తెలుగు భాషా చరిత్ర (పుస్తకం)

వికీపీడియా నుండి
(తెలుగు భాషా చరిత్ర(పుస్తకం) నుండి దారిమార్పు చెందింది)
Jump to navigation Jump to search
తెలుగు భాషా చరిత్ర
తెలుగు భాషా చరిత్ర (1979).jpg
ముఖపత్రము
రచయితభద్రిరాజు కృష్ణమూర్తి
దేశంభారత దేశం
భాషte
శైలిభాషా పరిశోధన
ప్రచురణ1974
ప్రచురణ కర్తఆంధ్రప్రదేశ్ సాహిత్య అకాడమీ
పేజీలు516

తెలుగు భాషా చరిత్ర 516 పేజీల పుస్తకం. పలువురు లబ్ధప్రతిష్ఠుల వ్యాసాల సమాహారం. అన్ని విశ్వవిద్యాలయాల్లోనూ ఎం.ఏ పరీక్షకూ, ఓరియంటల్ పరీక్షలకూ, కేంద్ర, రాష్ట్ర పబ్లిక్ సర్వీస్ కమిషన్ పరీక్షలకు కూడా దీన్ని పాఠ్యగ్రంథంగా నిర్ణయించారు.

సంపాదకులు పీఠికలో చెప్పిన విషయం
ఈ గ్రంథం ప్రధానంగా పరిశోధక వ్యాస సంకలనం. సామాన్య పాఠ్యగ్రంథాలకంటే ఎక్కువ వివరాలు, పరిశోధన గురుత్వం ప్రతి వ్యాసంలోనూ కన్పిస్తాయి. అందువల్ల ప్రధానంగా ఇది అధ్యాపకులకు సహాయ గ్రంథంగా ఉపయోగిస్తుంది. ఈ వివరాలన్నీ సాధారణ విద్యార్థులు గుర్తుపెట్టుకోవటానికి ప్రయత్నించడం అనవసరం. నామ విభక్తులు, సర్వనామాలు, సంఖ్యావాచకాలు మొదలైనవి రెండు వేల ఏండ్ల చరిత్రలో ఏయే మార్పులు పొందినదీ, భిన్న ప్రకరణాల నుంచి సేకరించి సమన్వయించుకోవలసి ఉంటుంది. నిజానికి ఈ మౌలిక గ్రంథం ఆధారంగా ఇలాంటి సమన్వయంతో మరొక పుస్తకం రావలసిన అవసరం ఉన్నది. (తేదీ 28-1-1979, హైదరాబాదు)

ఈ సంకలనంలోని వ్యాసాలు[మార్చు]

  1. ఆంధ్రం, తెనుగు, తెలుగు - జి.యన్.రెడ్డి
  2. తెలుగు: మిగిలిన ద్రావిడ భాషలు - పి.యస్.సుబ్రమణ్యం
  3. ప్రాచీనాంధ్రం: శాసనభాషా పరిణామం క్రీ.పూ.200 - క్రీ.శ.1100 - బూదరాజు రాధాకృష్ణ
  4. శాసన భాషా పరిణామం (క్రీ.శ.1100 - క్రీ.శ.1399) - యం.కందప్పచెట్టి
  5. శాసన భాషా పరిణామం (క్రీ.శ.1400- క్రీ.శ.1599) - యం.కందప్పచెట్టి
  6. శాసన భాషా పరిణామం (క్రీ.శ.1600-క్రీ.శ.1899) - కె.కె.రంగనాథాచార్యులు
  7. కావ్యభాషా పరిణామం (క్రీ.శ.1100 - క్రీ.శ.1599) - కె.మహాదేవశాస్త్రి
  8. కావ్యభాషా పరిణామం (క్రీ.శ.1600- క్రీ.శ.1899) - బి.రామరాజు
  9. ఆధునిక యుగం: గ్రాంథిక వ్యావహారిక వాదాలు - బూదరాజు రాధాకృష్ణ
  10. తెలుగులోని వైకృత పదాలు - తూమాటి దోణప్ప
  11. తెలుగులో అన్య దేశ్యాలు - వి.స్వరాజ్యలక్ష్మి
  12. తెలుగు లిపి పరిణామం - తిరుమల రామచంద్ర
  13. ఆధునిక భాష: సంగ్రహ వర్ణనం - చేకూరి రామారావు
  14. తెలుగు మాండలికాలు : ప్రమాణ భాష - భద్రిరాజు కృష్ణమూర్తి
  15. అర్థపరిణామం - జి.యన్.రెడ్డి
  16. తెలుగు భాషా చరిత్ర : సింహావలోకనం - భద్రిరాజు కృష్ణమూర్తి

ముద్రణలు[మార్చు]

  • ప్రథమ ముద్రణ - 1974
  • ద్వితీయ ముద్రణ - 1979
  • తృతీయ ముద్రణ - 1989
  • చతుర్థ ముద్రణ - 1995
  • పంచమ ముద్రణ - 2000
  • ఆరో ముద్రణ - 2004
  • ఏడవ ముద్రణ - 2006

విశేషాలు[మార్చు]

ఇది చక్కని వ్యాసాల సమాహారం. తెలుగు భాషా చరిత్రపై ఆసక్తి ఉన్నవారు చదవదగ్గ మొదటి పుస్తకం![1]

మూలాలు[మార్చు]

  1. భద్రిరాజు, కృష్ణమూర్తి (1979). తెలుగు భాషా చరిత్ర. హైద్రాబాదు: ఆంధ్రప్రదేశ్ సాహిత్య అకాడమీ,. Retrieved 2 May 2018.CS1 maint: extra punctuation (link)
  • తెలుగు భాషా చరిత్ర, ఆచార్య భద్రిరాజు కృష్ణమూర్తి, పొట్టి శ్రీరాములు తెలుగు విశ్వవిద్యాలయం, హైదరాబాదు, 2006.