అపర్ణా సేన్

అపర్ణా సేన్
అపర్ణా సేన్
অপর্ণা সেন
	38వ అంతర్జాతీయ కలకత్తా బుక్ ఫెయిర్‌లో అపర్ణ (2014)
జననం	అపర్ణా దాస్‌గుప్తా; 1945 అక్టోబరు 25 (వయసు 79); కోల్‌కాతా, Bengal Presidency, British India
వృత్తి	నటి, దర్శకురాలు, స్క్రిప్ట్ రచయిత

అపర్ణా సేన్ (జననం 1945 అక్టోబరు 25) ఒక భారతీయ సినిమా దర్శకురాలు, సినీ రచయిత్రి, నటీమణి. ఈమె బెంగాలీ చిత్రాల ద్వారా ప్రసిద్ధి చెందింది. ఈమె 1960-80 దశకాలలో కథానాయికగా అనేక సినిమాలలో నటించింది. ఈమె ఖాతాలో 3 జాతీయ చలనచిత్ర పురస్కారాలు, 9 అంతర్జాతీయ చలనచిత్ర పురస్కారాలు, 9 బెంగాల్ ఫిలిం జర్నలిస్ట్స్ అసోసియేషన్ అవార్డులు చేరాయి. భారత ప్రభుత్వం 1987లో పద్మశ్రీ పురస్కారంతో సత్కరించింది.

జీవితవిశేషాలు

ఈమె ప్రస్తుతం బంగ్లాదేశ్‌లో ఉన్న జెస్సూర్ జిల్లాలో ఒక బెంగాలీ కుటుంబంలో జన్మించింది. ఈమె తండ్రి చిదానంద దాస్‌గుప్తా ఒక అనుభవజ్ఞుడైన సినీ విమర్శకుడు, చలనచిత్ర దర్శకుడు. తల్లి సుప్రియా దాస్‌గుప్తా ప్రముఖ కాస్ట్యూమ్‌ డిజైనర్. ఆమె 1995లో తన 73వ యేట ఆమోదిని అనే చిత్రానికి ఉత్తమ కాస్ట్యూమ్‌ డిజైనర్‌గా జాతీయచలనచిత్ర పురస్కారాన్ని అందుకుంది. అపర్ణ బాల్యం హజరీబాగ్‌లోను, కోల్‌కాతాలోను జరిగింది. ఈమె కోల్‌కాతాలోని బాలికల మోడల్ హైస్కూలులో ప్రాథమిక విద్య చదివింది. ఈమె ప్రెసిడెన్సీ కాలేజీ నుండి ఇంగ్లీషులో బి.ఎ. పట్టాపుచ్చుకుంది.

నటనా జీవితం

ఈమె ప్రెసిడెన్సీ కాలేజీలో చదివే రోజులలో తన 15వ యేట సినిమా రంగ ప్రవేశం చేసింది. తన తండ్రికి స్నేహితుడైన సత్యజిత్ రే దర్శకత్వంలో 1961లో వెలువడిన "తీన్ కన్య" అనే చిత్రంలో మృణ్మయి పాత్రను ధరించింది. తరువాతి కాలంలో సత్యజిత్‌రే దర్శకత్వంలో అనేక సినిమాలు చేసింది.

1965లో మృణాల్ సేన్ చిత్రం "ఆకాశ్ కుసుమ్‌"లో నటించింది. అప్పటి నుండి 1970వ దశకం చివరిదాకా నిలకడగా అనేక బెంగాలీ చిత్రాలలో నటించింది. ఈ సమయంలో "ఇమాన్ ధరమ్" వంటి కొన్ని హిందీ చిత్రాలలో కూడా నటించింది. 1969లో "ది గురు" అనే ఆంగ్ల చిత్రంలో కూడా నటించింది. ఈమె అమితాబ్ బచ్చన్, శశికపూర్, సంజీవ్ కుమార్ వంటి హిందీ నటుల సరసన, సౌమిత్ర చటర్జీ, ఉత్తం కుమార్, రాహుల్ బోస్ వంటి బెంగాలీ హీరోల సరసన నటించింది.

