షణ్ముఖ శ్రీనివాస్

షణ్ముఖ శ్రీనివాస్
జననం	ఏలూరు
వృత్తి	నటుడు
క్రియాశీల సంవత్సరాలు	1987 - 1992
తల్లిదండ్రులు	శివరామకృష్ణ (తండ్రి)

షణ్ముఖ శ్రీనివాస్ ఒక తెలుగు సినీ నటుడు, కూచిపూడి నర్తకుడు. 1987లో బాల నటుడిగా తన కెరీర్ ప్రారంభించాడు. స్వర్ణకమలం, శృతిలయలు మొదలైన సినిమాలలో ప్రాముఖ్యం ఉన్న పాత్రల్లో నటించాడు. ఈటీవీలో ప్రసారమైన అన్వేషిత అనే సీరియల్ లో కూడా నటించాడు. నాట్యరంగంలో రాణించినందుకు వెంపటి సీతారామ్మోహనరావు డ్యాన్స్ అకాడమీ పురస్కారం అందుకున్నాడు.

జీవిత విశేషాలు

షణ్ముఖ శ్రీనివాస్ పశ్చిమ గోదావరి జిల్లా, ఏలూరులో జన్మించాడు. అతని తండ్రి శివరామకృష్ణ. ప్రస్తుతం హైదరాబాదులోని ఫిలిం నగర్ లో నివాసం ఉంటున్నాడు.

కెరీర్

శ్రీనివాస్ 1987లో చిరంజీవి నటించిన జేబుదొంగ సినిమాలో బాలనటుడిగా తన కెరీర్ ని ప్రారంభించాడు. శృతిలయలు, స్వర్ణకమలం సినిమాలకు గాను ఉత్తమ బాల నటుడిగా నంది పురస్కారాన్ని అందుకున్నాడు.

నటించిన సినిమాలు

సంవత్సరం	సినిమా	సహనటులు	పాత్ర	భాష	గమనికలు
1987	జేబు దొంగ	చిరంజీవి	బాలనటుడు	తెలుగు	మొదటి సినిమా
1987	శృతిలయలు	రాజశేఖర్	శ్రీనివాస్	తెలుగు	నంది ఉత్తమ బాలనటుడు
1988	ది డిసీవర్స్	పియర్స్ బ్రాస్నన్	హీరాలాల్	ఆంగ్లం
1988	స్వర్ణకమలం	దగ్గుబాటి వెంకటేష్	శ్రీనివాస్	తెలుగు	నంది ఉత్తమ బాలనటుడు
1988	ముగ్గురు కొడుకులు	ఘట్టమనేని కృష్ణ	చిన్నప్పటి కృష్ణగా	తెలుగు
1991	అయ్యప్పస్వామి మహత్యం	శరత్ బాబు	అయ్యప్ప	తెలుగు
1994	కౌరవ సామ్రాజ్యం	చంద్రమోహన్	బాలనటుడు	తెలుగు