హోగెనక్కల్‌ జలపాతం

వికీపీడియా నుండి
(హొగెనక్కల్ జలపాతం నుండి దారిమార్పు చెందింది)
ఇక్కడికి గెంతు: మార్గసూచీ, వెతుకు
  ?హొగెనక్కల్ జలపాతం
 • భారతదేశం
హొగెనక్కల్ జలపాతం
హొగెనక్కల్ జలపాతం
అక్షాంశరేఖాంశాలు: 11°39′54″N 77°49′33″E / 11.66500°N 77.82583°E / 11.66500; 77.82583
కాలాంశం భాప్రాకా (గ్రీ.కా+5:30)


Hogenakkal Falls
ప్రదేశం తమిళనాడు , భారతదేశం
పొడవైన బిందువు 20 m
A section of the waterfall
Kaveri river and the surrounding hills at Hogenakkal

హొగెనక్కల్ జలపాతం (ఆంగ్లం: Hogenakkal Falls, (తమిళం: ஒகேனக்கல் அருவி, కన్నడం: ಹೊಗೆನಕಲ್ ಜಲಪಾತ) కావేరీ నది మీద ప్రకృతి సిద్ధంగా ఏర్పడిన జలపాతం. ఇది తమిళనాడు రాష్ట్రంలో ధర్మపురి జిల్లా లో ఉన్నది.[1][2][3][4][5][6][7][8][9] ఇది బెంగుళూరు నుండి 180 కిలోమీటర్లు మరియు ధర్మపురి నుండి 46 కిలోమీటర్లు దూరంలో ఉన్నది.[10] దీనినే "భారతీయ నయాగరా జలపాతం" (Niagara of India) అని పిలుస్తారు.[11] కార్బొనటైట్ (Carbonatite) రాళ్ళు దక్షిణాసియాలొను మరియు ప్రపంచంలోనే పురాతనమైనవిగా భావిస్తారు.[12]

ఆకాశం నుండి దూకుతున్నట్లుండే జలపాతం...చూపరులకు కళ్ళు చేదిరనట్లనిపించడం దీని ప్రత్యేకత... ఆధునిక ప్రపంచానికి సుదూరంగా ఉండే హోగెనక్కల్‌ సహజత్వానికి చేరువగా ఉంటుంది. పర్యాటకులకు అమితానందాన్నిచ్చే అనుభూతుల నిలయం. హోగెనక్కల్‌కు హైవే నుండి నాలుగు కిలోమీటర్లు లోపలకు వెళ్ళాలి. దాదాపు దగ్గరకు వెళ్ళేవరకు ఆనవాలు కూడా కనిపించదు. జలపాతానికి కిలోమీటర్‌ దూరంనుండే ఝుమ్మనే శబ్ధం వినిపిస్తుంది. ఆ శబ్ధం ఎత్తు నుండి జాలువారుతున్న నీటి సందడిదే. ముందుకెళ్ళే కొద్దీ శబ్ధం ఎక్కువవుతుంది.

వ్యుత్పత్తి[మార్చు]

జలపాతం నీరు రాళ్ళమీద పడినప్పుడు లేచిన నీటి తుంపర్లు పొగలాగా కనిపిస్తుంది. కన్నడంలో 'హొగె' అనగా పొగ మరియు 'కల్' అనగా రాయి కలిపి 'హొగెనక్కల్' అనగా పొగలు చిమ్మే రాయి.[13]

కావేరీ నది[మార్చు]

కావేరీ నది కర్ణాటక లోని బ్రహ్మగిరి కొండలలో తలకావేరి వద్ద జన్మించి తూర్పు దిక్కుగా పయనిస్తుంది. కొండ వాలులో ప్రవాహవేగం పెరిగి పిల్లకాలవలను కలుపుకుంటూ ముందుకు సాగుతుంది.[1] హొగెనక్కల్ చేరేసరికి కావేరీ నది చాలా విశాలంగా తయారై కొండ చరియల మీద పడుతూ చాలా జలపాతాల్ని తయారుచేస్తుంది. వీటిలో కొన్ని సుమారు 20 మీటర్లు ఎత్తుంటాయి. జలపాతం దాటిన వెంటనే నదీజలాలు దక్షిణంగా ప్రవహించి మెట్టూరు ఆనకట్ట (Mettur Dam) ద్వారా ఏర్పడిన స్టాన్లీ జలాశయం (Stanley Reservoir) లో ప్రవేశిస్తాయి. ఈ జలాశయం సుమారు 60 చ.మైళ్లు విస్తీర్ణంలో విస్తరించింది. 1934 సంవత్సరంలో నిర్మించబడిన ఈ ఆనకట్ట ద్వారా జల విద్యుత్తు మరియు పంట పొలాలకు నీరు అందిస్తుంది.[14]

