జీ తెలుగు
| జీ తెలుగుZee Telugu | |
|---|---|
| దస్త్రం:Zee Telugu logo.jpeg | |
| ప్రారంభం | 18 మే 2005(14 ఏళ్ళ క్రితం) |
| స్వంతదారుడు | జీ ఎంటర్టైన్మెంట్ ఎంటర్ప్రైజెస్ |
| చిత్ర ఫార్మాట్ | 576i ఎస్.డి.టి.వి 1080i హెచ్.డి.టి.వి |
| స్లోగన్ | ఆరంభం ఒక్క అడుగుతోనే...! |
| దేశం | భారతదేశం |
| ప్రసార ప్రాంతం | భారతదేశం |
| ప్రధాన కార్యాలయం | హైదరాబాద్, తెలంగాణా, భారతదేశం |
| మార్పుచేయబడిన పేరు | ఆల్ఫా టీవీ తెలుగు |
| సోదర ఛానళ్ళు | జీ సినిమాలు |
Availability | |
| Satellite | |
| సన్ డైరెక్ట్ (భారతదేశం) | చానెల్ 170 (SD) |
| డిష్ టీవీ (భారతదేశం) | చానెల్ 1602 (SD) |
| ఎయిర్ టెల్ డిజిటిల్ టీవీ (భారతదేశం) | చానెల్ 883 (SD) |
| రిలయన్స్ డిజిటల్ టీవీ (భారతదేశం) | చానెల్ 709 (SD) |
| వీడియోకాన్ డి2హెచ్ (భారతదేశం) | చానెల్ 694 (SD) |
| టాటా స్కై (భారతదేశం) | చానెల్ 1410 (SD) |
| డిష్ నెట్వర్క్ (అమెరికా) | చానెల్ 772 |
| Cable | |
| లోకల్ కేబుల్ సర్వీసులు | లొకల్ గా దొరికే జాబితాలో వెతకాలి |
| హాత్వే (ముంబై, భారతదేశం) | చానెల్ 599 (SD) |
| ఆసియా నెట్ డిజిటల్ టీవీ (భారతదేశం) | చానెల్ 702 (SD) |
| ఎస్.డి.వి డిజిటల్ | చానెల్ 03 (SD) |
| హాత్వే (భారతదేశం) | చానెల్ 644 (SD) |
జీ తెలుగు , తెలుగు కేబుల్ టెలివిజన్ లో ప్రసారమయ్యే ఒక చానెల్. ఈ చానెల్ భారతదేశానికి చెందినది. ఎస్సల్ గ్రూప్ కు చెందిన జీ ఎంటర్టైన్మెంట్ ఎంటర్ప్రైజెస్ ఈ చానెల్ ను సమర్పిస్తోంది.[1]
స్థాపన[మార్చు]
2004 నాటికి, జీ నెట్వర్క్ ఉత్తర, తూర్పు, పడమర భారతదేశ భాగాల్లో తనదైన ముద్ర వేసింది. అప్పటికే బెంగాలీ, గుజరాతీ, మరాఠీ, పంజాబీ వంటి భాషల్లో తన చానెళ్ళను ఏర్పాటు చేసింది. దక్షిణ భారత ఎంటర్టైన్మెంట్ మార్కెట్ లోకి తమ ప్రయాణాన్ని తెలుగు తో మొదలుపెట్టాలన్నారు. అసలు ఆగస్టు 2004లోనే తెలుగు చానెల్ ప్రారంభించాలని ఆ సంస్థ భావించింది,[2] కానీ ఆగస్టు దాకా లాంచ్ చేయడం కుదరలేదు.[3] నిజానికి ముందు ఈ చానెల్ పేరు ఆల్ఫా టీవీ తెలుగు అని పెట్టినా, తరువాత జీ తెలుగుగా పేరు మార్చారు. మొదట్లో అమెరికాకు చెందిన పలు సినిమాలను తెలుగులో డబ్బింగ్ చేసేది ఈ సంస్థ. ఆగస్టు 2007లో, ఈ సంస్థ ప్రముఖ బాలీవుడ్ సినిమా షోలేను తెలుగులోకి అనువాదం చేసింది.[4]
2000 దశాబ్ద చరిత్ర[మార్చు]
డిసెంబరు 2005 నాటికి, ఉదయ భాను వ్యాఖ్యాతగా గోల్డ్ రష్(గేమ్ షో), నిశ్శబ్దం అనే ధారావాహిక ప్రసారమయ్యేవి. ఆంధ్రప్రదేశ్ మార్కెట్లో వారపు రోజుల్లో 1.24%, వారాంతాల్లో 1.86% షేర్ మాత్రమే సాధించగలిగింది. దాంతో, లక్ష్యాన్ని మాస్ ప్రేక్షకుల నుంచీ యువ ప్రేక్షకులకు మార్చుకుని, కొత్త కార్యక్రమాలను రూపొందించింది.[3][5] ఈ నెట్వర్క్, 2007కు గానూ దాదాపు 460 మిలియన్ రూపాయల నష్టాన్ని భరించింది.[1]
