కాలే యాదయ్య

వికీపీడియా నుండి
Jump to navigation Jump to search
కాలే యాదయ్య
కాలే యాదయ్య

పదవీ కాలం
2014 - 2018, 2018 - ప్రస్తుతం
ముందు కె.ఎస్.రత్నం
నియోజకవర్గం చేవెళ్ళ శాసనసభ నియోజకవర్గం
వ్యక్తిగత వివరాలు
జననం 1962, మే 16
చించల్‌పేట్, నవాబ్‌పేట్‌ మండలం, వికారాబాదు జిల్లా, తెలంగాణ రాష్ట్రం,
రాజకీయ పార్టీ కాంగ్రెస్ పార్టీ
ఇతర రాజకీయ పార్టీలు భారత్ రాష్ట్ర సమితి
తల్లిదండ్రులు మల్లయ్య - లక్ష్మమ్మ
జీవిత భాగస్వామి జయమ్మ
సంతానం ముగ్గురు కుమారులు, ఒక కుమార్తె

కాలే యాదయ్య, తెలంగాణ రాష్ట్రానికి చెందిన రాజకీయ నాయకుడు. ప్రస్తుతం భారత్ రాష్ట్ర సమితి పార్టీ తరపున చేవెళ్ళ శాసనసభ నియోజకవర్గం శాసన సభ్యుడిగా ప్రాతినిధ్యం వహిస్తున్నాడు.[1][2]

జననం, విద్య

[మార్చు]

యాదయ్య 1962, మే 16న మల్లయ్య - లక్ష్మమ్మ దంపతులకు తెలంగాణ రాష్ట్రం, వికారాబాదు జిల్లాలోని, నవాబ్‌పేట్‌ మండలంలోని చించల్‌పేట్ గ్రామంలో జన్మించాడు.[3][4] వ్యవసాయ కుటుంబానికి చెందిన యాదయ్య మార్పల్లిలోని ప్రభుత్వ జూనియర్ కళాశాల నుండి 1986లో ఇంటర్మీడియట్ పూర్తిచేశాడు.

వ్యక్తిగత జీవితం

[మార్చు]

యాదయ్యకు జయమ్మతో వివాహం జరిగింది. వారికి ముగ్గురు కుమారులు, ఒక కుమార్తె ఉన్నారు.

రాజకీయ విశేషాలు

[మార్చు]

యాదయ్య కాంగ్రెస్ పార్టీతో తన రాజకీయ జీవితాన్ని ప్రారంభించి ఎంపీపీ, జెడ్పీటీసీ పని చేసి, 2009లో చేవెళ్ల నియోజకవర్గం ఎస్సీకి రిజర్వు కావటంతో కాంగ్రెస్ పార్టీ నుండి పోటిచేసి తెలుగుదేశం పార్టీ అభ్యర్థి కోరాని సాయన్న రత్నం చేతిలో ఓడిపోయాడు. 2014లో జరిగిన తెలంగాణ సార్వత్రిక ఎన్నికల్లో భాగంగా కాంగ్రెస్ పార్టీ పై చేవెళ్ళ శాసనసభ నియోజకవర్గం నుండి పోటీచేసి సమీప తెలంగాణ రాష్ట్ర సమితి పార్టీ అభ్యర్థి కోరాని సాయన్న రత్నంపై 781 ఓట్ల మెజారిటీతో గెలుపొందాడు.[5][6] తరువాత టిఆర్ఎస్ పార్టీలో చేరాడు. 2018లో జరిగిన తెలంగాణ ముందస్తు ఎన్నికల్లో తెలంగాణ రాష్ట్ర సమితి పార్టీ టికెట్ పై చేవెళ్ళ శాసనసభ నియోజకవర్గం నుండి పోటీచేసి సమీప కాంగ్రెస్ పార్టీ అభ్యర్థి కోరాని సాయన్న రత్నంపై 33,552 ఓట్ల మెజారిటీతో గెలుపొందాడు.[7]

కాలే యాదయ్య 2023 ఎన్నికల్లో 268 ఓట్ల స్వల్ప మెజారిటీతో గెలిచాడు.[8] ఆయన 2024 జూన్ 28న బీఆర్ఎస్ పార్టీని వీడి ఢిల్లీలో ముఖ్యమంత్రి రేవంత్ రెడ్డి, తెలంగాణ ఇంచార్జ్ దీపాదాస్ మున్షీ సమక్షంలో కాంగ్రెస్ పార్టీలో చేరాడు.[9][10]

హోదాలు

[మార్చు]
  1. ప్రాథమిక వ్యవసాయ క్రెడిట్ సొసైటీ (పిఏసిఎస్) చైర్మన్
  2. ఎంపిపి, నవాబుపేట మండలం
  3. జెడ్‌పిటిసి, నవాబుపేట మండలం
  4. టిటిడి బోర్డు సభ్యుడు
  5. 22.09.2019 నుండి షెడ్యూల్డ్ కులాల సంక్షేమంపై కమిటీ చైర్మన్

మూలాలు

[మార్చు]
  1. ↑ "Member's Profile - Telangana-Legislature". www.telanganalegislature.org.in. Archived from the original on 2021-05-27. Retrieved 2021-09-07.
  2. ↑ Eenadu (4 December 2023). "హ్యాట్రిక్‌ వీరులు.. హైదరాబాద్‌లో 10 మంది." Archived from the original on 4 December 2023. Retrieved 4 December 2023.
  3. ↑ Eenadu (14 November 2023). "నవాబు పేట నేతలు వీరు". Archived from the original on 21 December 2023. Retrieved 21 December 2023.
  4. ↑ "Kale Yadaiah | MLA | TRS | Chevella | Ranga Reddy | Telangana". the Leaders Page (in అమెరికన్ ఇంగ్లీష్). 2020-04-21. Retrieved 2021-09-07.
  5. ↑ Sakshi (16 May 2014). "తెలంగాణలో విజేతలు". Archived from the original on 14 April 2022. Retrieved 14 April 2022.
  6. ↑ "ఆర్కైవ్ నకలు". Archived from the original on 2019-05-24. Retrieved 2019-05-24.
  7. ↑ "Kale Yadaiah(TRS):Constituency- CHEVELLA (SC)(RANGA REDDY) - Affidavit Information of Candidate". myneta.info. Retrieved 2021-09-07.
  8. ↑ Eenadu (4 December 2023). "వారికి మస్త్‌ మెజారిటీ.. వీరికి బొటాబొటీ". Archived from the original on 4 December 2023. Retrieved 4 December 2023.
  9. ↑ Hindustantimes Telugu (28 June 2024). "బీఆర్ఎస్ నుంచి మరో ఎమ్మెల్యే ఔట్ - కాంగ్రెస్ లో చేరిన చేవెళ్ల ఎమ్మెల్యే యాదయ్య..!". Archived from the original on 28 June 2024. Retrieved 28 June 2024.
  10. ↑ The Hindu (28 June 2024). "Sixth BRS MLA joins Congress" (in Indian English). Archived from the original on 28 June 2024. Retrieved 28 June 2024.
"https://te.wikipedia.org/w/index.php?title=కాలే_యాదయ్య&oldid=4250513" నుండి వెలికితీశారు