అవుటాఫ్ కవరేజ్ ఏరియా
Jump to navigation
Jump to search
| అవుటాఫ్ కవరేజ్ ఏరియా | |
| కృతికర్త: | పసునూరి రవీందర్ |
|---|---|
| బొమ్మలు: | అక్బర్ |
| ముఖచిత్ర కళాకారుడు: | ఎం.ఎఫ్. హుసేన్ |
| దేశం: | భారత దేశము |
| భాష: | తెలుగు |
| ప్రక్రియ: | కథాసంపుటి |
| ప్రచురణ: | ఇండస్ పబ్లికేషన్స్ |
| విడుదల: | ఆగష్టు, 2014 |
| పేజీలు: | 182 |
| ఐ.ఎస్.బి.ఎన్(ISBN): | 978-93-5174-897-7 |
అవుటాఫ్ కవరేజ్ ఏరియా కథల సంపుటాన్ని పసునూరి రవీందర్ రచించాడు. ఈ కథలలో తెలంగాణ ప్రాంతానికి చెందిన దళితుల జీవనాన్ని చిత్రించాడు. రచయిత ఈ గ్రంథాన్ని తన తల్లిదండ్రులైన వరవ్వ, వీరస్వామిలకు, ప్రాణస్నేహితుడైన తెల్లం కృష్ణమోహన్‌కు అంకితం ఇచ్చాడు.
రచయిత గురించి
[మార్చు]పసునూరి రవీందర్ వరంగల్‌ జిల్లా శివనగర్‌ ప్రాంతంలో 1980వ సంవత్సరం జనవరి 8న జన్మించాడు. హైదరాబాద్‌ సెంట్రల్‌ యూనివర్సిటీలో "ప్రపంచీకరణ నేపథ్యంలో తెలుగు సాహిత్యం -విమర్శ"అనే అంశం మీద ఎంఫిల్‌, "తెలంగాణ గేయసాహిత్యం-ప్రాదేశిక విమర్శ"అనే అంశంపై పి.హెచ్‌డీ చేశాడు. ఇతడు రాసిన వ్యాసాలు పలు దిన, వార పత్రికల్లో అచ్చయ్యాయి. 'దస్కత్'తెలంగాణ కథా వేదికకు కన్వీనర్‌గా పనిచేసాడు.
కథలు
[మార్చు]ఈ పుస్తకంలో 15 కథలు ఉన్నాయి. వీటిలో మూడవ కథ "అవుటాఫ్ కవరేజ్ ఏరియా"ను ఈ పుస్తకానికి శీర్షికగా రచయిత ఎన్నుకున్నాడు. ఈ పుస్తకంలోని కథలు వరుసగా:
- వేరెవర్ యూ గో
- గోవర్ణం
- అవుటాఫ్ కవరేజ్ ఏరియా[1]
- ఊగి... ఊగి... ఉయ్యాల
- మేరా నంబర్ కబ్ ఆయేగా ..?
- అన్నీ తానై...
- జాగీరు
- ఒడుపు
- పొద్దయ్యింది
- ఫరెవర్...
- పెంజీకటి
- దేవుని మీద మన్నుబొయ్య..!!
- సంపుడుపంజెం
- నిచ్చెనమెట్లు
- తురుంఖాన్
పురస్కారాలు
[మార్చు]- కేంద్ర సాహిత్య అకాడమీ వారి యువపురస్కారం ఈ గ్రంథానికి గాను పసునూరి రవీందర్కు 2015లో లభించింది.
ప్రముఖుల అభిప్రాయాలు
[మార్చు]- రవీందర్ కథల్లో చాలా మటుకు కులం ముఖ్యమైన విషయంగా మారడంలో ఆశ్చర్యమేమి లేదు. పది నిజాల కంటే ఒక అబద్ధం ఆగ్రహాన్ని తెప్పిస్తుంది.పైగా, ఆ అబద్దం ఆ పది నిజాల్ని కప్పిపుచ్చేది అయితే కోపం ఇంకా కట్టలు తెంచుకుంటుంది. రవీందర్ కథల్లో ఈ సామాజిక అధర్మం మీద, ధర్మాగ్రహం ఎక్కువగా కనిపిస్తుంది. - అఫ్సర్.
- ఈ కథలు దళిత జీవితం పట్ల సామాన్యుని అవగాహనను విశాలం చేస్తాయి. ఆధిపత్యం ప్రదర్శించేవాళ్లను సిగ్గుపడేటట్టు చేస్తాయి. ఈ సమాజాన్ని, దళిత జీవితాన్ని ఉన్నతీకరించడానికి చేతులు కలుపమని కర్తవ్యాన్ని బోధిస్తాయి. - పిల్లలమర్రి రాములు