2006 ఆఖర్లో, జీ తెలుగు చానెల్ స రి గ మ ప అనే తెలుగు సంగీత పోటీ కార్యక్రమాన్ని ప్రారంభించింది. నంది అవార్డు గ్రహీత గాయని సునీత ఉపద్రష్ట వ్యాఖ్యాతగా, ప్రముఖ సంగీత దర్శకులు కోటి, రమణ గోగులలు న్యాయనిర్ణేతలుగా వ్యవహరించారు. ఈ కార్యక్రమం 35 ఎపిసోడ్ల పాటు ప్రసారం చేశారు.[6] ఈ కార్యక్రమం ఎంత విజయవంతమైంది అంటే ఫిబ్రవరి 2007లో 6-13 ఏళ్ళ వయసు గల చిన్నపిల్లల సంగీత పోటీ కార్యక్రమం లిటిల్ చాంప్స్ కార్యక్రమాన్ని ప్రకటించారు. ఈ కార్యక్రమానికి ఇండియన్ ఐడెల్ రన్నర్ అప్ కారుణ్య వ్యాఖ్యాతగా వ్యవహరించాడు.[7]
మీ ఇంటి వంట, అనే వంట కార్యక్రమాం, 1000 ఎపిసోడ్లు ప్రసారమైంది. ఈ కార్యక్రమానికి సుమలత వ్యాఖ్యాతగా వ్యవహరించింది. ఈ కార్యక్రమం మహిళా ప్రేక్షకులను బాగా ఆకర్షించింది. అంతే కాక, మధ్యాహ్న సమయంలో ఈ కార్యక్రమాన్ని ఎక్కువగా చూడటంతో, టీఆర్పీ కూడా బాగా పెరిగింది. దీంతో మిగిలిన చానెల్స్ కూడా వంట కార్యక్రమాలను మొదలుపెట్టేంతగా ఈ కార్యక్రమం విజయవంతమైంది.
జీ తెలుగులో విజయవంతమైన మరో కార్యక్రమం మిడ్ నైట్ మసాలా. ఈ కార్యక్రమంలో సినిమాల్లో వచ్చే పెద్దల సన్నివేశాలూ, పాటలు వేసేవారు. రాత్రి 12 గంటలకు ప్రసరమయ్యే ఈ కార్యక్రమానికి 2.0 టీఆర్పీ వచ్చింది. ఆ సమయానికి ప్రసారమయ్యే కార్యక్రమాలకు వచ్చే టీఆర్పీ కన్నా ఇది ఎంతో ఎక్కువ. ఇప్పటికీ ఆ స్లాట్ లో ఏ తెలుగు షోకూ అంత టీఆర్పీ రాకపోవడం విశేషం. ఈ కార్యక్రమం 2007 డిసెంబరు - 2008 డీసెంబరు మధ్య ప్రసారమైంది. అయితే ఈ కార్యక్రమం చాలా రెచ్చగొట్టే విధంగా ఉందనీ, ఇంత పెద్దల కంటెంట్ సామాన్య టీవీలో రావడం మంచిది కాదని కొందరు చేసిన విమర్శల వల్ల ఆపేశారు.
ఆ తరువాతి కాలంలో శ్రీకరం శుభకరం అనే జాతక సంబంధ లైవ్ కార్యక్రమం మొదలుపెట్టారు. ఈ కార్యక్రమంలో ప్రముఖ సిద్ధాంతి వక్కంతం చంద్రమౌళి రోజూవారి జాతకాలు చెప్పగా, సుమలత వ్యాఖ్యాతగా వ్యవహరించింది. ఆ తరువాత మిగిలిన చానెళ్ళు కూడా జాతక సంబంధ కార్యక్రమాలు మొదలుపెట్టడం విశేషం.
సెప్టెంబరు 2005లో, ఎన్నో తర్జనభర్జనల తరువాత తమ చానెల్ ప్రధాన నిర్వాహణ అధికారిగా సంజయ్ రెడ్డిని ప్రకటించింది. సంజయ్ అంతకు ముందు వాల్ట్ డిస్నీ సంస్థలోనూ, పెర్ల్ మీడియాలోనూ పని చేశాడు. అంతకు కొన్ని నెలల ముందే అజయ్ కుమార్ ఈ సంస్థను వీడటంతో సంజయ్ ను నిర్వాహణాధికారిగా ప్రకటించింది ఈ సంస్థ.[8] 2008లో సంజయ్ కొత్త సీరియళ్ళనూ, చిన్నపిల్లల కార్యక్రమాలనూ ప్రారంభించాడు.[9]
2010 తరువాత[మార్చు]
మే 22, 2015న, జీ తెలుగు 10 ఏళ్ళు పూర్తి అయిన సందర్భంగా వేడుకలు జరుపుకుంది.