2009లో ఈమె నటించిన అంతహీన్ అనే బెంగాలీ చిత్రానికి నాలుగు జాతీయ చలనచిత్ర పురస్కారాలు దక్కాయి.^[1]

దర్శకత్వం

ఈమె 1981లో "36 చౌరంగీ లేన్" చిత్రం ద్వారా దర్శకురాలిగా మారింది. ఆ చిత్రానికి ఈమే స్క్రీన్ ప్లే సమకూర్చింది. కలకత్తాలో నివసించే ఒక ముసలి ఆంగ్లో ఇండియన్ ఉపాధ్యాయుడి కథ అది. ఈ చిత్రానికి ఉత్తమ దర్శకురాలిగా జాతీయ చలనచిత్ర పురస్కారం ఈమె అందుకుంది. అంతే కాక మనీలాలో జరిగిన అంతర్జాతీయ చలనచిత్రోత్సవంలో ఈ చిత్రం "గోల్డన్ ఈగల్" అవార్డును గెలుచుకుంది. ఈ చిత్రం తరువాత ఈమె "పరోమా" (1984), "సతి" (1989), "పరోమితర్ ఏక్ దిన్" (2000), "మిస్టర్ అండ్ మిసెస్ అయ్యర్" (2002), "15, పార్క్ అవెన్యూ", "ది జపనీస్ వైఫ్" (2010), "ఇతి మృణాళిని" (2011), "గొయ్నర్ బక్షొ" (2013), "ఆర్షి నగర్" (2015) వంటి చిత్రాలకు దర్శకత్వం వహించింది.

వ్యక్తిగత జీవితం

ఈమె మూడు పర్యాయాలు వివాహం చేసుకుంది. ఈమె చిన్నవయసులోనే సంజయ్ సేన్‌తో వివాహం జరిగింది. రచయిత, జర్నలిస్టు ముకుల్ శర్మ ఈమె రెండవ భర్త. అతనితో విడాకులు తీసుకున్న తరువాత అమెరికాలోని ప్రొఫెసర్ కళ్యాణ్ రేని వివాహం చేసుకుంది. ఈమెకు కమలిని, కొంకణా సేన్ అనే ఇద్దరు కుమార్తెలు. "*కొంకణా సేన్ శర్మ" సినిమా నటిగా పేరుగడించింది.

ఇతర విజయాలు

2008లో ఈమె ఆసియా పసిఫిక్ స్క్రీన్ అవార్డులకు ఇంటర్నేషనల్ జూరీగా ఎంపికయ్యింది.
ఈమె 1986 - 2005 మధ్యలో ఆనంద బజార్ పత్రిక గ్రూపుకు చెందిన "సనంద" అనే మహిళా పక్షపత్రికకు సంపాదకురాలిగా వ్యవహరించింది.
2005-2006లలో "కోల్‌కతా టివి"కి క్రియేటివ్ డైరెక్టర్‌గా పనిచేసింది.
2011 -2013ల మధ్య "పరోమా" పక్షపత్రికకు ఎడిటర్‌గా ఉంది.^[2] ఈ పత్రిక మూత పడ్డ తరువాత ఈమె "ప్రథమ ఏకో" అనే పత్రికను కొంతకాలం నడిపింది.^[3]

