్మించబడినది.ఈ జల విద్యుత్తు ప్రాజెక్టు 1949 నుండి సుమారుగా 1200 మెగా వాట్ల విద్యుత్తు తయారు చేస్తోంది. అప్పటి రోజులలో ఈ ప్రాజెక్ట్ ను పూర్వపు మైసూరు రాజు నాల్గవ కృష్ణ రాజ వడియారు పేరుమీద కృష్ణ రాజేంద్ర విద్యుత్త్ ప్రాజెక్టు అని పిలిచేవారు. ఆ తరువాత ప్రాజెక్ట్ పేరు మహాత్మా గాంధీ జలవిద్యుత్తు ప్రాజెక్టుగా మార్చబడింది. ఆ తరువాత మోక్షగుండం విశ్వేశ్వరయ్య ప్రణాళికతో 1960 సంవత్సరంలో శరవతి నది పై లింగనమక్కి అనే డ్యాం నిర్మించబడింది.

ఋతుపవనాలు ప్రారంభం కావడానికి మునుపు జోగ్ జలపాతం

ఋతుపవనాలు ప్రారంభమవడానికి ముందు లింగనమక్కి డ్యాంలో నీరు ఎక్కువగా ఉండదు.లింగనమక్కి డ్యాంలోని నీరు నిల్వ ఎక్కువగా లేకపొవడం వల్ల పనిదినాల్లో జోగ్ జలపాతం చాలా సన్నగా పడుతుంది. లింగనమక్కి డ్యాంలో నిల్వ చేయబడిన నీరు వారాంతములో పర్యాటకులని ఆకర్షించడానికి వదిలి పెడతారు.

జోగ్ కు చేరుకొనే విధానం

ఆగష్టు-డిసెంబర్ నెలలు జోగ్ జలపాతాలు దర్శించడానికి మంచి సమయం. ఈ సమయంలో జలపాతాలు మంచి ప్రవాహం ఉంటుంది. జోగ్, సాగరకు 30 కి.మీ. దూరంలో కర్ణాటక రాజధాని బెంగళూరు నుండి 379 కి.మీ దూరంలో ఉన్నది.

• జోగ్ జలపాతాలకు దగ్గరలో ఉన్న బస్సు స్టేషన్లు - జోగ్ , సాగర్. బెంగళూరు నుండి సరాసరి జొగ్ కు చేరడానికి బస్సు సౌకర్యం ఉన్నది. తప్పని పక్షంలో బెంగుళురు నుండి సాగర్‌కు బస్సు తీసుకొని , సాగర్ నుండి జోగ్ కి సులభంగా చేరుకోవచ్చు.షిమోగ నుండి జోగ్ 104 కి.మీ.దూరంలో ఉన్నది.
• జోగ్ కి దగ్గరలో ఉన్న రైలు స్టేషన్లు - సాగర్, షిమోగ. బెంగళూరు నుండి సాగర్‌కి రైలు సౌకర్యం ఉన్నది.
• కర్ణాటక రాష్ట్ర రొడ్డు రవాణా సంస్థ, మరియు ప్రైవేటు బస్సులు, చాలా మటుకు టూర్టిస్టు బస్సులు షిమోగ నుండి నడుస్తాయి.
• దగ్గరలోని విమానశ్రయం - షిమోగ

జోగ్‌కి దగ్గరలో మరి కొన్ని ఆకర్షణలు

• లింగనమక్కి డ్యాం నుండి వచ్చే వెనుక నీరు వల్ల హొన్నెమరాడు అనే ఈ ద్వీపం ఏర్పడింది.ఈ ద్వీపం జల క్రీడలకు ప్రసిద్ధి.

జోగ జలపాతాల బొమ్మల సంగ్రహం

• 

  జోగ్ జలపాతం పూర్తి ప్రవాహం

• 

  జోగ్ జలపాతాలు పైనుండి దృశ్యం - డిసెంబర్ నెలలో

• 

  జోగ్ జలపాతాల వద్ద ఇంద్రధనుస్సు - డిసెంబర్ నెలలో

• 

  సాయంసంధ్య వేళ జోగ్ జలపాతాలు - డిసెంబర్ నెలలో

• 

  తొలకరి వర్షాలలో జోగ్ జలపాతాలు

• Jog Falls, India - August 2006.jpg

  వర్షాకాలపు చివరిలో జోగ్ జలపాతాలు

• 

  క్రింది నుండి జోగ్ జలపాతాల దృశ్యం

• Jog Side View.jpg

  జోగ్ జలపాతాలు మరోకోణంలో

• 

  జూన్ 2007 ఋతుపవనాలు ప్రారంభమవకముందు జోగ్ జలపాతాలు

బయటి లింకులు

• జోగ్ జలపాతం విడియో
• జోగ్ జలపాతం గురించి Kiruthik.Com నుండి
• జోగ్ జలపాతం గురించి డ్రీం రూట్స్ నుండి
• జోగ జలపాతం గురించి సంక్షిప్త సమాచారం
• జోగ్ జలపాతం పేరు ప్రపంచ జలపాతాల జాబితాలొ
• షిమోగ జిల్లా పర్యాటక శాఖ వెబ్ సైటు
• పశ్చిమ కనుమల పర్యాటక విశేషాలు