కదిరి బాబూరావు
కదిరి బాబు రావు | |
|---|---|
 2016లో రావు | |
| ఆంధ్ర ప్రదేశ్ శాసనసభ సభ్యుడు | |
| In office 2014–2019 | |
| అంతకు ముందు వారు | ముక్కు ఉగ్ర నరసింహ రెడ్డి |
| తరువాత వారు | బుర్ర మధుసూదన్ యాదవ్ |
| నియోజకవర్గం | కనిగిరి |
| వ్యక్తిగత వివరాలు | |
| జననం | 1959 ఆగస్టు 10 ప్రకాశం జిల్లా, ఆంధ్ర ప్రదేశ్, భారతదేశం |
| రాజకీయ పార్టీ | వైఎస్ఆర్ కాంగ్రెస్ పార్టీ |
| ఇతర రాజకీయ పదవులు | తెలుగుదేశం పార్టీ |
| కళాశాల | నిజాం కళాశాల |
| వృత్తి | రాజకీయ నాయకుడు |
కదిరి బాబు రావు ఆంధ్ర ప్రదేశ్ రాష్ట్రానికి చెందిన భారతీయ రాజకీయ నాయకుడు. ఆయన కనిగిరి శాసనసభ నియోజకవర్గం నుండి తెలుగుదేశం పార్టీ (టిడిపి) తరఫున ఎన్నికై ఆంధ్ర ప్రదేశ్ శాసనసభ సభ్యుడిగా (ఎంఎల్ఏ) పనిచేశారు. ఆయన తన రాజకీయ జీవితాన్ని 1980ల మధ్యకాలంలో టిడిపి పార్టీలో ప్రారంభించారు. తరువాత 2020లో వైఎస్ఆర్ కాంగ్రెస్ పార్టీ (వైఎస్ఆర్సిపి)లో చేరారు.
ప్రారంభ జీవితం
[మార్చు]కదిరి బాబు రావు ప్రకాశం జిల్లాలోని సీలంవారిపల్లి గ్రామంలో కదిరి వెంకట నరసయ్యకు జన్మించారు.[1] ఆయన తండ్రి వజ్రాల వ్యాపారి.[2] ఆయన కుటుంబం తరువాత హైదరాబాద్ కు వలస వెళ్ళే ముందు సీలంవారిపల్లి సమీప ప్రాంతాల్లో విద్యాభ్యాసం చేశారు.[2] తరువాత ఆయన హైదరాబాద్ లోని నిజాం కళాశాలలో చదివి 1981లో బీఏ పట్టా పొందారు.[1]
రాజకీయ జీవితం
[మార్చు]రావు 1980లలో రాజకీయాల్లో ప్రవేశించి తెలుగుదేశం పార్టీ (టిడిపి)లో చేరారు. ఆ సమయంలో ఆయనకు నందమూరి బాలకృష్ణతో సన్నిహిత సంబంధం ఏర్పడింది.[3] ఆయన 2004 ఆంధ్ర ప్రదేశ్ శాసనసభ ఎన్నికలలో కనిగిరి శాసనసభ నియోజకవర్గం నుండి పోటీ చేయాలని ఆశించారు. అయితే టిడిపి ఆయనను దర్శి శాసనసభ నియోజకవర్గం నుండి పోటీకి నిలబెట్టింది. ఆ ఎన్నికల్లో ఆయనను భారత జాతీయ కాంగ్రెస్ మద్దతుతో స్వతంత్ర అభ్యర్థిగా పోటీ చేసిన బుచ్చేపల్లి సుబ్బారెడ్డి ఓడించారు.[4][5]
తరువాత ఆయన 2009 ఆంధ్ర ప్రదేశ్ శాసనసభ ఎన్నికలులో టిడిపి తరఫున కనిగిరి నుండి పోటీ చేయడానికి నామినేషన్ దాఖలు చేశారు. అయితే కనిగిరి కాంగ్రెస్ అభ్యర్థి ముక్కు ఉగ్ర నరసింహ రెడ్డి ఆయన దాఖలు చేసిన అఫిడవిట్ లో రావు సంతకం లేకపోవడం గురించి అభ్యంతరం వ్యక్తం చేశారు. దాంతో భారత ఎన్నికల సంఘం ఆయన నామినేషన్ను తిరస్కరించింది.[4] తరువాత ఆయన 2014 ఆంధ్ర ప్రదేశ్ శాసనసభ ఎన్నికలులో పోటీ చేసి కనిగిరి నియోజకవర్గం నుండి ఎమ్మెల్యేగా విజయం సాధించారు.[5] ఆ తరువాత ఆయన మళ్లీ 2019 ఆంధ్ర ప్రదేశ్ శాసనసభ ఎన్నికలులో కనిగిరి నుండి పోటీ చేయడానికి ప్రయత్నించారు.[6] అయితే టిడిపి అధ్యక్షుడు నారా చంద్రబాబు నాయుడు ఆయనకు కనిగిరి స్థానాన్ని ఇవ్వకుండా దర్శి నియోజకవర్గం నుండి పోటీ చేయించారు.