ప్రదీప్ మాచిరాజు

ప్రదీప్ మాచిరాజు
జననం	(1985-10-23) 1985 అక్టోబరు 23 అమలాపురం,తూర్పు గోదావరి జిల్లా ,ఆంధ్ర ప్రదేశ్
విద్య	ఎలక్ట్రికల్ ఇంజనీరింగ్
విద్యాసంస్థ	విజ్ఞాన్ ఇనిస్టిట్యూట్ ఆఫ్ టెక్నాలజీ, హైదరాబాదు
వృత్తి	టివి వ్యాఖ్యాత
తల్లిదండ్రులు	పాండురంగ (తండ్రి)

ప్రదీప్ మాచిరాజు ఒక టీవీ వ్యాఖ్యాత. కొన్ని సినిమాల్లో కూడా నటించాడు. జీ తెలుగు లో ప్రసారమయ్యే కొంచెం టచ్ లో ఉంటే చెబుతా కార్యక్రమాన్ని రూపొందించి దానికి వ్యాఖ్యాతగా కూడా వ్యవహరిస్తున్నాడు. 100% లవ్, జులాయి, అత్తారింటికి దారేది, రామయ్యా వస్తావయ్యా లాంటి సినిమాల్లో సహాయ పాత్రలు పోషించాడు. జీ తెలుగులో ప్రసారమైన గడసరి అత్త సొగసరి కోడలు కార్యక్రమానికి గాను ప్రదీప్ కు టీవీ నంది పురస్కారం లభించింది.

వృత్తి

ఇంజనీరింగ్ పూర్తయిన తర్వాత విదేశాలకు వెళ్ళి ఎం. బి. ఎ చదవాలనుకున్నాడు. కానీ తల్లిదండ్రుల అనుమతితో కొంత సమయం తీసుకుని మరేదైనా వృత్తిలో ప్రవేశించాలనుకున్నాడు. కొద్ది రోజులు ఓ ఈవెంట్ మేనేజ్మెంట్ సంస్థలో పనిచేశాడు. తర్వాత రేడియో జాకీ ఉద్యోగానికి ఎంపికయ్యాడు. అక్కడ అతని గాత్రం అతనికి మంచి పేరు తెచ్చి పెట్టింది.

సినిమాలు

• 100% లవ్
• జులాయి
• అత్తారింటికి దారేది
• రామయ్యా వస్తావయ్యా
• భమ్ బోలేనాథ్ (2015)
• 30 రోజుల్లో ప్రేమించడం ఎలా (2021)

వివాదం

డిసెంబరు 31, 2017 న నూతన సంవత్సర వేడుకల్లో పాల్గొని మోతాదుకు మించి మద్యం సేవించడం వల్ల ప్రదీప్ పై పోలీసులు కేసు నమోదు చేశారు. కారు స్వాధీనం చేసుకుని అతనికి కౌన్సిలింగ్ ఇచ్చారు.