ఉపద్రష్ట సునీత

సునీత ఉపద్రష్ట
సునీత ఉపద్రష్ట
	సునీత
జననం	ఉపద్రష్ట సునీత; 1978 మే 10 (వయసు 46); గుంటూరు, ఆంధ్రప్రదేశ్
వృత్తి	గాయని, డబ్బింగ్ కళాకారిణి
జీవిత భాగస్వామి	కిరణ్ (విడాకులు), రామ్‌ వీరపనేని(2020 - ప్రస్తుతం)
పిల్లలు	2; ఆకాష్, శ్రేయ
తల్లిదండ్రులు	ఉపద్రష్ట నరసింహారావు (తండ్రి); సుమతి (తల్లి);
వెబ్‌సైటు	http://www.singersunitha.com

సునీత ఉపద్రష్ట నేపథ్య గాయని, డబ్బింగ్ కళాకారిణి. గుంటూరులో పుట్టి పెరిగిన ఈమె గుంటూరు, విజయవాడలో విద్యాభ్యాసం చేసింది. మొదట్లో టీవీ కార్యక్రమాలకు వ్యాఖ్యాతగా, సహాయ దర్శకురాలిగా పలు బాధ్యతలు నిర్వహించింది. 15 సంవత్సరాల వయసులో చిత్ర పరిశ్రమలో గాయనిగా ప్రవేశించింది. మొదట్లో ఆమెకు గులాబి, ఎగిరే పావురమా పేరు తెచ్చిన చిత్రాలు. తర్వాత డబ్బింగ్ కళాకారిణిగా రాణిస్తూ అనేకమంది తెలుగు కథానాయికలకు గాత్రదానం చేసింది. ఈమె 8 సంవత్సరాల కాలంలో సుమారు 500 సినిమాలకు డబ్బింగ్ కళాకారిణిగా పనిచేసింది.^[1]

జీవిత విశేషాలు

సునీత ఉపద్రష్ట నరసింహారావు, సుమతి దంపతులకు గుంటూరులో జన్మించింది. ఈమె మేనత్త, చిన్నమ్మ సంగీత పాఠాలు చెప్పేవారు. సంగీతం వీరి కుటుంబాలలో కొన్ని తరాలుగా వస్తోంది.

విద్యాభ్యాసం

ఈమె విద్యాభ్యాసం తన సొంత ఊరు గుంటూరు లోను, మరికొంత కాలం విజయవాడలోను జరిగింది. చిన్ననాటి నుండే సంగీతం మీద అనురక్తితో విజయవాడలో సంగీత ద్రష్ట అయిన పెమ్మరాజు సూర్యారావు వద్ద కర్ణాటక సంగీతంలోను,^[2] కలగా కృష్ణమోహన్ గారి దగ్గర లలిత సంగీతంలో 8 సంవత్సరాల పాటు శిక్షణ పొందింది. గురువుగారితో పాటు త్యాగరాజ ఆరాధనోత్సవాలలో పాల్గొనేది.

ఈమె 15 సంవత్సరాల వయసులో మొదటిసారిగా సినిమాలలో నేపథ్యగాయనిగా ప్రవేశించింది. శశి ప్రీతం సంగీత దర్శకత్వంలో గులాబి సినిమా కోసం సిరివెన్నెల సీతారామశాస్త్రి రచించిన "ఈ వేళలో నీవు ఏం చేస్తు ఉంటావు" అనే పాట పాడింది. ఈ పాట ప్రజలకు బాగా చేరువయ్యింది. తరువాత ఈమె తెలుగు, కన్నడ, తమిళ, మలయాళ భాషలలో సుమారు 3,000 సినిమా పాటలు పాడింది.^[3]

వివాహం

ఈమెకు 19 సంవత్సరాల వయసులో కిరణ్ తో వివాహమైనది. వీరికి ఇద్దరు పిల్లలు: అబ్బాయి ఆకాష్, అమ్మాయి శ్రేయ. పిల్లలిద్దరూ కూడా పాటలు పాడగలరు.ఈమెకు రెండో వివాహం కొరకు నిశ్చితార్థం 7/12/2020లో వ్యాపారవేత్త అయిన మ్యాంగో మీడియా గ్రూప్‌ అధినేత రామ్‌ వీరపనేనినితో జరిగింది. 2021 జనవరి 9, శనివారం వీరి వివాహం జరిగింది.