వాతావరణం[మార్చు]

ఈ జలపాతాన్ని సందర్శించడానికి వర్షాకాలం తర్వాత నదీజలాలు నిండుగా ప్రవహిస్తున్నప్పుడు సరైన సమయం. ఇక్కడి ఉష్ణోగ్రత వేసవిలో Max 34 Degree Celsius నుండి Min 23 Degree Celsius గా మరియు చలికాలంలో Max 27 Degree Celsius నుండి Min 13 Degree మధ్యలో ఉంటుంది.[15].

స్నానం[మార్చు]

ఈ జలపాతం పరిసరాలలో ప్రత్యేకంగా నిర్మించిన స్నానఘట్టాలున్నాయి. కొన్ని మైళ్ళు విస్తరించిన నదీజలాలు అడవుల గుండా ప్రయాణించి ఎన్నో ఔషధ గుణాలున్న చెట్లను తాకుతూ ప్రవహిస్తాయి. అందువలన ఈ నీటిలో స్నానం ఆరోగ్యానికి ఎంతో మంచిదని భావిస్తారు.[16]. చుట్టూ ఉండే కొండలు అతి సుందరంగా కనిపిస్తాయి.

బోట్ షికారు[మార్చు]

Gorge of Hogenakkal Falls during the dry-season

జలపాతం అందాలు చూడడానికి ఇక్కడ సుమారు 400 తెప్పలున్నాయి. నీటి ప్రవాహం తక్కువగా ఉండే వేసవి కాలంలో మాత్రమే వీటిని అనుమతిస్తారు. ఇవి తమిళనాడు మరియు కర్ణాటక కు చెందిన రెండు వైపులా కూడా కనిపిస్తాయి.[17] ఒక్కొక్క తెప్ప సుమారు రెండున్నర మీటర్లు వ్యాసం కలిగి ఎనిమిది మందిని తీసుకొని పోగలదు.[18] ఇవి వెదురుతో తయారుచేసి తడిసిపొకుండా జంతుచర్మం లేదా ప్లాస్టిక్ తో కప్పుతారు.[19] ఈ తెప్పల్ని ఒకే తెడ్డుతో సులువుగా నడుపుతారు.[20]

అప్పుడే పట్టిన చేపలతో నోరూరించే ఆహార పదార్ధాలు అక్కడే నీటి ఒడ్డున అమ్ముతూ చాలామంది కనిపిస్తారు.

హొగెనక్కల్ నీటి సరఫరా పధకం[మార్చు]

హొగెనక్కల్ జలపాతం వద్ద తమిళనాడు ప్రభుత్వం త్రాగునీటి పధకాన్ని ప్రారంభించింది.[21] దీని ముఖ్య ఉద్దేశం ధర్మపురి మరియు కృష్ణగిరి జిల్లాలకు త్రాగునీరు సరఫరా చేయడం.[22] దీనికి జపాన్ బ్యాంకు ఆర్ధిక సహాయం అందిస్తుంది.[23]

ఎన్నో జలపాతాలు[మార్చు]

అక్కడ ఒకటి, రెండు కాదు, లెక్కపెట్టలేనన్ని జలపాతాలు ఉన్నాయి. 250 మీటర్ల ఎత్తు నుండి భూమి మీదకు దూకుతుంటాయి. వర్షపు నీరు కొండ వాలులో ప్రయాణించి హోగెనక్కల్‌ దగ్గర నదిలో కలుస్తుంది. ఈ వాటర్‌ ఫాల్‌‌స నీరు కావేరి డ్యాం బ్యాక్‌ వాటర్‌‌స. అంతెత్తు నుండి కిందకు దూకే క్రమంలో నీటి తుంపరలు 20 మీటర్ల ఎత్తు లేస్తాయి. ఈ తుంపరలన్నీ కలిసి పొగ కప్పేసినట్టు ఉంటుంది. హోగెనక్కల్‌ అంటే అర్థం కూడా ఇదే. మంచు తుంపరల నుండి వచ్చే శబ్ధం అని. ఇక్కడ ఉన్న రెండు కొండలను చూస్తే ఒక కొండ మధ్యకు నిలువునా చీలినట్లు ఉంటుంది. ఆ చీలికలోనే ప్రవాహం. ఆ ప్రవాహంలో పడవ ప్రయాణం గొప్ప థ్రిల్లింగ్‌ ఇచ్చే సాహసం.

