ప్రేమికుల దినోత్సవం
| ప్రేమికుల దినోత్సవం | |
|---|---|
 1909 వాలెంటైన్స్ కార్డు | |
| యితర పేర్లు | వాలెంటైన్ డే |
| జరుపుకొనేవారు | అనేక దేశంలో ప్రజలు |
| రకం | క్రైస్తవ,శృంగార,సాంస్కృతిక, వాణిజ్య ఆచారం. |
| జరుపుకొనే రోజు | ఫిబ్రవరి 14 |
| వేడుకలు | ప్రేమికులు ఒకరికొకరు తమ భావాలను వ్యక్తం చేస్తారు |
| ఆవృత్తి | వార్షికం |
ప్రేమికుల దినోత్సవం (ఆంగ్లం: Valentine's Day) ప్రతి సంవత్సరం ఫిబ్రవరి 14న జరుపుకుంటారు.[1] అమెరికా, కెనడా, మెక్సికో, యునైటెడ్ కింగ్డమ్, ఆస్ట్రేలియా, భారతదేశం, ఇటలీ, డెన్మార్క్, జపాన్లలో ప్రేమికుల దినోత్సవం జరుపుకుంటారు. పాశ్చాత్య దేశాల ప్రభావంగా భావించే వాలెంటైన్స్ డే వేడుకలు భారతదేశంలో వ్యతిరేకిస్తున్నారు. దాదాపు ప్రతి సంవత్సరం, నిరసనల కారణంగా భారతదేశంలోని అనేక నగరాల్లో ఫిబ్రవరి 14న శాంతిభద్రతల సమస్యలు తలెత్తుతాయి.[2][3]
1990ల ప్రారంభంలో ఆర్థిక సరళీకరణ తరువాత, భారతదేశంలో ప్రేమికుల దినోత్సవం వేడుకలు ప్రాచుర్యం పొందడం ప్రారంభించాయి. దీనిని పాశ్చాత్య ప్రభావంగా భావించే సమూహాలు ఈ వేడుకలకు వ్యతిరేకంగా నిరసనలు వ్యక్తం చేస్తున్నాయి.[4][5][6] దాదాపు ప్రతి సంవత్సరం, ప్రేమికుల దినోత్సవం జరుపుకునే ఫిబ్రవరి 14న దేశంలోని అనేక నగరాల్లో నిరసనల కారణంగా శాంతిభద్రతల సమస్యలు తలెత్తుతున్నాయి.[7] ప్రేమను వ్యక్తపరచడానికి బహిరంగంగా ప్రేమికులు కౌగిలించుకోవడం, ముద్దు పెట్టుకోవడం వంటివి భారతదేశంలో ఆమోదయోగ్యం కాదని భావిస్తారు.[8] ఇలాంటి చర్యలు, కొన్నిసార్లు పరువు హత్యలకు కూడా దారితీస్తాయి.[9]
చరిత్ర
[మార్చు]వాలెంటైన్ అనే ఒక ప్రవక్త. ప్రేమికుల రోజు పుట్టడానికి ఆద్యుడు. సా.శ.పూ. 270లో రోమ్ దేశంలో జీవించిన వాలెంటైన్ యువతకు ప్రేమ సందేశాలు ఇవ్వడం, ప్రేమ వివాహాలను ప్రోత్సహించడం చేసేవాడు. అదే సమయంలో రోమ్ను పాలిస్తున్న చక్రవర్తి క్లాడియస్ కుమార్తె వాలెంటైన్ అభిమానిగా మారడంతో చక్రవర్తికి భయం పట్టుకుంది. దీంతో యువతకు ప్రేమ సందేశాలిచ్చి తప్పుడు దోవ చూపిస్తున్నాడన్న నెపంతో వాలెంటైన్కు మరణశిక్ష విధించి ఫిబ్రవరి 14న ఉరి తీయించాడు. ఈ ఘటన జరిగిన రెండు దశాబ్దాల తర్వాత అప్పటి పోప్ గెలాసియన్స్ వాలెంటైన్ మరణించిన రోజును ప్రేమికుల రోజుగా ప్రకటించారు. అప్పటినుంచి ఖండాంతరాలను దాటుకుని ప్రపంచవ్యాప్తంగా ప్రేమికులు పండుగగా జరుపుకునేలా ప్రేమికుల దినోత్సవం విస్తరించింది.[10][11][12][13] ఏటా ప్రేమికుల దినోత్సవం సందర్భంగా ప్రేమికులు తమకిష్టమైన కానుకలు ఇచ్చిపుచ్చుకుంటారు.