[7] ఈ నిర్ణయంతో రావు అసంతృప్తిగా ఉన్నారని, కనిగిరి నుండి స్వతంత్ర అభ్యర్థిగా పోటీ చేసే అవకాశం ఉందని వార్తలు వచ్చినప్పటికీ,[6] చివరకు ఆయన దర్శి నియోజకవర్గం నుంచే పోటీ చేశారు. అయితే ఆ ఎన్నికల్లో వైఎస్ఆర్ కాంగ్రెస్ పార్టీ అభ్యర్థి మద్దిసెట్టి వేణుగోపాల్ చేతిలో ఆయన ఓడిపోయారు.[7][8] 2019 ఎన్నికల ఓటమి తరువాత, చంద్రబాబు నాయుడు తీసుకున్న నిర్ణయంపై అసంతృప్తితో రావు రాజకీయాల నుండి, టిడిపి నుండి కొంతకాలం విరామం తీసుకున్నారు. తరువాత తన రాజకీయ అనుబంధాన్ని మార్చే యోచనలో ఉన్నారనే వార్తల మధ్య ఆయన టిడిపి పార్టీని వీడి 2020 మార్చిలో వైఎస్ఆర్ కాంగ్రెస్ పార్టీలో చేరారు.[7][9]
ఇతర కార్యకలాపాలు
[మార్చు]రావు ప్రకాశం జిల్లాలో కదిరి బాబు రావు ఎడ్యుకేషనల్ సొసైటీను స్థాపించారు. ఈ సంస్థ ద్వారా కదిరి బాబు రావు వ్యవసాయ, ఉద్యాన కళాశాలలను నిర్వహిస్తున్నారు.[10][11]
మూలాలు
[మార్చు]- ↑ 1.0 1.1 "Kadiri Babu Rao(TDP):Constituency- DARSI(PRAKASAM) - Affidavit Information of Candidate". myneta.info. Retrieved 7 December 2022.
- ↑ 2.0 2.1 Darsi TDP MLA Candidate Kadiri Babu Rao Interview (Videotape). HMTV. 29 March 2019.
- ↑ Apparasu, Srinivasa Rao (11 March 2020). "Senior Andhra Pradesh leaders quit TDP for Jagan's party before civic polls". Hindustan Times (in ఇంగ్లీష్). Retrieved 7 December 2022.
- ↑ 4.0 4.1 "Kanigiri TDP candidate's nomination rejected". The Times of India (in ఇంగ్లీష్). 7 April 2009. Retrieved 7 December 2022.
- ↑ 5.0 5.1 Samdani MN (11 March 2020). "TDP suffers jolt as Satish Reddy, Kadiri quit party". The Times of India (in ఇంగ్లీష్). Retrieved 7 December 2022.
- ↑ 6.0 6.1 Talari, Yadedya (19 March 2019). "TDP candidate Kadiri Baburao may contest as independent from Kanigiri". The Hans India (in ఇంగ్లీష్). Retrieved 7 December 2022.
- ↑ 7.0 7.1 7.2 "TDP, Jana Sena leaders join YSRCP". The Hindu (in Indian English). 10 March 2020. ISSN 0971-751X. Retrieved 7 December 2022.
- ↑ "TDP winning Darsi Nagar Panchayat surprises YSRCP". The Hans India (in ఇంగ్లీష్). 18 November 2021. Retrieved 7 December 2022.
- ↑ Pavan (10 March 2020). "Buzz: Balakrishna's aide likely to join YSRCP ahead of Local Body elections". The Hans India (in ఇంగ్లీష్). Retrieved 7 December 2022.
- ↑ "Kadiri Baburao College of Agriculture". Retrieved 7 December 2022.
- ↑ "Kadiri Baburao College of Horticulture". Retrieved 7 December 2022.