వజీర్ అలీ
 1932 లో వజీర్ అలీ | ||||||||||||||||||||||||||||||||||||||||
| వ్యక్తిగత సమాచారం | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పూర్తి పేరు | సయ్యద్ వజీర్ అలీ | |||||||||||||||||||||||||||||||||||||||
| పుట్టిన తేదీ | 1903 సెప్టెంబరు 15 జలంధర్, బ్రిటిషు భారతదేశం | |||||||||||||||||||||||||||||||||||||||
| మరణించిన తేదీ | 1950 జూన్ 17 (వయసు 46) కరాచీ, పాకిస్తాన్ | |||||||||||||||||||||||||||||||||||||||
| బ్యాటింగు | కుడిచేతి వాటం | |||||||||||||||||||||||||||||||||||||||
| బౌలింగు | కుడిచేతి మీడియం | |||||||||||||||||||||||||||||||||||||||
| పాత్ర | ఆల్ రౌండరు | |||||||||||||||||||||||||||||||||||||||
| బంధువులు |
| |||||||||||||||||||||||||||||||||||||||
| అంతర్జాతీయ జట్టు సమాచారం | ||||||||||||||||||||||||||||||||||||||||
| జాతీయ జట్టు |
| |||||||||||||||||||||||||||||||||||||||
| తొలి టెస్టు (క్యాప్ 11) | 1932 జూన్ 25 - ఇంగ్లాండ్ తో | |||||||||||||||||||||||||||||||||||||||
| చివరి టెస్టు | 1936 ఆగస్టు 15 - ఇంగ్లాండ్ తో | |||||||||||||||||||||||||||||||||||||||
| కెరీర్ గణాంకాలు | ||||||||||||||||||||||||||||||||||||||||
| ||||||||||||||||||||||||||||||||||||||||
మూలం: CricInfo, 2020 మే 10 | ||||||||||||||||||||||||||||||||||||||||
సయ్యద్ వజీర్ అలీ ( 1903 సెప్టెంబరు 15 - 1950 జూన్ 17) భారత క్రికెట్ తొలినాళ్ళలో ప్రముఖ ఆటగాడు. అతను కుడిచేతి వాటం బ్యాటరు, మీడియం పేస్ బౌలరు. [1]
జీవితం తొలి దశలో[మార్చు]
రెండో ప్రపంచ యుద్ధానికి ముందు భారత్ ఆడిన అన్ని టెస్టుల్లోనూ వజీర్ ఆడాడు. 1932లో ఇంగ్లాండ్ పర్యటనలో, అతను ఫస్ట్ క్లాస్ మ్యాచ్‌లలో 1229 పరుగులు, మొత్తమ్మీద 1725 పరుగులూ చేశాడు. 1936లో తదుపరి పర్యటనలో అతను చేతికి గాయంతో ఆటంకం కలిగింది గానీ, మాంచెస్టర్‌లో జరిగిన టెస్టులో అతని అత్యధిక స్కోరు 42 నమోదు చేశాడు.
ఫస్ట్ క్లాస్ క్రికెట్[మార్చు]
వజీర్ అలీఘర్ ముస్లిం యూనివర్సిటీలో చదువుకున్నాడు. అతను 1922-23 లాహోర్ టోర్నమెంట్‌లో లాహోర్‌లోని లారెన్స్ గార్డెన్స్ (ప్రస్తుతం బాగ్-ఎ-జిన్నా) లో సిక్కులకు వ్యతిరేకంగా ముస్లింల జట్టు తరఫున19 సంవత్సరాల వయస్సులో ఫస్ట్-క్లాస్ ప్రవేశం చేశాడు. [2] అతని ఫస్ట్ క్లాస్ కెరీర్‌లో ఎక్కువ భాగం అతను రంజీ ట్రోఫీలో సదరన్ పంజాబ్ తరఫున, బాంబే పెంటాంగ్యులర్‌లో ముస్లింల తరపున ఆడాడు. బెంగాల్‌తో జరిగిన 1938/39 రంజీ ఫైనల్‌లో అతని అజేయమైన 222 ఆ టోర్నమెంట్‌లో అప్పటికి అత్యధికం. బెంగాల్ అంతకుముందు 222 పరుగులకు ఆలౌట్ అయింది, అయినప్పటికీ దక్షిణ పంజాబ్ ఓడిపోయింది. అతని కెరీర్ బెస్ట్ స్కోరు 1935లో ఇండియన్ యూనివర్శిటీ వొకేషనల్స్ తరపున 268 నాటౌట్, భారత ఫస్ట్ క్లాస్ క్రికెట్‌లో అత్యధిక స్కోరు. ఈ రెండు రికార్డులను 1939/40లో విజయ్ హజారే, 316* పరుగులతో బద్దలు కొట్టాడు.
