ప్రాణ్

ప్రాణ్
2010 న తన 90వ జన్మదిన వేడుకలలో ప్రాణ్
జననం	ప్రాణ్ క్రిషన్ సికంద్ (1920-02-12) 1920 ఫిభ్రవరి 12 కొత్త ఢిల్లీ, బ్రిటీష్ ఇండియా
మరణం	2013 జులై 12 (2013-07-12)(వయసు 93) ముంబాయి, మహారాష్ట్ర, భారతదేశం
నివాసం	ముంబాయి, మహారాష్ట్ర, భారతదేశం
వృత్తి	నటుడు
క్రియాశీలక సంవత్సరాలు	1940–2007
జీవిత భాగస్వామి	శుక్లా సికంద్
పిల్లలు	3

ప్రాణ్ ఒక ప్రముఖ భారతీయ నటుడు. తనదైన విలక్షణ శైలితో దాదాపు 400 చిత్రాలలో నటించాడు. దాదాపు ఆరు శతాబ్దాలపాటు ఇతని నట జీవితం సాగింది. కొన్ని తెలుగు చిత్రాలలో కూడా ప్రతినాయక పాత్రలను పోషించాడు.

బాల్యం, విద్యాభ్యాసం

ప్రాణ్ ఫిబ్రవరి 12, 1920న పాతఢిల్లీలోని బల్లిమరన్ అనే ప్రాంతంలో ఒక సంపన్న పంజాబీ కుటుంబంలో జన్మించాడు. ఆయన తండ్రి కేవల్ క్రిషన్ సికంద్ సివిల్ ఇంజనీరుగా ప్రభుత్వ కాంట్రాక్టరుగా పని చేసేవాడు. ఆయన తల్లి రామేశ్వరి. వారికి నలుగురు కొడుకులు, ముగ్గురు కూతుళ్ళు.

ప్రాణ్ చిన్నతనంలో చదువులో ముఖ్యంగా గణితంలో మంచి ప్రతిభ కనబరిచాడు. తండ్రి ఉద్యోగరీత్యా అనేక ప్రాంతాల్లో నివసించాల్సి రావడంతో ఆయన డెహ్రాడూన్, కపుర్తలా, మీరట్ లాంటి అనేక ప్రదేశాల్లో చదివాడు. చివరగా మెట్రిక్యులేషన్ ఉత్తర ప్రదేశ్ లోని రాంపూర్ లో పూర్తిచేశాడు.

పురస్కారములు, గౌరవాలు

భారత ప్రభుత్వ పురస్కారములు

• 2001 – పద్మభూషణ్, భారత ప్రభుత్వ మూడవ అత్యున్నత పురస్కారము.

జాతీయ చలనచిత్ర పురస్కారములు

• 2012 – దాదాసాహెబ్ ఫాల్కే పురస్కారం

ఫిలింఫేర్ పురస్కారములు

• 1967 – ఫిలింఫేర్ ఉత్తమ సహాయ నటుడు , ఉప్కార్ చిత్రం కోసం
• 1969 – ఫిలింఫేర్ ఉత్తమ సహాయ నటుడు , ఆంసూ బన్గయే ఫూల్ చిత్రం కోసం
• 1972 – ఫిలింఫేర్ ఉత్తమ సహాయ నటుడు , బేఇమాన్ చిత్రం కోసం
• 1997 – ఫిలింఫేర్ జీవితకాల సాఫల్య పురస్కారము

బయటి లంకెలు

• ప్రాణ్ అధికారిక వెబ్సైటు
• ఇంటర్నెట్ మూవీ డేటాబేసు లో ప్రాణ్ పేజీ

• రీడిఫ్.కాం లో ప్రాణ్ ముఖాముఖి
• ప్రాణ్ గురించి మీకు తెలియని 92 విషయాలు