15 అక్టోబరు 2017న, మిగిలిని అన్ని జీ చానెళ్ళతో పాటుగా, నీలం రంగు లోగోను మార్చుకుంది.
డిసెంబరు 31, 2017న, జీ తెలుగు తన సోదర చానెల్ జీ సినిమాలును మొదలుపెట్టింది. ఈ చానెల్ ను చిరంజీవి జీ గోల్డెన్ అవార్డ్స్ లో ప్రారంభంచాడు. అలాగే సమంతను బ్రాండ్ అంబాసిడర్ గా ప్రకటించారు.
ప్రస్తుతం ప్రసారమవుతున్న కార్యక్రమాలు[మార్చు]
ధారావాహికలు[మార్చు]
సోమ-శని
| పేరు | ప్రసార సమయం |
|---|---|
| గంగ మంగ | మధ్యాహ్నం 12.30 |
| రక్త సంబంధం | మధ్యాహ్నం 1 |
| గుండమ్మ కథ | మధ్యాహ్నం 1.30 |
| నిన్నే పెళ్ళాడతా | మధ్యాహ్నం 2 |
| బంగారు గాజులు | మధ్యాహ్నం 2.30 |
| ముద్ద మందారం | సాయంత్రం 6 |
| అత్తారింట్లో అక్కా చెల్లెలు | సాయంత్రం 6.30 |
| రాధమ్మ కూతురు | రాత్రి 7 |
| రామ సక్కని సీత | రాత్రి 7.30 |
| ప్రేమ | రాత్రి 8 |
| మాటే మంత్రము | రాత్రి 8.30 |
సోమ-శుక్ర
| పేరు | ప్రసార సమయం |
|---|---|
| కళ్యాణ వైభోగం | రాత్రి 9 |
| సూర్యకాంతం | రాత్రి 9.30 |
| సూర్యవంశం | రాత్రి 10 |
ఆధ్యాత్మిక కార్యక్రమాలు[మార్చు]
| పేరు | ప్రసార సమయం |
|---|---|
| శ్రీకరం శుభకరం | ఉదయం 7.30 |
| ఓంకారం | ఉదయం 8 |
కుటుంబ సమస్యలకు సంబంధించిన కార్యక్రమాలు[మార్చు]
| పేరు | ప్రసార సమయం |
|---|---|
| బతుకు జట్కా బండి | ఉదయం 11.30 |
రియాలిటీ కార్యక్రమాలు[మార్చు]
| పేరు | ప్రసార సమయం | వ్యాఖ్యాత | ప్రసారమయ్యే రోజు |
|---|---|---|---|
| కొంచెం టచ్ లో ఉంటే చెప్తా సీజన్ 4 | రాత్రి 9 | ప్రదీప్ మాచిరాజు | శనివారం |
| జీ హీరోస్ | రాత్రి 9 | మంచు లక్ష్మి | ఆదివారం |
మూలాలు[మార్చు]
- ↑ 1.0 1.1 Das, Sibabrata (6 July 2006), "Zee Tele's stock soars on ratings upswing, future prospects", IndianTelevision.com, retrieved 21 March 2008
- ↑ Kurmanath, K.V. (15 June 2007), "Zee's Telugu channel likely in August", Business Line, retrieved 21 March 2008
- ↑ 3.0 3.1 "Zee Telugu identifies key properties; to launch telefilm band in January", IndianTelevision.com, 15 December 2007, retrieved 21 March 2008[permanent dead link]
- ↑ "Get set for Sholay in Telugu", The Hindu, 27 August 2005, retrieved 21 March 2008
- ↑ Singh, T. Lalith (2 July 2007), "Get set for 'Gold Rush'", The Hindu, retrieved 21 March 2008
- ↑ "A talent hunt for singers", The Hindu, 31 October 2006, retrieved 21 March 2008
- ↑ "It's 'no acting, only singing' for Karunya; To anchor a music show on a Telugu television channel soon", The Hindu, 20 February 2007, retrieved 21 March 2008
- ↑ Singh, T. Lalith (17 September 2007), "Zee Telugu has a new CEO out of the box", The Hindu, retrieved 21 March 2008
- ↑ Singh, T.L. (4 January 2008). "Zee Telugu on a roll out of the box". The Hindu. Retrieved 20 March 2008.