వివిధ దేశాల్లో జరుపుకునే విధానం
[మార్చు]- భారతదేశంలో ప్రేమికుల దినోత్సవం జరుపుకునే వారి సంఖ్య క్రమంగా పెరుగుతోంది. కానీ విదేశీ సంస్కృతి కావడంతో చాలామంది దీనిని వ్యతిరేకిస్తున్నారు. విదేశాలలో ప్రేమికుల దినోత్సవం సందర్భంగా సెలవు ఇచ్చే విధానం ఉంది. మన దేశంలో లేదు.
- జర్మనీలో ప్రేమికుల రోజున పంది బొమ్మ ఉన్న గ్రీటింగ్ కార్డును ఇచ్చిపుచ్చుకోవడం శుభసూచకంగా భావిస్తారు. వాలెంటైన్ డేకు పంది బొమ్మలకు జర్మనీలో డిమాండ్ ఉంటుంది.
- అర్జెంటీనాలో విభిన్నంగా జూలై 13 నుంచి 20వ తేదీ వరకూ వారం పాటు వాలెంటైన్ వీక్గా జరుపుకొంటారు.
- కొరియాలో ఏప్రిల్ 14ను వైట్ డేగా భావిస్తూ ప్రేమికులు దినోత్సవం ఉత్సాహంగా జరుపుకొంటారు.
ఏడు రోజుల పండగ
[మార్చు]వాలెంటైన్స్ వీక్లో మొదటి రోజైన రోజ్ డే ప్రారంభం అవుతుంది.[14]
- ఫిబ్రవరి 7: రోజ్ డే
- ఫిబ్రవరి 8: ప్రపోజ్ డే
- ఫిబ్రవరి 9: చాక్లెట్ డే
- ఫిబ్రవరి 10: టెడ్డీ డే
- ఫిబ్రవరి 11: ప్రామిస్ డే
- ఫిబ్రవరి 12: హగ్ డే
- ఫిబ్రవరి 13: కిస్ డే
- ఫిబ్రవరి 14: వాలెంటైన్స్ డే
వివాదాలు
[మార్చు]ప్రేమికుల రోజును వ్యతిరేకించే వాళ్లలో దక్షిణ భారతదేశంలో కంటే ఉత్తరాదిలో ఎక్కువని ఓ సర్వేలో వెల్లడైంది. ప్రేమికుల రోజును వ్యతిరేకిస్తూ భారతదేశంలో ప్రేమికుల రోజుకు ప్రత్యామ్నాయంగా ఫిబ్రవరి 14న వివిధ దినోత్సవాలు నిర్వహిస్తున్నారు.
- మాతృ-పితృ పూజా దినోత్సవం: 2012లో ఉత్తర ప్రదేశ్ ముఖ్యమంత్రి అఖిలేష్ యాదవ్ ఫిబ్రవరి 14న మాతృ-పితృ పూజ నిర్వహించాల్సిందిగా ఆదేశాలు జారీ చేసాడు. అప్పటి నుంచి ప్రతి ఏడాది యూపీ పాఠశాలల్లో ఈ కార్యక్రమాన్ని నిర్వహిస్తున్నారు.
- బ్లాక్ డే: మహారాష్ట్రలో రాజకీయ పార్టీ శివసేన ఫిబ్రవరి 14న ‘బ్లాక్ డే’గా నిర్వహిస్తోంది. దేశానికి స్వాతంత్ర్యం సిద్ధించడంలో అహర్నిశలు శ్రమించిన భగత్ సింగ్ తో పాటు మరో ఇద్దరికి ఈ రోజునే న్యాయస్థానం మరణశిక్ష విధిస్తున్నట్టు తీర్పు వెలువరించింది. దీంతో స్వాతంత్ర్య పోరాటంలో కీలక పాత్ర పోషించి, ఇప్పటికీ ప్రతి భారతీయుడి గుండెల్లో నిలిచిపోయిన ఆయనకు మరణశిక్ష పడిన రోజును ఆనందంతో కాకుండా వారికి నివాళిగా జరుపుకోవాలనేది శివసేన అభిమతం.[15]
భజరంగ్ దళ్ కార్యకర్తలు
[మార్చు]భజరంగ్ దళ్ కార్యకర్తలు ప్రేమికుల రోజున రోడ్ల మీద ఎక్కడైనా ప్రేమజంట కనిపిస్తే వారికి అక్కడిక్కడే పెళ్లి చేసేస్తారు. సదరు వ్యక్తులకు ఇష్టం ఉన్నా లేకపోయినా వివాహం జరిపించేస్తారు. ప్రేమికుల దినోత్సవాన్ని వ్యతిరేకించే ఇతర రాజకీయ పార్టీలు, మతపరమైన సంఘాలలో విశ్వ హిందూ పరిషత్, అఖిల భారతీయ విద్యార్థి పరిషత్తు,[16] శ్రీ రామ్ సేన,[17] స్టూడెంట్స్ ఇస్లామిక్ ఆర్గనైజేషన్ ఆఫ్ ఇండియా, [18] హిందూ మున్నాని, హిందూ మక్కల్ కచ్చి, [19] మొదలైనవి ఉన్నాయి.
