త్రయంబకేశ్వరాలయం, నాసిక్

వికీపీడియా నుండి
(త్రయంబకేశ్వర లింగం - త్రయంబకేశ్వరం నుండి దారిమార్పు చెందింది)
Jump to navigation Jump to search
త్రయంబకేశ్వరాలయం
Trimbakeshwar nj.jpg
త్రయంబకేశ్వరాలయం is located in Maharashtra
త్రయంబకేశ్వరాలయం
త్రయంబకేశ్వరాలయం
మహారాష్ట్ర రాష్ట్రంలొ ఉనికి
భౌగోళికాంశాలు :19°55′56″N 73°31′51″E / 19.93222°N 73.53083°E / 19.93222; 73.53083Coordinates: 19°55′56″N 73°31′51″E / 19.93222°N 73.53083°E / 19.93222; 73.53083
పేరు
ఇతర పేర్లు:త్రయంబకేశ్వర్
ప్రధాన పేరు :త్రయంబకేశ్వర్ దేవాలయం
దేవనాగరి :त्र्यंबकेश्वर
సంస్కృతం:త్రయంబకేశ్వర
తమిళం:திரியம்பகேஸ்வரர் கோயில், நாசிக்
మరాఠీ:त्र्यंबकेश्वर
ప్రదేశము
దేశం: భారతదేశం
రాష్ట్రము:మహారాష్ట్ర
జిల్లా:నాసిక్
స్థానికం:త్రింబక్
ఆలయ వివరాలు
ముఖ్య_ఉత్సవాలు:మహాశివరాత్రి
నిర్మాణ శైలి, సంస్కృతి
వాస్తు శిల్ప శైలి :హేమద్పంతి
ఇతిహాసం
సృష్టికర్త:బాలాజీ బాజీరావు

త్రయంబకేశ్వరాలయం ద్వాదశ జ్యోతిర్లింగాలలో ఒకటి. ఈ క్షేత్రం నాసిక్ పట్టణానికి 28 కిలోమీటర్ల దూరంలో ఉంది. త్రయంబకం లేదా త్రయంబకేశ్వర్ అని పిలిచే ఈ క్షేత్రాన్ని గోదావరి జన్మస్థానంగా పిలుస్తారు. అయితే ఈ క్షేత్రానికి గోదావరి జన్మ స్థానం కొన్ని వందల అడుగుల ఎత్తులో ఉంటుంది.

పురాణ ఇతిహాసం, చరిత్ర[మార్చు]

త్రయంబకేశ్వరుడు అనగా పరమశివుడు. 'అంబక 'మంటే 'నేత్ర' మని అర్థం. మూడు నేత్రాలు గల దేవుడు త్రయంబకుడు. సూర్యుడు, చంద్రుడు, అగ్ని - అనే మూడు తేజస్సులు మూడు నేత్రలుగా వెలసిన దేవుడు. పాలభాగంలోని మూడవ నేత్రమే అగ్నినేత్రం. మన్మథుణ్ణి ఈ నేత్రాగ్నితోనే శివుడు భస్మం చేశాడు. స్వర్గం, ఆకాశం, భూమి - అనే మూడు స్థానాలకు సంరక్షకుడైన తండ్రి శివుడు అని కూడా త్రయంబక శబ్దాన్ని వివరిస్తారు. 'త్రయంబకం యజామహే - సుగంధిం పుష్టి వర్ధనమ్' మృత్యుంజయ మహామంత్రంతో మృత్యువు అనగా మరణం నుండి విడుదల చేయమని భక్తులు శివుణ్ణి ప్రార్థిస్తారు.

ఆలయ విశేషాలు[మార్చు]

పూర్వపు ఆలయ విశేషాలు ఎక్కువగా లేకపోయినా ఇప్పటీ ఆలయాన్ని మాత్రం 1730 లో ఛత్రపతి శివాజీ సైన్యాధిపతి అయిన బాజీరావు పీష్వా నిర్మించినట్లు శాసనాల ద్వారా తెలుస్తుంది. [1][2]ఎక్కువభాగం దేవాల నిర్మాణానికి నల్ల శాణపు రాయిని ఉపయోగించారు. ఈ ఆలయం హేమంత్‌పంతీ శైలికి చెందిన నిర్మాణం. ఆలయం చుట్టూ నిర్మాణం లోపలివైపు చతుర్స్రాకారంగానూ బయటి వైపుకు నక్షత్రాకారంగానూ ఉంటుంది.

కుశావర్తనం, గోదావరి పుట్టుక[మార్చు]

గర్భగుడికి బైటవైపుగా నాలుగు ద్వారాలతో మండపం ఉంటుంది. గర్భగుడిలో కల శివలింగం భూమికి కొంత దిగువలో ఉంటుంది. దాని నుండి నిరంతరం నీటి ఊట ఊరుతూ ఉంటుంది. అది దేవాలయ్ం ప్రక్కన కుశావర్తనం అనే సరోవరంలో కలుస్తూ ఉంటుంది. కుశ అంటే ధర్భ, వర్తం అంతే తీర్ధం అని అర్ధం. దీనిలో స్నానం చేయదం వలన సర్వపాపాలు రోగాలు పోతాయని భక్తుల విశ్వాసం. గౌతముడు శివుని మెప్పించి గంగను తీసుకువచ్చు ప్రారంభంలో తన చేతినున్న ధర్భతో గౌతమి చుట్టూ తిప్పాడు. అలా తిప్పిన, ఆవర్తనమైన చొట బ్రహ్మగిరి నుండి గంగ నేలకు దిగి గోదావరిగా ప్రవహించడం మొదలిడింది.

రవాణా మార్గాలు[మార్చు]

నాసిక్ నగరం నుండి త్రయంబకేశ్వరాలయం 28 కిలోమీటర్లు దూరంలో ఉంది.ఇక్కడి నుండి రాష్ట్ర రవాణా బస్సుల ద్వారా బాగా అనుసంధానించబడి ఉంది.[3]అలాగే రైల్వే స్టేషను నుండి దేవాలయం నలభై కిలోమీటర్లు దూరంలో ఉంది.ఇక్కడి నుండి ప్రవేట్ వ్యాన్లు బస్సులు ఉంటాయి.

ఇవికూడా చూడండి[మార్చు]

మూలాలు[మార్చు]

  1. "Shri Trimbakeshwar Devasthan Trust, Trimbakeshwar, Nashik". trimbakeshwartrust.com. Retrieved 2021-02-08.
  2. "Trimbakeshwar Temple - History of Trimbakeshwar Temple - How to Reach Trimbakeshwar Temple". religions.iloveindia.com. Retrieved 2021-02-08.
  3. "Trimbakeshwar Temple | Nashik District, Government of Maharashtra | India" (in ఇంగ్లీష్). Retrieved 2021-02-08.

నోట్సు[మార్చు]

ఇతర లింకులు[మార్చు]

Commons-logo.svg
వికీమీడియా కామన్స్‌లో కి సంబంధించిన మీడియా ఉంది.