డబ్బింగ్ కళాకారిణి

ఉపద్రష్ట సునీత తమన్నా, అనుష్క, సౌందర్య, జెనీలియా, శ్రియా సరన్, జ్యోతిక, ఛార్మి, నయనతార, సదా, త్రిష, భూమిక, మీరా జాస్మిన్, లైలా, స్నేహ, సోనాలి బెంద్రే, కమలినీ ముఖర్జీ, కత్రినా కైఫ్ మొదలైన వారికి గాత్రదానం (వాయిస్ ఓవర్) ఇచ్చింది.

డబ్బింగ్ కళాకారిణిగా ప్రఖ్యాతి పొందిన సినిమాలు

ఠాగూర్ (జ్యోతిక కోసం)
చూడాలని ఉంది (సౌందర్య కోసం)
మనసంతా నువ్వే (తనూరాయ్ కోసం)
జయం (సదా కోసం)
ఇంద్ర (సోనాలి బింద్రే కోసం)
ఒకరికి ఒకరు (ఆర్తి చాబ్రియా కోసం)
నేనున్నాను (శ్రియ కోసం)
ఆనంద్ (సినిమా) (కమలినీ ముఖర్జీ కోసం)
మిస్టర్ అండ్ మిసెస్ శైలజ కృష్ణమూర్తి (లైలాకోసం)
శ్రీ రామదాసు (కోసం స్నేహ)
గోదావరి (కమలినీ ముఖర్జీ కోసం)
హ్యాపీ డేస్ (తమన్నా కోసం)
కంత్రి (సినిమా) (హన్సిక కోసం)
సింహ (సినిమా) (నయనతార కోసం)
శ్రీరామ రాజ్యం (నయనతార కోసం)

కొన్ని సినిమా పాటలు

1996 : ఊహా
2007 : గొడవ, చిరుత
2008 : పాండురంగడు : కోసల దేశపు కాంతలతో (పాట), గోరింటాకు, గమ్యం, కృష్ణార్జున : యమ రంజుమీద ఉంది పుంజు (పాట)
2009 : రైడ్, బోణీ, ఆ ఇంట్లో : హృదయ వేదన తెలుపనా ఈ క్షణం
2014 : నేరము శిక్ష
2022 : గంధర్వ - ఏమైందో ఏమో^[4]

పురస్కారములు

జాతీయ పురస్కారములు

విద్యార్థినిగా, ఉపద్రష్ట సునీత సాంస్కృతిక వ్యవహారాలు, మంత్రిత్వ (ప్రభుత్వ విభాగం) శాఖ, ఢిల్లీ వారి వద్ద నుండి, జానపద పాటలు కోసం ఢిల్లీలో మొదటి జాతీయ అవార్డు అందుకొంది, ఆమె 8 సంవత్సరాల వయస్సులో ఒక స్కాలర్‌షిప్ కూడా పొందింది.
1994: 15 సంవత్సరాల వయస్సులో 1994 సంవత్సరములో లలిత సంగీతం విభాగంలో ఆల్ ఇండియా రేడియో (All India Radio) నుండి నేషనల్ అవార్డు.

