ఇష్టం (సినిమా)

ఇష్టం
చిత్ర ప్రచార పత్రిక
దర్శకత్వం	విక్రమ్ కుమార్ & రాజ్ కుమార్
నిర్మాత	రామోజీరావు
తారాగణం	చరణ్ శ్రియా సరన్ పూనం ధిల్లాన్ చంద్రమోహన్
ఛాయాగ్రహణం	వి. శ్రీనివాసరెడ్డి
కూర్పు	నందమూరి హరి
సంగీతం	డి.జి. గోపీనాధ్ (పరిచయం)
నిర్మాణ సంస్థ	ఉషాకిరణ్ మూవీస్
విడుదల తేదీ	30 డిసెంబరు 2001
భాష	తెలుగు

ఇష్టం 2001 లో విడుదలైన తెలుగు సినిమా. ప్రముఖ నటి శ్రియా సరన్ ఈ చిత్రం ద్వారా తెలుగు సినీరంగంలో ప్రవేశించింది. ఈ చిత్ర సంగీతం విజయవంతమైనది. ఈ చిత్ర కథానాయకుడు చరణ్ కి ఇదే మొదటి, ఆఖరి చిత్రం. 2012 మార్చిలో అతడు తీవ్రమైన గుండెపోటుతో మరణించాడు.

కథ

కార్తీక్ (చరభ్ ) ధనవంతుల కుటుంబానికి చెందిన అబ్బాయి. అతడికి చదువు పట్ల శ్రద్ధ ఉండదు. నేహా (శ్రియ), సుబ్బు (చంద్రమోహన్) కుమార్తె. ఈమె చిన్నతనంలోనే తల్లి చనిపోతుంది. కాలేజీలో కార్తీక్ శ్రియకు సీనియర్. ఈమెను బాగా ఏడిపిస్తుంటాడు. అనుకోకుండా కార్తీక్ వాళ్ళామ్మ లక్ష్మి (పూనం థిల్లాన్) ఒక ప్రమాదంలో చిక్కుకుని గాయపడితే, నేహా ఆమెను రక్షించి ఆసుపత్రిలో చేర్పిస్తుంది. తర్వాత ఈ క్రమంలో నేహా, లక్ష్మి ఇద్దరూ మంచి స్నేహితులౌతారు. ఈ క్రమంలో నేహా కార్తీక్ తో ప్రేమలో పడుతుంది. తన కుమార్తె నేహాని లక్ష్మి కుమారుడికి ఇచ్చి పెళ్ళి చేయాలని తలంచిన సుబ్బు, అదే విషయాన్ని లక్ష్మిని అడుగుతాడు. ఆమె ఆశ్చర్యకరంగా ఈ ప్రతిపాదనని తిరస్కరిస్తుంది. ఎందుకన్నది మిగిలిన కథ.

తారాగణం

• చరణ్
• శ్రియా సరన్
• పూనం థిల్లాన్
• చంద్రమోహన్
• శరత్ బాబు
• నవీన్
• శ్రవణ్
• ఖయ్యూం
• కిరణ్
• ధర్మేంద్ర
• శ్రీనివాసరెడ్డి
• సుధ
• దీప్తి
• శిరీష
• ఢిల్లీ రాజేశ్వరి
• సరస్వతమ్మ

సాంకేతికవర్గం

• సాహిత్యం - వరికుప్పల యాదగిరి