నీటిలో ఔషద గుణాలు[మార్చు]

హోగేనక్కల్‌ ఆరోగ్యపరంగా కూడా ప్రాధాన్యం సంతరించుకుంది. ఈ నీటిలో స్నానం చేస్తే చర్మ వ్యాధులు పోతాయంటారు. ఈ ప్రదేశం మసాజ్‌కు ప్రసిద్ధి. ఆయుర్వేద తైలాలతో మర్దన చేస్తారు. ఇక్కడి వాళ్లకు ఇది కుటీర పరిశ్రమ. హోగెనక్కల్‌ ట్రిప్‌లో మర్చిపోకుండా రుచి చూడాల్సింది ఒకటుంది. నదిలో చేపలు పట్టి అక్కడే కాల్చి ఇస్తారు. ఆ రుచి మరెక్కడి చేపకూ రాదు. అరుదైన ప్రకృతి సోయగాలను సొంతం చేసుకున్న ఈ ప్రదేశంలో ఎంత సేపు ఉన్నా ఇంకా ఉండాలనే అనిపిస్తూ ఉంటుంది.

నయాగారా ఆఫ్‌ ఇండియా[మార్చు]

హోగేనక్కల్‌ జలపాతాలు బెంగళూరు నుండి 180 కి.మీ ల దూరంలో తమిళనాడు ధర్మపురి జిల్లాలో కావేరి నది మీద ఉంది. దీనిని `నయాగరా ఫాల్స్ ఆఫ్‌ ఇండియా' అని కూడా పిలుస్తారు. ఈ జలపాతాల నీటిలో ఔషధ గుణాలు ఉన్నాయి మరియు ప్రత్యేక బోటు రైడ్‌‌స కి ప్రాచుర్యం సంతరించుకున్నది. ఈ ప్రాంతంలో కనిపించే కార్బోనేట్‌ శిలలు ఆసియా లోనే కాదు, ప్రపంచంలోకల్లా అతిపురాతనమైనవని భావిస్తారు.

సాహస క్రీడలకు...[మార్చు]

వేసవికాలంలో, ఈ జలపాతాల నీరు బలమైన ప్రవాహాలు లేని సమయంలో, ప్రత్యేక కొరాకిల్‌‌స (రౌండ్‌ పడవలు) ప్రయాణించేందుకు ప్రయాణికులు తీసుకుంటారు. అప్పుడే పట్టుకున్న తాజా చేపలను కొరాకిల్‌‌స లో కొనుక్కోవొచ్చు. ఇక్కడ త్రాగే నీటి పాకెట్లను మరియు స్నాక్స్ ను, ఇంకా అనేక రకాల వస్తువులను అమ్ముతుంటారు. ఇక్కడ అప్పుడే పట్టుకున్న తాజా చేపలను కొనుక్కొని వంటకం తయారు చేసుకుంటారు. కావేరి తుంగభద్ర నదులలో సాహసంతో కూడిన అత్యధిక ఆనందాన్ని ఇచ్చే క్రీడగా వుంటుంది. దక్షిణ భారత దేశంలో నేడు ఈ తెప్పల విహారం ఒక ప్రసిద్ధి చెందిన సాహస క్రీడ అయినప్పటికీ, ఇది పురాతన కాలం నాటి ఒక ప్రయాణ సాధనం. నీటిపై సాహస క్రీడలకు ఆసక్తి కల పర్యాటకులకు ఈ తెప్పల విహారం ఆనందానిస్తుంది.

తెప్ప విహారం ప్రత్యేకం[మార్చు]

ఇది ఒక విహారమే కాక, ఒక రవాణా సాధనంగా కూడా వుంటుంది. ఈ తెప్ప విహారం కావేరి మరియు తుంగభద్రా నదులలో అధికంగా కనపడుతుంది. తెప్ప అంటే, వెదురు బద్దలతో తయారు చేయబడిన ఒక చిన్న బోటుగా అంచులు కొంత వరకు మూయబడి వుంటుంది. నీరు లోనికి రాకుండా, జంతువుల చర్మం లేదా ప్లాస్టిక్‌ షీట్‌ వంటివి కింద వేస్తారు. తెప్పను నదులలో చేపలు పట్టేందుకు కూడా వాడతారు. హోగె నక్కల్‌ జలపాతాలు ఎంతో ఆనందకరమైన ఈ తెప్ప విహారం తమిళనాడు లోని హోగె నక్కల్‌ లో బాగా కనపడుతుంది. పురాతనమైన ఈ బోట్లు జలపాతాల నీటిలో వేగంగా ప్రయాణిస్తాయి. ఈ ప్రయాణం కొద్దిపాటి భయం కలిగించి నప్పటికీ, సాహస వంతులకు ఆనందాన్ని ఇస్తుంది