చిత్రాలు

నటిగా

సంవత్సరం	సినిమా	పాత్ర	ఇతర వివరలు
1955	మెజొ బవు
1961	తీన్ కన్య]	మృణ్మయి	సంపాతి విభాగం
1965	ఆకాశ్ కుసుమ్	మోనికా
1965	బక్సా బాదల్	మిను
1968	హంగ్స - మిథున్
1969	విశ్వాస్
	ది గురు	గజాలా
	అపరాజితొ	సునీత
1970	పద్మగోలప్
	అరణ్యేర్ దిన్ రాత్రి	హరి మాజీ ప్రియురాలు
	కళంకిత నాయక్
	బాంబే టాకీ	మాలా
1971	ఖుంజె బెరాయ్
	ఏఖోని
	ఏఖ్‌నే పింజర్
	జయ్ జయంతి	జయంతి
1972	నాయికర్ భూమికై
	జీబన్ సైకతె
	మేమ్‌ సాహెబ్
1973	ఆలీబాబా	మార్జినా
	శేష్ ప్రిస్తే దేఖున్
	ఈపార్ ఓపార్
	బిలెట్ ఫెరట్
	నకల్ సోనా
	సోనార్ ఖాంచా
	క్యా హినెర్ కహిని
	బసంత్ బిలాప్	అనూరాధ
	రతెర్ రజినీగంధా
1974	సుజాత
	జాదు బాద్షా
	అసతి
	అలోర్ ఠికానా
	సగినా	సెక్రెటరీ విశాఖాదేవి
1975	కాజల్లత
	ఛుట్టిర్ పండె
	రాగ్ అనురాగ్
	నిశిర్ మృగయ
1976	జన అరణ్య	సోమనాథ్ మాజీ ప్రియురాలు
	అసమయ్
	జానేమన్
	నిధిరామ్‌ సర్దార్
1977	ఇమ్మాన్ ధరం	శ్యామ్లీ
	అజస్ర ధన్యబాద్
	కొత్వాల్ సాబ్
	Proxy
1978	హల్లాబలూ ఓవర్ జార్జీ అండ్ బోనీ'స్ పిక్చర్స్	బోనీ
1979	నౌకాడుబి	కమల
1981	థీ	అనిత
1981	"బందీ బాలక"
1982	బిజోయిని
1982	అమృత కుంభెర్ సంధనె
1983	Bishabriksha	Suryamukhi
	Abhinoy Noy
	Arpita
	Indira	Indira
1984	Paroma	Sheela
	"Pikoo"
	"Mohanar Dike"
1985	Neelkantha
1986	Shyam Saheb
1987	Debika
	"Ekanta Apan"
	"Jar Jey Priyo"
1989	Kari Diye Kinlam
1990	ఏక్‌ దిన్ అచానక్	Professor's student
1990	"సంక్రాంతి"
1991	"మహాపృథివి"	కోడలు
1992	శ్వేత్ పథరర్ తాళ	బందన
1992	అనన్య
1995	"ఆమోదిని"
1996	ఉనీషే ఏప్రిల్	సరోజిని
1996	అభిషప్త ప్రేమ్
2000	పరొమితర్ ఏక్ దిన్	సనక
2000	ఘాత్	సుమన్ పాండే
2002	టిటిలి	ఊర్మిళ
2009	అంతహీన్	పరొమిత
2011	ఇతి మృణాళిని	మృణాళినీ మిత్రా
2014	చొతుష్కోణ	తృణా సేన్

రచయిత్రి, దర్శకురాలిగా

సంవత్సరం	సినిమా	భాష (లు)	వివరాలు
1981	36, చౌరంగీ లేన్	బెంగాలీ, ఇంగ్లీషు	ఉత్తమ దర్శకురాలిగా జాతీయ చలనచిత్ర పురస్కారం ఉత్తమ ఆంగ్లభాషా చిత్రంగా జాతీయ చలనచిత్ర పురస్కారం
1984	పరోమా	బెంగాలీ	ఉత్తమ దర్శకురాలిగా BFJA అవార్డ్.
1989	సతి	బెంగాలీ
1995	యుగాంత్	బెంగాలీ	ఉత్తమ బెంగాలీ చిత్రంగా జాతీయ పురస్కారం
2000	పరోమితర్ కీ ఏక్ దిన్	బెంగాలీ	ఉత్తమ బెంగాలీ చిత్రంగా జాతీయ పురస్కారం, ఉత్తమ దర్శకురాలిగా కళాకార్ అవార్డ్
2001	మిస్టర్ అండ్ మిసెస్ అయ్యర్	ఇంగ్లీషు	ఉత్తమ దర్శకురాలిగా జాతీయ చలనచిత్ర పురస్కారం ఉత్తమ జాతీయ సమైక్యత చిత్రంగా నర్గీస్ దత్ పురస్కారం ఉత్తమ స్క్రీన్ ప్లేకి జాతీయ పురస్కారం
2005	15 పార్క్ ఎవెన్యు	ఇంగ్లీష్	ఉత్తమ ఆంగ్లభాషా చిత్రంగా జాతీయ చలనచిత్ర పురస్కారం
2010	ది జపనీస్ వైఫ్	ఇంగ్లీషు, బెంగాలీ, జపనీస్
2011	ఇతి మృణాళిని	బెంగాలీ	ఉత్తమ దర్శకురాలిగా కళాకార్ అవార్డు
2013	గొయ్నార్ బక్షొ	బెంగాలీ
2015	ఆర్షి నగర్	బెంగాలీ	Released: 25 December 2015
2017	సొనాటా	ఇంగ్లీషు, హిందీ	విడుదల కావలసి ఉంది