నంది పురస్కారాలు

1999 : టెలివిజన్ చిత్రం అంతరంగాలు కోసం ఉత్తమ నేపథ్య గాయనిగా 1999 సంవత్సరంలో ఆంధ్రప్రదేశ్ ప్రభుత్వం నుండి నంది అవార్డు.
2002 : నంది ఉత్తమ డబ్బింగ్ కళాకారిణులు - జయం
2003 : నంది ఉత్తమ నేపథ్య గాయనీమణులు - అతడే ఒక సైన్యం - నాపాట తేటతెలుగు పాట అనే పాట.
2004 : నంది ఉత్తమ డబ్బింగ్ కళాకారిణులు - ఆనంద్ (కమలినీ ముఖర్జీకి గాత్ర దానం చేసినందుకు)
2005 : నంది ఉత్తమ డబ్బింగ్ కళాకారిణులు - “పోతే పోనీ”.^[5]
2006 : నంది ఉత్తమ నేపథ్య గాయనీమణులు - గోదావరి
2010 : టెలివిజన్ చిత్రం అంతఃపురం కోసం 2010 సంవత్సరంలో ఉత్తమ నేపథ్యగాయనిగా నంది అవార్డు.
2011 : నంది ఉత్తమ డబ్బింగ్ కళాకారిణులు - దూకుడు
2012 : నంది ఉత్తమ డబ్బింగ్ కళాకారిణులు - శ్రీరామరాజ్యం (సినిమా) - (నయనతారకి గాత్ర దానం చేసినందుకు)

ఫిలింఫేర్ పురస్కారములు

సినిమా పాట కోసం Cheluveye నిన్నే Nodalu "ఓ Priyathama" కన్నడలో (2010) - ఉత్తమ నేపథ్య గాయనిగా ఫిలింఫేర్ అవార్డు
సినిమా పాట "ఎం సందేహం లేదు " కోసం ఊహలు గుసగుసలాడే కోసం తెలుగు (2014) - ఉత్తమ నేపథ్య గాయనిగా ఫిలింఫేర్ అవార్డు

ఇతర పురస్కారములు

1999 : ఉత్తమ నేపథ్య చిత్ర గాయనిగా 1999 సం.లో వంశీ బర్కిలీ అవార్డు.
2000 : భరత ముని అవార్డు. (2000 సం.లో)
2000 : ఉత్తమ నేపథ్య చిత్ర గాయనిగా 2000 సం.లో వార్త వాసవి అవార్డు.

ప్రదర్శనలు

3 సం.ల వయస్సులో ఆమె మొదటి ప్రదర్శన ఇచ్చింది.
16 సంవత్సరాల వయస్సులో 1995లో ఆల్ ఇండియా రేడియో (AIR) లలిత (లైట్) సంగీతంలో ఆమె మొదటి కార్యక్రమం ఇచ్చింది.
ఇప్పటివరకు దూరదర్శన్, ఆల్ ఇండియా రేడియో (AIR), ఈ టివి (ETV), జెమిని టివి, మా టివి లాంటి సంస్థలకు 500 వివిధ అనేక కార్యక్రమాలు పైగా ఇచ్చింది.
స్వదేశంలోనే కాకుండా కువైట్, దుబాయ్, మలేషియా, సింగపూర్, లండన్, అమెరికా, ఫిలిప్పీన్స్, కెన్యా లాంటి మొదలైన విదేశాలలో కూడా అనేక కార్యక్రమాలు ఇచ్చింది.
సౌత్ ఆఫ్రికాలో 2009 సం.లో, 'సునీతతో సంగీత మూమెంట్స్' అనే పేరుతో ఆమె సొంత ప్రదర్శనలు నిర్వహించింది.
దాదాపు 750 సినిమాలు పైగా డబ్బింగ్ చెప్పింది.
డబ్బింగ్ విభాగంలో అనేక అవార్డులు వచ్చాయి. ఇటీవల కాలంలో ఆమె సూపర్ సింగర్స్ 7 అనే తెలుగు టివి సీరియల్ కార్యక్రమ షో టైటిల్‌ను గెలుచుకుంది.
తిరుమల తిరుపతి దేవస్థానము, తిరుపతిలో జరుగు బ్రహ్మోత్సవాల సమయములలో సంగీత ప్రదర్శనలు ఇచ్చారు.
ప్రభుత్వము వారు నిర్వహించే వివిధ కార్యక్రమములు అయిన, 200 సంవత్సరాల సికింద్రాబాదు లాంటి అనేక వేడుకల్లో పాల్గొన్నారు.
అసెంబ్లీలో భారతదేశము స్వాతంత్ర్యం సాధించి 50 సంవత్సరాల సందర్భ వేడుకలు నిర్వహించింది.
భారత స్వాతంత్ర్య స్వర్ణోత్సవాల సందర్భ సందర్భంగా, ఆమె కాంగ్రెస్ ప్లీనరీ మీట్ వద్ద గాన గంధర్వుడు ఎస్.పి.బాలసుబ్రహ్మణ్యంతో పాటు వందేమాతరం గీతాన్ని ఆలపించారు.