క్రికెట్ ప్రముఖుడిగా, వజీర్ అలీ తన సమకాలీన భారతీయ క్రికెటర్లలో CK నాయుడు తర్వాత రెండవ స్థానంలో ఉండేవాడు. అయితే అతను నాయుడుకి ద్వితీయంగా ఉండవలసి రావడం అతనికి నచ్చేది కాదు.[3] నాయుడుకు చాలా మంది ప్రత్యర్థులు ఉండేవారు. వాళ్ళు వజీర్ వెనక నడిచేవారు. [4] మిహిర్ బోస్ వీళ్ళిద్దరికీ విరుద్ధంగా ఉండేవాడు. అతడు ఇలా అన్నాడు: "కొంతవరకు నాయుడు, వజీర్ అలీ సహజమైన ప్రత్యర్థులు. నాయుడు లాగానే వజీర్ కూడా శక్తివంతమైన కుడి చేతి బ్యాటరు. మనోహరమైన కవర్ డ్రైవ్‌తో సహా చాలా సొగసైన స్ట్రోక్‌లను ఆడగలడు. పైగా అతను ఉపయోగకరమైన మీడియం-పేస్ చేంజ్ బౌలరు కూడా. నాయుడు లాగానే అతనూ కేవలం ఏడు టెస్టుల్లో మాత్రమే ఆడాడు. అన్నీ ఇంగ్లండ్‌పైనే ఆడాడు. అతని స్థాయినీ, సామర్థ్యాన్నీ పూర్తిగా ప్రదర్శించే అవకాశం రాలేదు. నాయుడు కంటే ఎనిమిదేళ్లు చిన్నవాడైన వజీర్‌కు నాయుడి దృఢ సంకల్పం, ఆటపై అతనికి ఉన్నంత మక్కువ లేకపోవడం ఆ ఇద్దరి మధ్య ఉన్న తేడా. నాయుడు నిస్సందేహంగా గొప్ప క్రికెటరు. అతను ఆటపై లోతైన ముద్ర వేసాడు… దీనికి విరుద్ధంగా వజీర్, పాకిస్తాన్ ఏర్పడిన మూడు సంవత్సరాల తర్వాత అపెండిసైటిస్‌కు ఆపరేషను చేయించుకున్నాక, నలభై ఆరేళ్ల వయసులో మరణించాడు. ఆ దేశంలో యుద్ధానంతర ఆటలో తన ముద్ర వేసే అవకాశం పెద్దగా లభించలేదు." [5]
1935/36లో ఆస్ట్రేలియా XIతో జరిగిన రెండు అనధికారిక టెస్టుల్లో వజీర్ భారత్‌కు కెప్టెన్‌గా వ్యవహరించాడు. నాయుడు ఈ సిరీస్‌లోని మొదటి రెండు మ్యాచ్‌లకు కెప్టెన్‌గా వ్యవహరించాడు. వజీర్ కెప్టెన్‌గా ఉన్న మ్యాచ్‌లలో ఆడకుండా తప్పుకున్నాడు. అప్పుడు నాయుడు, నిజంగానే ఆడలేని పరిస్థితిలో ఉన్నాడని తెలుస్తోంది. అయితే వజీర్ మాత్రం "నాయుడిపై తీవ్ర మనోవేదనతో మరణించాడు" అని బోస్ రాసాడు.[6]
తరువాత జీవితంలో[మార్చు]
1947లో పాకిస్తాన్‌కు స్వాతంత్ర్యం వచ్చిన తర్వాత, వజీర్ పాకిస్తాన్‌కు వలస వెళ్లి, జీవితాంతాన పేదరికంలో మగ్గాడు. "తన చివరి రోజుల్లో వజీర్, సోల్జర్స్ బజార్‌లోని ఒక చిన్న క్వార్టర్‌లో పేదరికంతో, వ్యాధికి వ్యతిరేకంగా పోరాడుతూ తాను దాచుకున్న కొద్దిపాటి సొమ్ముతో కష్టాలతో జీవించాడు" అని పాకిస్తానీ అధికారిని ఉటంకిస్తూ క్యాష్‌మన్ పేర్కొన్నాడు. [7]
అతని కుమారుడు ఖలీద్ వజీర్ 1954లో పాకిస్తాన్ తరపున రెండు టెస్టులు ఆడాడు [8] నజీర్ అలీకి వజీర్ అన్నయ్య.
మూలాలు[మార్చు]
- ↑ "Wazir Ali". ESPN Cricinfo. Retrieved 10 May 2020.
- ↑ Parvez, Salim; August 2020, Cricket World Monday 24. "Syed Wazir Ali - A champion Muslim cricketer". Cricket World. Retrieved 2020-12-17.
{{cite web}}: CS1 maint: numeric names: authors list (link) - ↑ Bose, p. 71
- ↑ Bose, pp. 76–77
- ↑ Bose, p. 76
- ↑ Bose, p. 99
- ↑ Richard Cashman (1980) Patrons, Players and the Crowd, Orient Longman.
- ↑ "Khalid Wazir". ESPNcricinfo.com.