అవార్డులు

"పద్మశ్రీ"-భారతదేశపు నాలుగవ అత్యున్నత పౌర పురస్కారం - 1987
బెంగాల్ ఫిలిం జర్నలిస్ట్స్ అసోసియేషన్ (BFJA) అవార్డ్-అపరాజితొ చిత్రానికి ఉత్తమ నటి అవార్డ్ 1970.
BFJA అవార్డ్-సుజాత చిత్రానికి ఉత్తమ నటి అవార్డ్ 1975.
BFJA అవార్డ్-ఏకంతొ అపన్ చిత్రానికి ఉత్తమ నటి అవార్డ్ 1988.
BFJA అవార్డ్-శ్వేత్ పథరెర్ తాళ చిత్రానికి ఉత్తమ నటి అవార్డ్ 1993.
BFJA అవార్డ్-పరమితర్ ఏక్ దిన్చిత్రానికి ఉత్తమ నటి అవార్డ్ 2001.
BFJA అవార్డ్-మహా ప్రిథిబి చిత్రానికి ఉత్తమ నటి అవార్డ్ 1992.
BFJA అవార్డ్-అభిశప్త ప్రేం చిత్రానికి ఉత్తమ నటి అవార్డ్ 1997.
BFJA అవార్డ్-జీవన సాఫల్య పురస్కారం 2013.
ఆనందలోక్ అవార్డ్- ఉత్తమ నటి 2001.
ఆనందలోక్ అవార్డ్-టిట్లీ చిత్రానికి ఉత్తమ నటి అవార్డ్ 2002.
కళాకార్ అవార్డ్-భలో కరబ్ మేయే నాటకంలో ఉత్తమ రంగస్థల నటి పురస్కారం 1993.
ఆనందలోక్ అవార్డ్-ఇతి మృణాళిని చిత్రానికి ఉత్తమ దర్శకురాలు 2012.
దక్షిణాసియా చలనచిత్రోత్సవం, వాషింగ్‌టన్ డిసి - జీవన సాఫల్య పురస్కారం 2015.

మూలాలు

↑ "Bollywood wins big at National Film Awards". Reuters India. 23 January 2010. Archived from the original on 26 January 2010. Retrieved 2 February 2010.
↑ "Paroma, the fortnightly magazine of Saradha launched by CM". Events at Saradha Realty. Archived from the original on 4 ఏప్రిల్ 2016. Retrieved 1 May 2017.
↑ Sengupta, Reshmi (21 August 2014). "Why I did not quit". The Telegraph. Retrieved 3 May 2017.

బయటి లింకులు

[1] "Bollywood wins big at National Film Awards". Reuters India. 23 January 2010. Archived from the original on 26 January 2010. Retrieved 2 February 2010.

[2] "Paroma, the fortnightly magazine of Saradha launched by CM". Events at Saradha Realty. Archived from the original on 4 ఏప్రిల్ 2016. Retrieved 1 May 2017.

[telegraph-3] Sengupta, Reshmi (21 August 2014). "Why I did not quit". The Telegraph. Retrieved 3 May 2017.

[1]

[2]

[3]