వర్షాకాలంలో మరింత ఉత్సాహంగా...[మార్చు]

హోగె నక్కల్‌ లోని ఆనందకరమైన ఈ తెప్ప సాహస క్రీడ వర్షాకాలంలో మరింత ఆనందాన్ని ఇస్తుంది. తుంగభద్ర నది దక్షిణాదిన మీరు కర్నాటకలోని హంపి పట్టణం సందర్శించినపుడు, అక్కడ కల తుంగభద్ర నదిలో కూడా ఈ తెప్ప ప్రయాణం చేయవచ్చు. తెప్ప నదిలో ప్రయాణిస్తుంటే, హంపి శిధిలాలను చూడవచ్చు. అలల తాకిడి ఎక్కువగా వున్న చోట ఈ తెప్ప ప్రయాణం మరింత ఆనందం కలిగిస్తుంది. ఈ ప్రయాణంలోనే అక్కడ మరి కొన్ని ప్రదేశాలు, హోటళ్ళు, రెస్టరెంట్లు చూడవచ్చు. కావేరి నది కావేరి నదిలో తెప్ప ప్రయాణం ఎంతో ఆహ్లాదకరంగా వుంటుంది. కావేరి నది, కర్నాటకలోని కొడగు వద్ద పుట్టి, తమిళనాడు రాష్ట్రం గుండా ప్రయాణించి చివరకు బంగాళాఖాతంలో కలుస్తుంది.

మూలాలు[మార్చు]

  1. 1.0 1.1 ARTICLE 262 AND INTER-STATE DISPUTES RELATING TO WATER Ministry of Law, Government of India
  2. "Taluk Information". Tnmaps.tn.nic.in. సంగ్రహించిన తేదీ 2008-11-07. 
  3. Karnataka State Tourism development Corporation
  4. http://www.tnpolice.gov.in/station_details.php?code=2958730&desc=HOGENAKKAL
  5. "National Portal of India : Know India : State and UTs". India.gov.in. సంగ్రహించిన తేదీ 2008-11-07. 
  6. http://64.233.183.104/search?q=cache:BYaG44LACWcJ:www.mrcindia.org/annual-rep/2005/IDVC%2520Highlights.pdf+hogenekkal+flood&hl=ru&ct=clnk&cd=10&gl=ru&client=firefox-a
  7. http://web.archive.org/web/20090409235808/http://www.tnenvis.nic.in/DtProfiles/dharmapuri.pdf
  8. http://archive.is/20120712223706/www.tn.gov.in/spc/annualplan/ap2004-05/ch11_4.pdf
  9. Dharmapuri district Tamil Nadu Tourism development corporation
  10. location well cited ...
  11. "Hogenakkal row: Time to show restraint - National News – News – MSN India - News". News.in.msn.com. సంగ్రహించిన తేదీ 2008-11-07. 
  12. "2.0 Ga old pyroxenite-carbonatite complex of Hogenakal, Tamil Nadu, South India". Cat.inist.fr. సంగ్రహించిన తేదీ 2008-11-07. 
  13. "Dharmapuri district - places of interest". tamilnadutorism.org. సంగ్రహించిన తేదీ 2006-11-11. 
  14. "Cauvery River in Southern India". cauvery.com. సంగ్రహించిన తేదీ 2006-11-11. 
  15. http://www.hogenakkal.com/services.html
  16. http://www.hogenakkal.com/
  17. Boats of South Asia- by Sean McGrail el al.,
  18. The Hindu - Row, row, row your boat
  19. Hide boats at Hogenakal on the river Kaveri, Tamil Nadu- by C Palmer et al.
  20. Hogenakkal falls
  21. The Hindu - The 1998 story of Hogenakkal
  22. Times of India - Hogenakkal project: Water of hope
  23. Business Line - Japan Bank agrees to fund Hogenakkal water project

బయటి లింకులు[మార్చు]