హార్సిలీ హిల్స్

వికీపీడియా నుండి
ఇక్కడికి గెంతు: మార్గసూచీ, వెతుకు
Horsley Hills
హార్సిలీ కొండలు
town
హార్సిలీ హిల్స్ is located in Andhra Pradesh
Horsley Hills
Location in Andhra Pradesh, India
Coordinates: 13°40′N 78°24′E / 13.66°N 78.40°E / 13.66; 78.40Coordinates: 13°40′N 78°24′E / 13.66°N 78.40°E / 13.66; 78.40
Country  India
State Andhra Pradesh
ఎత్తు  m ( ft)
Languages
 • Official Telugu
టైమ్‌జోన్ IST (UTC+5:30)
హార్సిలీ హిల్స్ దృశ్యం

హార్సిలీ హిల్స్ చిత్తూరు జిల్లా మదనపల్లె దగ్గర ఉన్న ఒక విహారస్థలం. ఏనుగు మల్లమ్మ కొండ అనేది దీని అసలు పేరు. ఆంధ్ర ప్రదేశ్ లోని ప్రసిద్ధ వేసవి విడిది. ఆంధ్రా ఊటీ అని దీనికి పేరు.

భౌగోళికం[మార్చు]

142 ఏళ్ళ నాటి యూకలిప్టస్ చెట్టు

తూర్పు కనుమల లోని దక్షిణ భాగపు కొండల వరుసే ఇక్కడి కొండలు. హార్సిలీ హిల్స్ సముద్ర మట్టానికి 1,314 మీ. (4312 అ.) ఎత్తులో ఉంది. ఇది బెంగళూరు నుండి 160 కి.మీ., తిరుపతి నుండి 140 కి.మీ. దూరంలో ఉంది. చలికాలంలో 3 డిగ్రీల సెంటీగ్రేడు నుండి మండు వేసవిలో 32 డిగ్రీల సెంటీ గ్రేడు వరకు ఉష్ణోగ్రత ఉంటుంది. ఆంధ్ర ప్రదేశ్ రాష్ట్రంలోకెల్లా ఎత్తైన ప్రదేశం హార్సిలీ హిల్స్ లోనే ఉంది.

చరిత్ర[మార్చు]

డబ్ల్యూ.హెచ్.హార్సిలీ అనే బ్రిటిషు అధికారి 1863 - 67 మధ్య కాలంలో ఈ ప్రాంతంలో కలెక్టరుగా పని చేసాడు. 1863 లో వేసవి విడిదిగా ఇక్కడ ఒక ఇంటిని నిర్మించాడు. దీన్ని ఫారెస్టు బంగ్లా అంటారు. ఆ తరువాత కార్యాలయ భవనం నిర్మించారు. ఈ భవనాలు ఇప్పటికీ నివాస యోగ్యంగా ఉండి, వాడుకలో ఉన్నాయి. ఫారెస్టు బంగ్లాలోని నాలుగు గదుల్లో ఒక దానికి హార్సిలీ పేరు పెట్టారు.

చూడదగ్గ స్థలాలు[మార్చు]

ఆహ్లాదకరమైన వాతావరణం, ప్రకృతి సౌందర్యం ఇక్కడి ప్రత్యేకతలు. హార్సిలీ హిల్స్ కు వెళ్ళే కొండదారి ఎంతో అందంగా ఉంటుంది. రెండు వైపులా నీలగిరి(యూకలిప్టస్) వంటి అనేక జాతుల చెట్లతో కళ్ళకింపుగా ఉంటుంది. జింకలు,చిరుతపులులవంటి వన్యమృగాలు కూడా ఈ ప్రాంతంలో సంచరిస్తుంటాయి. ఇక్కడ చూడదగ్గ ఇతర ప్రదేశాలు:

  • 142 సంవత్సరాల వయసు కలిగిన యూకలిప్టస్ చెట్టు ఇక్కడి ప్రధాన పర్యాటక ఆకర్షణల్లో ఒకటి.
  • వన్యమృగ కేంద్రము (zoo park).
  • గవర్నర్ బంగ్లా
  • జిడ్డు కృష్ణమూర్తి నెలకొల్పిన రిషివ్యాలీ విద్యాలయము ఉన్నది.

బొమ్మల కొలువు[మార్చు]

మూలాలు[మార్చు]

బయటి లింకులు[మార్చు]


వికీవాయేజ్ కోసం ఒక ట్రావెల్ గైడ్ ఉంది హార్సిలీ హిల్స్.