మూలాలు
[మార్చు]- ↑ "Valentine's Day | Definition, History, & Traditions". Encyclopedia Britannica (in ఇంగ్లీష్). ఒరిజినల్ పేజీని చూసిన తేదీ: 2021-02-14.
- ↑ "India's fascination with Valentine's Day". BBC News. 14 February 2002. ఒరిజినల్ పేజీని చూసిన తేదీ: 27 January 2015.
- ↑ "Mobocracy and anti Valentine Day protest". The Hindu. 1 March 2013. ఒరిజినల్ పేజీని చూసిన తేదీ: 27 January 2015.
- ↑ "Hard-line Hindus protest Valentine's Day". NBC News. the original నుండి 25 January 2021 న ఆర్కైవు చెయ్యబడింది.
- ↑ "BBC News | SOUTH ASIA | Militant Hindu Valentine threat". the original నుండి 27 October 2002 న ఆర్కైవు చెయ్యబడింది.
- ↑ "No Valentines for Hindu extremists - Los Angeles Times". Los Angeles Times. the original నుండి 11 August 2024 న ఆర్కైవు చెయ్యబడింది.
- ↑ "Mobocracy and anti Valentine Day protest". The Hindu. 1 March 2013. ఒరిజినల్ పేజీని చూసిన తేదీ: 27 January 2015.
- ↑ "Valentine's Day wins Indian hearts". BBC News. 14 February 2007. ఒరిజినల్ పేజీని చూసిన తేదీ: 27 January 2015.
- ↑ "India's fascination with Valentine's Day". BBC News. 14 February 2002. ఒరిజినల్ పేజీని చూసిన తేదీ: 27 January 2015.
- ↑ Butler, Alban (1981). Butler's Lives of the saints (in ఇంగ్లీష్). Burns & Oates. ISBN 9780860121121.
- ↑ Chanchreek, K. L.; Jain, M. K. (2007). Encyclopaedia of Great Festivals (in ఇంగ్లీష్). Shree Publishers & Distributors. ISBN 9788183291910.
- ↑ "నేడు ప్రేమికుల దినోత్సవం". www.andhrajyothy.com. ఒరిజినల్ పేజీని చూసిన తేదీ: 2020-02-28.
- ↑ "ఈ దేశాల్లో ప్రేమికుల దినోత్సవం నిషేధం!". www.10tv.in (in ఇంగ్లీష్). the original నుండి 2020-02-28 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2020-02-28.
- ↑ "Valentine's Week Full List 2022: Rose Day to Kiss Day, significance and all you need to know about the days of love". Hindustan Times (in ఇంగ్లీష్). 2022-02-06. ఒరిజినల్ పేజీని చూసిన తేదీ: 2022-02-12.
- ↑ "ప్రేమికుల రోజు మాత్రమే కాదు..అంతకుమించి". www.eenadu.net. the original నుండి 2020-02-28 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2020-02-28.
- ↑ "ABVP prevents Valentine’s Day celebrations". The Hindu (in Indian English). 2010-02-15. ISSN 0971-751X. ఒరిజినల్ పేజీని చూసిన తేదీ: 2021-02-14.
- ↑ "We’ll not spare dating couples on Valentine’s Day: Muthalik". The Hindu (in Indian English). 2009-02-06. ISSN 0971-751X. ఒరిజినల్ పేజీని చూసిన తేదీ: 2021-02-14.
- ↑ "Muslims told to stay away from Valentine's Day". The Hindu (in Indian English). Special Correspondent. 2012-02-14. ISSN 0971-751X. ఒరిజినల్ పేజీని చూసిన తేదీ: 2021-02-14.
{{cite news}}: CS1 maint: others (link) - ↑ Reporter, Staff (2013-02-15). "Protests against Valentine's Day celebrations". The Hindu (in Indian English). ISSN 0971-751X. ఒరిజినల్ పేజీని చూసిన తేదీ: 2021-02-14.