జహీర్ అబ్బాస్
| వ్యక్తిగత సమాచారం | |||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పూర్తి పేరు | సయ్యద్ జహీర్ అబ్బాస్ కిర్మాణి | ||||||||||||||||||||||||||||||||||||||||||||||||||||
| పుట్టిన తేదీ | 1947 జూలై 24 సియాల్‌కోట్, పంజాబ్, బ్రిటిష్ ఇండియా | ||||||||||||||||||||||||||||||||||||||||||||||||||||
| బ్యాటింగు | కుడిచేతి వాటం | ||||||||||||||||||||||||||||||||||||||||||||||||||||
| బౌలింగు | కుడిచేతి ఆఫ్‌బ్రేక్ | ||||||||||||||||||||||||||||||||||||||||||||||||||||
| అంతర్జాతీయ జట్టు సమాచారం | |||||||||||||||||||||||||||||||||||||||||||||||||||||
| జాతీయ జట్టు |
| ||||||||||||||||||||||||||||||||||||||||||||||||||||
| తొలి టెస్టు (క్యాప్ 63) | 1969 అక్టోబరు 24 - న్యూజీలాండ్ తో | ||||||||||||||||||||||||||||||||||||||||||||||||||||
| చివరి టెస్టు | 1985 అక్టోబరు 27 - శ్రీలంక తో | ||||||||||||||||||||||||||||||||||||||||||||||||||||
| తొలి వన్డే (క్యాప్ 13) | 1974 ఆగస్టు 31 - ఇంగ్లాండ్ తో | ||||||||||||||||||||||||||||||||||||||||||||||||||||
| చివరి వన్డే | 1985 నవంబరు 3 - శ్రీలంక తో | ||||||||||||||||||||||||||||||||||||||||||||||||||||
| కెరీర్ గణాంకాలు | |||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||
మూలం: CricketArchive, 2005 నవంబరు 6 | |||||||||||||||||||||||||||||||||||||||||||||||||||||
సయ్యద్ జహీర్ అబ్బాస్ కిర్మాణి (జననం 1947, జూలై 24), పాకిస్తానీ మాజీ క్రికెటర్. కళ్ళద్దాలు ధరించే కొంతమంది ప్రొఫెషనల్ క్రికెటర్లలో ఇతను కూడా ఉన్నాడు. 1982/1983లో, వన్డే ఇంటర్నేషనల్స్‌లో వరుసగా మూడు సెంచరీలు సాధించిన మొదటి బ్యాట్స్‌మన్‌గా నిలిచాడు.[1] కొన్నిసార్లు 'ఆసియన్ బ్రాడ్‌మాన్ ' అని పిలువబడే జహీర్ అబ్బాస్ క్రికెట్ ప్రపంచ చరిత్రలో అత్యుత్తమ బ్యాట్స్‌మెన్‌గా పరిగణించబడ్డాడు.[2][3][4] 2020 ఆగస్టులో, ఇతను ఐసీసీ క్రికెట్ హాల్ ఆఫ్ ఫేమ్‌లో చేర్చబడ్డాడు.[5]
కెరీర్[మార్చు]
1969లో టెస్ట్ మ్యాచ్‌లో అరంగేట్రం చేశాడు. రెండవ టెస్టులో ఇంగ్లాండ్‌పై 274 పరుగులు చేశాడు, ఇది ఇప్పటికీ పాకిస్థానీ బ్యాట్స్‌మన్ చేసిన ఆరో అత్యధిక స్కోరుగా నిలిచింది. ఇది ఇతని నాలుగు టెస్ట్ డబుల్ సెంచరీలలో మొదటిది; పాకిస్తాన్ నుండి ఇద్దరు పురుషులు (యూనిస్ ఖాన్, జావేద్ మియాందాద్) మాత్రమే ఎక్కువ స్కోరు చేశారు.[6] చివరిది 1983లో భారత్‌పై 215 పరుగుల ఇన్నింగ్స్, వరుస టెస్టుల్లో మూడు సెంచరీలలో మొదటిది, అతని వందో ఫస్ట్-క్లాస్ సెంచరీ; అబ్బాస్, జెఫ్రీ బాయ్‌కాట్ ఒక టెస్ట్ మ్యాచ్‌లో వారి వందో ఫస్ట్-క్లాస్ సెంచరీని సాధించిన ఇద్దరు బ్యాట్స్‌మెన్ మాత్రమే.[7]
అబ్బాస్ ఫస్ట్-క్లాస్ క్రికెట్‌లో వంద ఫస్ట్-క్లాస్ సెంచరీలు చేసిన ఏకైక ఆసియా బ్యాట్స్‌మన్ గా రికార్డు సాధించాడు.[8] ఇతను గ్లౌసెస్టర్‌షైర్‌తో సుదీర్ఘ కాలం గడిపాడు. 1972లో కౌంటీలో చేరి పదమూడు సంవత్సరాలపాటు అక్కడే ఉన్నాడు. ఆ సమయంలో తన పదమూడు సీజన్లలో మెజారిటీలో వెయ్యికి పైగా పరుగులు చేశాడు. క్లబ్ కోసం రెండు సందర్భాలలో (1976, 1981) ఒకే సీజన్‌లో రెండు వేలకు పైగా పరుగులు చేశాడు. గ్లౌసెస్టర్‌షైర్‌లో ఆ పదమూడు సంవత్సరాలలో, అతను 206 ఫస్ట్-క్లాస్ గేమ్‌లు ఆడాడు, 16,000 కంటే ఎక్కువ పరుగులు చేశాడు. అతను 49.79 సగటుతో 49 సెంచరీలు, 76 అర్ధసెంచరీలు కొట్టాడు. ఫస్ట్-క్లాస్ మ్యాచ్‌లో నాలుగుసార్లు సెంచరీ, డబుల్ సెంచరీ చేసిన ఏకైక ఆటగాడిగా అబ్బాస్ నిలిచాడు, ఎనిమిది ఇన్నింగ్స్‌లలో ఒక్కొక్కటి నాటౌట్‌గా ముగించాడు.[9] దావూద్ ఇండస్ట్రీస్ క్రికెట్ టీమ్ తరపున ఆడాడు.
