తొర్రూర్ (అబ్దుల్లాపూర్‌మెట్ మండలం)

తొర్రూర్,తెలంగాణ రాష్ట్రం, రంగారెడ్డి జిల్లా, అబ్దుల్లాపూర్‌మెట్ మండలానికి చెందిన గ్రామం.

జిల్లాల పునర్వ్యవస్థీకరణలో

2016 అక్టోబరు 11న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత రంగారెడ్డి జిల్లాలోని హయాత్‌నగర్‌ మండలంలో ఉండేది. పునర్వ్యవస్థీకరణలో దీన్ని కొత్తగా ఏర్పాటుచేసిన అబ్దుల్లాపూర్‌మెట్ మండలంలోకి చేర్చారు.

తొర్రూర్
—  రెవిన్యూ గ్రామం  —
తొర్రూర్ తెలంగాణ పటంలో గ్రామ స్థానం
అక్షాంశరేఖాంశాలు:
రాష్ట్రం	తెలంగాణ
జిల్లా	రంగారెడ్డి జిల్లా
మండలం	అబ్దుల్లాపూర్ మెట్
ప్రభుత్వం
- సర్పంచి
ఎత్తు	505 m (1,657 ft)
జనాభా (2011)
- మొత్తం	4,912
- పురుషుల సంఖ్య	2,522
- స్త్రీల సంఖ్య	2,390
- గృహాల సంఖ్య	1,033
పిన్ కోడ్	501 511
ఎస్.టి.డి కోడ్	08415

గ్రామ నామ విశేషం

ఈ గ్రామనామం పశుసంబంధమైనది. తొర్రూరు అన్న పేరు బాగా ప్రాచీనమైనదని పరిశోధకులు తేల్చారు. కొత్తరాతియుగం, బృహత్‌శిలా యుగానికి చెందిన ప్రాక్తన చారిత్రిక దశ నాటి పేరుగా గుర్తించారు. కొత్త రాతియుగంలో పశుపాలన, వ్యవసాయం విస్తృతిపొంది, రాగి, ఇనుము వాడకం, లోహపరిశ్రమ అవతరించింది. ఈ అంశాలను సూచిస్తూ ఏర్పడిన గ్రామనామాల్లో తొర్రూరు ఒకటి.. ఈ గ్రామములో ప్రధాన భాష తెలుగు.

గణాంకాలు

2011 భారత జనగణన గణాంకాల ప్రకారం గ్రామ జనాభా మొత్తం. 4912, పురుషులు. 2522, స్త్రీలు 2390, నివాస గృహాలు 1033, విస్తీర్ణము. 974 హెక్టార్లు. ప్రజల భాష తెలుగు.

రవాణా సౌకర్యములు

ఈ గ్రామానికి ఎల్.బి.నగర్ 10 కి.లో మీటర్ల దూరములో ఉంది. ఇక్కడికి, పరిసర ప్రాంతాలకు మంచి రహదారి వ్వవస్త కలిగి యుండి, ఆర్.టి.సి బస్సుల సౌకర్యము కూడా ఉంది. ఈ గ్రామానికి 10 కి.మీ. లోపు రైలు వసతి లేదు. కాని ప్రధాన రైల్వేస్టేషను సికింద్రాబాదు ఇక్కడికి 18 కి.మీ దూరములో ఉంది. అక్కడి నుండి దేశములోని పలు ప్రాంతాలకు రైలు వసతి ఉంది.

పాఠశాలలు

ఈ గ్రామములో ఒక జిల్లాపరిషత్ ఉన్నత పాఠశాల, సరస్వతి విద్యామందిర్ పాఠశాల ఉన్నాయి.

పర్యాటక స్థలాలు

ఎల్లమ్మ గుడి

ఈ గ్రామంలోని శ్రీ రేణుకా ఎల్లమ్మ ఆలయం ఎంతో ప్రసిద్ధిపొందినది. సా.శ. 17వ శతాబ్దంలో రేణుకాదేవి ఇక్కడ స్వయంభూగా వెలసినట్లు చారిత్రిక ఆధారాలున్నవి. కొండశిఖరంపై అమ్మవారు కొలువుదీరి, భక్తులను కటాక్షిస్తూ ఉంటుంది. ఆషాఢమాసంలో ఇక్కడ జాతర అంగరంగవైభవంగా జరుగుతుంది.