టెలివిజన్ కార్యక్రమములు

ఉపద్రష్ట సునీత జెమిని టివి, మా టివి, ఈ టివి, దూరదర్శన్ వంటి పలు సంస్థలలో, అనేక సంగీత ఆధారిత కార్యక్రమాలు, ప్రత్యక్ష ప్రదర్శనలను నిర్వహించింది.
ఆమె జెమిని టివిలో నవరాగం, ఈ టివిలో ఝుమ్మంది నాదం, సప్తస్వరాలు, పాడుతా తీయగా, అదేవిధంగా జీ సరిగమ లాంటి వివిధ సీరియల్ కార్యక్రమములకు ఒక నిర్వాహకురాలిగా, న్యాయమూర్తిగా అనేక రూపాలలో తన పాత్రను నిర్వహించింది.
మా టివి నిర్వహించిన సూపర్ సింగర్ ప్రదర్శన యొక్క ఒక భాగం అయిన 4వ సిరీస్ కార్యక్రమమునకు ఆమె ఒక న్యాయమూర్తి, గురువుగాను వ్యవహరించింది.

మూలాలు

↑ Chinduri, Mridula (2 October 2005). "Sunitha, the heroine of voice". Times of India. Retrieved 30 December 2010.
↑ "Ugadi Puraskaram for Pemmaraju Surya Rao". The Hindu (in Indian English). Special Correspondent. 2012-03-21. ISSN 0971-751X. Retrieved 2021-05-21.{{cite news}}: CS1 maint: others (link)
↑ http://www.idlebrain.com/news/2000march20/chitchat-sunitha-filmfare.html
↑ Sakshi (5 June 2022). "గంధర్వ: సునీత పాడిన ఏమైందో ఏమో.. లిరికల్‌ సాంగ్‌ విన్నారా?". Archived from the original on 20 June 2022. Retrieved 20 June 2022.
↑ "ఆర్కైవ్ నకలు". Archived from the original on 2011-11-09. Retrieved 2011-12-14.

బయటి లింకులు

సునీత అధికారిక వెబ్ సైట్ Archived 2011-12-23 at the Wayback Machine
ఇంటర్నెట్ మూవీ డేటాబేసు లో ఉపద్రష్ట సునీత పేజీ
http://www.idlebrain.com/celeb/interview/sunitha.html

మూసలు , వర్గాలు

[1] Chinduri, Mridula (2 October 2005). "Sunitha, the heroine of voice". Times of India. Retrieved 30 December 2010.

[2] "Ugadi Puraskaram for Pemmaraju Surya Rao". The Hindu (in Indian English). Special Correspondent. 2012-03-21. ISSN 0971-751X. Retrieved 2021-05-21.{{cite news}}: CS1 maint: others (link)

[3] ttp://www.idlebrain.com/news/2000march20/chitchat-sunitha-filmfare.html

[గంధర్వ:_సునీత_పాడిన_ఏమైందో_ఏమో.._లిరికల్‌_సాంగ్‌_విన్నారా?-4] Sakshi (5 June 2022). "గంధర్వ: సునీత పాడిన ఏమైందో ఏమో.. లిరికల్‌ సాంగ్‌ విన్నారా?". Archived from the original on 20 June 2022. Retrieved 20 June 2022.

[5] "ఆర్కైవ్ నకలు". Archived from the original on 2011-11-09. Retrieved 2011-12-14.

[1]

[2]

[3]

[4]

[5]