1981, 1984లో జాతీయ జట్టుకు రెండుసార్లు కెప్టెన్‌గా పనిచేశాడు. 1985లో అంతర్జాతీయ క్రికెట్ నుండి రిటైర్ అయ్యాడు. ఒక టెస్ట్, మూడు వన్డే మ్యాచ్‌లలో మ్యాచ్ రిఫరీగా పనిచేశాడు. జాతీయ జట్టుకు మేనేజర్‌గా కూడా పనిచేశాడు. జహీర్ టైటిల్‌తో ప్రసిద్ధి చెందిన ఆటగాడు. జహీర్ అబ్బాస్‌ను ఆసియన్ బ్రాడ్‌మన్ అని పిలుస్తారు. 2018లో పాకిస్తాన్ ప్రభుత్వం అతనికి సితార-ఇ-ఇమ్తియాజ్ అవార్డును అందించింది.[10] 2015లో ఐసీసీ ప్రెసిడెంట్ అయ్యాడు, కోలిన్ కౌడ్రీ, క్లైడ్ వాల్కాట్ తర్వాత ఆ పదవిని చేపట్టిన మూడవ క్రికెటర్ గా నిలిచాడు.[11]
జహీర్ అబ్బాస్ 1982 నుండి 2015 వరకు 4 మ్యాచ్‌ల ద్వైపాక్షిక వన్డే సిరీస్‌లో (346 పరుగులు) ఏ బ్యాట్స్‌మెన్‌గానైనా అత్యధిక పరుగులు చేసిన రికార్డును కలిగి ఉన్నాడు.[12] ఈ రికార్డును 2015లో దక్షిణాఫ్రికాకు చెందిన హషీమ్ ఆమ్లా బద్దలు కొట్టాడు.[13]
వ్యక్తిగత జీవితం[మార్చు]
1988లో రీటా లూథ్రాతో (ప్రస్తుతం సమీనా అబ్బాస్ అని పిలుస్తారు) జహీర్ అబ్బాస్ వివాహం జరిగింది.[14]
ఆత్మకథ[మార్చు]
1983లో బ్రిటిష్ క్రికెట్ జర్నలిస్ట్ డేవిడ్ ఫుట్‌తో కలిసి జెడ్‌ అనే పేరుతో తన ఆత్మకథ రాశాడు.
అవార్డులు, గుర్తింపు[మార్చు]
- 1971లో పాకిస్తాన్ ప్రభుత్వంచే ప్రైడ్ ఆఫ్ పర్ఫార్మెన్స్ అవార్డు[15]
- 2020లో ఐసీసీ క్రికెట్ హాల్ ఆఫ్ ఫేమ్‌లో చేర్చబడింది [16]
- 2021లో పిసిబి హాల్ ఆఫ్ ఫేమ్‌లో చేర్చబడింది[17]
మూలాలు[మార్చు]
- ↑ Hundreds in consecutive innings espncricinfo.com Retrieved 2023-09-07
- ↑ "Zaheer Abbas". Cricinfo.
- ↑ Vaidya, Nishad Pai (24 July 2015). "Zaheer Abbas: 10 anecdotes about the Asian Bradman".
- ↑ "Asian Bradman Zaheer Abbas celebrating 70th birthday today - Samaa TV". www.samaa.tv. Retrieved 2023-09-07.
- ↑ "Jacques Kallis, Zaheer Abbas and Lisa Sthalekar enter ICC's Hall of Fame". ESPN Cricinfo. Retrieved 2023-09-07.
- ↑ "Test Records – Most double hundreds in a career". cricinfo.com website. Retrieved 2023-09-07.
- ↑ "1st Test, India tour of Pakistan at Lahore, Dec 10-15 1982 - Match Summary - ESPNCricinfo". ESPNcricinfo.
- ↑ "Most centuries in first-class cricket". Archived from the original on 2011-10-16. Retrieved 2023-09-07.
- ↑ Lynch, Steven. "How many people have scored a double-century and a hundred in the same first-class match?". Ask Steven - Cricinfo.com. Retrieved 2023-09-07.
- ↑ "Abbas awarded sitara e imtiaz". Geo News. 15 August 2022. Retrieved 2023-09-07.
- ↑ Abbasi, Kamran (August 13, 2015). "In praise of Zed". ESPN Cricinfo. Retrieved 2023-09-07.
- ↑ "HowSTAT! ODI Cricket – Most Runs in Series". www.howstat.com. Retrieved 2023-09-07.
- ↑ "Batting records | One-Day Internationals | Cricinfo Statsguru | ESPNcricinfo.com". Cricinfo. Retrieved 2023-09-07.
- ↑ "Zaheer Abbas to visit Kanpur sasural for ODI". The Times of India.
- ↑ Pride of Performance Award for Zaheer Abbas in 1971 on Pakistan Sports Board website Archived 2018-12-26 at the Wayback Machine Retrieved 2023-09-07
- ↑ "Zaheer Abbas inducted into ICC Hall of Fame". The News International. Retrieved 2023-09-07.
- ↑ "PCB Hall of Fame | Pakistan Cricket Board (PCB) Official Website". www.pcb.com.pk. Retrieved 2023-09-07.