రామణ్ లాంబా

1960 జనవరి 2 న ఉత్తర ప్రదేశ్ లో జన్మించిన రామణ్ లాంబా (Raman Lamba) భారతదేశపు మాజీ క్రికెట్ ఆటగాడు. బంగ్లాదేశ్ లోని ఢాకా లో బంగబంధు స్టేడియంలో క్రికెట్ మ్యాచ్ ఆడుతూ బంతి బలంగా తగలడంతో గాయపడి 1998 ఫిబ్రవరి 23 న మరణించాడు. అప్పటికి అతని వయస్సు 38 సంవత్సరాలు మాత్రమే.

లాంబా భారత్ తరఫున 4 టెస్టులు ఆడి 102 పరుగులు చేసినాడు. టెస్టులలో అతని అత్యధిక స్కోరు 53 పరుగులు. 32 వన్డే మ్యాచ్‌లు ఆడి 27 పరుగుల సగటుతో 783 పరుగులు సాధించాడు. ఇందులో ఒక శతకము 6 అర్థ శతకాలు కలవు.